ADAS സംവിധാനത്തോടെ 2022 Alturas G4 Mahindra -യുടെ അണിയറയിൽ ഒരുങ്ങുന്നു

മികച്ച കഴിവുള്ള ഒരു എസ്‌യുവി ആയിരുന്നിട്ടും, ടൊയോട്ട ഫോർച്യൂണർ, എംജി ഗ്ലോസ്റ്റർ, ഇസൂസു MU-X എന്നിവയ്‌ക്കെതിരെ ഉയർന്ന വോളിയം നേടാൻ അൾടുറാസ് G4 -ന് കഴിഞ്ഞില്ല, കൂടാതെ 305 ബില്യൺ WoN -ന് സാങ്‌യോങ് ഒരു കൊറിയൻ കൺസോർഷ്യത്തിന് വിറ്റതിനാൽ, അൾടുറാസ് G4 -ന്റെ ഭാവി അനിശ്ചിതത്വത്തിലാവുകയും ചെയ്തു.

അൾടുറാസ് G4 -ന്റെ രാജ്യത്തെ പ്രതിമാസ വിൽപന പലപ്പോഴും ഒറ്റ അക്കത്തിൽ ആയിരുന്നു എന്നതും കഴിഞ്ഞ മാസം സീറോ യൂണിറ്റുകൾ വിറ്റഴിച്ചതും കണക്കിലെടുത്താൽ, ഊഹാപോഹങ്ങൾ ഉയരുന്നതേയുള്ളൂ.

മുൻനിരയിലുള്ള അൾടുറാസ് G4 -ന്റെ മുഖം മിനുക്കിയ പതിപ്പിൽ മഹീന്ദ്ര പ്രവർത്തിക്കുന്നുണ്ടെന്നും പുതിയ സവിശേഷതകൾ നേടുമ്പോൾ കോസ്‌മെറ്റിക് അപ്‌ഡേറ്റുകളും ഇന്റീരിയർ റിവിഷനുകളും ലഭിക്കുമെന്ന് പ്രതീക്ഷിക്കുന്നതായും ഒരു എക്‌സ്‌ക്ലൂസീവ് റിപ്പോർട്ട് വെളിപ്പെടുത്തുന്നു.

ആഭ്യന്തര നിർമ്മാതാക്കളുടെ ഏറ്റവും പുതിയ ലോഞ്ചുകളായ XUV700, രണ്ടാം തലമുറ ഥാർ എന്നിവ ഉപഭോക്താക്കൾക്കിടയിൽ മികച്ച സ്വീകാര്യത നേടിയിട്ടുണ്ട്. സെമി കണ്ടക്ടർ ക്ഷാമം മൂലമുണ്ടാകുന്ന ഉയർന്ന കാത്തിരിപ്പ് കാലയളവ് കുറയ്ക്കാൻ മഹീന്ദ്ര കഠിനമായി പരിശ്രമിക്കുന്നു.

അതിന്റെ ഇടയിൽ, അൾടുറാസ് G4 ഫേസ്‌ലിഫ്റ്റ് ADAS (അഡ്വാൻസ്‌ഡ് ഡ്രൈവർ അസിസ്റ്റൻസ് സിസ്റ്റംസ്) ടെക്‌നോളജി കൈവരിക്കും, ഇത് XUV700 -ൽ കാണപ്പെടുന്ന സവിശേഷതയാണ്.

ലെവൽ 1 ഓട്ടോണമസ് സാങ്കേതികവിദ്യ വാഗ്ദാനം ചെയ്യുന്ന, ഇതിനകം പായ്ക്ക് ചെയ്തിരിക്കുന്ന എംജി ഗ്ലോസ്റ്ററിന് ഒരു കോംപറ്റീഷനാവാൻ ഇത് സഹായിക്കും. XUV700 -ൽ, അഡാപ്റ്റീവ് ക്രൂയിസ് കൺട്രോൾ, ലെയിൻ-കീപ്പ് അസിസ്റ്റ്, ഹൈ ബീം അസിസ്റ്റ്, ട്രാഫിക് സൈൻ റെക്കഗ്നിഷൻ, ഓട്ടോമാറ്റിക് എമർജൻസി ബ്രേക്കിംഗ്, ഡ്രൈവർ ഡ്രൗസിനെസ് ഡിറ്റക്ഷൻ, ബ്ലൈൻഡ്-സ്പോട്ട് അസിസ്റ്റ് തുടങ്ങിയവ മഹീന്ദ്ര വാഗ്ദാനം ചെയ്യുന്നു, അവ പുതുക്കിയ അൾടുറാസ് G4 -ൽ ലഭ്യമാകുമെന്ന് ഞങ്ങൾ പ്രതീക്ഷിക്കുന്നു.

മഹീന്ദ്ര അൾടുറാസ് G4 നിലവിൽ CKD റൂട്ട് വഴിയാണ് രാജ്യത്തേക്ക് കൊണ്ടുവന്നത്, രണ്ട് വേരിയന്റുകളിലായാണ് വാഹനം വിൽപ്പനയ്ക്ക് എത്തുന്നത്. 2WD വേരിയന്റിന് 28.84 ലക്ഷം രൂപയും 4WD പതിപ്പിന് 31.84 ലക്ഷം രൂപയുമാണ് എക്സ്-ഷോറൂം വില. 2.2 ലിറ്റർ ഫോർ സിലിണ്ടർ ഡീസൽ എഞ്ചിൻ തുടർന്നും നൽകുന്നതിനാൽ ഫെയ്‌സ്‌ലിഫ്റ്റിനൊപ്പം മെക്കാനിക്കൽ മാറ്റങ്ങളൊന്നും ഉണ്ടാകുമെന്ന് ഞങ്ങൾ പ്രതീക്ഷിക്കുന്നില്ല.

ഇത് 4,000 rpm -ൽ 178 bhp കരുത്തും 1,600 rpm -നും 2,600 rpm -നും ഇടയിൽ പരമാവധി 420 Nm torque ഉം പുറപ്പെടുവിക്കുന്നു. മെർസിഡീസ് ബെൻസിൽ നിന്നുള്ള ഏഴ് സ്പീഡ് torque കൺവെർട്ടർ ഓട്ടോമാറ്റിക് ട്രാൻസ്മിഷനുമായി മാത്രമാണ് പവർട്രെയിൻ ജോടിയാക്കിയിരിക്കുന്നത്.

18 ഇഞ്ച് അലോയി വീലുകൾ, പവർഡ് ടെയിൽഗേറ്റ്, 7.0 ഇഞ്ച് കളർഡ് TFT ഇൻസ്ട്രുമെന്റ് കൺസോൾ, 8.0 ഇഞ്ച് ടച്ച്‌സ്‌ക്രീൻ ഇൻഫോടെയിൻമെന്റ് സിസ്റ്റം തുടങ്ങിയ സവിശേഷതകളോടെയാണ് ഏഴ് സീറ്റർ ഇതിനകം വരുന്നത്.