Click it and Unblock the Notifications
പെര്ഫോമന്സ് ആഗ്രഹിക്കുന്നവരെ ലക്ഷ്യമിട്ട് Hyundai; Venue N-ലൈന് അവതരിപ്പിച്ചു
അടുത്തിടെയാണ് കൊറിയന് നിര്മാതാക്കളായ ഹ്യുണ്ടായി, വെന്യുവിന് ഒരു ഫെയ്സ്ലിഫ്റ്റ് പതിപ്പ് അവതരിപ്പിക്കുന്നത്. വാഹനത്തിന് രാജ്യത്ത് മികച്ച സ്വീകാര്യത ലഭിക്കുകയും ചെയ്തു.
എന്നാല് പ്രതിമാസ വില്പ്പനകള് പരിശോധിച്ചാല്, സെഗ്മെന്റില് നെക്സോണ് തന്നെയാണ് ഇപ്പോഴും ഏറ്റവും കൂടുതല് വിറ്റഴിക്കപ്പെടുന്ന എസ്യുവി. മാത്രമല്ല, വില്പ്പന വര്ധിപ്പിക്കുന്നതിനായി ടാറ്റ അടുത്തിടെ നെക്സോണില് ജെറ്റ് എഡിഷന് എന്നൊരു പതിപ്പിനെയും അവതരിപ്പിച്ചു.
ഇപ്പോഴിതാ വില്പ്പന വര്ദ്ധിപ്പിക്കുന്നതിന് ഹ്യുണ്ടായിയും വെന്യുവിന് വേണ്ടി പ്രത്യേക തന്ത്രം പ്രയോഗിച്ചിരിക്കുകയാണ് ഇപ്പോള്. അതായത്, i20 N ലൈനിനൊപ്പം നമ്മള് കണ്ടത് പോലെ വെന്യൂവിന്റെ ഒരു സ്പോര്ട്ടിയര് N-ലൈന് വേരിയന്റുകൂടി വില്പ്പനയ്ക്ക് എത്തിച്ചിരിക്കുകയാണ് ഇപ്പോള് ഹ്യുണ്ടായി.
ഡാര്ക്ക് എഡിഷന്, കാസിരംഗ എഡിഷന്, അടുത്തിടെ പുറത്തിറക്കിയ ജെറ്റ് എഡിഷന് തുടങ്ങിയ പ്രത്യേക പതിപ്പുകളും നെക്സോണിന് ലഭിക്കുന്നുണ്ട്. ഈ പ്രത്യേക പതിപ്പുകളില് ടാറ്റ മികച്ച വില്പ്പന നടത്തുകയും ചെയ്യുന്നു. എന്നാല് അവയൊന്നും തന്നെ അവയെ സ്പോര്ടി ഓഫറുകളാക്കാന് മെക്കാനിക്കലായി മെച്ചപ്പെടുത്തിയിട്ടില്ല. അവിടെയാണ് N-ലൈന് വ്യത്യസ്തമാകുന്നത്.
വെന്യു N-ലൈനിന്റെ ബുക്കിംഗ് ഇതിനകം തന്നെ 21,000 രൂപ ടോക്കണ് തുകയ്ക്ക് കമ്പനി ആരംഭിച്ചിട്ടുണ്ട്. ഹ്യുണ്ടായി സിഗ്നേച്ചര് ഡീലര്ഷിപ്പുകളിലൂടെയോ ബ്രാന്ഡിന്റെ ഓണ്ലൈന് പ്ലാറ്റ്ഫോമായ, ക്ലിക്ക് ടു ബൈ പ്ലാറ്റ്ഫോമിലൂടെയോ ബുക്ക് ചെയ്യാന് സാധിക്കും.
നെക്സോണിനായുള്ള ടാറ്റയുടെ പ്രത്യേക പതിപ്പുകളില് കുറച്ച് ഫീച്ചര് അപ്ഗ്രേഡുകളുള്ള വിഷ്വല് അപ്ഡേറ്റുകള് മാത്രമാണ് നല്കിയിരിക്കുന്നതെങ്കില്, വെന്യു N-ലൈനിന് വിഷ്വല് അപ്ഗ്രേഡുകള് മാത്രമല്ല, കുറച്ച് മെക്കാനിക്കല് മാറ്റങ്ങളും കമ്പനി വാഗ്ദാനം ചെയ്യുന്നുണ്ട്.
ഹ്യുണ്ടായി വെന്യു N-ലൈന്, N6, N8 എന്നീ രണ്ട് വേരിയന്റുകളില് ലഭ്യമാണ്. വെന്യു N-ലൈന് പ്രാരംഭ പതിപ്പിന് 12.16 ലക്ഷം രൂപയും ടോപ്പ്-എന്ഡ് N8 വേരിയന്റിന് 13.15 ലക്ഷം രൂപയുമാണ് എക്സ്ഷോറൂം വില. ഇതിന് സ്റ്റാന്ഡേര്ഡ് മോഡലിനെക്കാള് 1.19 ലക്ഷം രൂപയുടെ വര്ദ്ധനവാണ് വിലയില് ഉണ്ടായിരിക്കുന്നത്.
പ്രീമിയം ഹാച്ച്ബാക്കായ i20 N-ലൈനിന് ശേഷം ഇന്ത്യയില് എത്തുന്ന ഹ്യുണ്ടായിയുടെ രണ്ടാമത്തെ N-ലൈന് മോഡലാണിത്, ഇതിന് സ്റ്റാന്ഡേര്ഡ് മോഡലിനേക്കാള് കാഴ്ചയില് അധിക കോസ്മെറ്റിക് ബിറ്റുകള്, സ്പോര്ട്ടിയര് സസ്പെന്ഷന് സജ്ജീകരണവും എക്സ്ഹോസ്റ്റ് നോട്ടും ലഭിക്കുന്നുവെന്ന് വേണം പറയാന്.
ഇന്റീരിയറില് നിന്ന് ആരംഭിച്ചാല്, വെന്യു N-ലൈനിന് റെഡ് ആക്സന്റുകളും സീറ്റുകളില് റെഡ് സ്റ്റിച്ചിംഗും ഉള്ള ഒരു ബ്ലാക്ക് ഇന്റീരിയര് ലഭിക്കുന്നു. ഇവ കൂടാതെ, സ്പോര്ട്ടി മെറ്റാലിക് പെഡലുകള്, റെഡ് ആംബിയന്റ് ലൈറ്റിംഗ്, വെല്ക്കം ഫംഗ്ഷനുകളുള്ള പുഡില് ലാമ്പുകള് എന്നിവയും ഇതിന് ലഭിക്കുന്നു.
അതേസമയം ഇന്റീരിയര് ലേഔട്ട്, സുരക്ഷാ ഫീച്ചറുകളും സൗകര്യങ്ങളും സാധാരണ വെന്യുവിന് സമാനമായി തന്നെ തുടരും. ഹ്യുണ്ടായി i20 N-ലൈനില് കാണുന്നതുപോലുള്ള ഒരു പുതിയ ത്രീ-സ്പോക്ക് സ്റ്റിയറിംഗ് വീല് ഡിസൈനും ഇതിന് ലഭിക്കുന്നു.
ഇനി എക്സ്റ്റീരിയറിലേക്ക് വന്നാല്. ഫ്രണ്ട്, റിയര് ബമ്പറുകളുടെ താഴത്തെ നോസില് റെഡ് ആക്സന്റുകള് വെന്യു N-ലൈനിന്റെ സവിശേഷതയാണ്. അതിനുപുറമെ, ഫ്രണ്ട് ഫെന്ഡറിനും ടെയില്ഗേറ്റിനും N-ലൈന് ബാഡ്ജിംഗ് ലഭിക്കും.
ഹ്യുണ്ടായി അതിന്റെ സ്പോര്ട്ടി ആകര്ഷണം വര്ദ്ധിപ്പിക്കുന്നതിന് ബ്ലാക്ക് നിറത്തിലുള്ള ഗ്രില് നല്കണമായിരുന്നു. എന്നാല് ഇത് സാധാരണ വെന്യുവിന് പോലെ ക്രോമില് ലഭ്യമാണ്. നാല് മീറ്ററില് താഴെയുള്ള എസ്യുവിയുടെ സ്പോര്ട്ടി ആകര്ഷണം വര്ദ്ധിപ്പിക്കുന്നതിനായി ഈ റെഡ് ഇന്സെര്ട്ടുകള് റൂഫ് റെയിലുകളിലും ബ്രേക്ക് കാലിപ്പറുകളിലും കാണാന് സാധിക്കും.
വെന്യു N-ലൈനിന് ഹ്യുണ്ടായിയുടെ ലോഗോയ്ക്ക് പകരം N ബാഡ്ജിംഗോടുകൂടിയ പുതിയ 16 ഇഞ്ച് അലോയ് വീലുകളും ലഭിക്കുന്നു. പിന്ഭാഗത്ത്, റെഡ് ഇന്സേര്ട്ടുകളും N-ലൈന് ബാഡ്ജിംഗും ഒഴികെ എല്ലാം ഡിസൈന് ഹൈലൈറ്റുകളും സാധാരണ പതിപ്പിന് സമാനമായി തന്നെ നിലനിര്ത്തുന്നു. എന്നിരുന്നാലും, അതിന്റെ ഡ്യുവല്-ടിപ്പ് എക്സ്ഹോസ്റ്റ് മാറ്റം കാണാം.
മെക്കാനിക്കല് മാറ്റങ്ങളിലേക്ക് വരുമ്പോള്, വെന്യു N-ലൈനിന് ഡ്യുവല്-ടിപ്പ് എക്സ്ഹോസ്റ്റ് ലഭിക്കുന്നു, ഇത് വാഹനത്തിന്റെ എക്സ്ഹോസ്റ്റ് നോട്ട് മികച്ചതാക്കുന്നതിനായി ട്യൂണ് ചെയ്തിരിക്കുന്നു.
സാധാരണ വെന്യുവിനേക്കാള് സ്പോര്ട്ടിയര് ഫീല് നല്കുന്നതിന് കടുപ്പമുള്ള സസ്പെന്ഷന് സംവിധാനവും ഇതിന് ലഭിക്കുന്നു. റോഡ് ഉപരിതലത്തില് നിന്നും പാഡില് ഷിഫ്റ്ററുകളില് നിന്നും മികച്ച ഫീഡ്ബാക്ക് നല്കുന്ന പുതിയ ത്രീ-സ്പോക്ക് സ്റ്റിയറിംഗ് വീലും ഇതിന് ലഭിക്കുന്ന മറ്റ് സവിശേഷതകളാണ്.
118 bhp കരുത്തും 172 Nm torque ഉം ഉത്പാദിപ്പിക്കാന് കഴിയുന്ന 1.0 ലിറ്റര് GDI ടര്ബോ-പെട്രോള് എഞ്ചിനാണ് വെന്യൂവിന്റെ N-ലൈന് പതിപ്പിന് ലഭിക്കുന്നത്. എന്നാല് iMT, DCT ട്രാന്സ്മിഷന് ഓപ്ഷനുകള് ലഭിക്കുന്ന i20 N-ലൈനില് നിന്ന് വ്യത്യസ്തമായി, വെന്യു N-ലൈന് 7-സ്പീഡ് DCT-ല് മാത്രമേ ലഭ്യമാകൂ.
വിപണിയില് കിയ സോനെറ്റ് X-ലൈന്, ടാറ്റ നെക്സണിന്റെ ഡാര്ക്ക് എഡിഷന്, കാസിരംഗ എഡിഷന്, ജെറ്റ് എഡിഷന് എന്നിവയുമായാണ് വെന്യു X-ലൈന് മത്സരിക്കുന്നത്. ഉത്സവ നാളിലെ വില്പ്പന ഈ പുതിയ പതിപ്പിലൂടെ വര്ദ്ധിപ്പിക്കാമെന്ന പ്രതീക്ഷയിലാണ് ഹ്യുണ്ടായി.
Continue with Google