2022 ഏപ്രിൽ വിൽപ്പനയിൽ തിളങ്ങിയ 10 കാർ ബ്രാൻഡുകൾ

Published: Tuesday, May 3, 2022, 16:12 [IST]

കഴിഞ്ഞ വർഷം ഇതേ കാലയളവിനെ അപേക്ഷിച്ച് 2022 ഏപ്രിലിൽ ഇന്ത്യയിലെ കാർ വിൽപ്പന 2.35 ശതമാനത്തിന്റെ വളരെ ചെറിയൊരു വർധനവാണ് രേഖപ്പെടുത്തിയത്. അതോടൊപ്പം, 2022 മാർച്ചിനെ അപേക്ഷിച്ച് പ്രതിമാസ (M-o-M) വിൽപ്പന 8.83 ശതമാനം കുറഞ്ഞു.

2022 ഏപ്രിൽ വിൽപ്പനയിൽ തിളങ്ങിയ 10 കാർ ബ്രാൻഡുകൾ

കഴിഞ്ഞ വർഷത്തെ അപേക്ഷിച്ച് ശതമാനത്തിന്റെ അടിസ്ഥാനത്തിൽ സ്‌കോഡ ഏറ്റവും ഉയർന്ന വളർച്ച കൈവരിച്ചു. എന്നിരുന്നാലും ഇന്ത്യയിൽ ഏറ്റവുമധികം വിറ്റഴിക്കപ്പെടുന്ന കാർ ബ്രാൻഡായി മാരുതി തുടർന്നു.

വാർഷിക (Y-o-Y) വിൽപ്പനയുടെ കാര്യത്തിൽ, ഇന്ത്യൻ കാർ വിപണി കഷ്ടിച്ചാണ് അല്പം നേട്ടം കൈവരിച്ചത്. കാർ നിർമ്മാതാക്കൾ 2022 ഏപ്രിലിൽ മൊത്തം 2,93,435 യൂണിറ്റുകൾ വിറ്റു, ഇത് 2021 ഏപ്രിലിൽ നേടിയതിനേക്കാൾ 6,736 യൂണിറ്റുകൾ കൂടുതലാണ്. 2021 -ലെ നാലാം മാസത്തിൽ കാർ നിർമ്മാതാക്കൾ 2,86,699 യൂണിറ്റുകൾ ഷിപ്പ് ചെയ്തിരുന്നു.

മികച്ച 10 കാർ നിർമ്മാതാക്കളിൽ ആറെണ്ണം ബ്ലാക്ക് നിലയിലായിരുന്നുവെങ്കിലും വിപണിയിലെ മികച്ച രണ്ട് കമ്പനികൾ (മാരുതി സുസുക്കിയും ഹ്യുണ്ടായും) 10 ശതമാനത്തിലധികം ഇടിവ് രേഖപ്പെടുത്തി.

M-o-M വിൽപ്പനയുടെ കാര്യത്തിൽ, 2022 മാർച്ചിലെ വിൽപ്പന സംഖ്യയായ 3,21,847 യൂണിറ്റുകളിൽ നിന്ന് 8.83 ശതമാനം (28,412 യൂണിറ്റുകൾ) ചുരുങ്ങി, ഹോണ്ട ഒഴികെയുള്ള എല്ലാ കാർ നിർമ്മാതാക്കളും തങ്ങളെത്തന്നെ റെഡ് ലൈനിലാക്കി.

കാർ വിൽപ്പന ഏപ്രിൽ 2022 (Y-o-Y താരതമ്യം)

Rank	Brand	Apr-12	Apr-21	Growth (%) YoY
1	Maruti	1,21,995	1,35,879	-10.22
2	Hyundai	44,001	49,002	-10.21
3	Tata	41,587	25,095	65.72
4	Mahindra	22,526	18,285	23.19
5	Kia	19,019	16,111	18.05
6	Toyota	15,085	9,600	57.14
7	Honda	7,874	9,072	-13.21
8	Renault	7,594	8,642	-12.13
9	Skoda	5,152	961	436.11
10	Volkswagen	3,547	1,533	131.38

കാർ വിൽപ്പന ഏപ്രിൽ 2022 (M-o-M താരതമ്യം)

Rank	Brand	Apr-22	Mar-22	Growth (%) MoM
1	Maruti	1,21,995	1,33,861	-8.86
2	Hyundai	44,001	44,600	-1.34
3	Tata	41,587	42,293	-1.67
4	Mahindra	22,526	27,603	-18.39
5	Kia	19,019	22,622	-15.39
6	Toyota	15,085	17,131	-11.94
7	Honda	7,874	6,589	19.50
8	Renault	7,594	8,518	-10.85
9	Skoda	5,152	5,608	-8.13
10	Volkswagen	3,547	3,672	-3.40

1) മാരുതി സുസുക്കി - 1,21,995 യൂണിറ്റുകൾ

പുതിയ എർട്ടിഗയും പുതുക്കിയ XL6 എംപിവകളും രാജ്യത്ത് അവതരിപ്പിച്ചിട്ടും മാരുതി സുസുക്കിക്ക് ഏപ്രിൽ ഒരു പ്രയാസകരമായ മാസമായിരുന്നു. Y-o-Y വിൽപ്പനയുടെ കാര്യത്തിൽ, മാരുതി 1,35,879 യൂണിറ്റുകൾ വിറ്റ 2021 ഏപ്രിലുമായി താരതമ്യപ്പെടുത്തുമ്പോൾ 2022 ഏപ്രിലിൽ 10.22 ശതമാനം (13,884 യൂണിറ്റുകൾ) കുറഞ്ഞു. കാർ നിർമ്മാതാക്കൾ 1,33,861 യൂണിറ്റുകൾ വിറ്റ 2022 മാർച്ചിനെ അപേക്ഷിച്ച് M-o-M വിൽപ്പനയും 8.86 ശതമാനം (11,866 യൂണിറ്റുകൾ) കുറഞ്ഞു.

2) ഹ്യുണ്ടായി - 44,001 യൂണിറ്റ്

2022 ഏപ്രിലിൽ ദക്ഷിണ കൊറിയൻ കാർ നിർമ്മാതാക്കളായ ഹ്യുണ്ടായി രണ്ടാം സ്ഥാനത്ത് ഒരു വിധത്തിലാണ് പിടിച്ച് നിന്നത്, വിൽപ്പന നെഗറ്റീവ് ദിശയിലേക്ക് പോകുന്നതായി ബ്രാൻഡിനും അനുഭവപ്പെട്ടു.

കൊറിയൻ കാർ ഭീമൻ ഇന്ത്യയിൽ 49,002 യൂണിറ്റുകൾ വിറ്റഴിച്ച 2021 ഏപ്രിലിനെ അപേക്ഷിച്ച് Y-o-Y വിൽപ്പന 10.21 ശതമാനം (5,001 യൂണിറ്റ്) കുറഞ്ഞു. 2022 മാർച്ചിലെ 44,600 യൂണിറ്റുകളെ അപേക്ഷിച്ച് ഹ്യുണ്ടായിയുടെ M-o-M വിൽപ്പന ഏകദേശം 1.34 ശതമാനം (599 യൂണിറ്റുകൾ) കുറഞ്ഞു.

3) ടാറ്റ മോട്ടോർസ് - 41,587 യൂണിറ്റുകൾ

ജെൻ 2 കർവ്വ്, ജെൻ 3 അവിന്യ എന്നീ രണ്ട് ഇവി കൺസെപ്റ്റുകൾ കാർ നിർമ്മാതാക്കൾ അനാച്ഛാദനം ചെയ്‌തതിനാൽ ടാറ്റ മോട്ടോർസിന് 2022 ഏപ്രിലിൽ മികച്ച നേട്ടമുണ്ടായിരുന്നു. ടാറ്റ 25,095 യൂണിറ്റുകൾ മാത്രം വിറ്റ 2021 ഏപ്രിലുമായി താരതമ്യം ചെയ്യുമ്പോൾ മുംബൈ ആസ്ഥാനമായുള്ള കാർ നിർമ്മാതാവിന്റെ Y-o-Y വിൽപ്പന 65.72 ശതമാനം (16,492 യൂണിറ്റ്) വർധിച്ചു.

എന്നിരുന്നാലും, 2022 മാർച്ചിലെ 42,293 യൂണിറ്റുകളെ അപേക്ഷിച്ച് M-o-M വിൽപ്പന 1.67 ശതമാനം (706 യൂണിറ്റുകൾ) കുറഞ്ഞു. വിപണി വിഹിതത്തിന്റെ കാര്യത്തിൽ, ടാറ്റ ഇപ്പോൾ ഹ്യുണ്ടായിക്ക് പിന്നിൽ ഒരു ശതമാനത്തിൽ താഴെയാണ്, ഇപ്പോൾ ഇന്ത്യൻ കാർ വിപണിയുടെ 14 ശതമാനത്തിലധികം ബ്രാൻഡ് നിയന്ത്രിക്കുന്നു.

4) മഹീന്ദ്ര - 22,526 യൂണിറ്റുകൾ

കഴിഞ്ഞ വർഷം ഇതേ കാലയളവിനെ അപേക്ഷിച്ച് 2022 ഏപ്രിലിൽ മഹീന്ദ്ര മികച്ച നേട്ടം കൈവരിച്ചു. 23.19 ശതമാനം (4,241 യൂണിറ്റുകൾ) വളർച്ച ബ്രാൻഡ് രേഖപ്പെടുത്തി.

2021 ഏപ്രിലിൽ മഹീന്ദ്ര 18,285 യൂണിറ്റുകൾ വിറ്റു. M-o-M വിൽപ്പന 2022 മാർച്ചിനെ അപേക്ഷിച്ച് 18.39 ശതമാനം (5,077 യൂണിറ്റുകൾ) കുറഞ്ഞെങ്കിലും മഹീന്ദ്ര 2022 ഏപ്രിലിൽ 27,603 യൂണിറ്റുകൾ വിറ്റു.

5) കിയ - 19,019 യൂണിറ്റുകൾ

ഇന്ത്യൻ കാർ വിപണിയുടെ ഏകദേശം 6.5 ശതമാനം നിയന്ത്രിക്കുന്നതിലേക്ക് എത്തിയതോടെ കിയ മറ്റൊരു മികച്ച വിൽപ്പന ആസ്വദിച്ചു. 2021 ഏപ്രിലിൽ 16,111 യൂണിറ്റുകൾ വിറ്റിരുന്ന കിയയുടെ Y-o-Y വിൽപ്പനയിൽ 18.05 ശതമാനം (2,908 യൂണിറ്റുകൾ) വർധനയുണ്ടായി.

M-o-M വിൽപ്പന 2022 മാർച്ചിൽ 22,622 യൂണിറ്റുകൾ വിറ്റപ്പോൾ ഏപ്രിലിൽ അത് 15.93 ശതമാനം (3,603 യൂണിറ്റുകൾ) കുറഞ്ഞു.

മറ്റുള്ളവ 5

ജാപ്പനീസ് കാർ നിർമാതാക്കളായ ടൊയോട്ടയും ഹോണ്ടയും 2022 ഏപ്രിൽ മാസത്തിൽ യഥാക്രമം 15,085 യൂണിറ്റ്, 7,874 യൂണിറ്റ് വിൽപ്പന നേടിയ അഞ്ചും ആറും സ്ഥാനങ്ങൾ കരസ്ഥമാക്കി.

Y-o-Y വിൽപനയുടെ അടിസ്ഥാനത്തിൽ, 2021 ഏപ്രിലിലെ 9,600 യൂണിറ്റുകളുടെ വിൽപ്പനയുമായി താരതമ്യപ്പെടുത്തുമ്പോൾ ടൊയോട്ട 57.14 ശതമാനം ((5,485 യൂണിറ്റുകൾ) വർധിച്ചു. 2021 ഏപ്രിലിൽ 9,072 യൂണിറ്റുകൾ നേടിയ ബ്രാൻഡ് Y-o-Y വിൽപ്പനയുടെ കാര്യത്തിൽ റെഡ് ലൈനിന്റെ ആഴത്തിലേക്ക് കൂപ്പുകുത്തി, 13.21 ശതമാനം (1,198 യൂണിറ്റ്) ഇടിവാണ് നിർമ്മാതാക്കൾക്ക് ഉണ്ടായിരുന്നത്.

2022 മാർച്ചിനെ അപേക്ഷിച്ച് M-o-M വിൽപ്പന രണ്ട് ജാപ്പനീസ് ഭീമൻമാരുടെ ഭാഗ്യം തിരിച്ചുവിട്ടു. മാർച്ചിലെ 17,131 യൂണിറ്റുകളിൽ നിന്ന് ടൊയോട്ട 11.94 ശതമാനം (2,046 യൂണിറ്റുകൾ) ചുരുങ്ങി, ഹോണ്ട കഴിഞ്ഞ മാസത്തെ 6,589 യൂണിറ്റുകളിൽ നിന്ന് 19.5 ശതമാനം (1,285 യൂണിറ്റുകൾ) വളർന്നു.

ഏപ്രിലിൽ റെനോ ഇരട്ടി ഇടിവ് നേരിട്ടു, 7,594 യൂണിറ്റുകൾ വിറ്റതിനാൽ Y-o-Y, M-o-M വിൽപ്പന അളവുകളിൽ ബ്രാൻഡ് ചുരുങ്ങി. 2021 ഏപ്രിലിലെ 8,642 യൂണിറ്റുകളെ അപേക്ഷിച്ച് ഫ്രഞ്ച് കാർ നിർമ്മാതാക്കളുടെ Y-o-Y വിൽപ്പന 12.13 ശതമാനം (1,048 യൂണിറ്റ്) കുറഞ്ഞു. M-o-M വിൽപ്പന 2022 മാർച്ചിലെ 8,518 യൂണിറ്റുകളിൽ നിന്ന് 10.85 ശതമാനം (924 യൂണിറ്റുകൾ) കുറഞ്ഞു.

2022 ഏപ്രിലിൽ ഫോക്‌സ്‌വാഗണ്‍ ഗ്രൂപ്പിന്റെ മാസ് മാർക്കറ്റ് സ്‌കോഡ, ഫോക്‌സ്‌വാഗൺ ബ്രാൻഡുകൾ യഥാക്രമം 5,152 യൂണിറ്റ്, 3,547 യൂണിറ്റ് എന്നിവ വിറ്റഴിച്ച് ആദ്യ 10 പൊസിഷനുകളിൽ എത്തി.

Y-o-Y വിൽപ്പനയുടെ കാര്യത്തിൽ രണ്ട് ബ്രാൻഡുകളും ഗണ്യമായി വളർന്നു. 2021 ഏപ്രിലിലെ 961 യൂണിറ്റുകളിൽ നിന്ന് 436.11 ശതമാനം (4,191 യൂണിറ്റ്) വിൽപ്പന വർധിച്ചതോടെ സ്‌കോഡയാണ് ഏറ്റവും കൂടുതൽ നേട്ടമുണ്ടാക്കിയത്. ഫോക്‌സ്‌വാഗന്റെ Y-o-Y വിൽപ്പനയും 2021 ഏപ്രിലിലെ 1,533 യൂണിറ്റുകളിൽ നിന്ന് 131.38 ശതമാനം (2,014 യൂണിറ്റുകൾ) ഗണ്യമായി വർധിച്ചു.