Alto, S-Presso മോഡലുകളുടെ തെരഞ്ഞെടുത്ത വേരിയന്റുകള്‍ നിര്‍ത്തലാക്കി Maruti

എന്നാല്‍ ഏറ്റവും പുതിയ റിപ്പോര്‍ട്ട് അനുസരിച്ച് കമ്പനി ആള്‍ട്ടോയുടെയും എസ്-പ്രസോയുടെയും വേരിയന്റ് ലൈനപ്പ് പരിഷ്‌കരിച്ച് രംഗത്തെത്തിയിരിക്കുകയാണ്. എസ്-പ്രസോയുടെ ആറ് വകഭേദങ്ങളും ആള്‍ട്ടോയുടെ മൂന്ന് വകഭേദങ്ങളും മാരുതി സുസുക്കി നിര്‍ത്തലാക്കിയിരിക്കുകയാണ്.

ആദ്യത്തേതില്‍ Std, LXi, VXi, VXi AMT, LXi CNG, VXi CNG തുടങ്ങിയ വകഭേദങ്ങള്‍ ഉള്‍പ്പെടുന്നു, രണ്ടാമത്തേതില്‍ Std, LXi, LXi CNG എന്നിവയും ഉള്‍പ്പെടുന്നു. ഈ അപ്ഡേറ്റിലൂടെ, ഇന്ത്യയില്‍ വില്‍ക്കുന്ന എല്ലാ മാരുതി സുസുക്കി കാറുകളും ഇപ്പോള്‍ സ്റ്റാന്‍ഡേര്‍ഡായി ഡ്യുവല്‍ എയര്‍ബാഗുകള്‍ കൊണ്ട് സജ്ജീകരിച്ചിരിക്കുന്നുവെന്നാണ് കമ്പനി അവകാശപ്പെടുന്നത്.

അതേസമയം ഇന്‍ഡോ-ജാപ്പനീസ് ബ്രാന്‍ഡ് ആള്‍ട്ടോയുടെ ഒരു പുതിയ തലമുറ മോഡല്‍ അവതരിപ്പിക്കാനൊരുങ്ങുകയാണ്. പരീക്ഷണയോട്ടം നടത്തുന്ന എന്‍ട്രി ലെവല്‍ ഹാച്ച്ബാക്കിന്റെ നിരവധി ചിത്രങ്ങള്‍ പലപ്പോഴായി പുറത്തുവരികയും ചെയ്തിരുന്നു.

അടുത്ത കാലങ്ങളിലായി പുറത്തുവന്ന ചിത്രങ്ങളില്‍ നിന്ന്, പുതിയ ആള്‍ട്ടോയുടെ ഡിസൈന്‍ പഴയ പതിപ്പില്‍ നിന്ന് ഏറെക്കുറെ വ്യത്യസ്തമായിരിക്കുമെന്ന് വേണം പറയാന്‍.

ഉയര്‍ന്ന ഗ്രൗണ്ട് ക്ലിയറന്‍സുള്ള നിലവിലെ മോഡലിനെ അപേക്ഷിച്ച് പ്രോട്ടോടൈപ്പ് ദൃശ്യപരമായി ഉയരമുള്ളതാണെന്ന് ഒരു കാര്യം ഉറപ്പാണ്. പരന്ന റൂഫ്ലൈനും, സൈഡ് പ്രൊഫൈലും ബോക്സിയര്‍ ആണെന്ന് തോന്നുന്നു, അങ്ങനെ അതിന് ഒരു ക്രോസ്ഓവര്‍ പോലുള്ള ക്യാരക്ടര്‍ ലഭിക്കുകയും ചെയ്യുന്നു.

അല്‍പ്പം നീളമുള്ള വീല്‍ബേസുള്ള പുതുക്കിയ ആര്‍ക്കിടെക്ച്ചറും വാഹനത്തിന്റെ ക്യാബിന്‍ വിശാലമാക്കുമെന്നും റിപ്പോര്‍ട്ടില്‍ പറയുന്നു.

ക്യാബിനിനെക്കുറിച്ച് പറയുകയാണെങ്കില്‍, പുതിയ ആള്‍ട്ടോയുടെ ഇന്റീരിയറുകളും പ്രതീക്ഷിക്കുന്ന അപ്ഡേറ്റ് ചെയ്ത ഡാഷ്ബോര്‍ഡ് ലേഔട്ടിനൊപ്പം പുതിയ രൂപമാകും അവതരിപ്പിക്കുക. ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് ഡിസ്പ്ലേ, സെമി-ഡിജിറ്റല്‍ ഇന്‍സ്ട്രുമെന്റ് കണ്‍സോള്‍ തുടങ്ങിയ ചില പ്രധാന ഫീച്ചറുകള്‍ സെലെറിയോയില്‍ നിന്നും വാഗണ്‍ആറില്‍ നിന്നും കടമെടുക്കുമെന്നും പ്രതീക്ഷിക്കുന്നു.

47 bhp കരുത്തും 69 Nm torque ഉം ഉത്പാദിപ്പിക്കുന്ന അതേ 796 സിസി, 3-സിലിണ്ടര്‍ പെട്രോള്‍ എഞ്ചിന്‍ തന്നെയായിരിക്കും പുതിയ 2023 മാരുതി ആള്‍ട്ടോയ്ക്ക് കരുത്ത് പകരുന്നത്. ഈ മോട്ടോര്‍ സ്റ്റാന്‍ഡേര്‍ഡായി 5-സ്പീഡ് മാനുവല്‍ ഗിയര്‍ബോക്‌സുമായി ജോടിയാക്കിയിരിക്കുന്നു.

5-സ്പീഡ് മാനുവല്‍ അല്ലെങ്കില്‍ 5-സ്പീഡ് AMT എന്നിവയുമായി ജോടിയാക്കിയ ലൈനപ്പിലേക്ക് 1.0-ലിറ്റര്‍ K10C പെട്രോള്‍ മോട്ടോര്‍ ചേര്‍ക്കാനും മാരുതിക്ക് കഴിയും. ഈ യൂണിറ്റ് 66 bhp കരുത്തും 89 Nm torque ഉം ഉത്പാദിപ്പിക്കുന്നു.

അതോടൊപ്പം തന്നെ എസ്-പ്രസോ ഹാച്ച്ബാക്കും ബ്രാന്‍ഡിന്റെ തുറുപ്പ്ചീട്ടാണ്. പുതിയ എസ്‌യുവി-പ്രചോദിത എന്‍ട്രി-ലെവല്‍ ഓഫര്‍ 2019 ഒക്ടോബറിലാണ് കമ്പനി അവതരിപ്പിച്ചത്.

ഇന്ത്യയില്‍ എന്‍ട്രി ലെവല്‍ കാറുകള്‍ക്കായി മിനി-എസ്‌യുവി ഡിസൈന്‍ ട്രെന്‍ഡ് ആരംഭിച്ച സെഗ്മെന്റില്‍ മാരുതി സുസുക്കി എസ്-പ്രെസോ പ്രാഥമികമായി മത്സരിക്കുന്നത് റെനോ ക്വിഡിനെതിരെയാണ്, അതേസമയം ഡാറ്റ്സന്‍ റെഡി-ഗോ, ഹ്യുണ്ടായി സാന്‍ട്രോ എന്നിവയ്ക്കെതിരെയാണ് മത്സരിക്കുന്നത്.

മാരുതി സുസുക്കി എസ്-പ്രസോ അതിന്റെ അരങ്ങേറ്റം മുതല്‍ തന്നെ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന പത്ത് കാറുകളില്‍ ഒന്നാണ്. കൂടാതെ A2 സെഗ്മെന്റില്‍ ഒമ്പത് ശതമാനം വിപണി വിഹിതമുള്ള സ്ഥിരമായ വില്‍പ്പനയുള്ള മോഡലുമാണ്.

വ്യതിരിക്തമായ സ്റ്റൈലിംഗ് പരമ്പരാഗത ഹാച്ച്ബാക്കുകളില്‍ നിന്നുള്ള ഒരു പ്രധാന വ്യതിചലനമാക്കി മാറ്റുന്നു, അതേസമയം ക്യാബിന്‍ സ്‌പെയ്‌സും സൗകര്യവും പരമാവധി വര്‍ദ്ധിപ്പിക്കുന്നു.

ആപ്പിള്‍ കാര്‍പ്ലേ, ആന്‍ഡ്രോയിഡ് ഓട്ടോ എന്നിവയ്ക്കൊപ്പം ഒരു പൂര്‍ണ്ണമായ ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം വാഗ്ദാനം ചെയ്യുന്ന ചുരുക്കം ചില എന്‍ട്രി ലെവല്‍ കാറുകളില്‍ ഒന്നാണിത്. മാരുതി സുസുക്കി ഹാച്ച്ബാക്കില്‍ കോസ്‌മെറ്റിക് ആഡ്-ഓണുകളും ഫീച്ചര്‍ ആഡ്-ഓണുകളും നിരവധി ആക്‌സസറി ഓപ്ഷനുകള്‍ വാഗ്ദാനം ചെയ്യുന്നു.

67 bhp കരുത്തും 90 Nm torque ഉം വികസിപ്പിക്കുന്ന 1.0-ലിറ്റര്‍ K-സീരീസ് പെട്രോള്‍ എഞ്ചിനാണ് എസ്-പ്രസോയുടെ കരുത്ത്. 5-സ്പീഡ് മാനുവല്‍, AMT യൂണിറ്റ് എന്നിവയുമായി മോട്ടോര്‍ ജോടിയാക്കിയിരിക്കുന്നു.

മോഡലിനൊപ്പം ഒരു എസ്-സിഎന്‍ജി വേരിയന്റും ലഭ്യമാണ്. ഓട്ടോമാറ്റിക്കില്‍ 21.7 kmpl ഉം മാനുവലില്‍ 21.4 kmpl ഉം ഇന്ധനക്ഷമതയാണ് മോഡല്‍ അവകാശപ്പെടുന്നത്.

എസ്-പ്രസോ സിഎന്‍ജി ഒരു കിലോഗ്രാമിന് 31.2 കിലോമീറ്ററും കമ്പനി അവകാശപ്പെടുന്നു. മാരുതി സുസുക്കി എസ്-പ്രസോ ശ്രേണിയുടെ വില 3.70 ലക്ഷം രൂപ മുതല്‍ ആരംഭിക്കുകയും (എക്‌സ്‌ഷോറൂം) ചെയ്യുന്നു.