Click it and Unblock the Notifications
അമേസിംഗ് വില്പ്പന; Amaze-ന്റെ വില്പ്പനയില് പുതിയ നാഴികക്കല്ല് പിന്നിട്ട് Honda
ജാപ്പനീസ് നിര്മാതാക്കളായ ഹോണ്ടയുടെ ജനപ്രീയ മോഡലുകളില് ഒന്നാണ് അമേസ് സെഡാന്. ബ്രാന്ഡിന്റെ വില്പ്പനയിലും നല്ല ഡിമാന്ഡാണ് കാണാന് സാധിക്കുന്നത്. 2013-ലാണ് മോഡല് ആദ്യമായി വില്പ്പനയ്ക്ക് എത്തുന്നത്.
ഇപ്പോള് അമേസിന്റെ വില്പ്പനയില് പുതിയ നാഴികക്കല്ല് പിന്നിട്ടിരിക്കുകയാണ് കമ്പനി ഇപ്പോള്. നാളിതുവരെ അമേസിന്റെ 5 ലക്ഷം യൂണിറ്റുകള് നിരത്തില് എത്തിയെന്നാണ് ഹോണ്ട അറിയിച്ചിരിക്കുന്നത്. വ്യവസായത്തിന്റെ മുഴുവന് ശ്രദ്ധയും കോംപാക്ട്, മിഡ്-സൈസ് എസ്യുവികളിലേക്ക് നീങ്ങുന്ന സമയത്താണ് ഈ വില്പ്പന നാഴികക്കല്ല്.
2020 ഓഗസ്റ്റില് അമേസ് അതിന്റെ 4 ലക്ഷം നാഴികക്കല്ലുകള് രേഖപ്പെടുത്തിയിരുന്നു. നിലവില് കമ്പനി ലൈനപ്പില് ഏറ്റവും കൂടുതല് വിറ്റഴിക്കപ്പെടുന്ന മോഡലായ ഹോണ്ട അമേസ്, നിലവില് അതിന്റെ രണ്ടാം തലമുറയിലാണ്, കമ്പനി വില്പ്പനയുടെ 40 ശതമാനത്തിലധികം വരും.
ബോള്ഡ് ഡിസൈന്, വിശാലമായ ക്യാബിന്, അത്യാധുനിക ഫീച്ചറുകള്, സുരക്ഷാ ഉപകരണങ്ങള് എന്നിവയാണ് ഉപഭോക്താക്കളെ വാഹനത്തിലേക്ക് ആകര്ഷിക്കുന്ന പ്രധാന ഘടകങ്ങള്. 60:40 അനുപാതത്തില് ടയര് I, ടയര് II / III വിപണികളില് വാങ്ങുന്നവര്ക്കിടയില് ഇത് ആവശ്യക്കാര് ഏറെയാണെന്നുും കമ്പനി പറയുന്നു.
യഥാക്രമം പെട്രോളിന്റെയും ഡീസലിന്റെയും 33:67 ശതമാനം അനുപാതത്തില് ലോഞ്ച് ചെയ്ത ആദ്യ വര്ഷത്തില് തന്നെ ഡീസല് വേരിയന്റുകള്ക്ക് ഡിമാന്ഡ് കൂടുതല് ആരംഭിച്ചു. 2018-19-ല് 72:28 ശതമാനം അനുപാതത്തില് രണ്ടാം തലമുറ അമേസ് പുറത്തിറക്കിയതോടെ പെട്രോള് വേരിയന്റിനുള്ള ഡിമാന്ഡിലേക്ക് ഇത് മാറി.
ഇത് 2022 ഏപ്രില് മുതല് ഓഗസ്റ്റ് വരെയുള്ള കാലയളവില് പെട്രോള് വേരിയന്റുകളുടെ 93 ശതമാനമായി വര്ദ്ധിച്ചു, ഡീസല് വേരിയന്റുകളുടെ വെറും 7 ശതമാനമാണ് ഡിമാന്ഡ്. ഇന്ത്യയില്, വാങ്ങുന്നവരില് ചെറുപ്പക്കാരുടെ ഇടയില് അമേസ് വലിയ പ്രീതി കണ്ടെത്തുകയും ചെയ്യുന്നു.
കമ്പനിയുടെ രാജസ്ഥാനിലെ തപുകര പ്ലാന്റിലാണ് ഹോണ്ട അമേസ് നിര്മ്മിക്കുന്നത്. ലോകമെമ്പാടുമുള്ള ഒന്നിലധികം രാജ്യങ്ങളിലേക്കും ഇത് കയറ്റുമതി ചെയ്യുകയും ചെയ്യുന്നു. 'വണ് ക്ലാസ് എബൗവ് സെഡാന്' എന്ന പേരില് വികസിപ്പിച്ച് രൂപകല്പ്പന ചെയ്ത ഹോണ്ട അമേസ് മാരുതി സുസുക്കി ഡിസയര്, ഹ്യുണ്ടായി ഓറ എന്നിവയോട് മത്സരിക്കുന്നു. അമേസും സിറ്റിയും മാത്രമാണ് കമ്പനി വില്ക്കുന്ന രണ്ട് സെഡാനുകള്.
''ഹോണ്ട അമേസിനായി 5 ലക്ഷം വില്പ്പന നാഴികക്കല്ല് കൈവരിക്കാന് സാധിച്ചത് തങ്ങള്ക്ക് അഭിമാന നിമിഷമാണെന്ന് ഹോണ്ട കാര്സ് ഇന്ത്യ ലിമിറ്റഡ് പ്രസിഡന്റും സിഇഒയുമായ തകുയ സുമുറ പറഞ്ഞു. തങ്ങളുടെ ഉപഭോക്താക്കള് ബ്രാന്ഡിനോട് കാണിക്കുന്ന സ്നേഹത്തിനും സ്വീകാര്യതയ്ക്കും അവരുടെ തുടര്ച്ചയായ പിന്തുണയ്ക്ക് തങ്ങളുടെ പങ്കാളികളോടും നന്ദി പറയാന് തങ്ങള് ആഗ്രഹിക്കുന്നു.
ഇന്ത്യയിലെ തങ്ങളുടെ സ്ട്രാറ്റജിക് എന്ട്രി മോഡലും തങ്ങളുടെ ബിസിനസിന്റെ പ്രധാന സ്തംഭവുമാണ് അമേസ്. പ്രീമിയം സെഡാന് ഉപഭോക്താവിന്റെ ആവശ്യങ്ങളുമായി പൊരുത്തപ്പെടുക മാത്രമല്ല, അവരുടെ പ്രതീക്ഷകള് കവിയുകയും ചെയ്യുന്നു എന്നതിന്റെ തെളിവാണ് വലുതും ചെറുതുമായ നഗരങ്ങളിലെ അതിന്റെ ജനപ്രീതിയും സ്വീകാര്യതയും.
മികച്ച സൗകര്യവും സുരക്ഷിതത്വവും മനസ്സമാധാനവും ഉള്ള ഏറ്റവും പുതിയ സാങ്കേതികവിദ്യ, ക്ലാസ് നിര്വചിക്കുന്ന ഉല്പ്പന്നങ്ങള് വാഗ്ദാനം ചെയ്യാനുള്ള തങ്ങളുടെ ശ്രമമാണിത്. വിപണിയോടും ഉപഭോക്താക്കളോടുമുള്ള തങ്ങളുടെ പ്രതിബദ്ധതയുടെ പ്രതിഫലനമാണ് അമേസിന്റെ വിജയമെന്നും തകുയ സുമുറ അഭിപ്രായപ്പെട്ടു.
2021-ല് അമേസിന്റെ ഒരു നവീകരിച്ച പതിപ്പിനെ ഹോണ്ട അവതരിപ്പിച്ചിരുന്നു. E, S, VX എന്നിങ്ങനെ മൂന്ന് വേരിയന്റുകളിലാണ് വാഹനം വിപണിയില് എത്തുന്നത്. ഇതില് പ്രാരംഭ പതിപ്പിന് 6.32 ലക്ഷം രൂപയാണ് എക്സ്ഷോറൂം വില. അതേസമയം ടോപ്പ്-എന്ഡ് വേരിയന്റിനായി 11.15 ലക്ഷം രൂപയും എക്സ്ഷോറൂം വിലയായി നല്കണം.
| Variants | Petrol | Diesel |
| E MT | ₹6.32 lakh | ₹8.66 lakh |
| S MT | ₹7.16 lakh | ₹9.26 lakh |
| S CVT | ₹8.06 lakh | NA |
| VX MT | ₹8.22 lakh | ₹10.25 lakh |
| VX CVT | ₹9.05 lakh | ₹11.15 lakh |
ഓട്ടോ എല്ഇഡി പ്രൊജക്ടര് ഹെഡ്ലാമ്പുകള്, എല്ഇഡി ഫോഗ് ലാമ്പ്, C ആകൃതിയിലുള്ള ടെയില് ലാമ്പുകള്, നവീകരിച്ച ഫ്രണ്ട് ബമ്പര്, പുതുക്കിയ ക്രോം ഗ്രില്, ക്രേം ഡോര് ഹാന്ഡിലുകള്, 15 ഇഞ്ച് ഡ്യുവല് ടോണ് അലോയ് വീലുകള് എന്നിവയാണ് എക്സ്റ്റീരിയര് സവിശേഷതകള്.
ഇതിന്റെ വിശാലമായ ക്യാബിനില് 7.0 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റവും പ്രീമിയം സവിശേഷതകളുള്ള സുഖപ്രദമായ സീറ്റിംഗും ലഭിക്കുന്നു. ക്ലൈമറ്റ് കണ്ട്രോള്, ഹോണ്ട സ്മാര്ട്ട് കീ, പുഷ് ബട്ടണ് സ്റ്റാര്ട്ട്, സെമി-ഡിജിറ്റല് ഇന്സ്ട്രുമെന്റ് കണ്ട്രോള്, വോയിസ് കമാന്ഡുകള് എന്നിവയാണ് ഇന്റീരിയറിലെ മറ്റ് സവിശേഷതകള്.
ക്രൂയിസ് കണ്ട്രോള്, ഡ്യുവല് ഫ്രണ്ട് എയര്ബാഗുകള്, റിയര് പാര്ക്കിംഗ് സെന്സറുകള്, റിയര് വ്യൂ ക്യാമറ, എബിഎസ്, ഇബിഡി എന്നിവയ്ക്കൊപ്പം ISOFIX ചൈല്ഡ് സീറ്റ് മൗണ്ടുകളും ഉള്പ്പെടുന്ന സുരക്ഷാ ഉപകരണങ്ങളുടെ ഒരു നിരയാണ് ഈ 4 മീറ്ററില് താഴെയുള്ള സെഡാന്റെ ഹൈലൈറ്റുകള്.
രണ്ട് എഞ്ചിന് ഓപ്ഷനുകളിലൂടെയാണ് ഹോണ്ട അമേസിന് കരുത്ത് ലഭിക്കുന്നത്. 1.2 ലിറ്റര് പെട്രോള് യൂണിറ്റ് 90 bhp പവറും 110 Nm ടോര്ക്കും ഉത്പാദിപ്പിക്കുമ്പോള് 1.5 ലിറ്റര് ഡീസല് യൂണിറ്റ് 100 bhp പവറും 200 Nm ടോര്ക്കും നല്കുന്നു.
ഈ രണ്ട് എഞ്ചിനുകളും 5 സ്പീഡ് മാനുവലുമായി ബന്ധിപ്പിച്ചിരിക്കുന്നു, കൂടാതെ CVT ഒരു ഓപ്ഷനായി വാഗ്ദാനം ചെയ്യുന്നു. 3 വര്ഷത്തെ അണ്ലിമിറ്റഡ് കി.മീ വാറന്റിക്കൊപ്പം കുറഞ്ഞ അറ്റകുറ്റപ്പണിയും ലഭിക്കും. മെറ്റിറോയിഡ് ഗ്രേ, പ്ലാറ്റിനം പേള് വൈറ്റ്, ലൂണാര് സില്വര്, ഗോള്ഡന് ബ്രൗണ്, റേഡിയന്റ് റെഡ് എന്നിങ്ങനെ അഞ്ച് കളര് ഓപ്ഷനുകളില് വാഹനം തെരഞ്ഞെടുക്കാന് സാധിക്കും.
Continue with Google