Click it and Unblock the Notifications
Tata Tiago ഇലക്ട്രിക് ബുക്ക് ചെയ്യാന് താല്പ്പര്യമുണ്ടോ? അറിഞ്ഞിരിക്കേണ്ട കാര്യങ്ങള് ഇതൊക്കെ
അടുത്തിടെ പുറത്തിറക്കിയ ടാറ്റ ടിയാഗോ ഇവി ഇന്ത്യന് വിപണിയിലെ ഏറ്റവും പുതിയ ഇലക്ട്രിക് കാറാണ്, കൂടാതെ ഏറ്റവും കുറഞ്ഞ വിലയില് എത്തുന്ന ഒരു മോഡല് കൂടിയാണിത്. 8.49 ലക്ഷം രൂപ മുതലാണ് ഇതിന്റെ എക്സ്ഷോറൂം വില ആരംഭിക്കുന്നത്.
ടോപ്പ്-എന്ഡ് വേരിയന്റിന് 11.79 ലക്ഷം രൂപയാണ് എക്സ്ഷോറൂം വിലയായി നല്കേണ്ടത്. പുറത്തിറക്കിയ ടിയാഗോ ഇവി മൊത്തം 7 വേരിയന്റുകളില് ലഭ്യമാണ്, അവ ട്രിം ലെവലുകള്, ചാര്ജിംഗ് ഓപ്ഷനുകള്, ബാറ്ററി പാക്ക് വലുപ്പം എന്നിവയില് വ്യത്യാസപ്പെട്ടിരിക്കുന്നു.
ടാറ്റ മോട്ടോര്സിന്റെ ഏറ്റവും പുതിയ ഇലക്ട്രിക് വാഹനമായ ടിയാഗോ ഇവിയുടെ ബുക്കിംഗ് വിന്ഡോ ഇന്ന് ഉച്ചയ്ക്ക് മുതല് തുറക്കുമെന്നാണ് അറിയിച്ചിരിക്കുന്നത്. രാജ്യത്തെ വ്യക്തിഗത ഉപഭോക്താക്കള്ക്ക് ലഭ്യമായ ഏറ്റവും താങ്ങാനാവുന്ന ഇലക്ട്രിക് ഹാച്ച്ബാക്ക് ആണിത്, അതുകൊണ്ട് തന്നെ മികച്ച ഒരു വില്പ്പനയാണ് വാഹനത്തിലൂടെ കമ്പനി ലക്ഷ്യമിടുന്നതും.
19.2 kWh മോട്ടോര് അല്ലെങ്കില് ഫാസ്റ്റ് ചാര്ജിംഗ് പിന്തുണയ്ക്കുന്ന 24 kWh യൂണിറ്റാണ് ടാറ്റ ടിയാഗോ ഇവിക്ക് കരുത്തേകുന്നത്. 19.2 kWh ബാറ്ററി പാക്ക് 60 bhp കരുത്തും 110 Nm torque ഉം ഉത്പാദിപ്പിക്കുന്നു, ഫുള് ചാര്ജില് 250 കിലോമീറ്റര് റേഞ്ച് വാഗ്ദാനം ചെയ്യുന്നു.
വലിയ 24 kWh ബാറ്ററി പാക്ക് 74 bhp കരുത്തും 114 Nm ടോര്ക്കും ഉത്പാദിപ്പിക്കുന്നു, അതേസമയം ടാറ്റ മോട്ടോര്സ് അവകാശപ്പെടുന്നത് 315 കിലോമീറ്റര് റേഞ്ചാണ്.
ഒരു ഡിസി ഫാസ്റ്റ് ചാര്ജര് ഉപയോഗിച്ച്, ടാറ്റ ടിയാഗോ ഇവിയുടെ ബാറ്ററി പായ്ക്ക് 57 മിനിറ്റിനുള്ളില് 10 മുതല് 80 ശതമാനം വരെ ചാര്ജ് ചെയ്യാന് കഴിയും, അതേസമയം 7.2 കിലോവാട്ട് എസി ചാര്ജര് 3 മണിക്കൂര് 36 മിനിറ്റിനുള്ളില് ബാറ്ററി പാക്ക് 0 മുതല് 100 ശതമാനം വരെ ചാര്ജ് ചെയ്യുന്നു.
സ്മാര്ട്ട്ഫോണ് കണക്റ്റിവിറ്റിയുള്ള 7.0 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, വൈദ്യുതപരമായി ക്രമീകരിക്കാനും മടക്കാനും കഴിയുന്ന OVRM-കള്, ക്രൂയിസ് കണ്ട്രോള്, ഓട്ടോമാറ്റിക് ക്ലൈമറ്റ് കണ്ട്രോള്, റെയിന് സെന്സിംഗ് വൈപ്പറുകള്, ഓട്ടോ ഹെഡ്ലാമ്പുകള്, ലെതറെറ്റ് സീറ്റുകള് എന്നിവ ടാറ്റ ടിയാഗോ ഇവി വാഗ്ദാനം ചെയ്യുന്ന ഫീച്ചറുകളാണ്.
NCAP-യുടെ 4-സ്റ്റാര് റേറ്റഡ് ഹാച്ച്ബാക്കാണ് പുതിയ ടിയാഗോ ഇവി, കൂടാതെ ഡ്യുവല് എയര്ബാഗുകള്, EBD ഉള്ള ABS, ISOFIX ചൈല്ഡ് സീറ്റ് ആങ്കറുകള്, സീറ്റ്ബെല്റ്റ് റിമൈന്ഡര്, റിവേഴ്സ് പാര്ക്കിംഗ് സെന്സറുകള് എന്നിവയും ലഭിക്കുന്നു. ടാറ്റ ടിയാഗോ ഇവിക്ക് ഇന്ത്യന് വിപണിയില് നേരിട്ടുള്ള എതിരാളിയില്ല, മറ്റൊരു സെഗ്മെന്റിലുള്ള ടാറ്റ ടിഗോര് ഇവിയാണ് അതിന്റെ ഏറ്റവും അടുത്ത എതിരാളി.
വാഹനം ബുക്ക് ചെയ്യാന് താല്പ്പര്യമുണ്ടോ? ഘട്ടം ഘട്ടമായുള്ള ഗൈഡ്ലൈന് ഇതാ
ടാറ്റ ടിയാഗോ ഇവിയുടെ ബുക്കിംഗ് ഓണ്ലൈനിലോ ടാറ്റ മോട്ടോര്സിന്റെ രാജ്യത്തെ ഏതെങ്കിലും അംഗീകൃത ഡീലര്ഷിപ്പിലോ ചെയ്യാം. 10,000 രൂപയാണ് ബുക്കിംഗ് തുകയായി നല്കേണ്ടത്.
ആദ്യ 10,000 യൂണിറ്റുകള്ക്ക് മാത്രമേ ഈ പ്രാരംഭ വിലയ്ക്ക് അര്ഹതയുള്ളൂ എന്നതിനാല്, ഇതിനകം തന്നെ ടാറ്റ ഇലക്ട്രിക് കാര് ഉള്ളവര്ക്കായി 2,000 യൂണിറ്റുകള് റിസര്വ് ചെയ്തിരിക്കുന്നതിനാല് ഓണ്ലൈനില് തിരക്ക് പ്രതീക്ഷിക്കാം.
ടിയാഗോ ഇവിയുടെ ഡെലിവറി അടുത്ത വര്ഷം ജനുവരി മുതല് ആരംഭിക്കും എന്നാല് ഉപഭോക്തൃ ടെസ്റ്റ് ഡ്രൈവുകള് ഡിസംബര് രണ്ടാം പകുതി മുതല് ആരംഭിക്കും. രാജ്യത്തെ പ്രമുഖ നഗരങ്ങളിലെ പ്രമുഖ മാളുകളില് ഇവിയുടെ ഡിസ്പ്ലേ യൂണിറ്റുകള് സ്ഥാപിക്കുമെന്നും ടാറ്റ മോട്ടോര്സ് അറിയിച്ചു.
ഡെലിവറി ടൈംലൈനുകളെ സംബന്ധിച്ചിടത്തോളം, ഇത് ബുക്ക് ചെയ്യുന്ന സമയം, വേരിയന്റ്, തിരഞ്ഞെടുത്ത നിറം മുതലായവയെ ആശ്രയിച്ചിരിക്കും. എന്നിരുന്നാലും, കമ്പനി ടോപ്പ് എന്ഡ് XZ+ ടെക് LUX വേരിയന്റിന്റെ നിര്മ്മാണത്തിന് മുന്ഗണന നല്കുന്നു, അതായത് നിങ്ങള് ഇത് തിരഞ്ഞെടുക്കുകയാണെങ്കില്, അധികം വൈകാതെ നിങ്ങള്ക്ക് ലഭിക്കാനുള്ള സാധ്യത കൂടുതലാണ്.
Continue with Google