Click it and Unblock the Notifications
ഡ്യുവല്-ടോണ് കളര് ഓപ്ഷനില് Citroen C3; എതിരാളികള് ടാറ്റ നെക്സോണും, മാരുതി ബ്രെസയും
ഫ്രഞ്ച് നിര്മാതാക്കളായ സിട്രണ്, C5 എയര്ക്രോസ് ഇന്ത്യയില് അവതരിപ്പിച്ചതുമുതല് കേട്ട് തുടങ്ങിയ പേരാണ് C3 എന്നത്. നാളുകളായി വാഹനത്തിന്റെ പരീക്ഷണയോട്ടം നിരത്തുകളില് സജീവവുമാണ്.
അധികം വൈകാതെ വാഹനം വിപണിയില് എത്തുമെന്ന് വാര്ത്തകള് വന്നിരുന്നെങ്കിലും ലോഞ്ച് ചെയ്യുന്ന കൃത്യമായി തീയതി ഇതുവരെ കമ്പനി വെളിപ്പെടുത്തിയിട്ടില്ല. എന്നിരുന്നാലും നിരത്തുകളിലെ പരീക്ഷണയോട്ടത്തിന് കമ്പനി ഒരു കുറവും വരുത്തിയിട്ടില്ല.
ഇപ്പോഴും പരീക്ഷണയോട്ടം നടത്തുന്ന വാഹനത്തിന്റെ ചിത്രങ്ങള് പുറത്തുവന്നിരിക്കുകയാണ്. നേരത്തേതില് നിന്ന് വ്യത്യസ്തമായി ഇത്തവണ മൂടിക്കെട്ടലുകള് ഒന്നും ഇല്ലാതെയാണ് വാഹനത്തിന്റെ പരീക്ഷണയോട്ടം എന്ന് വേണം പറയാന്. യാതൊരു മൂടിക്കെട്ടലുകള് ഇല്ലാതെ പുതിയ ഡ്യുവല്-ടോണ് എക്സ്റ്റീരിയര് കളര് ഓപ്ഷനില് പരീക്ഷണം നടത്തുന്ന വാഹനത്തിന്റെ ചിത്രങ്ങളാണ് ഡൈവ്സ്പാര്ക്കിന് ലഭിച്ചത്.
കോണ്ട്രാസ്റ്റിംഗ് ഓറഞ്ച് റൂഫുള്ള ഗ്രേ എക്സ്റ്റീരിയര് കളര് ഓപ്ഷനിലാണ് സിട്രണ് C3 കണ്ടത്. ഇന്ത്യയില് ആദ്യമായാണ് ഒരു സിട്രണ് C3 മോഡല് ഈ നിറത്തില് കാണുന്നതെന്ന് വേണം പറയാന്.
പുറത്തിറക്കുമ്പോള്, രാജ്യത്തെ മറ്റ് സബ്-4 മീറ്റര് എസ്യുവികളായ ഹ്യുണ്ടായി വെന്യു, കിയ സോനെറ്റ്, നിസാന് മാഗ്നൈറ്റ്, റെനോ കൈഗര്, മാരുതി സുസുക്കി വിറ്റാര ബ്രെസ, ടാറ്റ നെക്സോണ്, മഹീന്ദ്ര XUV300 എന്നിവയ്ക്കെതിരെയാകും ഇത് മത്സരിക്കുക.
വിപുലമായ പരിശോധനകള് കണക്കിലെടുക്കുമ്പോള്, ഫ്രഞ്ച് വാഹന നിര്മാതാവ് വരാനിരിക്കുന്ന സിട്രണ് C3 സബ്-4 മീറ്റര് എസ്യുവിയെ 'ഇന്ത്യക്കാര്ക്കായി ഇന്ത്യയില് നിര്മ്മിച്ചത്' എന്ന് വിശേഷിപ്പിക്കുന്നതില് തെറ്റൊന്നുമില്ലെന്ന് വേണം പറയാന്.
സിട്രണ് C3-യെ കുറിച്ച് പറയുകയാണെങ്കില്, ഇന്ത്യന് വിപണിയില് എസ്യുവിയെ കൂടുതല് താങ്ങാനാവുന്നതാക്കി മാറ്റുന്നതിന് ഉല്പ്പാദനച്ചെലവ് കുറയ്ക്കുന്നതിന് സിട്രണിന്റെ കോമണ് മോഡുലാര് പ്ലാറ്റ്ഫോമിലാണ് (CMP) സബ്-4 മീറ്റര് എസ്യുവി നിര്മ്മിച്ചിരിക്കുന്നത്. ഇത് വില നിര്ണ്ണയത്തില് ഒരു പ്രധാന പങ്ക് വഹിക്കുമെന്ന് വേണം പറയാന്.
കൂടാതെ, സിട്രണ് C3 എസ്യുവി തിരഞ്ഞെടുക്കാന് 78 വ്യത്യസ്ത ആക്സസറികളുള്ള വൈവിധ്യമാര്ന്ന കസ്റ്റമൈസേഷന് ഓപ്ഷനുകളോടെ വരുമെന്ന് ഞങ്ങള് പ്രതീക്ഷിക്കുന്നു.
ഈ കസ്റ്റമൈസേഷന് ഓഫര് വളരെ പ്രധാനമാണ്, കാരണം ഇന്ത്യയിലെ കോംപാക്ട് എസ്യുവി സെഗ്മെന്റ് വളരെ മത്സരാധിഷ്ഠിതവും അതുല്യമായ എന്തെങ്കിലും വാഗ്ദാനം ചെയ്യുന്നത് വളരെ പ്രാധാന്യമുള്ളതുമാണ്.
ഫീച്ചറുകളുടെ കാര്യത്തില്, വരാനിരിക്കുന്ന സിട്രണ് C3 സബ്-4 മീറ്റര് എസ്യുവി ഒരു വലിയ 10 ഇഞ്ച് ടച്ച്സ്ക്രീന് സിസ്റ്റവുമായി വരും, കൂടാതെ സിസ്റ്റം ആപ്പിള് കാര്പ്ലേ, ആന്ഡ്രോയിഡ് ഓട്ടോ, നാവിഗേഷന് എന്നിവയും അതിലേറെയും പോലുള്ള കണക്റ്റിവിറ്റി സവിശേഷതകള് വാഗ്ദാനം ചെയ്യാനും സാധ്യതയുണ്ട്.
വരാനിരിക്കുന്ന സി്ട്രണ് C3 എസ്യുവിയുടെ മറ്റൊരു ഹൈലൈറ്റ് ഫ്ലെക്സ്-ഫ്യുവല് എഞ്ചിനാണ്. ഇത് ഫ്ലെക്സ്-ഫ്യൂവല് പവര്ട്രെയിനുമായി വരുന്ന ഇന്ത്യയിലെ ആദ്യത്തെ എസ്യുവിയായി C3-യെ മാറ്റുകയും ചെയ്യുന്നു.
ഫ്ലെക്സ്-ഫ്യുവല് ആയതുകൊണ്ട്, പവര്ട്രെയിന് പെട്രോളിലും എത്തനോള് അധിഷ്ഠിത ഇന്ധനത്തിലും പ്രവര്ത്തിക്കാന് സാധ്യതയുണ്ടെന്ന് വേണം പറയാന്.
ഇതുകൂടാതെ, 130 bhp പീക്ക് പവര് ഉല്പ്പാദിപ്പിക്കാന് ശേഷിയുള്ള 1.2 ലിറ്റര് ടര്ബോചാര്ജ്ഡ് യൂണിറ്റ് സിട്രണ് C3-യ്ക്ക് ലഭിച്ചേക്കും. എന്നിരുന്നാലും, ഈ എഞ്ചിന് ഇന്ത്യയില് കൂടുതല് ഇന്ധനക്ഷമതയ്ക്കായി ട്യൂണ് ചെയ്യാവുന്നതാണ്.
ഫ്രഞ്ച് വാഹന നിര്മ്മാതാവ് 1.6 ലിറ്റര് നാച്ചുറലി-ആസ്പിറേറ്റഡ് എഞ്ചിന്റെ പരിഷ്കരിച്ച പതിപ്പ് ഉപയോഗിക്കാനുള്ള സാധ്യതയുണ്ടെന്നും റിപ്പോര്ട്ടില് പറയുന്നു. ഇത് മൊത്തത്തിലുള്ള ഉല്പ്പാദനച്ചെലവ് കുറയ്ക്കും.
നിലവില്, സിട്രണ് ഇന്ത്യയില് സിട്രോണ് C5 എയര്ക്രോസ് എസ്യുവി റീട്ടെയില് ചെയ്യുന്നു, കൂടാതെ എസ്യുവി മറ്റ് പ്രീമിയം 5-സീറ്റര് എസ്യുവികളായ ഹ്യുണ്ടായി ട്യൂസോണ്, ജീപ്പ് കോമ്പസ്, ഫോക്സ്വാഗണ് ടിഗുവാന് എന്നിവയ്ക്കെതിരെ മത്സരിക്കുകയും ചെയ്യുന്നു.
ഇന്ത്യയിലെ ഏറ്റവും ലാഭകരമായ സെഗ്മെന്റുകളിലൊന്നില് ഈ മോഡല് മത്സരിച്ചതിനാല് C3 എസ്യുവിയെക്കുറിച്ച് സിട്രണിന് വലിയ പ്രതീക്ഷയുണ്ട്. എന്നിരുന്നാലും, എസ്യുവിയുടെ വിജയം നിര്മാതാവ് വാഗ്ദാനം ചെയ്യുന്ന വിലയെയും അതുല്യതയെയും ആശ്രയിച്ചിരിക്കുമെന്ന് വേണം പറയാന്. നിലവില് വാഹനത്തിന്റെ വില സംബന്ധിച്ച് സൂചനകള് ഒന്നും തന്നെ ലഭ്യമല്ല.
Continue with Google