Click it and Unblock the Notifications
BYD Atto 3 എത്തുന്നത് 'വാഴാന്' തന്നെ; ഇലക്ട്രിക് എസ്യുവിയെ കുറിച്ച് അറിയേണ്ട മികച്ച 10 കാര്യങ്ങള്
ചൈനീസ് വാഹന നിര്മാതാക്കളായ ബിൽഡ് യുവർ ഡ്രീംസ് (BYD) കഴിഞ്ഞ ദിവസമാണ് അറ്റോ 3 ഇലക്ട്രിക് കാര് ഇന്ത്യയില് ലോഞ്ച് ചെയ്തത്. BYD യുടെ ഇന്ത്യയിലെ രണ്ടാമത്തെ ഓഫറിങ്ങനെ കുറിച്ചുള്ള പ്രധാനപ്പെട്ട 10 കാര്യങ്ങള് പങ്കുവെക്കുകയാണ് ഈ ലേഖനത്തില്.
വില
3.99 ലക്ഷം രൂപയാണ് അറ്റോ 3 ഇലക്ട്രിക് എസ്യുവിയുടെ വില (എക്സ്-ഷോറൂം, ഇന്ത്യ). അടുത്ത എതിരാളികളുമായി തട്ടിച്ച് നോക്കുമ്പോള് അല്പം കൂടുതലാണെങ്കിലും നല്കിയിരിക്കുന്ന വിലയ്ക്ക് വളരെ മികച്ച സവിശേഷതകളോടെയാണ് BYD അറ്റോ 3 ഇലക്ട്രിക് എസ്യുവി വരുന്നത്.
എതിരാളികള്
പുതുതായി പുറത്തിറക്കിയ BYD അറ്റോ 3 ഇലക്ട്രിക് എസ്യുവി ഹ്യുണ്ടായി കോന, എംജി ZS ഇവി തുടങ്ങിയ ഇലക്ട്രിക് എസ്യുവികളോട് മത്സരിക്കുന്നു. എന്നിരുന്നാലും, മറ്റ് നിര്മ്മാതാക്കള് കൂടി അവരുടെ ഇലക്ട്രിക് എസ്യുവികള് ഇന്ത്യയില് അവതരിപ്പിക്കുമ്പോള് ഈ സെഗ്മെന്റില് മത്സരം കടുക്കുമെന്ന് ഞങ്ങള് പ്രതീക്ഷിക്കുന്നു.
ബാറ്ററി പാക്ക്
പുതുതായി പുറത്തിറക്കിയ BYD അറ്റോ 3 ഇലക്ട്രിക് എസ്യുവിയെ കുറിച്ചുള്ള ഏറ്റവും വലിയ ചര്ച്ചാ വിഷയങ്ങളില് ഒന്ന് അതിന്റെ ബാറ്ററി പാക്കാണ്. കാരണം ഇലക്ട്രിക് എസ്യുവിയില് 60.48kWh ബാറ്ററി പാക്കാണ് നല്കിയിരിക്കുന്നത്. ഇത് അതിന്റെ ഏറ്റവും അടുത്ത എതിരാളികളേക്കാള് വളരെ വലുതാണ്.
റേഞ്ച്
റേഞ്ചിന്റെ കാര്യത്തില് BYD അറ്റോ 3 ഇലക്ട്രിക് എസ്യുവി അതിന്റെ എതിരാളികളേക്കാള് മികച്ച് നില്ക്കുന്നു. പുതിയ ഇലക്ട്രിക് എസ്യുവി റേഞ്ചിന്റെ കാര്യത്തില് ഉത്കണ്ഠയുള്ള ഉപഭോക്താക്കള്ക്ക് പരിഗണിക്കാവുന്ന മോഡലാണ്. 60.48kWh ബാറ്ററി പാക്കിന്റെയും കാര്യക്ഷമമായ ഇലക്ട്രിക് മോട്ടോറിന്റെയും മികവില് BYD അറ്റോ3 ഇലക്ട്രിക് എസ്യുവിക്ക് ARAI- റേറ്റുചെയ്ത 521 കിലോമീറ്റര് റേഞ്ചുണ്ട്.
പവര്ട്രെയിന്
പവര്ട്രെയിനിലേക്ക് വരുമ്പോള്, പുതുതായി ലോഞ്ച് ചെയ്ത BYD അറ്റോ 3 ഇലക്ട്രിക് എസ്യുവിയില് പെര്മനെന്റ് മാഗ്നറ്റ് സിന്ക്രണസ് ഇലക്ട്രിക് മോട്ടോറാണ് നല്കിയിരിക്കുന്നത്. ഈ ഇലക്ട്രിക് മോട്ടോര് 201 bhp പീക്ക് പവറും 310 Nm പീക്ക് ടോര്ക്കും ഉത്പാദിപ്പിക്കുന്നു. ഇത് BYD അറ്റോ 3 ഇലക്ട്രിക് എസ്യുവിയെ അതിന്റെ എതിരാളികളേക്കാള് ശക്തമാക്കുന്നു.
പെര്ഫോമന്സ്
ശക്തമായ ഇലക്ട്രിക് മോട്ടോറിന്റെയും എയറോഡൈനാമിക് എക്സ്റ്റീരിയറിന്റെയും മികവില് BYD അറ്റോ 3 ഇലക്ട്രിക് എസ്യുവി വെറും 7.3 സെക്കന്ഡിനുള്ളില് പൂജ്യത്തില് നിന്ന് 100 കിലോമീറ്റര് വേഗത കൈവരിക്കും. പെര്ഫോമന്റിന്റെ കാര്യത്തില് BYD അറ്റോ 3 ഇലക്ട്രിക് എസ്യുവിയെ രാജ്യത്തെ എന്ട്രി ലെവല് പ്രീമിയം ലക്ഷ്വറി സെഡാനുകളോടൊപ്പം നിര്ത്താമെന്നാണ് ഈ കണക്കുകള് സൂചിപ്പിക്കുന്നത്.
അളവുകള്
അടുത്ത എതിരാളികളേക്കാള് വലുതായതിനാല് അറ്റോ 3 ഇലക്ട്രിക് എസ്യുവി അതിന്റെ പ്രീമിയം വിലയെ ന്യായീകരിക്കുന്നു. 4,455 എംഎം നീളവും 1,875 എംഎം വീതിയും 1,615 എംഎം ഉയരവും 2,720 എംഎം വീല്ബേസുമാണ് ഇലക്ട്രിക് എസ്യുവിയുടെ അളവുകള്.
എക്സ്റ്റീരിയര്
BYD അറ്റോ 3 ഇലക്ട്രിക് എസ്യുവി അതിന്റെ ക്രോസ്ഓവര് എസ്യുവി ലുക്കുകള്ക്കിടയിലും വളരെ എയറോഡൈനാമിക് ആയി കാണപ്പെടുന്നു. BYD അറ്റോ 3 ഇലക്ട്രിക് എസ്യുവിയില് റാപ്പറൗണ്ട് എല്ഇഡി ഹെഡ്ലൈറ്റുകള്, ഒരു വണ് പീസ് ടെയില്ലൈറ്റ്, ഒരു ഇന്റഗ്രേറ്റഡ് റൂഫ് സ്പോയിലര്, വലിയ 18 ഇഞ്ച് അലോയ് വീലുകള് തുടങ്ങി നിരവധി ആധുനിക ഡിസൈന് ഘടകങ്ങളുണ്ട്.
ഫീച്ചറുകള്
12.8 ഇഞ്ച് റൊട്ടേറ്റിംഗ് ടച്ച്സ്ക്രീന് ഇന്ഫോടെയ്ന്മെന്റ് യൂണിറ്റ്, ചെറിയ ഡിജിറ്റല് ഡ്രൈവര് ഡിസ്പ്ലേ, PM 2.5 എയര് ഫില്ട്ടര്, പനോരമിക് സണ്റൂഫ്, ഇലക്ട്രിക്കല് ഓപ്പറേറ്റഡ് ടെയില്ഗേറ്റ്, 8-സ്പീക്കര് ഓഡിയോ സിസ്റ്റം, വയര്ലെസ് ചേഞ്ചിംഗ് പാഡ് എന്നിവ BYD അറ്റോ 3 ഇലക്ട്രിക് എസ്യുവിയിലെ ശ്രദ്ധേയമായ സവിശേഷതകളാണ്.
സുരക്ഷാ സവിശേഷതകള്
സുരക്ഷാ ഫീച്ചറുകളുടെ കാര്യം എടുത്താല്, ഒന്നിലധികം എയര്ബാഗുകള്, 360-ഡിഗ്രി ക്യാമറ, ഇഎസ്പി, ട്രാക്ഷന് കണ്ട്രോള്, ഇബിഡി ഉള്ള എബിഎസ് എന്നിവയും മറ്റു ചില സുരക്ഷാ സംവിധാനങ്ങളും BYD അറ്റോ 3 ഇലക്ട്രിക് എസ്യുവിയില് സജ്ജീകരിച്ചിരിക്കുന്നു. കൂടാതെ, സ്റ്റോപ്പ് & ഗോ ഫംഗ്ഷനോടുകൂടിയ അഡാപ്റ്റീവ് ക്രൂയിസ് കണ്ട്രോള്, ഫോര്വേഡ് കൊളീഷന് വാണിംഗ്, ലെയ്ന്-കീപ്പിംഗ് അസിസ്റ്റ്, ഡോര് ഓപ്പണ് വാണിംഗ്, ബ്ലൈന്ഡ്-സ്പോട്ട് മോണിറ്ററിംഗ് സിസ്റ്റം, ഓട്ടോ എമര്ജന്സി ബ്രേക്കിംഗ്, റിയര് ക്രോസ്- ട്രാഫിക് അലര്ട്ട് തുടങ്ങിയ ആക്ടീവ് സേഫ്റ്റി ഫീച്ചറുകളും ഈ മോഡലിലുണ്ട്.
Continue with Google