2022 Maruti Baleno -യുടെ ഇന്റീരിയറും എക്സ്റ്റീരിയറും വെളിപ്പെടുത്തി പുത്തൻ ചിത്രങ്ങൾ പുറത്ത്

HUD (ഹെഡ്‌സ് അപ്പ് ഡിസ്‌പ്ലേ യൂണിറ്റ്), സ്മാർട്ടപ്ലേ പ്രോ+ ടെക്ക്, 9.0 ഇഞ്ച് ടച്ച്‌സ്‌ക്രീൻ ഇൻഫോടെയിൻമെന്റ് സിസ്റ്റം, 360 ഡിഗ്രി വ്യൂ ക്യാമറ സിസ്റ്റം എന്നിവ ഇതിൽ ഉൾപ്പെടുന്നു.

മാരുതിയിൽ നിന്നുള്ള ഔദ്യോഗിക അപ്‌ഡേറ്റുകൾ പതിവായി പ്രവഹിക്കുമ്പോൾ, ഏറ്റവും കൂടുതൽ വിറ്റഴിക്കപ്പെടുന്ന ഹോട്ട്-ഹാച്ചിനെക്കുറിച്ചുള്ള പുതിയ വിവരങ്ങളും ഇതേസമയം വെബ്ബിൽ ലീക്കായിക്കൊണ്ടിരിക്കുകയാണ്.

നേരത്തെ 2022 ബലേനോളുടെ വകഭേദങ്ങൾ തിരിച്ചുള്ള ഫീച്ചറുകളുടെ ലിസ്റ്റ് ചോർന്നിരുന്നു. മറ്റൊരു സെറ്റ് സ്പൈ ഷോട്ടുകളിൽ, ഡീലർ സ്റ്റോക്ക് യാർഡുകളിലൊന്നിൽ, യാതൊരു മറവിലുമില്ലാതെ ബലേനോയുടെ ഒന്നിലധികം യൂണിറ്റുകൾ വെളിപ്പെടുത്തിയിരുന്നു.

നെക്‌സയുടെ ഔദ്യോഗിക വെബ്‌സൈറ്റിൽ നിന്നാണ് ഏറ്റവും പുതിയ ലീക്ക് ഉണ്ടായിരിക്കുന്നത്. 2022 മാരുതി ബലേനോയുടെ 3D കോൺഫിഗറേറ്റർ ലൈവായതോടെ, 2022 ബലേനോയുടെ ഔദ്യോഗിക ഇന്റീരിയറുകളും എക്സ്റ്റീരിയറുകളും ഇത് വെളിപ്പെടുത്തി.

പ്രധാന സവിശേഷതകളും സുരക്ഷയും

സിഗ്മ, ഡെൽറ്റ, സീറ്റ, സീറ്റ (ഓപ്ഷണൽ), ആൽഫ, ആൽഫ (ഓപ്ഷണൽ) എന്നിവ ഉൾപ്പെടുന്ന മൊത്തം 11 വേരിയന്റുകളിലായാണ് 2022 ബലെനോ പുറത്തിറക്കുന്നത്.

ഡെൽറ്റ, സീറ്റ, സീറ്റ (ഓപ്ഷണൽ), ആൽഫ, ആൽഫ (ഓപ്ഷണൽ) ട്രിമ്മുകൾ അഞ്ച് സ്പീഡ് മാനുവൽ, AMT ഗിയർബോക്‌സുകൾക്കൊപ്പം വാഗ്ദാനം ചെയ്യും, അതേസമയം എൻട്രി ലെവൽ സിഗ്മ ട്രിം അഞ്ച് സ്പീഡ് മാനുവൽ ഗിയർബോക്‌സിനൊപ്പം മാത്രമേ വിൽപ്പനയ്ക്ക് എത്തൂ.

2022 ബലേനോ ഒരു എഞ്ചിൻ ഓപ്ഷനിൽ മാത്രമേ വരൂ, എന്നാൽ ഉപഭോക്താക്കൾക്ക് തെരഞ്ഞെടുക്കാൻ രണ്ട് ഗിയർബോക്‌സ് ഓപ്ഷനുകൾ ഉണ്ടായിരിക്കും. നിലവിലെ ബലേനോ അതിന്റെ 1.2 ലിറ്റർ പെട്രോൾ മോട്ടോറിന്റെ രണ്ട് പതിപ്പുകളിൽ ലഭ്യമാണ്.

വരാനിരിക്കുന്ന ബലേനോ 1.2 ലിറ്റർ K12 ഡ്യുവൽജെറ്റ് പെട്രോൾ മോട്ടോർ ഉപയോഗിച്ച് മാത്രമേ നിർമ്മാതാക്കൾ വാഗ്ദാനം ചെയ്യൂ, ഇത് 12 V മൈൽഡ് ഹൈബ്രിഡ് സിസ്റ്റവുമായി ഇണചേരും.

എഞ്ചിൻ ഏകദേശം 89 bhp വരെ പവർ പുറപ്പെടുവിക്കാൻ ട്യൂൺ ചെയ്തിട്ടുണ്ട്. ഗിയർബോക്‌സ് ഓപ്ഷനുകളിൽ ഒരു സാധാരണ അഞ്ച് സ്പീഡ് മാനുവൽ, അഞ്ച് സ്പീഡ് AMT (ഓട്ടോമേറ്റഡ് മാനുവൽ ട്രാൻസ്മിഷൻ) എന്നിവ ഉൾപ്പെടുന്നു. AMT -ക്ക് പകരം നിലവിലെ ബലേനോ ഒരു CVT യൂണിറ്റിലാണ് വരുന്നത് എന്നത് ശ്രദ്ധിക്കേണ്ടതാണ്.

എന്നിരുന്നാലും, CVT ഒഴിവാക്കി പകരം AMT അവതരിപ്പിക്കാനാണ് മാരുതി ഇപ്പോൾ തീരുമാനിച്ചിരിക്കുന്നത്. കൗതുകകരമെന്നു പറയട്ടെ, മാരുതിയുടെ ശ്രേണിയിലുടനീളം, മറ്റെല്ലാ മോഡലുകളും AMT അല്ലെങ്കിൽ torque കൺവെർട്ടർ യൂണിറ്റ് ഉപയോഗിച്ചിരുന്നതിനാൽ, CVT -യോടൊപ്പം വാഗ്ദാനം ചെയ്തത് ബലേനോ മാത്രമായിരുന്നു.

സേഫ്റ്റി ഫീച്ചറുകളിൽ ബലേനോയുടെ ഘടന മെച്ചപ്പെടുത്തുന്നതിന് മാരുതി ശക്തമായ മെറ്റീരിയലുകൾ ഉപയോഗിച്ചതായി റിപ്പോർട്ടുണ്ട്, അത് വാഹനത്തിന്റെ ക്രാഷ്-യോഗ്യത മെച്ചപ്പെടുത്തും.

2022 ബലെനോയുടെ ടോപ്പ് എൻഡ് ട്രിമ്മുകൾക്ക് ESP, ABS, ക്രൂയിസ് കൺട്രോൾ, ആറ് എയർബാഗുകൾ എന്നിവ ലഭിക്കും, ഇത് യാത്രക്കാർക്ക് മൊത്തത്തിലുള്ള സുരക്ഷ മെച്ചപ്പെടുത്തും.

കോംപറ്റീഷൻ

ലോഞ്ച് കഴിഞ്ഞാൽ, ഹ്യുണ്ടായി i20, ടാറ്റ ആൾട്രോസ്, ഫോക്‌സ്‌വാഗണ്‍ പോളോ, ഹോണ്ട ജാസ് തുടങ്ങിയ മോഡലുകളോട് ബലേനോ മത്സരിക്കുന്നത് തുടരും. ബലേനോയുടെ നിലവിലെ എക്സ്-ഷോറൂം വില 6.03 ലക്ഷം രൂപയിൽ തുടങ്ങി 9.41 ലക്ഷം രൂപ വരെ ഉയരുന്നു. ഒന്നിലധികം അധിക ഫീച്ചറുകളോടെ പുറത്തിറങ്ങുന്നതിനാൽ പുതുക്കിയ ബലേനോയ്ക്ക് മാരുതി അല്പം വില ഈടാക്കുമെന്ന് പ്രതീക്ഷിക്കുന്നത് ന്യായമാണ്.

താൽപ്പര്യമുള്ള ഉപഭോക്താക്കൾക്ക് നിലവിൽ നെക്സ ഡീലർഷിപ്പിലേക്കോ നെക്സയുടെ വെബ്‌സൈറ്റിലേക്കോ 2022 ബലേനോ മുൻകൂറായി 11,000 രൂപ നൽകി ബുക്ക് ചെയ്യാം. ഫെബ്രുവരി 23 എന്ന ലോഞ്ച് തീയതി അടുത്തുവരുമ്പോൾ, ബലേനോയുടെ ഡിസ്‌പ്ലേ, ടെസ്റ്റ് ഡ്രൈവ് യൂണിറ്റുകളും ഉടൻ ഷോറൂമുകളിൽ എത്തിത്തുടങ്ങുമെന്ന് പ്രതീക്ഷിക്കുന്നു.