Click it and Unblock the Notifications
Force Gurkha 5-ഡോറിനെ അടിസ്ഥാനമാക്കി ക്ഷത്രിയ പിക്കപ്പ്; കൂടുതല് അറിയാം
ഇന്ത്യയില് നിങ്ങള്ക്ക് വാങ്ങാന് കഴിയുന്ന ഏറ്റവും മികച്ച ഓഫ്-റോഡ് ഫോക്കസ്ഡ് എസ്യുവികളിലൊന്നാണ് ഫോഴ്സ് ഗൂര്ഖ. അന്താരാഷ്ട്ര വിപണികളിലും വാഹനത്തിന് മികച്ച ജനപ്രീതിയാണുള്ളത്.
ഇതിന്റെ ഭാഗമായി എസ്യുവി ഇന്തോനേഷ്യന് വിപണിയിലും വില്പ്പനയ്ക്ക് എത്തിക്കാനൊരുങ്ങുകയാണ് കമ്പനി. വിശദാംശങ്ങളിലേക്ക് കടക്കുമ്പോള്, ഇന്തോനേഷ്യന് ആസ്ഥാനമായുള്ള റിപ്പബ്ലിക് മോട്ടോര് ഒരു ഡബിള് ക്യാബ് പിക്കപ്പ് എസ്യുവി ഇന്ഡോ ഡിഫന്സ് എക്സ്പോയിലും ഫോറത്തിലും പ്രദര്ശിപ്പിച്ചു.
ഈ എസ്യുവിയെ 'ക്ഷത്രിയ' എന്നാകും ഇന്തോനേഷ്യന് വിപണിയില് വിളിക്കുക. ഇത് പ്രധാനമായും ഫോഴ്സ് ഗൂര്ഖ എസ്യുവിയുടെ 5-ഡോര് പിക്കപ്പ് പതിപ്പാണ്. ക്ഷത്രിയ എസ്യുവികള് ആദ്യം ഇന്തോനേഷ്യയിലെ സര്ക്കാര് ഏജന്സികള്ക്ക് വില്ക്കുമെന്നും പിന്നീട് ഇത് ഉപഭോക്താക്കള്ക്ക് ലഭ്യമാകുമെന്നും വൃത്തങ്ങള് സൂചിപ്പിക്കുന്നു. കൂടാതെ, റിപ്പബ്ലിക് മോട്ടോര്സ് ക്ഷത്രിയ എസ്യുവിയുടെ 5-ഡോര് എസ്യുവി വേരിയന്റും പ്രദര്ശിപ്പിച്ചു.
എക്സ്റ്റീരിയര് ഡിസൈന്
ഡിസൈനിലേക്ക് വരുമ്പോള്, ക്ഷത്രിയ 5-ഡോര് എസ്യുവി വരാനിരിക്കുന്ന ഫോഴ്സ് ഗൂര്ഖ 5-ഡോര് എസ്യുവിയുമായി വളരെ സാമ്യമുള്ളതാണ്. എന്നിരുന്നാലും, വരാനിരിക്കുന്ന ഫോഴ്സ് ഗൂര്ഖ 5-ഡോര് എസ്യുവിയുടെയും ക്ഷത്രിയ എസ്യുവിയുടെയും സ്പൈ ഷോട്ടുകള് താരതമ്യം ചെയ്യുമ്പോള്, രണ്ടാമത്തേത് കുറച്ച് മാറ്റങ്ങളോടെയാണ് വരുന്നത്.
ഇതില് പുതിയ പരുക്കന് രൂപത്തിലുള്ള ക്രാഷ് ഗാര്ഡ്, ഒരു കൂട്ടം ബ്ലാക്ക് അലോയ് വീലുകള്, ഏറ്റവും പ്രധാനമായി ഒരു ജോടി എല്ഇഡി ടെയില് ലാമ്പുകള്, കൂടുതല് സംരക്ഷണത്തിനായി ഗ്രില് കവര് എന്നിവ ഉള്പ്പെടുന്നു. ഈ മാറ്റങ്ങള് ക്ഷത്രിയ 5-ഡോര് പിക്കപ്പ് എസ്യുവിയുടെ ഭാഗമാണ് എന്നതും എടുത്തുപറയേണ്ടതാണ്.
ഇന്റീരിയര് ഡിസൈന്
ഇന്തോനേഷ്യന് വാഹന നിര്മാതാക്കളില് നിന്ന് ഫോഴ്സ് മോട്ടോറിന് ഒന്നോ രണ്ടോ കാര്യങ്ങള് പഠിക്കേണ്ടതുണ്ടെന്ന് ക്ഷത്രിയയുടെ ഉള്ളിലേക്ക് കടക്കുമ്പോള് തോന്നുന്നു. ക്ഷത്രിയയുടെ ഇന്റീരിയര് അതിന്റെ ഇന്ത്യന് എതിരാളികളേക്കാള് വളരെ മികച്ചതായി കാണപ്പെടുന്നു.
ബ്ലാക്കും ബീജ് നിറവും സംയോജിപ്പിച്ച് ആകര്ഷകമായ ഡ്യൂവല്-ടോണ് ഇന്റീരിയറിലാണ് ക്ഷത്രിയ വരുന്നത് - ഇത് ക്യാബിന് കൂടുതല് പ്രീമിയം ആക്കുന്നു. ഇതിനുപുറമെ, ക്ഷത്രിയ എസ്യുവികള്ക്ക് പ്ലഷര്-ലുക്ക് സീറ്റുകളും നിയന്ത്രണങ്ങളോടുകൂടിയ സീലിംഗ് മൗണ്ടഡ് എസി വെന്റുകളും ലഭിക്കും.
എഞ്ചിന് & ഗിയര്ബോക്സ്
ക്ഷത്രിയ എസ്യുവി അടിസ്ഥാനപരമായി ഫോഴ്സ് ഗൂര്ഖ എസ്യുവിയുടെ റീബാഡ്ജ് ചെയ്ത പതിപ്പായതിനാല്, ഗൂര്ഖ ശ്രേണിയില് നിന്നുള്ള 2.6 ലിറ്റര്, ടര്ബോചാര്ജ്ഡ്, ഡീസല് എഞ്ചിന് തന്നെയാകും ഇതിനും കരുത്തേകുക.
ഫോഴ്സ് ഗൂര്ഖ എസ്യുവിയിലെ ഈ എഞ്ചിന് 91 bhp പവറും 250 Nm പീക്ക് ടോര്ക്കും ഉല്പ്പാദിപ്പിക്കും. ഇന്ത്യയില് വില്ക്കുന്ന ഫോഴ്സ് ഗൂര്ഖ എസ്യുവികളിലെ അതേ 5-സ്പീഡ് മാനുവല് ഗിയര്ബോക്സ് തന്നെയാണ് ക്ഷത്രിയ മോഡലിലും സ്പോര്ട് ചെയ്യുന്നത്. കൂടാതെ, ലോ-റേഞ്ച് ഗിയര്ബോക്സും രണ്ട് അറ്റത്തും മെക്കാനിക്കലി ലോക്കിംഗ് ഡിഫറന്ഷ്യലുകളുമുള്ള ഫോര് വീല് ഡ്രൈവ് സിസ്റ്റവുമായും ക്ഷത്രിയ എസ്യുവിയിലും കമ്പനി അവതരിപ്പിക്കും.
ഫോഴ്സ് ഗൂര്ഖ 5-ഡോര് എസ്യുവി
ഗൂര്ഖ എസ്യുവിയുടെ 5-ഡോര് പതിപ്പ് ഇന്ത്യയില് അവതരിപ്പിക്കാന് ഫോഴ്സ് മോട്ടോഴ്സ് ഒരുങ്ങുകയാണ്, സ്രോതസ്സുകള് അനുസരിച്ച്, വരാനിരിക്കുന്ന എസ്യുവിക്കായി ഡീലര്ഷിപ്പ് സ്റ്റാഫ് പരിശീലനം കമ്പനി ഇതിനകം ആരംഭിച്ചിട്ടുണ്ട്.
ഇന്തോനേഷ്യന് വിപണികളില് ക്ഷത്രിയ എസ്യുവികള് അവതരിപ്പിക്കുന്നതോടെ ആഗോള വാഹന മേഖലയില് ഫോഴ്സ് മോട്ടോഴ്സിന് കൂടുതല് സാന്നിധ്യമാകും. അതിലുപരിയായി, ഇന്ത്യയിലെ ഗൂര്ഖ 5-ഡോര് എസ്യുവിയുടെ വിജയം മറ്റ് അന്താരാഷ്ട്ര വിപണികളില് മോഡല് അവതരിപ്പിക്കാന് വാഹന നിര്മ്മാതാക്കള്ക്ക് വളരെയധികം ആത്മവിശ്വാസം നല്കുകയും ചെയ്യും.
Images for representation only
Continue with Google