എര്‍ട്ടിഗയെയും ട്രൈബറിനെയും മലര്‍ത്തിയടിക്കാന്‍ C3 Aircross 7 സീറ്റര്‍; കൂടുതല്‍ വിവരങ്ങള്‍ വെളിപ്പെടുത്തി

C5 എയര്‍ക്രോസ് എന്ന പേരില്‍ പ്രീമിയം എസ്‌യുവിയുമായി കഴിഞ്ഞ വര്‍ഷമാണ് സിട്രണ്‍, ഇന്ത്യയില്‍ അരങ്ങേറ്റം കുറിക്കുന്നത്. എന്നാല്‍ വാഹനത്തിന് വില്‍പ്പനയുടെ കാര്യത്തില്‍ കാര്യമായി ഒന്നും ചെയ്യാന്‍ സാധിച്ചില്ല. സെഗ്മെന്റിലെ എതിരാളികളെക്കാള്‍ വലിയ വില വാഹനത്തിന്റെ വില്‍പ്പനയെ കാര്യമായി തന്നെ ബാധിക്കുകയും ചെയ്തു.

വില്‍പ്പന വര്‍ദ്ധിപ്പിക്കുന്നതിന്‍ ഭാഗമായി കമ്പനി 2022-ല്‍ എന്‍ട്രി ലെവല്‍ C3 കോംപാക്ട് ഹാച്ച്ബാക്ക് ആഭ്യന്തര വിപണിയില്‍ എത്തിച്ചു. C3-യെ അടിസ്ഥാനമാക്കിയുള്ള ഒരു വൈദ്യുതീകരിച്ച ഹാച്ച് 2023 ജനുവരിയില്‍ പ്രഖ്യാപിക്കുന്നതിനാല്‍ C3 നിര്‍മ്മിച്ചിരിക്കുന്ന CMP പ്ലാറ്റ്ഫോം ഉടന്‍ കൂടുതല്‍ മോഡലുകള്‍ക്കായി പ്രയോജനപ്പെടുത്തുമെന്നും കമ്പനി അറിയിച്ചിട്ടുണ്ട്. ടാറ്റ ടിയാഗോ ഇവിയുമായിട്ടാകും സിട്രണിന്റെ ഇലക്ട്രിക് വാഹനവും മത്സരിക്കുക. വില ഏകദേശം 10-12 ലക്ഷം രൂപ വരെയായിരിക്കാമെന്നും റിപ്പോര്‍ട്ടില്‍ പറയുന്നു.

യൂറോപ്യന്‍ വിപണികളില്‍ ഇതിനകം കണ്ടെത്തിയിട്ടുള്ള e-CMP ആര്‍ക്കിടെക്ചര്‍ eC3 നായി ഉപയോഗിക്കും. എന്നാല്‍ ഈ മോഡലുകളില്‍ ഒന്നും അവസാനിപ്പിക്കില്ലെന്നാണ് കമ്പനി വ്യക്തമാക്കുന്നത്. ഇന്ത്യന്‍ വിപണിക്കായി തങ്ങള്‍ക്ക് വലിയ പദ്ധതികള്‍ ഉണ്ടെന്നും വരും വര്‍ഷങ്ങളില്‍ നിരവധി വാഹനങ്ങള്‍ രാജ്യത്ത് വില്‍പ്പനയ്ക്ക് എത്തിക്കുമെന്നും കമ്പനി അറിയിച്ചിട്ടുണ്ട്. 2023-ന്റെ അവസാനത്തോടെ മൂന്ന് നിരകളുള്ള C3 ലോഞ്ച് ചെയ്യപ്പെടുമെന്നാണ് റിപ്പോര്‍ട്ടുകള്‍. ഇത് C3 എയര്‍ക്രോസ്, C3 സ്‌പോര്‍ട്ട് ടുറര്‍ അല്ലെങ്കില്‍ C3 പ്ലസ് എന്ന് നാമകരണം ചെയ്യപ്പെടാം.

കൂടാതെ റെനോ ട്രൈബറിനെതിരെ മത്സരിക്കാന്‍ ഇതിന് കഴിവുണ്ടെന്നും കമ്പനി പറയുന്നു. കാരണം ഇത് ഒരു ബജറ്റ് ഏഴ് സീറ്റര്‍ സ്വന്തമാക്കാന്‍ ആഗ്രഹിക്കുന്ന ആളുകളെ ആകര്‍ഷിക്കുമെന്നാണ് സിട്രണ്‍ പറയുന്നത്. ഏഴ് സീറ്റുകളുള്ള സിട്രണ്‍ C3-ന് വെറും 10 ലക്ഷം രൂപയ്ക്ക് താഴെയുള്ള കുടുംബ അധിഷ്ഠിത വാഹനം സ്വന്തമാക്കാന്‍ ആഗ്രഹിക്കുന്ന ഉപഭോക്താക്കളെ ആകര്‍ഷിക്കാന്‍ കഴിയും. മാരുതി സുസുക്കി എര്‍ട്ടിഗയ്ക്കും കിയ കാരെന്‍സിനും താങ്ങാനാവുന്ന ഒരു ബദലായിട്ടാകും ഇത് പ്രവര്‍ത്തിക്കുക.

സാധാരണ C3 ഹാച്ച്ബാക്കിനൊപ്പം ഇതിന് നിരവധി സാമ്യതകള്‍ ഉണ്ടായിരിക്കും, കാരണം ഡിസൈന്‍ സൂചകങ്ങളും ഇന്റീരിയര്‍ ബിറ്റുകളും സ്‌കെയില്‍ സമ്പദ്‌വ്യവസ്ഥ കൈവരിക്കുന്നതിന് പങ്കിടും. ഏതാനും മാസങ്ങള്‍ക്കുമുമ്പ് ഇത് ഇന്ത്യന്‍ നിരത്തുകളില്‍ പരീക്ഷണയോട്ടം നടത്തുന്നതായി കണ്ടെത്തിയിരുന്നു. പുറത്ത്, ഏഴ് സീറ്റര്‍ C3-യില്‍ ഹാച്ച്ബാക്ക് സഹോദരന്റെ അതേ ഗ്രില്ലും ഹെഡ്‌ലാമ്പുകളും ബമ്പറും ഉണ്ടായിരിക്കും. എന്നാല്‍, ബി പില്ലറുകള്‍ വരെ മാത്രമേ സമാനതകള്‍ നിലനില്‍ക്കൂ. ഇത് സാധാരണ C3-നേക്കാള്‍ ദൈര്‍ഘ്യമേറിയതായിരിക്കുമെന്ന് പ്രതീക്ഷിക്കുന്നു.

കൂടാതെ ഉള്ളില്‍ കൂടുതല്‍ യാത്രക്കാരെ ഉള്‍ക്കൊള്ളാന്‍ പിന്‍ഭാഗത്തെ ഓവര്‍ഹാംഗും നീളമുള്ളതായിരിക്കും. ആറ് സ്പീഡ് മാനുവല്‍ ട്രാന്‍സ്മിഷനുമായി ജോടിയാക്കിയ അതേ 1.2 ലിറ്റര്‍ ടര്‍ബോചാര്‍ജ്ഡ് പെട്രോള്‍ എഞ്ചിന്‍ തന്നെ സിട്രണ്‍ C3 എയര്‍ക്രോസിനും കരുത്ത് നല്‍കുക. അടിസ്ഥാന വേരിയന്റുകളില്‍ 1.2 ലിറ്റര്‍ നാച്ചുറലി ആസ്പിരേറ്റഡ് പെട്രോള്‍ എഞ്ചിന്‍ ഘടിപ്പിക്കാം. താങ്ങാനാവുന്ന വിലയില്‍ ഇരിക്കുന്നുണ്ടെങ്കിലും, C3 ഉയര്‍ന്ന വില്‍പ്പന അളവ് നേടുന്നില്ല, എന്നാല്‍ കൂടുതല്‍ പ്രായോഗികമായ മൂന്ന്-വരി പതിപ്പ് ചേര്‍ക്കുന്നത് വില്‍പ്പന സംഖ്യകള്‍ മെച്ചപ്പെടുത്തുമെന്നാണ് കമ്പനി പ്രതീക്ഷിക്കുന്നത്.

ക്യാബിന് കളര്‍ കോ-ഓര്‍ഡിനേറ്റഡ് ബിറ്റുകള്‍, കണക്റ്റിവിറ്റി ഓപ്ഷനുകളുള്ള ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, ഒന്നിലധികം എയര്‍ബാഗുകള്‍, മൗണ്ടഡ് കണ്‍ട്രോള്‍ ഉള്ള സ്റ്റിയറിംഗ് വീല്‍ മുതലായവ ലഭിക്കും. അതേസമയം ബ്രാന്‍ഡില്‍ നിന്നുള്ള മറ്റ് വാര്‍ത്തകള്‍ പരിശോധിച്ചാല്‍, വിവിധ സോഷ്യല്‍ മീഡിയ പ്ലാറ്റ്ഫോമുകളില്‍ പങ്കിട്ട ഏറ്റവും പുതിയ ടീസറില്‍ വരാനിരിക്കുന്ന C3 ഇവിയുടെ പേര് വെളിപ്പെടുത്തി. ഏറ്റവും പുതിയ ടീസര്‍ ചിത്രം അനുസരിച്ച്, സിട്രണ്‍ C3 ഹാച്ച്ബാക്കിന്റെ ഇലക്ട്രിക് പതിപ്പിന് 'eC3' എന്ന് നാമകരണം ചെയ്യും. കൂടാതെ, 2023 ഓട്ടോ എക്സ്പോയില്‍ സിട്രണ്‍ eC3 അവതരിപ്പിക്കുമെന്നാണ് പ്രതീക്ഷിക്കുന്നത്. വരാനിരിക്കുന്ന സി്ട്രണ്‍ eC3 ഇലക്ട്രിക് ഹാച്ച്ബാക്കിന്റെ കൃത്യമായ ലോഞ്ച് തീയതി ഫ്രഞ്ച് കാര്‍ നിര്‍മാതാവ് ഇതുവരെ വെളിപ്പെടുത്തിയിട്ടില്ല.