ചൂടോടെ അറിയാം Grand Vitara -യുടെ ഫുൾ ഫീച്ചറുകൾ; എസ്‌യുവിയുടെ ബ്രോഷർ പുറത്ത്

Updated: Thursday, July 21, 2022, 14:10 [IST]

മാരുതി സുസുക്കി ഇന്ത്യൻ വിപണി ഏറെ നാളായി കാത്തിരുന്ന ഗ്രാൻഡ് വിറ്റാര എസ്‌യുവി ഇന്ത്യയിൽ അവതരിപ്പിച്ചിരിക്കുകയാണ്. എസ്‌യുവി ഓൺലൈനിലോ നെക്‌സ ഷോറൂമിലോ ടോക്കൺ തുകയായ 11,000 രൂപ നൽകി ബുക്ക് ചെയ്യാം.

ചൂടോടെ അറിയാം Grand Vitara -യുടെ ഫുൾ ഫീച്ചറുകൾ; എസ്‌യുവിയുടെ ബ്രോഷർ പുറത്ത്

പുതിയ മോഡലിന്റെ വിലകൾ 2022 ഓഗസ്റ്റിൽ കമ്പനി വെളിപ്പെടുത്തും. മൂന്ന് ഗിയർബോക്‌സ് കോമ്പിനേഷനുമായി രണ്ട് എഞ്ചിൻ ഓപ്ഷനുകളോടെയാണ് മാരുതി ഗ്രാൻഡ് വിറ്റാര വാഗ്ദാനം ചെയ്യുന്നത്.

പുതിയ മാരുതി ഗ്രാൻഡ് വിറ്റാര ഇപ്പോൾ അതിന്റെ വിഭാഗത്തിലെ ഏറ്റവുമധികം മൈലേജ് നൽകുന്ന മോഡലാണ്, ടൊയോട്ടയുടെ ഹൈബ്രിഡ് ഇലക്ട്രിക് പവർട്രെയിനാണ് ഇതിൽ ഉപയോഗിച്ചിരിക്കുന്നത്. വേരിയന്റ് തിരിച്ചുള്ള ഫീച്ചറുകളും അളവുകളും സ്പെസിഫിക്കേഷനുകളും വെളിപ്പെടുത്തുന്ന പുതിയ ഗ്രാൻഡ് വിറ്റാരയുടെ ബ്രോഷറും കമ്പനി പുറത്തിറക്കിയിട്ടുണ്ട്.

മാരുതി ഗ്രാൻഡ് വിറ്റാര വകഭേദങ്ങൾ:

സ്മാർട്ട് ഹൈബ്രിഡ് സംവിധാനമുള്ള പുതിയ ഗ്രാൻഡ് വിറ്റാര പെട്രോൾ പതിപ്പ് സിഗ്മ, ഡെൽറ്റ, സീറ്റ, ആൽഫ എന്നിങ്ങനെ നാല് വേരിയന്റുകളിൽ ലഭ്യമാണ്. മറുവശത്ത്, ഇലക്ട്രിക് ഹൈബ്രിഡ് പതിപ്പ് സീറ്റ+, ആൽഫ+ എന്നീ രണ്ട് ട്രിമ്മുകളിലാണ് വരുന്നത്.

മാരുതി ഗ്രാൻഡ് വിറ്റാര അളവുകളും സവിശേഷതകളും:

സുസുക്കിയുടെ ഗ്ലോബൽ-C പ്ലാറ്റ്‌ഫോമിലാണ് പുതിയ എസ്‌യുവി വികസിപ്പിച്ചിരിക്കുന്നത്, ആഗോള വിപണിയിൽ വിൽപ്പനയ്‌ക്കെത്തുന്ന പുതിയ തലമുറ എസ്-ക്രോസിന് അടിവരയിടുന്നതും ഇതുതന്നെയാണ്. അനുപാതമനുസരിച്ച്, പുതിയ ഗ്രാൻഡ് വിറ്റാരയ്ക്ക് 4,345 mm നീളവും 1,795 mm വീതിയും 1,645 mm ഉയരവും 2,600 mm വീൽബേസും ഉണ്ട്. ഫൈവ് സീറ്റർ എസ്‌യുവിക്ക് 45 ലിറ്റർ ശേഷിയുള്ള ഫ്യുവൽ ടാങ്കുണ്ട്.

അഞ്ച് സ്പീഡ് മാനുവൽ, ആറ് സ്പീഡ് torque കൺവെർട്ടർ ഓട്ടോമാറ്റിക് ഗിയർബോക്‌സ് എന്നിവയുമായി കണക്ട് ചെയ്തിരിക്കുന്ന 1.5 ലിറ്റർ, ഫോർ സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിനാണ് പുതിയ മാരുതി സുസുക്കി ഗ്രാൻഡ് വിറ്റാരയ്ക്ക് കരുത്തേകുന്നത്.

ഈ എഞ്ചിന് 6,000 rpm -ൽ 103.6 PS കരുത്തും 4,400 rpm -ൽ 136.8 Nm പരമാവധി torque ഉം ഉത്പാദിപ്പിക്കാൻ കഴിയും. അഞ്ച് സ്പീഡ് മാനുവൽ ഗിയർബോക്‌സ് പതിപ്പിലും AWD (ഓൾ-വീൽ-ഡ്രൈവ്) സിസ്റ്റമുണ്ട്, ഇത് സുസുക്കിയുടെ AllGrip AWD യൂണിറ്റാണ്.

ഇത് ഓട്ടോ, സാൻഡ്, സ്നോ, ലോക്ക് എന്നിങ്ങനെ നാല് ഡ്രൈവിംഗ് മോഡുകൾ വാഗ്ദാനം ചെയ്യുന്നു. ഓട്ടോ മോഡിൽ, AWD സിസ്റ്റം ബുദ്ധിപരമായി ഭൂപ്രദേശം മനസ്സിലാക്കുകയും ആവശ്യാനുസരണം വീലുകൾക്ക് torque നൽകുകയും ചെയ്യുന്നു.

ഹൈബ്രിഡ് പതിപ്പിന് ടൊയോട്ടയിൽ നിന്നുള്ള 1.5 ലിറ്റർ ത്രീ സിലിണ്ടർ പെട്രോൾ എഞ്ചിൻ സിൻക്രണസ് എസി മോട്ടോറുമായി ബന്ധിപ്പിച്ചിരിക്കുന്നു. ഈ അറ്റ്കിൻസൺ സൈക്കിൾ എഞ്ചിൻ 5,500 rpm -ൽ 92.45 PS 4,400-4,800 rpm -ൽ 122 Nm torque ഉം ഉത്പാദിപ്പിക്കുന്നു.

പരമാവധി ഉപയോഗിക്കാവുന്ന പവർ 115.5 PS ആണ്. AC സിൻക്രണസ് മോട്ടോർ 3,995 rpm -ൽ 59 കിലോവാട്ട് (79 bhp) പൂജ്യത്തിൽ നിന്ന് 141 Nm torque ഉം വാഗ്ദാനം ചെയ്യുന്നു. ഇത് e-CVT ഗിയർബോക്സുമായി ബന്ധിപ്പിച്ചിരിക്കുന്നു.

ഗ്രാൻഡ് വിറ്റാര മൈലേജ്:

പുതിയ ഗ്രാൻഡ് വിറ്റാര ഹൈബ്രിഡ് 27.97kmpl എന്ന ARAI സർട്ടിഫൈഡ് മൈലേജ് ലഭിക്കുമെന്ന് അവകാശപ്പെടുന്നു. മറുവശത്ത്, 1.5 ലിറ്റർ പെട്രോൾ മാനുവൽ 21.11kmpl നൽകുന്നു. ഓട്ടോമാറ്റിക് മോഡൽ 20.58kmpl വാഗ്ദാനം ചെയ്യുമ്പോൾ, മാനുവൽ AWD യൂണിറ്റ് 19.38kmpl നൽകുമെന്ന് അവകാശപ്പെടുന്നു.

കളർ ഓപ്ഷനുകൾ:

പുതിയ ഗ്രാൻഡ് വിറ്റാര എസ്‌യുവി ആറ് മോണോടോണിലും മൂന്ന് ഡ്യുവൽ ടോൺ കളർ ഓപ്ഷനുകളിലാണ് വാഗ്ദാനം ചെയ്യുന്നത്. നെക്‌സ ബ്ലൂ, ആർട്ടിക് വൈറ്റ്, സ്‌പ്ലെൻഡിഡ് സിൽവർ, ഗ്രാൻഡിയർ ഗ്രേ, ചെസ്റ്റ്‌നട്ട് ബ്രൗൺ (സിഗ്മയിൽ നൽകിയിട്ടില്ല), ഒപ്യുലെന്റ് റെഡ് (ഡെൽറ്റ & സീറ്റയിൽ മാത്രം) എന്നിവ മോണോടോൺ കളർ ഓപ്ഷനുകളിൽ ഉൾപ്പെടുന്നു.

ഡ്യുവൽ-ടോൺ ഓപ്ഷനുകളിൽ ആർട്ടിക് വൈറ്റ് + ബ്ലാക്ക് (സീറ്റ+/ആൽഫ/ആൽഫ+), സ്‌പ്ലെൻഡിഡ് സിൽവർ + ബ്ലാക്ക് (സീറ്റ+/ആൽഫ/ആൽഫ+), ഒപ്യുലന്റ് റെഡ് + ബ്ലാക്ക് (സീറ്റ+/ആൽഫ/ആൽഫ+) എന്നിവ ഉൾപ്പെടുന്നു.