അടിമുടി മാറ്റങ്ങളോടെ അടിപോളിയായി പുത്തൻ CR-V അവതരിപ്പിച്ച് Honda

2016 -ൽ അരങ്ങേറ്റം കുറിച്ചതും 2019 -ൽ മിഡ്-ലൈഫ് സൈക്കിൾ അപ്‌ഡേറ്റ് നേടുകയും ചെയ്ത അഞ്ചാം തലമുറ മോഡലിനെ ഈ പുതിയ CR-V മാറ്റിസ്ഥാപിക്കുന്നു.

പുതിയ എക്സ്റ്റീരിയർ, ഇന്റീരിയർ സ്റ്റൈലിംഗ്:

പുതിയ CR-V -യുടെ ഡിസൈൻ ഔട്ട്‌ഗോയിംഗ് മോഡലിൽ നിന്ന് പൂർണ്ണമായും വ്യത്യസ്തമാണ്. അഞ്ചാം തലമുറ മോഡലിനേക്കാൾ 69 mm നീളവും 10 mm വീതിയുമുള്ള ഇതിന് കൂടുതൽ അപ്പ്റൈറ്റ് സിലൗറ്റ് ലഭിക്കുന്നു. വീൽബേസിലും 10 mm -ന്റങെ വർധനയുണ്ട്.

പുതിയ CR-V -യുടെ സ്റ്റൈലിംഗ് പുതിയ BR-V -ക്ക് സമാനമാണ്. എസ്‌യുവിയുടെ മുൻവശത്ത്, ഒരു പ്രൊമിനന്റ് ക്രോം സ്ട്രിപ്പ് ഉപയോഗിച്ച് ബന്ധിപ്പിച്ചിരിക്കുന്ന വീതിയേറിയ ഹെഡ്‌ലാമ്പുകളാൽ ചുറ്റപ്പെട്ട വലിയ, അപ്പ്റൈറ്റ് ഗ്രില്ല് വാഹനത്തിനുണ്ട്. മുൻഗാമികളിൽ നിന്ന് വ്യത്യസ്തമായി, പുതിയ CR-V -ക്ക് നീളമുള്ള ബോണറ്റ് ലഭിക്കുന്നു, കൂടാതെ സൈഡ് പ്രൊഫൈലിന് ശക്തമായ ഷോൾഡർ ലൈനും വീൽ ആർച്ചുകളിൽ ബ്ലാക്ക് ക്ലാഡിംഗും ഉണ്ട്. പിന്നിൽ നിന്ന്, CR-V -ക്ക് മുമ്പത്തേക്കാൾ മെലിഞ്ഞ L- ആകൃതി ലഭിക്കുന്നു.

ഉള്ളിലേക്ക് കടന്നാൽ, കഴിഞ്ഞ വർഷം അവതരിപ്പിച്ച 11 -ാം തലമുറ ഹോണ്ട സിവിക്കിനോട് വളരെ സാമ്യമുള്ളതാണ് കാബിൻ എന്ന് തോന്നും. പുതിയ CR-V -ക്ക് 7.0 ഇഞ്ച് ഫുൾ-ഡിജിറ്റൽ ഇൻസ്ട്രുമെന്റ് ക്ലസ്റ്ററും സ്റ്റാൻഡേർഡായി 7.0 -ഇഞ്ച് അല്ലെങ്കിൽ 9.0 -ഇഞ്ച് ഇൻഫോടെയിൻമെന്റ് സ്‌ക്രീനും ലഭിക്കുന്നു.

ഹണികോംബ് ഇഫക്റ്റോടുകൂടിയ എസി വെന്റുകൾക്കും മിനിമലിസ്റ്റ് ഡാഷ്‌ബോർഡിനും മുകളിൽ ഇൻഫോടെയിൻമെന്റ് യൂണിറ്റ് സ്ഥാപിച്ചിരിക്കുന്നു. എയർ കണ്ടീഷനിംഗ് കൺട്രോൾ ചെയ്യാൻ ഹോണ്ട ഫിസിക്കൽ നോബുകളും ബട്ടണുകളും വാഹനത്തിൽ നിലനിർത്തിയിട്ടുണ്ട്.

പെട്രോൾ ഹൈബ്രിഡ് എഞ്ചിൻ:

എഞ്ചിൻ ഓപ്ഷനുകളുടെ കാര്യത്തിൽ, CR-V -ക്ക് 1.5 ലിറ്റർ ടർബോ-പെട്രോൾ, 2.0 ലിറ്റർ ഹൈബ്രിഡ് യൂണിറ്റ് എന്നിവയുടെ അപ്‌ഡേറ്റ് ചെയ്ത പതിപ്പുകൾ ലഭിക്കുന്നു. അന്താരാഷ്ട്ര വിപണികളിൽ, ഹോണ്ട 1.5 ലിറ്റർ എഞ്ചിൻ താഴ്ന്ന വേരിയന്റുകളിൽ വാഗ്ദാനം ചെയ്യും, ഹൈബ്രിഡ് ഉയർന്ന വേരിയന്റുകളിൽ ലഭ്യമാകും.

പുതുതലമുറ CR-V വിൽപ്പനയുടെ പകുതിയും ഹൈബ്രിഡ് പതിപ്പിൽ നിന്നായിരിക്കുമെന്ന് ഹോണ്ട പ്രതീക്ഷിക്കുന്നു. രണ്ട് എഞ്ചിൻ ഓപ്ഷനുകളിലും AWD ലഭ്യമാണ്, ചില വിപണികളിൽ പിന്നീടുള്ള ഘട്ടത്തിൽ ഡീസൽ എഞ്ചിൻ ലഭിക്കാൻ സാധ്യതയുണ്ട്.

ഹോണ്ട CR-V ഇന്ത്യയിൽ:

2004 -ൽ അതിന്റെ രണ്ടാം തലമുറയിൽ CR-V -യെ ഹോണ്ട ഇന്ത്യയിൽ അവതരിപ്പിച്ചു. 2013 -ൽ CKD റൂട്ട് വഴി നാലാം തലമുറ മോഡൽ പുറത്തിറക്കുന്നതുവരെ കാർ നിർമ്മാതാക്കൾ ഈ എസ്‌യുവി രണ്ട് തലമുറകൾക്ക് പൂർണ്ണമായി ഇറക്കുമതി ചെയ്ത് വിറ്റു. കമ്പനി അഞ്ചാം തലമുറ മോഡൽ അനാച്ഛാദനം ചെയ്തു.

2018 -ൽ, പെട്രോൾ, ഡീസൽ എഞ്ചിൻ ഓപ്ഷനുകളോടെ, പെട്രോൾ എഞ്ചിനിൽ മാത്രം വന്ന മുൻ തലമുറകളിൽ നിന്ന് വ്യത്യസ്തമായിട്ടായിരുന്നു ഇതിന്റെ വരവ്. എന്നിരുന്നാലും, 2020 -ൽ ബിഎസ് VI മാനദണ്ഡങ്ങളിലേക്ക് മാറിയതിന് ശേഷം ഡീസൽ എഞ്ചിൻ നിർത്തലാക്കി. 2020 ഡിസംബറിൽ CR-V, സിവിക് എന്നിവ ഹോണ്ട ഇന്ത്യൻ വിപണിയിൽ നിന്ന് പൂർണമായും ഒഴിവാക്കി.

ഹോണ്ട പുതിയ തലമുറ CR-V ഇന്ത്യയിൽ അവതരിപ്പിക്കുമോ എന്ന് കണ്ടറിയണം. അങ്ങനെ ചെയ്താൽ, ഇത് ഇന്ത്യയിൽ ഫോക്സ്‌വാഗൺ ടിഗ്വാനോടും വരാനിരിക്കുന്ന ഹ്യുണ്ടായി ട്യൂസോണിനോടും മത്സരിക്കും. ഇന്ത്യൻ വിപണിയിൽ ഒരു പുതിയ കോംപാക്ട് എസ്‌യുവിയും മിഡ് സൈസ് എസ്‌യുവിയും അവതരിപ്പിക്കാനുള്ള ശ്രമത്തിലാണ് കാർ നിർമ്മാതാക്കൾ എന്നും റിപ്പോർട്ടുകളുണ്ട്.

ഡ്രൈവ്സ്പാർക്കിന്റെ അഭിപ്രായം:

ഇന്ത്യൻ വിപണിയിൽ ഇന്ന് വിൽപ്പനയിൽ ഹാച്ച്ബാക്കുകളേക്കാളും മുൻപന്തിയിൽ നിൽക്കുന്നത്എസ്‌യുവികൾ ആണെന്ന് സെയിൽ കണക്കുകൾ ഒന്ന് ഓടിച്ച് വിട്ട് നോക്കിയാൽ തന്നെ നമുക്ക് മനസ്സിലാവും. രാജ്യത്ത് മറ്റ് പ്രമുഖ വാഹന നിർമ്മാതാക്കൾക്ക് എല്ലാം തന്നെ ഒന്നോ അതിൽ കൂടുതലോഎസ്‌യുവി മോഡലുകളുണ്ട്. ഇവയ്ക്ക് എതിരെ പിടിച്ച് നിൽക്കാനും വിപണിയിൽ കാര്യമായ വിഹിതം കൈവരിക്കാനും ഹോണ്ടയ്ക്ക് ഒരുഎസ്‌യുവി മോഡൽ വളരെ അനിവാര്യമാണ്. അതിനാൽ തന്നെ ജാപ്പനീസ് വാഹന ഭീമന്മാർ രാജ്യത്ത് പുത്തൻ CR-V ഒരു കോംപറ്റീറ്റീവ് വില നിർണ്ണയത്തോടെ അവതരിപ്പിച്ചാൽ കാര്യങ്ങൾ മെച്ചപ്പെടും എന്ന് നിസംശയം പറയാം.

അടുത്തിടെ ബ്രാൻഡ് ഇന്തോനേഷ്യയിൽ അവതരിപ്പിച്ച് HR-V മോഡൽ ഇന്ത്യയിലേക്കും എത്തിക്കും എന്ന് റിപ്പോർട്ടുകൾ സൂചിപ്പിക്കുന്നുണ്ട്. ഇന്ത്യൻ വിപണിയിൽ കടുത്ത കോംപറ്റീഷനിൽ പിടിച്ച് നിൽക്കണമെങ്കിൽ ബ്രാൻഡ് ഒരുഎസ്‌യുവി മോഡൽ താമസിയാതെ അവതരിപ്പിക്കണം എന്നാണ് ഞങ്ങളുടെ അഭിപ്രായം.