Mahindra XUV700-യുടെ ബുക്കിംഗ് 1 ലക്ഷം പിന്നിട്ടു; കാത്തിരിപ്പ് കാലയളവ് 19 മാസം

റിപ്പോര്‍ട്ടുകള്‍ പ്രകാരം, മഹീന്ദ്ര XUV700-ന്റെ ക്യുമുലേറ്റീവ് ബുക്കിംഗ് ഇപ്പോള്‍ ഒരു ലക്ഷം കടന്നതായും കമ്പനി വ്യക്തമാക്കിയിരിക്കുകയാണ്. മാത്രമല്ല, തിരഞ്ഞെടുക്കുന്ന വേരിയന്റിനെ ആശ്രയിച്ച് ഈ എസ്‌യുവിയുടെ കാത്തിരിപ്പ് കാലയളവ് ഇപ്പോള്‍ ഏകദേശം രണ്ട് വര്‍ഷമായി ഉയരുകയും ചെയ്തിട്ടുണ്ട്.

നിലവിലുള്ള ചിപ്പ് ക്ഷാമവും XUV700-ന്റെ അഭൂതപൂര്‍വമായ ഡിമാന്‍ഡുമാണ് ഇത്രയും നീണ്ട കാത്തിരിപ്പ് കാലയളവിലേക്ക് നയിച്ചതെന്നാണ് കമ്പനി വ്യക്തമാക്കുന്നത്. അതിന്റെ ജനപ്രീതിക്ക് പിന്നിലെ പ്രധാന കാരണം അതിന്റെ വിലയാണ്. മഹീന്ദ്രയില്‍ നിന്നുള്ള ഏറ്റവും സാങ്കേതികമായി നൂതനമായ കാറാണിത്, ആക്രമണാത്മക വിലയിലും ഇത് കമ്പനി വാഗ്ദാനം ചെയ്യുന്നു.

കഴിഞ്ഞ വര്‍ഷം സ്വാതന്ത്ര്യ ദിനത്തില്‍ മഹീന്ദ്ര പുതിയ XUV700 പുറത്തിറക്കി, എസ്‌യുവിയുടെ ഡെലിവറികള്‍ ഒക്ടോബര്‍ 30-ന് കമ്പനി ആരംഭിക്കുകയും ചെയ്തു. XUV700-ന്റെ ബുക്കിംഗ് ഒക്ടോബര്‍ 7, 2021 മുതല്‍ ആരംഭിച്ചു, രണ്ട് ദിവസത്തിനുള്ളില്‍ മഹീന്ദ്രയ്ക്ക് എസ്‌യുവിക്കായി 50,000-ത്തിലധികം ബുക്കിംഗുകള്‍ നേടിയെടുക്കാനും സാധിച്ചു.

മഹീന്ദ്ര തുടക്കത്തില്‍ പെട്രോള്‍ വേരിയന്റുകളുടെ ഡെലിവറിയില്‍ ആരംഭിച്ചു, ഡീസല്‍ വേരിയന്റുകള്‍ കഴിഞ്ഞ വര്‍ഷം നവംബര്‍ അവസാനത്തോടെയാണ് ഡീലര്‍ഷിപ്പുകളില്‍ എത്തിത്തുടങ്ങിയത്. സെമി കണ്ടക്ടറുകളുടെ കുറവ് കാത്തിരിപ്പ് കാലയളവ് കൂടുതല്‍ നീണ്ടതാക്കി.

ടോപ്പ് എന്‍ഡ് AX7 ലക്ഷ്വറി വേരിയന്റിന് ഇപ്പോള്‍ ഏകദേശം 84 ആഴ്ചയോ ഏകദേശം 19 മാസമോ കാത്തിരിപ്പ് കാലയളവുണ്ട്. AdrenoX ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം സജ്ജീകരിച്ചിരിക്കുന്ന AX3, AX5, AX7 തുടങ്ങിയ മറ്റ് വേരിയന്റുകള്‍ക്ക് ഏകദേശം എട്ട് മാസത്തെ കാത്തിരിപ്പ് കാലയളവുണ്ട്.

എന്‍ട്രി ലെവല്‍ MX വേരിയന്റിന് പോലും കാത്തിരിപ്പ് കാലാവധിയുണ്ട്. ഇതിന് നിലവില്‍ 7 മാസത്തെ കാത്തിരിപ്പ് കാലാവധിയുണ്ടെന്നാണ് മഹീന്ദ്രയും പറയുന്നത്.

റിപ്പോര്‍ട്ടുകള്‍ പ്രകാരം, മഹീന്ദ്ര ഇപ്പോള്‍ AX7 വേരിയന്റില്‍ നിന്ന് ഒരു സ്മാര്‍ട്ട് ട്രിം അവതരിപ്പിക്കാന്‍ ഒരുങ്ങുകയാണ്, അത് ടോപ്പ് എന്‍ഡ് ലക്ഷ്വറി വേരിയന്റിന് താഴെയായി ഇടംപിടിക്കുകയും ചെയ്യും. എന്നാല്‍ സ്മാര്‍ട്ട് വേരിയന്റിന് ചില ഫീച്ചറുകള്‍ നഷ്ടമാകും, ഏകദേശം 80,000 രൂപ വിലക്കുറവാണ് ഈ വേരിയന്റില്‍ പ്രതീക്ഷിക്കുന്നത്.

ഫീച്ചറുകളുടെ എണ്ണം കുറവായതിനാല്‍, വേരിയന്റില്‍ സെമികണ്ടക്ടര്‍ ചിപ്പുകളുടെ എണ്ണം കുറവായിരിക്കും, അത് മഹീന്ദ്രയെ ഡിമാന്‍ഡ് നിലനിര്‍ത്താന്‍ സഹായിക്കും. മുകളില്‍ സൂചിപ്പിച്ചതുപോലെ, മഹീന്ദ്രയില്‍ നിന്ന് ഇന്നുവരെയുള്ള ഏറ്റവും ഫീച്ചര്‍ ലോഡ് ചെയ്ത എസ്‌യുവിയാണ് XUV700.

ഫീച്ചറുകളുടെ നീണ്ട പട്ടികയും കരുത്തുറ്റ എഞ്ചിനും ഗിയര്‍ബോക്സ് കോമ്പിനേഷനും XUV700-നെ തല്‍ക്ഷണം ഹിറ്റാക്കുകയായിരുന്നു. ടാറ്റ സഫാരി, ഹ്യുണ്ടായി അല്‍കസാര്‍, എംജി ഹെക്ടര്‍ പ്ലസ്, കിയ കാരെന്‍സ് തുടങ്ങിയ എസ്‌യുവികളോടാണ് മഹീന്ദ്ര XUV700 മത്സരിക്കുന്നത്.

എസ്‌യുവിയുടെ താഴ്ന്ന 5 സീറ്റര്‍ പതിപ്പ് ഹ്യുണ്ടായി ക്രെറ്റ, കിയ സെല്‍റ്റോസ് എന്നിവയുമായി മത്സരിക്കുന്നു. നൂതന ഡ്രൈവര്‍ അസിസ്റ്റന്‍സ് സിസ്റ്റവുമായി വരുന്ന സെഗ്മെന്റിലെ ഒരേയൊരു ഏഴ് സീറ്റര്‍ എസ്‌യുവിയാണ് XUV700.

അഡാപ്റ്റീവ് ക്രൂയിസ് കണ്‍ട്രോള്‍, ലെയ്ന്‍ ഡിപ്പാര്‍ച്ചര്‍ വാര്‍ണിംഗ്, ലെയ്ന്‍ കീപ്പ് അസിസ്റ്റ്, ഓട്ടോമാറ്റിക് എമര്‍ജന്‍സി ബ്രേക്കിംഗ്, റോഡ് സൈന്‍ ഡിറ്റക്ഷന്‍ തുടങ്ങിയ ഫീച്ചറുകള്‍ ഫീച്ചര്‍ ലിസ്റ്റില്‍ ഉള്‍പ്പെടുന്നു.

പെട്രോള്‍, ഡീസല്‍ എഞ്ചിന്‍ ഓപ്ഷനുകളോടെയാണ് മഹീന്ദ്ര XUV700 വാഗ്ദാനം ചെയ്യുന്നത്. 200 bhp കരുത്തും 380 Nm പീക്ക് ടോര്‍ക്കും സൃഷ്ടിക്കുന്ന 2.0 ലിറ്റര്‍ ടര്‍ബോചാര്‍ജ്ഡ് പെട്രോള്‍ എഞ്ചിനാണ് പെട്രോള്‍ പതിപ്പിന് കരുത്തേകുന്നത്.

എസ്‌യുവിയുടെ ഡീസല്‍ പതിപ്പിന് കരുത്ത് പകരുന്നത് 2.2 ലിറ്റര്‍ ടര്‍ബോചാര്‍ജ്ഡ് എഞ്ചിനാണ്, അത് രണ്ട് സ്റ്റേറ്റുകളില്‍ ലഭ്യമാണ്. താഴ്ന്ന MX ട്രിമ്മുകളില്‍, ഈ എഞ്ചിന്‍ 6-സ്പീഡ് മാനുവല്‍ ഗിയര്‍ബോക്‌സിനൊപ്പം 155 bhp കരുത്തും 360 Nm പീക്ക് ടോര്‍ക്കും സൃഷ്ടിക്കുന്നു.

ഉയര്‍ന്ന AX ട്രിമ്മുകളില്‍, അതേ എഞ്ചിന്‍ യഥാക്രമം 185 bhp കരുത്തും 450 Nm torque ഉം സൃഷ്ടിക്കുന്നു. പെട്രോള്‍, ഡീസല്‍ എഞ്ചിന്‍ ഓപ്ഷനുകള്‍ മാനുവല്‍, ഓട്ടോമാറ്റിക് ട്രാന്‍സ്മിഷന്‍ ഓപ്ഷനുകളില്‍ ലഭ്യമാണ്. ടോപ്പ് എന്‍ഡ് ഡീസല്‍ ഓട്ടോമാറ്റിക് വേരിയന്റിന് AWD ഫീച്ചറും ഒരു ഓപ്ഷനായി ലഭിക്കുന്നുണ്ട്.