ഫീച്ചറുകളുടെ മോടിയില്ലാതെ സിമ്പിളായി സിഗ്മ; 2022 Maruti Baleno -യുടെ ബേസ് വേരിയന്റിനെ പരിചയപ്പെടാം

പ്രത്യേകിച്ചും കഴിഞ്ഞ ഏതാനും ആഴ്ചകളായി വാഹനത്തന്റെ വിശേഷങ്ങളാണ് എങ്ങും. പുതുക്കിയ പ്രീമിയം ഹാച്ച്ബാക്കിന്റെ യൂണിറ്റുകൾ രാജ്യത്തുടനീളമുള്ള ഡീലർഷിപ്പുകളിൽ എത്തിത്തുടങ്ങി കഴിഞ്ഞു.

പുതിയ ബലേനോയുടെ ബുക്കിംഗും കഴിഞ്ഞ രണ്ടാഴ്ചയായി തുറന്നിരുന്നു. ഇതുവരെ 16,000 -ത്തോളം ബുക്കിംഗ് ഹാച്ചിന് ലഭിച്ചതായും റിപ്പോർട്ടുകൾ സൂചിപ്പിക്കുന്നു.

താൽപ്പര്യമുള്ള ഉപഭോക്താക്കൾക്ക് 11,000 രൂപ ബുക്കിംഗ് തുകയിൽ വൻതോതിൽ അപ്‌ഡേറ്റ് ചെയ്ത 2022 ബലേനോ റിസർവ് ചെയ്യാം. 2022 ഫെബ്രുവരി 23 -ന് വാഹനം വിൽപ്പനയ്‌ക്കെത്തും, പ്രീമിയം ഹാച്ചിന്റെ വില കാർ നിർമ്മാതാക്കൾ ഇതേ ധിവസം ഔദ്യോഗികമായി പ്രഖ്യാപിക്കും.

അതിനിടയിൽ, താൽപ്പര്യമുള്ള ഉപഭോക്താക്കൾക്ക് മാരുതി നെക്‌സ വെബ്‌സൈറ്റിൽ ലഭ്യമായ ഓൺലൈൻ 3D കോൺഫിഗറേറ്റർ വഴി തങ്ങളുടെ ഇഷ്ടത്തിനനുസരിച്ച് ബലേനോ കോൺഫിഗർ ചെയ്യാനും കഴിയും. ബലേനോയുടെ ഏറ്റവും പുതിയ ആവർത്തനം സിഗ്മ, ഡെൽറ്റ, സീറ്റ, ആൽഫ എന്നീ നാല് വകഭേദങ്ങളിൽ ലഭ്യമാകും.

ഈ 3D കോൺഫിഗറേറ്ററിലൂടെ, അടിസ്ഥാന സിഗ്മ വേരിയന്റിന്റെ സവിശേഷതകളും ഫീച്ചറുകളും വെളിപ്പെടുത്തിയിട്ടുണ്ട്. ഇതിന്റെ ഒരു വെർച്വൽ വോക്ക്എറൗണ്ട് വീഡിയോ ജികെ കാർസ് യൂട്യൂബിൽ അപ്‌ലോഡ് ചെയ്തിട്ടുണ്ട്. വാഹനത്തിന്റെ ഇന്റീരിയറും ബ്ലാക്ക്, സിൽവർ, ഡീപ്പ് ബ്ലൂ എന്നിവയ്‌ക്കൊപ്പം വരുന്ന മൾട്ടി-ലേയേർഡ് ഡാഷ്‌ബോർഡിന് ട്രിപ്പിൾ-ടോൺ ലുക്ക് ലഭിക്കുന്നു.

സീറ്റ് അപ്‌ഹോൾസ്റ്ററികളിലും ഡോർ ട്രിമ്മുകളിലും ബ്ലൂ ബ്ലാക്ക് കോമ്പിനേഷൻ നൽകിയിരിക്കുന്നു. ഫീച്ചറുകളിലേക്ക് വരുമ്പോൾ, അടിസ്ഥാന സിഗ്മ വേരിയന്റിന് ഒരു തരത്തിലുള്ള സ്റ്റീരിയോ സിസ്റ്റവും കമ്പനി നൽകുന്നില്ല, അതോടൊപ്പം ഫ്രീ-സ്റ്റാൻഡിംഗ് ഇൻഫോടെയ്ൻമെന്റ് സിസ്റ്റത്തിനുള്ള ഇടം കാലിയായി അവശേഷിക്കുന്നു.

കൂടാതെ, ബലേനോയുടെ അടിസ്ഥാന സിഗ്മ മോഡലിന് ഓട്ടോ ക്ലൈമറ്റ് കൺട്രോളിന് പകരം മാനുവൽ എയർ കണ്ടീഷണർ മാത്രമേ ലഭിക്കൂ. എന്നിരുന്നാലും, നാല് പവർ വിൻഡോകൾ, ഫ്ലാറ്റ്-ബോട്ടം സ്റ്റിയറിംഗ് വീൽ, ടിൽറ്റ്-അഡ്ജസ്റ്റബിൾ സ്റ്റിയറിംഗ്, റിമോട്ട് സെൻട്രൽ ലോക്കിംഗ്, ഡിജിറ്റൽ ഡ്രൈവർ ഡിസ്‌പ്ലേയുള്ള സെമി-ഡിജിറ്റൽ ഇൻസ്ട്രുമെന്റ് കൺസോൾ എന്നിങ്ങനെയുള്ള ഫീച്ചറുകളാൽ അത് ഇപ്പോഴും മാന്യമായി ലോഡ് ചെയ്തിരിക്കുന്നു.

ഇരട്ട എയർബാഗുകൾ, പിൻ പാർക്കിംഗ് സെൻസറുകൾ, ABS, സ്പീഡ് വാണിംഗ് സിസ്റ്റം എന്നിവ ഉപയോഗിച്ച് യാത്രക്കാരുടെ സുരക്ഷ ഈ വേരിയന്റ് ശ്രദ്ധിക്കും. പുറംഭാഗത്ത്, ബലേനോയുടെ അടിസ്ഥാന സിഗ്മ ട്രിമ്മിൽ പുനർരൂപകൽപ്പന ചെയ്ത പ്രൊജക്ടർ ഹെഡ്‌ലാമ്പുകളും ഹാലജൻ ഇന്റേണലുകളുള്ള റാപ്പ്എറൗണ്ട് ടെയിൽ ലാമ്പുകളും ലഭിക്കുന്നു.

ടേൺ ഇൻഡിക്കേറ്ററുകളും ഹാലജൻ യൂണിറ്റുകളാണ്. കവറുകളൊന്നുമില്ലാതെ, ഒരുപക്ഷേ 14 ഇഞ്ച് യൂണിറ്റുകളുള്ള ലളിതമായ സ്റ്റീൽ വീലുകളാവും ഇതിൽ മാരുതി സുസുക്കി വാഗ്ദാനം ചെയ്യുന്നത്.

പുതുക്കിയ പ്രീമിയം ഹാച്ചിന്റെ മറ്റ് എക്സ്റ്റീരിയർ ഹൈലൈറ്റുകളിൽ റിയർ വൈപ്പറും ഡീഫോഗറും, ബ്ലാക്ക്ഡ്-ഔട്ട് ഡോർ ഹാൻഡിലുകളും, ബോഡി കളറുള്ള ORVM -കളും, റൂഫിൽ ഘടിപ്പിച്ച സ്‌പോയിലറും ടെയിൽഗേറ്റിലെ ക്രോം ട്രിമ്മും ഉൾപ്പെടുന്നു.

പുതിയ അവതാരത്തിൽ, 89 bhp കരുത്തും 113 Nm torque ഉം ഉത്പാദിപ്പിക്കുന്ന 1.2 ലിറ്റർ K12N ഡ്യുവൽജെറ്റ് പെട്രോൾ എഞ്ചിനാണ് ബലേനോയ്ക്ക് കരുത്തേകുക. സിഗ്മ വേരിയന്റിന് അഞ്ച് സ്പീഡ് മാനുവൽ ഗിയർബോക്‌സ് സ്റ്റാൻഡേർഡായി ഒരു AMT ഓപ്ഷൻ ഇല്ലാതെ നൽകും. അപ്ഡേറ്റ് ചെയ്ത പ്രീമിയം ഹാച്ച്ബാക്കിന്റെ എക്സ്-ഷോറൂം വില ഏകദേശം 6.50 ലക്ഷം രൂപ മുതൽ ആരംഭിക്കുമെന്ന് പ്രതീക്ഷിക്കുന്നു.

Source: GK Cars/YouTube