Just In
- 30 min ago പുതിയത് അങ്ങനെയാരും വാങ്ങുന്നില്ല, പക്ഷേ സെക്കൻഡ് ഹാൻഡ് വിപണിയിൽ ഈ കാർ വാങ്ങാൻ ലേഡീസിന്റെ കൂട്ടിയിടി
- 1 hr ago വൈബ്രേഷനില്ലാതെ കംഫര്ട്ട് ഓഫ്റോഡിംഗ്! ഇന്ത്യ കാത്തിരുന്ന അഡ്വഞ്ചര് ബൈക്കിന്റെ വില പ്രഖ്യാപിച്ച് സുസുക്കി
- 1 hr ago ഉഷ്ണം ഉച്ചിയിൽ അടിക്കേണ്ട! കൊടും ചൂടിൽ ഓട്ടോമാറ്റിക് എസിയുമായി വരുന്ന ബജറ്റ് എസ്യുവികൾ ഇവയൊക്കെ
- 3 hrs ago ഇത് ശരിക്കും ഇവി വിപ്ലവം! റേഞ്ച് ആശങ്കയ്ക്ക് ബൈബൈ; വെറും 15 മിനിറ്റ് ചാർജിൽ 510 കിലോമീറ്റർ ഓടും ഷവോമിയുടെ കാർ
Don't Miss
- Sports IPL 2024: വിക്കറ്റ് പോയി, കട്ടക്കലിപ്പില് റിഷഭ്; സ്ക്രിനില് ബാറ്റുകൊണ്ട് അടിച്ചു! വീഡിയോ വൈറല്
- News കോൺഗ്രസിന്റെ കുരുക്ക് മുറുകുന്നു; വീണ്ടും ആദായ നികുതി നോട്ടീസ്, 1700 കോടി അടയ്ക്കണമെന്ന് നിർദ്ദേശം
- Movies മൂന്ന് ദിവസം വെള്ളവും കാപ്പിയും മാത്രം കുടിച്ചു, മൂന്നാമത്തെ ദിവസം രാത്രി കുഴഞ്ഞു വീണു; ഗോകുല്
- Technology അരലക്ഷം രൂപയുടെ ഡിസ്കൗണ്ട്; വിലക്കുറവിൽ ഐഫോൺ15 പ്രോ സ്വന്തമാക്കാൻ ഇതിലും മികച്ച അവസരമില്ലെന്ന് ഫ്ലിപ്പ്കാർട്ട്
- Finance ഹൃദയം തകർത്ത് സ്വർണം, പവന്റെ വില ആദ്യമായി 50,000 കടന്നു, ഒറ്റ രാത്രി കൂടിയത് 1,040 രൂപ
- Lifestyle Good Friday 2024: പള്ളികളിലെ മണിയൊച്ച നിലക്കും, മെഴുകുതിരി കത്തില്ല, കറുത്ത വസ്ത്രമണിയുന്ന ആ ദിനം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
2022 മൾട്ടിവാൻ ഏഴ് സീറ്റർ പ്രീമിയം എംപിവിയുടെ ഔദ്യോഗിക ചിത്രങ്ങൾ വെളിപ്പെടുത്തി ഫോക്സ്വാഗണ്
ഫോക്സ്വാഗണ് കൊമേർഷ്യൽ വെഹിക്കിൾസ് പുതിയ മൾട്ടിവാൻ ഏഴ് സീറ്റർ പ്രീമിയം എംപിവി വെളിപ്പെടുത്തി. 2022 ഫോക്സ്വാഗണ് മൾട്ടിവാൻ പുതിയ രൂപകൽപ്പന, കൂടുതൽ സൗകര്യപ്രദമായ ഇന്റീരിയർ, മെച്ചപ്പെട്ട കണക്റ്റിവിറ്റി, ആദ്യമായി ഒരു പ്ലഗ്-ഇൻ ഹൈബ്രിഡ് പവർട്രെയിൻ എന്നിവ ഉൾക്കൊള്ളുന്നു.
ഫോക്സ്വാഗണ് കാരവെല്ലെ എംപിവിയിൽ ഉപയോഗിച്ച ട്രാൻസ്പോർട്ട്ഡ് പ്ലാറ്റ്ഫോമിനുപകരം ഫോക്സ്വാഗണ് ഗ്രൂപ്പിന്റെ MQB പ്ലാറ്റ്ഫോമിനെ അടിസ്ഥാനമാക്കിയാണ് 2022 ഫോക്സ്വാഗണ് മൾട്ടിവാൻ ഒരുക്കിയിരിക്കുന്നത്. മൾട്ടിവാൻ 4,973 mm നീളവും 1,941 mm വീതിയും 1,903 mm ഉയരവും അളക്കുന്നു, 3,124 mm വീൽബേസും ഇതിനുണ്ട്. 5,173 mm നീളമുള്ള ലോംഗ് വീൽബേസ് പതിപ്പും കമ്പനി വാഗ്ദാനം ചെയ്യുന്നു.
2022 ഫോക്സ്വാഗണ് മൾട്ടിവാനിൽ നീളമുള്ള വീൽബേസും വീതിയും ലോ പ്രൊഫൈലുമുണ്ട്, ഇവയെല്ലാം എയറോഡൈനാമിക്സ് മെച്ചപ്പെടുത്തുന്നതിനും ഇന്ധന ഉപഭോഗം കുറയ്ക്കുന്നതിനും ഡ്രൈവിഗ് ശ്രേണി വർധിപ്പിക്കുന്നതിനും രൂപകൽപ്പന ചെയ്തിട്ടുള്ളതാണ്. 19 ഇഞ്ച് വരെ വലുപ്പമുള്ള വീലുകളോടും "മൾട്ടിവാൻ", "ലൈഫ്", "സ്റ്റൈൽ" എന്നീ മൂന്ന് വേരിയന്റുകളിലും ഈ മോഡൽ ലഭ്യമാണ്.
ഇലക്ട്രിക്കലായി പ്രവർത്തിക്കുന്ന റിയർ ഹാച്ച്, പവർ സ്ലൈഡിംഗ് ഡോറുകൾ LowE ലാമിനേറ്റഡ് സേഫ്റ്റി ഗ്ലാസുള്ള പനോരമിക് ഗ്ലാസ് റൂഫ് എന്നിവയാണ് എംപിവിക്ക് ലഭിക്കുന്നത്. പ്രവേശനം എളുപ്പത്തിലാക്കാൻ സ്ലൈഡിംഗ് ഡോറുകൾ ജെസ്റ്റർ കൺട്രോൾ വഴി പ്രവർത്തിപ്പിക്കാൻ കഴിയും.
എൽഇഡി ഹെഡ്ലാമ്പ് കൊണ്ട് സജ്ജീകരിച്ചിരിക്കുന്ന മോഡലിൽ IQ ലൈറ്റ്- എൽഇഡി മാട്രിക്സ് ഹെഡ്ലൈറ്റിലേക്ക് അപ്പ്ഗ്രേഡും ലഭ്യമാണ്. ഡേ ടൈം റണ്ണിംഗ് ലൈറ്റുകളുടെ മറ്റൊരു ഘടകമായി റേഡിയേറ്റർ ഗ്രില്ലിൽ ഇല്ല്യുമിനേറ്റഡ് എൽഇഡി ലാറ്ററൽ ബാറായും IQ -ലൈറ്റ് സിസ്റ്റം പ്രവർത്തിക്കുന്നു.
2022 ഫോക്സ്വാഗണ് മൾട്ടിവാൻ രണ്ടാം വരി 180 ഡിഗ്രി നീക്കി കോൺഫറൻസ് ശൈലിയിൽ ഇരിക്കാവുന്ന കോൺഫിഗറേഷനുകൾ സൃഷ്ടിക്കാൻ കഴിയും. പുതിയ മൾട്ടിവാന് വേണ്ടി രൂപകൽപ്പന ചെയ്ത നൂതന മൾട്ടി-ഫംഗ്ഷൻ ടേബിലുണ്ട്. സെൻട്രൽ ട്രാക്ക് ഉപയോഗിച്ച്, ഏത് സീറ്റിംഗ് നിരകൾക്കിടയിലും ഇത് നീക്കാൻ കഴിയും, കൂടാതെ മുൻ സീറ്റുകൾക്കിടയിലുള്ള സെന്റർ കൺസോളായി ഉപയോഗിക്കാൻ കഴിയും. പൂർണ്ണമായും നീക്കംചെയ്യാവുന്ന ടേബിളിൽ, ഹൈറ്റ് അഡ്ജസ്റ്റ്, മൂന്ന് കപ്പ് ഹോൾഡറുകൾ, ഒരു സ്റ്റോറേജ് ബിൻ എന്നിവ ഉൾക്കൊള്ളുന്നു.
ഷിഫ്റ്റ്-ബൈ-വയർ സാങ്കേതികവിദ്യ വഴി നിയന്ത്രിക്കുന്ന ഒരു ഓട്ടോമാറ്റിക് DSG ഗിയർബോക്സും പാർക്കിംഗ് ബ്രേക്കിനായി ഒരു ഇലക്ട്രോണിക് ബട്ടണും മാത്രമാണ് എംപിവി വാഗ്ദാനം ചെയ്യുന്നത്. അടിസ്ഥാന മോഡൽ 469 ലിറ്റർ ലഗേജ് സ്പെയ്സ് വാഗ്ദാനം ചെയ്യുന്നു, ഇത് മൂന്നാം വരി മടക്കിക്കളയുന്നതിലൂടെ 1,844 ലിറ്ററിലേക്കും അവസാന രണ്ട് വരികൾ മടക്കിക്കളയുന്നതിലൂടെ 3,672 ലിറ്ററിലേക്കും വ്യാപിപ്പിക്കാൻ കഴിയും. പനോരമിക് ഗ്ലാസ് റൂഫ് ഘടിപ്പിച്ച ലോംഗ് വീൽബേസ് പതിപ്പിൽ 4,053 ലിറ്ററാണ് പരമാവധി ബൂട്ട് സ്പെയ്സ്.
10.25 ഇഞ്ച് ഡിജിറ്റൽ ഇൻസ്ട്രുമെന്റ് കൺസോളും 10 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റവും സ്മാർട്ട്ഫോൺ കണക്റ്റിവിറ്റിയും ഇ-സിം അധിഷ്ഠിത കണക്റ്റഡ് കാർ ടെക്കും പുതിയ മൾട്ടിവാനിൽ ഘടിപ്പിച്ചിരിക്കുന്നു. 14 ഹൈ-എൻഡ് സ്പീക്കറുകളുള്ള ഹാർമൻ കാർഡൺ സൗണ്ട് സിസ്റ്റം, 840 വാട്ട് മ്യൂസിക് ഔട്ട്പുട്ടുള്ള 16-ചാനൽ ഇഥർനെറ്റ് ആംപ്ലിഫയർ, നാല് സൗണ്ട് ക്രമീകരണങ്ങൾ എന്നിവയുമായാണ് ഇത് വരുന്നത്.
150 bhp, 1.4 ലിറ്റർ TSI എഞ്ചിൻ, 85 കിലോവാട്ട് ഇലക്ട്രിക് മോട്ടോർ എന്നിവ 218 bhp സംയോജിത പവർ ഔട്ട്പുട്ട് ഫോക്സ്വാഗണ് മൾട്ടിവാൻ ഇഹൈബ്രിഡ് വാഗ്ദാനം ചെയ്യുന്നു. ഇഹൈബ്രിഡ് ഒരു ബെസ്പോക്ക് ആറ് സ്പീഡ് DSG ഗിയർബോക്സ് ഉപയോഗിക്കുന്നു.
13 കിലോവാട്ട് ലിഥിയം അയൺ ബാറ്ററി ഫോക്സ്വാഗണ് മൾട്ടിവാന്റെ ഫ്ലാറ്റ് ഫ്ലോറിനു കീഴിലാണ് സ്ഥാപിച്ചിരിക്കുന്നത്, ഇന്റീരിയർ ഇടം ലാഭിക്കുകയും ഹാനഡ്ലിംഗ് മെച്ചപ്പെടുത്തുന്നതിനായി വാഹനത്തിന്റെ ഗുരുത്വാകർഷണ കേന്ദ്രം കുറയ്ക്കുകയും ചെയ്യുന്നു. ഫ്രണ്ട് വിംഗിന്റെ വലതുവശത്താണ് ചാർജിംഗ് പോയിന്റ് സ്ഥിതിചെയ്യുന്നത്.
ഫ്രണ്ട്-വീൽ ഡ്രൈവ് മൾട്ടിവാൻ 136 bhp 1.5 ലിറ്റർ TSI, 204 bhp 2.0 ലിറ്റർ TSI എന്നിങ്ങനെ രണ്ട് നാല് സിലിണ്ടർ ടർബോചാർജ്ഡ് പെട്രോൾ എഞ്ചിനുകൾക്കൊപ്പം ലഭ്യമാണ്. 150 bhp നാല് സിലിണ്ടർ ടർബോചാർജ്ഡ് ഡീസൽ എഞ്ചിൻ അടുത്ത വർഷം നിരയിൽ ചേരും. ഈ പവർട്രെയിനുകൾ സ്റ്റാൻഡേർഡായി ഏഴി സ്പീഡ് DSG ഗിയർബോക്സിലേക്ക് ജോടിയാക്കും.