Click it and Unblock the Notifications
Carens എംപിവിയുടെ വില വര്ധിപ്പിച്ച് Kia; പുതിയ വില വിവരങ്ങള് ഇതാ
ഏറ്റവും പുതിയ മോഡലായ കാരെന്സ് എംപിവിയുടെ വില വര്ധിപ്പിച്ച് നിര്മാതാക്കളായ കിയ മോട്ടോര്സ്. ബ്രാന്ഡിന്റെ ഔദ്യോഗിക വെബ്സൈറ്റില് വില അപ്ഡേറ്റ് ചെയ്തിട്ടുണ്ടെങ്കിലും, ദക്ഷിണ കൊറിയന് വാഹന നിര്മാതാവ് വില വര്ധന സംബന്ധിച്ച് ഔദ്യോഗിക പ്രസ്താവന ഒന്നും തന്നെ പുറത്തുവിട്ടിട്ടില്ല.
വെബ്സൈറ്റില് കാണുന്നതനുസരിച്ച്, വാഹനത്തിന്റെ ശ്രേണിയിലുടനീളം വില വര്ധിപ്പിച്ചിരിക്കുന്നതായി കാണാന് സാധിക്കും. നേരത്തെ, 1.5 ലിറ്റര് നാച്ചുറലി ആസ്പിറേറ്റഡ് പെട്രോള് എഞ്ചിനോടുകൂടിയ 'പ്രീമിയം 7' അടിസ്ഥാന വേരിയന്റിന് 8.99 ലക്ഷം രൂപയില് (എക്സ്ഷോറൂം) വിലയിലായിരുന്നു കാരെന്സിനെ കമ്പനി അവതരിപ്പിച്ചത്.
എന്നാല് ഇപ്പോള് പുതുക്കിയ വിലകള്ക്കൊപ്പം, കാരെന്സ് എംപിവിയുടെ അടിസ്ഥാന മോഡലിന് 9.59 ലക്ഷം രൂപയാണ് എക്സ്ഷോറൂം വില. ഏകദേശം 60,000 രൂപയുടെ വര്ധനവാണ് വിലയില് ഉണ്ടായിരിക്കുന്നതെന്നും കാണാന് സാധിക്കും.
മറുവശത്ത്, മാനുവല് ട്രാന്സ്മിഷനോട് കൂടിയ 1.4 ലിറ്റര് ടര്ബോചാര്ജ്ഡ് പെട്രോള് എഞ്ചിന് ഘടിപ്പിച്ച കിയ കാരെന്സിന്റെ 'ലക്ഷ്വറി പ്ലസ്' വേരിയന്റിന് ഇപ്പോള് 16.59 ലക്ഷം രൂപയാണ് എക്സ്ഷോറൂം വില. ഇത് അവതരിപ്പിച്ചതിനേക്കാള് 40,000 രൂപ കൂടുതലാണെന്ന് റിപ്പോര്ട്ടില് പറയുന്നു.
എന്നിരുന്നാലും, മാനുവല് ട്രാന്സ്മിഷനോട് കൂടിയ 1.5 ലിറ്റര് പെട്രോള് എഞ്ചിന് ഘടിപ്പിച്ച 'പ്രസ്റ്റീജ്' വേരിയന്റിന്റെയും 1.5 ലിറ്റര് ഡീസല് എഞ്ചിനും ഓട്ടോമാറ്റിക് ട്രാന്സ്മിഷനോടുകൂടിയ 'ലക്ഷ്വറി പ്ലസ് 7' വേരിയന്റും 70,000 രൂപയുടെ ഏറ്റവും ഉയര്ന്ന വില വര്ധനയ്ക്ക് സാക്ഷ്യം വഹിച്ചു.
| Carens Premium | Old Price | New Price | Difference |
| 1.5 Petrol MT | ₹8.99 Lakh | ₹9.59 Lakh | ₹60,000 |
| 1.4 T-GDi MT | ₹10.99 Lakh | ₹11.19 Lakh | ₹20,000 |
| 1.5 Diesel MT | ₹10.99 Lakh | ₹11.39 Lakh | ₹40,000 |
| Carens Prestige | |||
| 1.5 Petrol MT | ₹9.99 Lakh | ₹10.69 Lakh | ₹70,000 |
| 1.4 T-GDi MT | ₹11.99 Lakh | ₹12.39 Lakh | ₹40,000 |
| 1.5 Diesel MT | ₹11.99 Lakh | ₹12.59 Lakh | ₹60,000 |
| Carens Prestige Plus | |||
| 1.4 T-GDi MT | ₹13.49 Lakh | ₹13.89 Lakh | ₹40,000 |
| 1.4 T-GDi 7DCT | ₹14.59 Lakh | ₹14.79 Lakh | ₹20,000 |
| 1.5 Diesel AT | ₹13.49 Lakh | ₹14.09 Lakh | ₹60,000 |
| Carens Luxury | |||
| 1.4 T-GDi MT | ₹14.99 Lakh | ₹15.29 Lakh | ₹30,000 |
| 1.5 Diesel MT | ₹14.99 Lakh | ₹15.49 Lakh | ₹50,000 |
| Carens Luxury Plus 6S | |||
| 1.4 T-GDi MT | ₹16.19 Lakh | ₹16.54 Lakh | ₹35,000 |
| 1.4 T-GDi 7DCT | ₹16.99 Lakh | ₹17.44 Lakh | ₹45,000 |
| 1.5 Diesel MT | ₹16.19 Lakh | ₹16.74 Lakh | ₹55,000 |
| 1.5 Diesel AT | ₹16.99 Lakh | ₹17.64 Lakh | ₹65,000 |
| Carens Luxury Plus 7S | |||
| 1.4 T-GDi MT | ₹16.19 Lakh | ₹16.59 Lakh | ₹40,000 |
| 1.4 T-GDi 7DCT | ₹16.99 Lakh | ₹17.49 Lakh | ₹50,000 |
| 1.5 Diesel MT | ₹16.19 Lakh | ₹16.79 Lakh | ₹60,000 |
| 1.5 Diesel AT | ₹16.99 Lakh | ₹17.69 Lakh | ₹70,000 |
ഇന്ത്യന് എംപിവി സെഗ്മെന്റിലേക്കുള്ള സമീപകാല പ്രവേശനം ഉണ്ടായിരുന്നിട്ടും, കിയ കാരെന്സ് ഇന്ത്യയിലെ 7 സീറ്റര് സെഗ്മെന്റില് അതിവേഗം സ്വീകാര്യത നേടി മുന്നേറുകയാണ്. കിയ മോട്ടോര്സ് പറയുന്നതനുസരിച്ച്, 2022 ഫെബ്രുവരിയില് കമ്പനി കാരെന്സ് എംപിവിയുടെ 5,300 യൂണിറ്റുകള് വിറ്റഴിക്കുകയും ചെയ്തിരുന്നു.
അതിനുപുറമെ, ടയര് 2, ടയര് 3 നഗരങ്ങളില് കിയ കാരെന്സ് എംപിവി വളരെ ജനപ്രിയമായിത്തീര്ന്നു, കൂടാതെ ആക്രമണാത്മക പ്രാരംഭ വില നിര്ണ്ണയം കിയ മോട്ടോര്സിനെ താരതമ്യേന എളുപ്പത്തില് ഈ വിപണിയിലേക്ക് കടക്കാന് പ്രാപ്തമാക്കിയെന്ന് വേണം പറയാന്.
ഇപ്പോള്, അപ്ഡേറ്റ് ചെയ്ത വിലകള് പ്രാബല്യത്തില് വരുന്നതോടെ, കിയ കാരെന്സ് ശ്രേണിയുടെ പ്രാരംഭ പതിപ്പിന് 9.58 ലക്ഷം രൂപ മുതല് (എക്സ്ഷോറൂം) ഉയര്ന്ന 1.5 ലിറ്റര് ഡീസല് എഞ്ചിനും 6-സ്പീഡ് ഓട്ടോമാറ്റിക് ട്രാന്സ്മിഷനും ഘടിപ്പിച്ച പ്ലസ് 7S വേരിയന്റിന് 17.69 ലക്ഷം രൂപ വരെ എക്സ്ഷോറൂം വില ഉയരുകയും ചെയ്യുന്നു.
കൂടാതെ, കിയ കാരെന്സ് എംപിവി ഏറ്റവും ഫീച്ചര് സമ്പന്നമായ കാറുകളിലൊന്നാണ്, ആപ്പിള് കാര് പ്ലേ, ആന്ഡ്രോയിഡ് ഓട്ടോ എന്നിവയ്ക്കൊപ്പം 10.25 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് യൂണിറ്റ്, എയര് പ്യൂരിഫയര്, ഫുള്-ഡിജിറ്റല് ഡ്രൈവര് ഡിസ്പ്ലേ, കൂള്ഡ് ഗ്ലൗസ് ബോക്സ് തുടങ്ങിയ സവിശേഷതകളാല് സജ്ജീകരിച്ചിരിക്കുന്നു.
ഒരു ഇലക്ട്രിക് സണ്റൂഫ്, മുന്വശത്ത് വെന്റിലേറ്റഡ് സീറ്റുകള്, വയര്ലെസ് ചാര്ജര്, 2, 3 വരി യാത്രക്കാര്ക്ക് മേല്ക്കൂരയില് ഘടിപ്പിച്ച എസി, കിയയുടെ UVO കണക്റ്റുചെയ്ത കാര് ടെക്, ആംബിയന്റ് ലൈറ്റിംഗ്, 8-സ്പീക്കര് BOSE സൗണ്ട് സിസ്റ്റം, കൂള്ഡ് കപ്പ് ഹോള്ഡറുകള് എന്നിവയും വാഹനത്തിലെ സവിശേതകളാണ്.
ഈ ഫീച്ചറുകള്ക്ക് പുറമേ, 6 എയര്ബാഗുകള്, ടയര് പ്രഷര് മോണിറ്ററിംഗ് സിസ്റ്റം (TPMS), ABS, EBD, ഇലക്ട്രോണിക് സ്റ്റെബിലിറ്റി പ്രോഗ്രാം (ESP), വെഹിക്കിള് സ്റ്റെബിലിറ്റി കണ്ട്രോള് (VSC) BAS, ISOFIX മൗണ്ടുകള്, ഹില്-ഹോള്ഡ് അസിസ്റ്റന്സ്, ഓള്-വീല് ഡിസ്ക് ബ്രേക്കുകള് തുടങ്ങിയ മുന്നിര സുരക്ഷാ ഫീച്ചറുകളും കാരെന്സില് സജ്ജീകരിച്ചിരിക്കുന്നു.
നിലവില് മൂന്ന് എഞ്ചിന് ഓപ്ഷനുകളിലാണ് കിയ കാരെന്സ് എത്തുന്നത്. ഈ ഓപ്ഷനുകളില് 113 bhp കരുത്തും 144 Nm ടോര്ക്കും ഉള്ള 1.5 ലിറ്റര് നാച്ചുറലി ആസ്പിറേറ്റഡ് എഞ്ചിന് ഉള്പ്പെടുന്നു. 138 bhp പവറും 242 Nm ടോര്ക്കും നല്കുന്ന 1.4 ലിറ്റര് ടര്ബോചാര്ജ്ഡ് പെട്രോള് എഞ്ചിനാണ് അടുത്ത എഞ്ചിന് ഓപ്ഷന്.
ഇതിനുപുറമെ, 114 bhp കരുത്തും 250 Nm പീക്ക് ടോര്ക്കും നല്കുന്ന 1.5 ലിറ്റര് ടര്ബോചാര്ജ്ഡ് ഡീസല് എഞ്ചിന് മൂന്നാം എഞ്ചിന് ഓപ്ഷനുമായാണ് കിയ കാരെന്സ് വരുന്നത്.
കാരെന്സ് എംപിവിയിലെ എല്ലാ എഞ്ചിന് ഓപ്ഷനുകളിലും 6-സ്പീഡ് മാനുവല് ട്രാന്സ്മിഷന് സ്റ്റാന്ഡേര്ഡായി വാഗ്ദാനം ചെയ്യപ്പെടുമ്പോള്, ഓട്ടോമാറ്റിക് ട്രാന്സ്മിഷനുകള് ഡീസല് എഞ്ചിനിലും ടര്ബോചാര്ജ്ഡ് പെട്രോള് എഞ്ചിന് ഓപ്ഷനുകളിലും മാത്രമാണ് വാഗ്ദാനം ചെയ്യുന്നത്.
എന്നിരുന്നാലും, ഡീസല് എഞ്ചിനിലെ ഓട്ടോമാറ്റിക് ട്രാന്സ്മിഷന് സുഗമമായ 6-സ്പീഡ് ടോര്ക്ക് കണ്വെര്ട്ടര് യൂണിറ്റാണ്, അതേസമയം ടര്ബോചാര്ജ്ഡ് പെട്രോള് വേരിയന്റിന് ദ്രുത-ഷിഫ്റ്റിംഗ് 7-സ്പീഡ് DCT ഗിയര്ബോക്സ് ലഭിക്കുന്നു.
കിയ മോട്ടോര്സ് കാരെന്സിന്റെ വില ഗണ്യമായി വര്ധിപ്പിച്ചിട്ടുണ്ടെങ്കിലും, ഈ എംപിവിയുടെ ബുക്കിംഗില് നിന്ന് ഉപഭോക്താക്കള് പിന്തിരിയുമെന്ന് ഞങ്ങള് പ്രതീക്ഷിക്കുന്നില്ല, കാരണം ഇത് ധാരാളം ഫീച്ചറുകള് പായ്ക്ക് ചെയ്യുന്നു. ഇന്ത്യയില് 6/7 സീറ്റുള്ള എംപിവി തിരയുന്ന ഏതൊരാള്ക്കും ഇത് കാരെന്സ് മികച്ച ഒരു തെരഞ്ഞെടുപ്പാണെന്ന് വേണം പറയാന്.
Continue with Google