Click it and Unblock the Notifications
1.5 ലിറ്റര് ഡീസല് എഞ്ചിന് നിര്ത്തില്ല; Venue, Creta, Alcazar, Verna മോഡലുകളില് തുടരുമെന്ന് Hyundai
ജനുവരിയില് നടക്കുന്ന 2023 ഓട്ടോ എക്സ്പോയില് ശക്തമായ സാന്നിധ്യമുണ്ടാക്കാന് ഒരുങ്ങുകയാണ് കൊറിയന് നിര്മാതാക്കളായ ഹ്യൂണ്ടായി. ദക്ഷിണ കൊറിയന് കമ്പനി എക്സ്പോയില് വരാനിരിക്കുന്ന മൈക്രോ എസ്യുവിയെ പ്രിവ്യൂ ചെയ്യുന്ന ഒരു കണ്സെപ്റ്റ് കൊണ്ടുവരുമെന്നാണ് പ്രതീക്ഷിക്കുന്നത്.
കൂടാതെ 2024-ലേക്കുള്ള താങ്ങാനാവുന്ന ഇവിയുടെ ഒരു സൂക്ഷ്മ നിരീക്ഷണം നല്കുന്ന മറ്റൊരു കണ്സെപ്റ്റും ഇതിനൊപ്പം ഉണ്ടാകും. രാജ്യത്തെ രണ്ടാമത്തെ വലിയ കാര് നിര്മാതാവ് ക്രെറ്റയുടെയും പുതിയ തലമുറ വെര്ണയുടെയും ഫെയ്സ്ലിഫ്റ്റ് പതിപ്പുകള് പ്രീമിയര് മോട്ടോറിംഗ് ഇവന്റില് പ്രദര്ശിപ്പിക്കാന് സാധ്യതയുണ്ട്.
എന്നാല്, ഔദ്യോഗിക സ്ഥിരീകരണം ഇതുവരെ ഉണ്ടായിട്ടില്ല. 2023 ഏപ്രില് മുതല് RDE (റിയല് ഡ്രൈവിംഗ് എമിഷന്) മാനദണ്ഡങ്ങള് ആരംഭിക്കുന്നതോടെ, ഡീസല് എഞ്ചിനുകളുടെ സാന്നിധ്യം വ്യവസായത്തിലുടനീളം പ്രതികൂലമായി ബാധിക്കും.
2020 ഏപ്രിലില് ബിഎസ് VI എമിഷന് സ്റ്റാന്ഡേര്ഡ് വരുന്നതിന് മുമ്പ് പല മുഖ്യധാരാ നിര്മാതാക്കള് എല്ലാവരും തന്നെ ഡീസല് എഞ്ചിനുകള് ഉപേക്ഷിച്ചെങ്കിലും, ചിലര് വിവിധ സെഗ്മെന്റുകളിലുടനീളമുള്ള വോളിയം സാധ്യതകള് തിരിച്ചറിഞ്ഞ് അവയില് ഉറച്ചുനിന്നു. എന്നാല് RDE മാനദണ്ഡങ്ങള് ഇപ്പോഴും ഡീസല് എഞ്ചിന് ഉപയോഗിക്കുന്നവരുടെ വില്പ്പനയെ മികച്ചതാക്കില്ലെന്ന് വേണം പറയാന്.
RDE റെഗുലേഷനുകളിലേക്ക് അപ്ഗ്രേഡ് ചെയ്യുന്നതിനുള്ള ഉയര്ന്ന ചിലവ് കാരണം, പെട്രോള്, ഡീസല് വകഭേദങ്ങള് തമ്മിലുള്ള അനുദിനം വര്ധിച്ചുവരുന്ന അന്തരവും സമീപകാലത്ത് ഓയില് ബര്ണറുകളുടെ കുറഞ്ഞ നുഴഞ്ഞുകയറ്റവും ഹോണ്ട പോലുള്ള ബ്രാന്ഡുകള് അവരുടെ ഡീസല് എഞ്ചിനുകള് ഉപേക്ഷിക്കുമെന്ന് റിപ്പോര്ട്ട്.
ഹോണ്ട സിറ്റിയും അമേസും 1.5 ലിറ്റര് ഡീസല് എഞ്ചിനിനൊപ്പം വില്ക്കില്ലെന്ന് റിപ്പോര്ട്ടുകള് പുറത്തുവരികയും ചെയ്തു. തെരഞ്ഞെടുത്ത വകഭേദങ്ങള് ഉടന് നിര്ത്തലാക്കാനും കമ്പനി പദ്ധതിയുന്നുവെന്നാണ് സൂചന.
അതേസമയം മറുവശത്ത്, ഹ്യുണ്ടായി i20 പ്രീമിയം ഹാച്ച്ബാക്കിന്റെ ഡീസല് വേരിയന്റ് ഉപേക്ഷിക്കും, എന്നാല് വെന്യൂ കോംപാക്ട് എസ്യുവി, ക്രെറ്റ മിഡ്-സൈസ് എസ്യുവി, അല്കസാര് മൂന്ന്-വരി എസ്യുവി, വരാനിരിക്കുന്ന പുതിയ തലമുറ വെര്ണ എന്നിവ 1.5 ലിറ്റര് ഫോര് സിലിണ്ടര് CRDI ഡീസല് എഞ്ചിനുമായി തുടരും. നിലവില് ഇത് പരമാവധി 115 bhp പവറും 250 Nm പീക്ക് ടോര്ക്കും ഉല്പ്പാദിപ്പിക്കുന്നു.
1.5 ലിറ്റര് ഡീസല് യൂണിറ്റ് (സോനെറ്റ്, സെല്റ്റോസ്) ഘടിപ്പിച്ച കിയ മോഡലുകള്ക്കും ഇത് ബാധകമാക്കാം. വെന്യുവും സോനെറ്റും 100 bhp ഡീസല് യൂണിറ്റ് ഉപയോഗിക്കുമ്പോള്, അവ നിശ്ചിത ജ്യാമിതി ടര്ബോ സിസ്റ്റം നിലനിര്ത്തുമോ അതോ VGT ലേക്ക് അപ്ഗ്രേഡ് ചെയ്യുമോ എന്നത് ഇതുവരെ അറിവായിട്ടില്ല.
അതേസമയം നേരത്തെ പുറത്തുവന്ന റിപ്പോര്ട്ടുകള് അനുസരിച്ച്, റിയല് ഡ്രൈവിംഗ് എമിഷന് മാനദണ്ഡങ്ങള് എന്നറിയപ്പെടുന്ന പുതിയ കര്ശനമായ എമിഷന് നിയന്ത്രണങ്ങള് 2023 ഏപ്രില് 1 മുതല് പ്രാബല്യത്തില് വരുന്നതിനാല്, നിരവധി പുതിയ ഡീസല് കാറുകള് വിപണിയില് നിന്ന് നിര്ത്തലാക്കും.
മാരുതി സുസുക്കി, റെനോ-നിസാന് സഖ്യം, ഫോക്സ്വാഗണ് ഗ്രൂപ്പ് എന്നിവ ആഭ്യന്തര വിപണിയില് കൂടുതല് പെട്രോള് ഇന്ധന ഓപ്ഷന് ഇതിനകം സ്വീകരിച്ചിട്ടുണ്ട്. അടുത്ത ഏതാനും മാസങ്ങള്ക്കുള്ളില് ഹോണ്ടയും ഹ്യുണ്ടായിയും വിപണിയില് ഡീസല് കാറുകള് നിര്ത്തലാക്കുമെന്നും റിപ്പോര്ട്ടുകള് പുറത്തുവരികയും ചെയ്തിരുന്നു.
Continue with Google