M5 കോമ്പറ്റീഷന്‍ 50 Jahre M എഡിഷന്‍ അവതരിപ്പിച്ച് BMW; വില 1.79 കോടി രൂപ

ജര്‍മ്മന്‍ ബ്രാന്‍ഡായ ബിഎംഡബ്ല്യുന്റെ M GmbH-ന്റെ 50-ാം വാര്‍ഷികം ആഘോഷിക്കുന്നതിന്റെ ഭാഗമായിട്ടാണ് ഈ അവതരണം. കൂടാതെ ഈ പരിമിത പതിപ്പ് M5 കോമ്പറ്റീഷന്‍ '50 ജഹ്രെ M എഡിഷന്‍' ഇന്ത്യയില്‍ പൂര്‍ണ്ണമായും ബില്‍റ്റ്-അപ്പ് യൂണിറ്റായി (CBU) വാഗ്ദാനം ചെയ്യും.

530i M സ്പോര്‍ട്ട്, 630i M സ്പോര്‍ട്ട്, M4 കോംമ്പറ്റീഷന്‍, X7 40i M സ്പോര്‍ട്, X4 '50 ജഹ്രെ M എഡിഷന്‍' എന്നിവയ്ക്ക് ശേഷം ഇന്ത്യയില്‍ എത്തുന്ന പ്രത്യേക പതിപ്പാണിത്. M ഡിവിഷന്റെ 50-ാം വാര്‍ഷിക ആഘോഷങ്ങളുടെ ഭാഗമായി ബിഎംഡബ്ല്യു ഉടന്‍ തന്നെ രണ്ട് 50 ജഹ്രെ M പതിപ്പുകള്‍ കൂടി ഇന്ത്യയില്‍ അവതരിപ്പിക്കും.

ബിഎംഡബ്ല്യു M5 കോമ്പറ്റീഷന്‍ '50 ജഹ്രെ എം എഡിഷനും' സ്റ്റാന്‍ഡേര്‍ഡ് M5 കോമ്പറ്റീഷനും 616 bhp കരുത്തും 750 Nm പീക്ക് ടോര്‍ക്കും ഉല്‍പ്പാദിപ്പിക്കുന്ന ഉയര്‍ന്ന 4.4 ലിറ്റര്‍ V8 എഞ്ചിന്‍ തന്നെയാണ് പങ്കിടുന്നത്.

അതേസമയം വാഹനം 3.3 സെക്കന്‍ഡില്‍ 0-100 കിലോമീറ്റര്‍ വേഗത കൈവരിക്കുമെന്ന് കമ്പനി അവകാശപ്പെടുന്നു. പവര്‍ട്രെയിന്‍ 8-സ്പീഡ് M സ്റ്റെപ്ട്രോണിക് ട്രാന്‍സ്മിഷനുമായി ഘടിപ്പിച്ചിരിക്കുമ്പോള്‍, ഡ്രൈവര്‍ക്ക് ഇടപെടാന്‍ സ്റ്റിയറിംഗ് വീലിലെ സെലക്ടര്‍ ലിവറും ഷിഫ്റ്റ് പാഡിലുകളും ഉപയോഗിക്കാം.

തിരഞ്ഞെടുത്ത മോഡ് (റോഡ്, സ്പോര്‍ട്സ്, ട്രാക്ക്) അനുസരിച്ച് ഡാംപര്‍ റെസ്പോണ്‍സ് സെറ്റിംഗ്സ് ക്രമീകരിക്കാം, കൂടാതെ സെന്റര്‍ കണ്‍സോളിലെ പുതിയ രണ്ട്-ബട്ടണ്‍ ഓപ്പറേറ്റിംഗ് കണ്‍സെപ്റ്റ് ബിഎംഡബ്ല്യു M8-ല്‍ നിന്ന് എടുത്തതാണ്. M സെറ്റപ്പിന്റെ സഹായത്തോടെ, ഡ്രൈവര്‍ക്ക് ഡ്രൈവിംഗ് ഡൈനാമിക്‌സ് കൂടുതല്‍ ക്രമീകരിക്കാന്‍ കഴിയും.

പ്രത്യേക പതിപ്പ് സലൂണിന് ആക്റ്റീവ് M ഡിഫറന്‍ഷ്യല്‍, റീട്യൂണ്‍ ചെയ്ത ഷാസി, പുതിയ ഷോക്ക് അബ്സോര്‍ബറുകള്‍ തുടങ്ങിയവ ലഭിക്കുന്നു, എന്നാല്‍ M5 കോമ്പറ്റീഷന്‍ 50 ജഹ്രെ M എഡിഷന്റെ പ്രത്യേകതയാണ് 'അവന്‍ചുറൈന്‍ റെഡ്' പെയിന്റ് ഫിനിഷും 50 ജഹ്രെ M എംബ്ലവും ദൃശ്യപരമായി പരമ്പരാഗതമായതില്‍ നിന്ന് വ്യത്യസ്തമാണ്.

റെഡ് M കോമ്പൗണ്ട് ബ്രേക്കുകളുള്ള 20 ഇഞ്ച് ബ്ലാക്ക് അലോയ്കളിലാണ് ഇത് എത്തുന്നത്. കൂടാതെ സ്റ്റാന്‍ഡേര്‍ഡ് M സ്പോര്‍ട്ട് എക്സ്ഹോസ്റ്റ് സിസ്റ്റത്തിന്റെ ക്വാഡ് ടെയില്‍പൈപ്പുകള്‍ ഒരു കോണ്‍ട്രാസ്റ്റ് ലുക്കിനായി ബ്ലാക്ക് ക്രോമില്‍ പൂര്‍ത്തിയാക്കുകയും ചെയ്യുന്നു.

അകത്ത്, പുതിയ ബിഎംഡബ്ല്യു M5 കോമ്പറ്റീഷന്റെ ക്യാബിന്‍, M സ്റ്റിച്ചിംഗ് ഉള്ള ലെതര്‍ സീറ്റുകള്‍ കൊണ്ട് പൂര്‍ത്തിയാക്കിയിരിക്കുന്നു.

പ്രകാശിതമായ 'M5' ലോഗോയും ഉള്ളിലെ സവിശേഷതയാണ്. M സീറ്റ് ബെല്‍റ്റുകള്‍, M ഫുട്റെസ്റ്റ്, പെഡലുകള്‍, M ലെതര്‍ സ്റ്റിയറിംഗ് വീല്‍, അഡാപ്റ്റീവ് M-സ്‌പെസിഫിക് സസ്പെന്‍ഷന്‍, M സ്പോര്‍ട് എക്സ്ഹോസ്റ്റ് സിസ്റ്റം എന്നിങ്ങനെ ഫീച്ചറുകളും പ്രത്യേക പതിപ്പിന് മാത്രമുള്ളതാണ്.

ഇതിന് സീറ്റ് ഹീറ്റിംഗ് (ഡ്രൈവറും ഫ്രണ്ട് പാസഞ്ചറും), മെമ്മറി ഫംഗ്ഷനോടുകൂടിയ ഇലക്ട്രിക്കല്‍ സീറ്റ് അഡ്ജസ്റ്റ്മെന്റ്, ഒരു ഓട്ടോമാറ്റിക് ടെയില്‍ഗേറ്റ് എന്നിവയും ലഭിക്കുന്നു. 3D നാവിഗേഷന്‍, സ്റ്റിയറിംഗ് വീലിന് പിന്നില്‍ 12.3 ഇഞ്ച് ഫുള്‍ ഡിജിറ്റല്‍ ഇന്‍സ്ട്രുമെന്റ് ഡിസ്പ്ലേ, വലിയ 12.3 ഇഞ്ച് കണ്‍ട്രോള്‍ ഡിസ്പ്ലേ എന്നിവ ഉള്‍പ്പെടുന്ന ബിഎംഡബ്ല്യു ഓപ്പറേറ്റിംഗ് സിസ്റ്റം 7.0 ഇതിന് ലഭിക്കുന്നു.

സ്റ്റാന്‍ഡേര്‍ഡ് M5 കോംപറ്റീഷന്‍ സെഡാനുമായി താരതമ്യപ്പെടുത്തുമ്പോള്‍, 50 ജഹ്രെ M പതിപ്പ് ഒരു പുതിയ ബിഎംഡബ്ല്യു വ്യക്തിഗത പെയിന്റ് ഷേഡില്‍ മാത്രം ലഭ്യമാണ് - അവഞ്ചൂറൈന്‍ റെഡ്.