X6 50 Jahre M എഡിഷന്‍ അവതരിപ്പിച്ച് BMW; വില 1.11 കോടി രൂപ

ബിഎംഡബ്ല്യു X6 50 ജഹ്രെ M എഡിഷന്‍ പൂര്‍ണമായും ബില്‍റ്റ്-അപ്പ് യൂണിറ്റായാണ് രാജ്യത്തേക്ക് പ്രവേശിക്കുന്നത്. സ്പോര്‍ട്സ് ആക്റ്റിവിറ്റി കൂപ്പെ പരിമിതമായ സംഖ്യകളില്‍ ലഭ്യമാണ്, മാത്രമല്ല ഓണ്‍ലൈനായി മാത്രം ബുക്ക് ചെയ്യാന്‍ സാധിക്കുകയുള്ളുവെന്നും കമ്പനി അറിയിച്ചു.

ബിഎംഡബ്ല്യു X6 50 ജഹ്രെ M എഡിഷനില്‍ ബിഎംഡബ്ല്യു ട്വിന്‍പവര്‍ ടര്‍ബോ സാങ്കേതികവിദ്യയുള്ള ത്രീ ലിറ്റര്‍ ഇന്‍ലൈന്‍ ആറ് സിലിണ്ടര്‍ പെട്രോള്‍ എഞ്ചിനാണ് ഉപയോഗിക്കുന്നത്. ഇത് പരമാവധി 340 bhp കരുത്തും 450 Nm പീക്ക് ടോര്‍ക്കും ഉത്പാദിപ്പിക്കുന്നു.

8-സ്പീഡ് സ്റ്റെപ്‌ട്രോണിക് സ്‌പോര്‍ട്ട് ഓട്ടോമാറ്റിക് ട്രാന്‍സ്മിഷനാണ് എഞ്ചിന്‍ ഘടിപ്പിച്ചിരിക്കുന്നത്. 5.5 സെക്കന്‍ഡിനുള്ളില്‍ 0-100 കിലോമീറ്റര്‍ വേഗത കൈവരിക്കുന്ന കാറിന് മണിക്കൂറില്‍ 250 കിലോമീറ്റര്‍ വേഗത കൈവരിക്കാനാകും.

ബിഎംഡബ്ല്യു കാര്യക്ഷമമായ ഡൈനാമിക്സ് ഉപയോഗിച്ച്, നിങ്ങള്‍ക്ക് ഓട്ടോ സ്റ്റാര്‍ട്ട്-സ്റ്റോപ്പ്, ബ്രേക്ക്-എനര്‍ജി റീജനറേഷന്‍, ഇലക്ട്രോണിക് പവര്‍ സ്റ്റിയറിംഗ്, 50:50 വെയ്റ്റ് ഡിസ്ട്രിബ്യൂഷന്‍, ഡ്രൈവിംഗ് എക്‌സ്പീരിയന്‍ കണ്‍ട്രോള്‍ സംവിധാനങ്ങള്‍ തുടങ്ങിയ സവിശേഷതകള്‍ ലഭിക്കും. ഡ്രൈവര്‍ക്ക് നാല് വ്യത്യസ്ത ഡ്രൈവിംഗ് മോഡുകള്‍ വാഹനത്തില്‍ ലഭ്യമാക്കിയിട്ടുണ്ട്- ഇക്കോ പ്രോ, കംഫര്‍ട്ട്, സ്‌പോര്‍ട്ട്, സ്‌പോര്‍ട്ട് പ്ലസ്.

ഉയര്‍ന്ന ഗ്ലോസ് ബ്ലാക്ക് നിറത്തിലുള്ള, ഒരു M എംബ്ലമുള്ള കാര്യമായ വലിയ ബിഎംഡബ്ല്യു കിഡ്നി ഗ്രില്ലുമായാണ് വാഹനം വരുന്നത്. റെഡ് ഹൈ ഗ്ലോസില്‍ 20 ഇഞ്ച് 740 M അലോയ്കളും M സ്പോര്‍ട് ബ്രേക്ക് കാലിപ്പറുകളും ഉണ്ട്. വാഹനത്തിന് ബിഎംഡബ്ല്യു ലേസര്‍ലൈറ്റ്, L ആകൃതിയിലുള്ള എല്‍ഇഡി പിന്‍ ലൈറ്റുകള്‍, പനോരമിക് സണ്‍റൂഫ് എന്നിവയുണ്ട്.

M സ്പോര്‍ട് ബ്രേക്കുകള്‍, M സ്പോര്‍ട് എക്സ്ഹോസ്റ്റ് സിസ്റ്റം, അഡാപ്റ്റീവ് M സസ്പെന്‍ഷന്‍, M എയറോഡൈനാമിക്സ് പാക്കേജ് എന്നിവയും ഇതിലുണ്ട്. ബ്ലാക്ക് സഫയര്‍ മെറ്റാലിക്, M കാര്‍ബണ്‍ ബ്ലാക്ക് മെറ്റാലിക് എന്നീ രണ്ട് എക്സ്റ്റീരിയര്‍ നിറങ്ങളിലാണ് വാഹനം വാഗ്ദാനം ചെയ്യുന്നത്.

ക്യാബിനിനുള്ളില്‍, ഫോര്‍-സോണ്‍ എയര്‍ കണ്ടീഷനിംഗ്, ഹര്‍മന്‍ കാര്‍ഡണ്‍ സറൗണ്ട് സൗണ്ട് സിസ്റ്റം, കംഫര്‍ട്ട് ആക്‌സസ് സിസ്റ്റം, സ്പോര്‍ട്സ് സീറ്റുകള്‍ എന്നിവ സ്റ്റാന്‍ഡേര്‍ഡായി കാണാം. ക്ലൈമറ്റ് കണ്‍ട്രോള്‍ കപ്പ് ഹോള്‍ഡറുകളും (ഹീറ്റഡ് & കൂള്‍ഡ്) വയര്‍ലെസ് ചാര്‍ജിംഗും സ്റ്റാന്‍ഡേര്‍ഡായി വാഹനത്തില്‍ കമ്പനി വാഗ്ദാനം ചെയ്യുന്നു.

ബിഎംഡബ്ല്യു X6 50 ജഹ്രെ M പതിപ്പിന് M ലെതര്‍ സ്റ്റിയറിംഗ് വീല്‍ ലഭിക്കുന്നു. വാഹനത്തിന് ബിഎംഡബ്ല്യു ലൈവ് കോക്ക്പിറ്റ് പ്രൊഫഷണലുണ്ട്, അതില്‍ ഐഡ്രൈവ് കണ്‍ട്രോളറോടുകൂടിയ ഉയര്‍ന്ന റെസല്യൂഷനുള്ള 12.3 ഇഞ്ച് സെന്‍ട്രല്‍ ഇന്‍ഫര്‍മേഷന്‍ ഡിസ്പ്ലേയും ടച്ച് ഫങ്ഷണാലിറ്റിയുള്ള നാവിഗേഷനും ഉള്‍പ്പെടുന്നു.

സ്റ്റാന്‍ഡേര്‍ഡ് ബിഎംഡബ്ല്യു ജെസ്ചര്‍ കണ്‍ട്രോള്‍ ഡ്രൈവര്‍മാരെ കൈ ആംഗ്യങ്ങളിലൂടെ വിവിധ പ്രവര്‍ത്തനങ്ങള്‍ ചെയ്യാന്‍ അനുവദിക്കുന്നു. ബിഎംഡബ്ല്യു ഡിസ്‌പ്ലേ കീ ഒരു ഓപ്ഷനായി ലഭ്യമാണ്.

സുരക്ഷാ ഫീച്ചറുകളെ സംബന്ധിച്ചിടത്തോളം, ബിഎംഡബ്ല്യു X6-ന്റെ 50 ജഹ്രെ M എഡിഷന്‍ ആറ് എയര്‍ബാഗുകള്‍, ഡൈനാമിക് ട്രാക്ഷന്‍ കണ്‍ട്രോള്‍ ഉള്‍പ്പെടെയുള്ള ഡൈനാമിക് സ്റ്റബിലിറ്റി കണ്‍ട്രോള്‍, കോര്‍ണറിംഗ് ബ്രേക്ക് കണ്‍ട്രോള്‍, ഓട്ടോ ഹോള്‍ഡോടുകൂടിയ ഇലക്ട്രിക് പാര്‍ക്കിംഗ് ബ്രേക്ക്, ഹില്‍ ഡിസന്റ് കണ്‍ട്രോള്‍, സൈഡ് ഇംപാക്ട് പ്രൊട്ടക്ഷന്‍, ഇലക്ട്രോണിക് വെഹിക്കിള്‍ ഇമോബിലൈസറും ക്രാഷ് സെന്‍സറും, ISOFIX ചൈല്‍ഡ് സീറ്റ് മൗണ്ടിംഗ്, ഇന്റഗ്രേറ്റഡ് എമര്‍ജന്‍സി സ്‌പെയര്‍ വീല്‍ എന്നിവ വാഗ്ദാനം ചെയ്യുകയും ചെയ്യുന്നു.