പുത്തൻ അപ്പ്ഡേറ്റുകൾക്കൊപ്പം റിക്ലൈനിംഗ് റിയർ സീറ്റുകളുമായി 2022 Hyundai Venue

വരാനിരിക്കുന്ന പുതിയ 2022 ഹ്യുണ്ടായി വെന്യു എസ്‌യുവി ഫീച്ചർ ചെയ്യുന്ന പുതിയ വീഡിയോ 15 സെക്കൻഡ് ദൈർഘ്യമുള്ളതും റിക്ലൈനിംഗ് പിൻ സീറ്റുകൾ നൽകുന്ന കംഫർട്ടിന് ഊന്നൽ നൽകുന്നതുമാണ്.

അടുത്തിടെ, വരാനിരിക്കുന്ന 2022 ഹ്യുണ്ടായി വെന്യുവിന്റെ ബ്രോഷറും ഓൺലൈനിൽ ചോർന്നിരുന്നു, ഇത് സബ്-ഫോർ മീറ്റർ എസ്‌യുവിയെക്കുറിച്ചുള്ള നിരവധി വിവരങ്ങളും സവിശേഷതകളും വെളിപ്പെടുത്തിയിരുന്നു.

ബ്രോഷർ അനുസരിച്ച്, ഹ്യുണ്ടായി വെന്യു എസ്‌യുവിയുടെ 2022 ആവർത്തനം മൂന്ന് എഞ്ചിൻ ഓപ്ഷനുകളോടെ വരും, അതിൽ ഒരു എഞ്ചിൻ ഓപ്ഷൻ ഡീസൽ യൂണിറ്റാണ്. ഈ പവർട്രെയിൻ ലൈനപ്പ് ഹ്യുണ്ടായി വെന്യു എസ്‌യുവിയുടെ ഔട്ട്‌ഗോയിംഗ് മോഡലുമായി വളരെ സാമ്യമുള്ളതാണ്.

അതോടൊപ്പം, അടിസ്ഥാന പവർട്രെയിൻ ഓപ്ഷൻ 81.8 bhp പവറും 114 Nm പീക്ക് torque ഉം പുറപ്പെടുവിക്കുന്ന 1.2 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിൻ ആയി തുടരും.

മറുവശത്ത്, 98.6 bhp പവറും 240 Nm പീക്ക് torque ഉം ഉൽപ്പാദിപ്പിക്കാൻ കഴിയുന്ന 1.5 ലിറ്റർ യൂണിറ്റാണ് ഏക ഡീസൽ പവർട്രെയിൻ ഓപ്ഷൻ. മൂന്നാമതായി, 1.0 ലിറ്റർ ടർബോചാർജ്ഡ് പെട്രോൾ എഞ്ചിനും വരുന്നു. ഇത് 118.4 bhp പവറും 172 Nm പീക്ക് torque ഉം ഉത്പാദിപ്പിക്കുന്നു.

ഈ മൂന്ന് എഞ്ചിൻ ഓപ്ഷനുകൾക്ക് പുറമേ, മൂന്ന് ഗിയർബോക്‌സ് ഓപ്ഷനുകളും ഹ്യുണ്ടായി വരാനിരിക്കുന്ന വെന്യു എസ്‌യുവിയിൽ സജ്ജമാക്കുന്നു. എന്നിരുന്നാലും, മുൻനിരയിലുള്ള 1.0 -ലിറ്റർ ടർബോ-പെട്രോൾ വേരിയന്റിന് മാത്രമേ iMT, DCT ഗിയർബോക്‌സ് ഓപ്ഷനുകൾ ലഭിക്കുന്നുള്ളൂ, മറ്റുള്ളവയ്ക്ക് കൂടുതൽ പരമ്പരാഗത മാനുവൽ ട്രാൻസ്മിഷൻ ലഭിക്കുന്നു.

കൂടാതെ, വരാനിരിക്കുന്ന പുതിയ ഹ്യുണ്ടായി വെന്യു എസ്‌യുവി ആറ് വ്യത്യസ്ത ട്രിം ലെവലുകളിലും ഒരു ഡ്യുവൽ-ടോൺ പെയിന്റ് ഓപ്ഷൻ ഉൾപ്പെടെ ഏഴ് വ്യത്യസ്ത കളർ ഓപ്ഷനുകളിലും വാഗ്ദാനം ചെയ്യുമെന്ന് ലീക്കായ ബ്രോഷർ വെളിപ്പെടുത്തുന്നു.

ഹ്യുണ്ടായി വെന്യു എസ്‌യുവിയുടെ 2022 ആവർത്തനത്തിൽ റിക്ലൈനിംഗ് പിൻ സീറ്റുകൾ വളരെ ആകർഷകവും ഉപയോഗപ്രദവുമായ സവിശേഷത തന്നെയാണ്, അതോടൊപ്പം പൂർണ്ണ ഡിജിറ്റൽ ഇൻസ്ട്രുമെന്റ് ക്ലസ്റ്റർ, ഡ്രൈവ് മോഡുകൾ, അലക്‌സ, ഗൂഗിൾ അസിസ്റ്റന്റ് എന്നിവയ്‌ക്കൊപ്പമുള്ള ഹോം ടു കാർ ഫംഗ്‌ഷൻ, 60+ ബ്ലൂലിങ്ക് കണക്റ്റുചെയ്‌ത കാർ സവിശേഷതകൾ, 10 പ്രാദേശിക ഭാഷാ ഇൻഫോടെയിൻമെന്റ് യൂണിറ്റ് മെനു തുടങ്ങിയ സവിശേഷതകളോടെയാണ് എസ്‌യുവി വരുന്നത്.

വലിയ 10.1 ഇഞ്ച് ടച്ച്‌സ്‌ക്രീൻ ഇൻഫോടെയിൻമെന്റ് യൂണിറ്റ്, വെന്റിലേറ്റഡ് ഫ്രണ്ട് സീറ്റുകൾ, ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റി, കൂൾഡ് ഗ്ലോവ് ബോക്‌സ്, ഇലക്ട്രിക് സൺറൂഫ് എന്നിവ പോലുള്ള കുറച്ച് ഫീച്ചറുകൾ പുതിയ മോഡലിൽ ലഭിക്കും എന്ന് ഞങ്ങൾ പ്രതീക്ഷിക്കുന്നു.

ഇതുകൂടാതെ, വരാനിരിക്കുന്ന പുതിയ ഹ്യുണ്ടായി വെന്യുവിന് പുതുക്കിയ ഫ്രണ്ട് ബമ്പർ, എൽഇഡി ഡിആർഎല്ലുകളുള്ള ഒരു ജോടി പുതിയ എൽഇഡി പ്രൊജക്ടർ ഹെഡ്‌ലാമ്പുകൾ, ഒരു കൂട്ടം പുതിയ അലോയി വീലുകൾ, അല്പം വ്യത്യസ്തവും കൂടുതൽ പ്രാധാന്യമുള്ളതുമായ റൂഫ് റെയിൽ, പുതിയ എൽഇഡി ടെയിൽ ലാമ്പുകൾ, പുതിയ പിൻ ബമ്പർ എന്നിവ ലഭിക്കുന്നു.

ഏതൊരു ഫെയ്‌സ്‌ലിഫ്റ്റ് പതിപ്പും പ്രതീക്ഷിക്കുന്നത് പോലെ, 2022 ഹ്യുണ്ടായി വെന്യു എസ്‌യുവിയുടെ വരാനിരിക്കുന്ന ഫെയ്‌സ്‌ലിഫ്റ്റഡ് ആവർത്തനം അതിന്റെ എക്സ്റ്റീരിയർ, ഇന്റീരിയർ ഡിസൈനിൽ നിരവധി മാറ്റങ്ങൾ അവതരിപ്പിക്കുന്നു. കൂടുതൽ ഉപഭോക്താക്കളെ ആകർഷിച്ച് വിൽപ്പന മെച്ചപ്പെടുത്താനും ഇന്ത്യൻ ഓട്ടോമൊബൈൽ വിപണിയിലെ വിപണി വിഹിതം കൂടുതൽ മെച്ചപ്പെടുത്താനും ഇത് ഹ്യുണ്ടായിയെ സഹായിക്കും.

നിലവിൽ, ഹ്യുണ്ടായി വെന്യു എസ്‌യുവി ശ്രേണിയുടെ ഔട്ട്‌ഗോയിംഗ് മോഡലിന്റെ എക്സ്-ഷോറൂം വില 7.11 ലക്ഷം രൂപയിൽ നിന്നാണ് ആരംഭിക്കുന്നത്, എന്നാൽ അപ്പ്ഡേറ്റഡ് എസ്‌യുവിയുടെ വരാനിരിക്കുന്ന ഫെയ്‌സ്‌ലിഫ്റ്റ് പതിപ്പിന്റെ വിലയിൽ നേരിയ വർധന ഞങ്ങൾ പ്രതീക്ഷിക്കുന്നു.