ഓണത്തിനായി ഒരുങ്ങി കാർ നിർമ്മാതാക്കൾ; മോഡൽ നിരയിൽ വമ്പൻ ഓഫറുകളുമായി Honda

ജാപ്പനീസ് വാഹന ഭീമന്മാരായ ഹോണ്ടയും തങ്ങളുടെ മോഡൽ നിരയിൽ ഈ സീസണിൽ മികച്ച ഓഫറുകളാണ് വാഗ്ദാനം ചെയ്യുന്നത്. 2022 സെപ്റ്റംബറിൽ ജെൻ 4, ജെൻ 5 സിറ്റി, അമേസ്, ജാസ്, WR-V എന്നിവയിൽ ഒന്നിലധികം ആനുകൂല്യങ്ങളും കിഴിവുകളും ഹോണ്ട വാഗ്ദാനം ചെയ്യുന്നു. ഈ മാസം ഓരോ കാറിലും നിങ്ങൾക്ക് എത്രമാത്രം ലാഭിക്കാമെന്ന് നമുക്ക് ഒന്ന് നോക്കാം.

ഹോണ്ട സിറ്റി (ജെൻ 5):

27,496 രൂപ വരെ ആനുകൂല്യങ്ങൾ

അഞ്ചാം തലമുറ ഹോണ്ട സിറ്റി മിഡ് സൈസ് സെഡാൻ സെഗ്‌മെന്റിലെ ജനപ്രിയ ചോയിസാണ്, ഈ മാസം ഏറ്റവും കൂടുതൽ കിഴിവുകൾ മോഡലിന് ലഭിക്കുന്നു. ഉപഭോക്താക്കൾക്ക് ഒന്നുകിൽ 5,000 രൂപ ക്യാഷ് ഡസ്കൗണ്ട് അല്ലെങ്കിൽ 5,496 രൂപയുടെ സൗജന്യ ആക്‌സസറികൾ ലഭിക്കും.

കൂടാതെ, ഹോണ്ട 5,000 രൂപയുടെ കിഴിവും കാർ എക്സ്ചേഞ്ചിൽ 7,000 രൂപയുടെ ബോണസും 5,000 രൂപയുടെ ലോയൽറ്റി ബോണസും 5,000 രൂപയുടെ കോർപ്പറേറ്റ് കിഴിവും വാഗ്ദാനം ചെയ്യുന്നു. എന്നിരുന്നാലും, സിറ്റി ഹൈബ്രിഡിന് കിഴിവുകളൊന്നുമില്ല.

പുതിയ 1.5 ലിറ്റർ പെട്രോൾ എഞ്ചിന്റെ പുനരുദ്ധാരണ ക്യാരക്ടർ കാരണം പുതിയ സിറ്റിയെ ജനങ്ങൾ ഇഷ്ടപ്പെടും. ഇതിന് 1.5 ലിറ്റർ ഡീസൽ എഞ്ചിനും ഉണ്ട്, അതും വളരെ റിഫൈൻഡാണ്, കൂടാതെ രണ്ട് എഞ്ചിനുകളും ആറ് സ്പീഡ് മാനുവൽ ഗിയർബോക്സുമായി ഇണചേർത്തിരിക്കുന്നു.

CVT പെട്രോൾ യൂണിറ്റിൽ മാത്രം ലഭ്യമാണ്. ക്യാബിൻ വിശാലവും റൈഡ് ക്വാളിറ്റി മികച്ചതും, ക്ലാസിലെ ഏറ്റവും മികച്ച ഒന്നുമാണ് എന്ന് നിസംശയം പറയാം. ധാരാളം പ്രീമിയം കിറ്റുകളും കണക്റ്റഡ്-കാർ സാങ്കേതികവിദ്യയും ഇപ്പോൾ വാഹനത്തിന്റെ ഫീച്ചർ ലിസ്റ്റിൽ ഇടം പിടിക്കുന്നു.

ഹോണ്ട WR-V:

27,000 രൂപ വരെ ആനുകൂല്യങ്ങൾ

ജാസിന്റെ ക്രോസ്ഓവർ ഡെറിവേറ്റായ WR-V -ക്ക് അല്പം റൈഡ് ഹൈറ്റ് വർധിപ്പിച്ചിരിക്കുന്നു, കൂടാതെ ലേശം പരിഷ്‌ക്കരിച്ച സ്റ്റൈലിംഗും ലഭിക്കുന്നു. നേരത്തെ റിപ്പോർട്ട് ചെയ്തതുപോലെ, ക്രോസ്ഓവർ 2023 മാർച്ച് വരെ വിൽപ്പനയ്‌ക്കെത്തും.

WR-V പെട്രോൾ, ഡീസൽ പവർട്രെയിനുകൾക്കൊപ്പം വാഗ്ദാനം ചെയ്യുന്നുവെങ്കിലും ഓട്ടോമാറ്റിക് ഗിയർബോക്‌സ് മോഡലിൽ ഇല്ല. കാർ എക്‌സ്‌ചേഞ്ചിൽ ഉപഭോക്താക്കൾക്ക് 7,000 രൂപയുടെ ബോണസിനൊപ്പം 10,000 രൂപയുടെ അധിക കിഴിവും ലഭിക്കും. WR-V വാങ്ങുന്നവർക്ക് കോർപ്പറേറ്റ് ഡിസ്‌കൗണ്ടും ലോയൽറ്റി ബോണസും 5,000 രൂപ വീതം ലഭിക്കും.

ഹോണ്ട ജാസ്:

25,000 രൂപ വരെ ആനുകൂല്യങ്ങൾ

ഹോണ്ടയുടെ മോഡൽ നിരയിലെ ഒരേയൊരു ഹാച്ച്ബാക്കായ ജാസ്, 2022 നവംബറോടെ നിർത്തലാക്കിയേക്കാം. അഞ്ച് സ്പീഡ് മാനുവൽ അല്ലെങ്കിൽ CVT ഓട്ടോമാറ്റിക് ഗിയർബോക്‌സുമായി ഘടിപ്പിച്ച 90 bhp പുറപ്പെടുവിക്കുന്ന 1.2-ലിറ്റർ പെട്രോൾ എഞ്ചിനാണ് ഇതിന് കരുത്തേകുന്നത്.

കൂടാതെ, പ്രീമിയം ഹാച്ച്ബാക്കിന്റെ ശക്തമായ പോയിന്റുകളിലൊന്ന് അതിന്റെ വിശാലമായ ക്യാബിനാണ്, എന്നിരുന്നാലും എതിരാളികൾ വാഗ്ദാനം ചെയ്യുന്ന നിരവധി സവിശേഷതകൾ ഇതിന് ഇല്ല.

7,000 രൂപയുടെ ബോണസിനൊപ്പം കാർ എക്സ്ചേഞ്ചിൽ 10,000 രൂപയുടെ കിഴിവും ഹോണ്ട വാഗ്ദാനം ചെയ്യുന്നു. ഇതോടൊപ്പം, 5,000 രൂപയുടെ കസ്റ്റമർ ലോയൽറ്റി ബോണസും 3,000 രൂപയുടെ കോർപ്പറേറ്റ് ഡസ്കൗണ്ടും മോഡലിന്റെ ഓഫറിലുണ്ട്.

ഹോണ്ട അമേസ്:

8,000 രൂപ വരെ ആനുകൂല്യങ്ങൾ

ഹോണ്ടയുടെ ലൈനപ്പിലെ ഏക കോം‌പാക്ട് സെഡാനാണ് അമേസ്, 2021 -ൽ മിഡ്-ലൈഫ് റിഫ്രഷ് വാഹനത്തിന് ലഭിച്ചിരുന്നു. ഇതിന് പുറത്ത് അപ്‌ഡേറ്റ് ചെയ്ത സ്റ്റൈലിംഗും അകത്ത് ഒരുപിടി പുതിയ സവിശേഷതകളും ലഭിക്കുന്നു. അമേസിന് വിശാലമായ ക്യാബിനും ഉണ്ട്, എന്നാൽ എതിരാളികളെപ്പോലെ പൂർണ്ണമായി പായ്ക്ക് ചെയ്തിട്ടില്ല.

കോംപാക്ട് സെഡാന് 90 bhp പവർ പുറപ്പെടുവിക്കുന്ന 1.2 ലിറ്റർ പെട്രോൾ യൂണിറ്റും 100 bhp, (ഓട്ടോമാറ്റിക്കിൽ 80 bhp) 1.5 ലിറ്റർ ഡീസൽ യൂണിറ്റും ലഭിക്കുന്നു. രണ്ട് എഞ്ചിൻ ഓപ്ഷനുകളുമുള്ള ഓട്ടോമാറ്റിക് ഗിയർബോക്‌സ് വാഗ്ദാനം ചെയ്യുന്ന സെഗ്‌മെന്റിലെ ഒരേയൊരു കാറാണിത്. ഉപഭോക്താക്കൾക്ക് 5000 രൂപയുടെ ലോയൽറ്റി ബോണസിനൊപ്പം 3,000 രൂപയുടെ കോർപ്പറേറ്റ് ഡിസ്‌കൗണ്ടും ലഭിക്കും.

ഹോണ്ട സിറ്റി (ജെൻ 4):

5,000 രൂപ വരെ ആനുകൂല്യങ്ങൾ

2014 മുതൽ വിൽപ്പനയിലുള്ള നാലാം തലമുറ സിറ്റി അതിന്റെ പിൻഗാമിക്കൊപ്പം വിൽക്കപ്പെടുന്നു, പക്ഷേ 2022 ഡിസംബറിൽ വാഹനം വിപണിയിൽ നിന്ന് പിൻവാങ്ങും. ഇത് 119 bhp പവർ നൽകുന്ന 1.5-ലിറ്റർ പെട്രോൾ എഞ്ചിനുമായി മാത്രമാണ് വരുന്നത്.

SV, V എന്നീ രണ്ട് ട്രിമ്മുകളിൽ സെഡാൻ വാഗ്ദാനം ചെയ്യുന്നു. രണ്ടും അഞ്ച് സ്പീഡ് മാനുവൽ ഗിയർബോക്സിൽ വാഗ്ദാനം ചെയ്യുന്നു. അതിന്റെ പിൻഗാമിയെപ്പോലെ സാങ്കേതികത നിറഞ്ഞതല്ലെങ്കിലും, സുഖകരമായ യാത്രയും വിശാലമായ ഇന്റീരിയറും ഇതിന് ഇപ്പോഴും ഉണ്ട്. 5,000 രൂപയുടെ കസ്റ്റമർ ലോയൽറ്റി ബോണസ് മാത്രമാണ് ഹോണ്ട ഇതിൽ വാഗ്ദാനം ചെയ്യുന്നത്.