Click it and Unblock the Notifications
അടിമുടി മാറ്റങ്ങളുമായി 2022 Maruti Alto-യും എത്തുന്നു; പ്രൊഡക്ഷന് ട്രയല് ജൂണില്
വര്ഷങ്ങളായി, മാരുതി സുസുക്കി നിരയിലെ ജനപ്രീയ മോഡലായി നിരത്തുകളില് തിളങ്ങുന്ന മോഡലാണ് ആള്ട്ടോ. മാത്രമല്ല രാജ്യത്ത് ഏറ്റവും കൂടുതല് വിറ്റഴിക്കപ്പെടുന്ന കാറുകളുടെ പട്ടികയില് സ്ഥിരമായി ഒരു സ്ഥാനം ആള്ട്ടോ കൈയ്യടക്കുകയും ചെയ്തിട്ടുണ്ട്.
2000-ല് പുറത്തിറങ്ങിയ മോഡലിന് 2012-ല് ഒരു ജനറേഷന് അപ്ഡേറ്റ് ലഭിച്ചിരുന്നു. കോംപാക്ട് പ്രൊഫൈല്, ആകര്ഷകമായ ഡിസൈന്, ഒപ്റ്റിമല് മൈലേജ്, താങ്ങാനാവുന്ന വില എന്നിവ കണക്കിലെടുത്ത് ആള്ട്ടോ ഒരു ജനപ്രിയ എന്ട്രി ലെവല് കാറായി ഇന്നും വിപണിയില് മികച്ച മുന്നേറ്റം നടത്തിവരുന്നുവെന്ന് വേണം പറയാന്.
എന്നാല് മറ്റ് വിഭാഗങ്ങളില് പുതിയ മോഡലുകള് എത്തുന്നതും, മറ്റ് സെഗ്മെന്റിലെ മോഡലുകള്ക്ക് നവീകരണം ലഭിക്കുന്നതും ആള്ട്ടോയുടെ വില്പ്പനയെ ബാധിക്കാന് തുടങ്ങിയെന്നാണ് കമ്പനിയുടെ കണക്കുകൂട്ടല്. അതിന്റെ ആധിപത്യം നിലനിര്ത്തുന്നുവെന്ന് ഉറപ്പാക്കാന്, മാരുതി ഈ വര്ഷം പുതുതലമുറ ആള്ട്ടോയെ അവതരിപ്പിക്കാനുള്ള ഒരുക്കങ്ങള് അണിയറയില് ഒരുക്കുന്നുവെന്ന് വേണം പറയാന്.
ഈ വാഹനത്തിന്റെ പരീക്ഷണയോട്ടം ഇതിനോടകം തന്നെ നിരത്തുകളില് ആരംഭിക്കുകയും ചെയ്തിട്ടുണ്ട്. ഏറ്റവും പുതിയ റിപ്പോര്ട്ട് അനുസരിച്ച് പുതിയ തലമുറ മാരുതി ആള്ട്ടോയുടെ പരീക്ഷണ ഉല്പ്പാദനം 2022 ജൂണ് അവസാനത്തോടെ ആരംഭിക്കുമെന്ന് പ്രതീക്ഷിക്കുന്നത്.
ജൂലൈ/ഓഗസ്റ്റ് കാലയളവില് ഈ പുതിയ മോഡലിനെ വില്പ്പനയ്ക്ക് എത്തിക്കാനാണ് കമ്പനി പദ്ധതിയിടുന്നത്. ഉത്സവ സീസണ് ആരംഭിക്കുന്നതിന് തൊട്ടുമുമ്പ് വിപണിയില് എത്തിച്ചാല് മികച്ച വില്പ്പന വാഹനത്തിന് ലഭിക്കുമെന്ന പ്രതീക്ഷയാണ് കമ്പനിക്കുള്ളത്.
നേരത്തെ പുറത്തുവന്ന പരീക്ഷണ ചിത്രങ്ങളുടെ അടിസ്ഥാനത്തില്, പുതിയ ആള്ട്ടോയ്ക്ക് പഴയ മോഡലിനെക്കാള് കൂടുതല് നീളവും വീതിയും ഉയരവുമുള്ളതായി തോന്നുന്നുവെന്ന് വേണം പറയാന്. വികസിച്ചുകൊണ്ടിരിക്കുന്ന ഉപഭോക്തൃ പ്രതീക്ഷകള്ക്ക് അനുസൃതമായ കൂടുതല് മസ്കുലര് പ്രൊഫൈലും ഇതിന് ലഭിക്കുന്നു.
എന്ട്രി ലെവല് സെഗ്മെന്റില് പോലും എസ്യുവി-സ്റ്റൈല് കാറുകള്ക്ക് വര്ദ്ധിച്ചുവരുന്ന മുന്ഗണനയാണ് ലഭിക്കുന്നത്.
എസ്-പ്രസോ പോലുള്ള കാറുകള്ക്കായി ഉപയോഗിക്കുന്ന ഡിസൈന് ഫോര്മാറ്റ് ഇത് വിശദീകരിക്കുന്നു, അടുത്തിടെ പുറത്തിറക്കിയ ടാറ്റ പഞ്ച് ഇതിന് ഉദാഹരണമാണ്. താരതമ്യേന സ്വരച്ചേര്ച്ചയില് ആണെങ്കിലും, പുതിയ ആള്ട്ടോയും ഇതേ തന്ത്രം പിന്തുടരുന്നതായി പുതിയ സ്പൈ ചിത്രങ്ങള് വെളിപ്പെടുത്തുന്നു.
പുതിയ ആള്ട്ടോയ്ക്ക് അപ്ഡേറ്റ് ചെയ്ത ഹെഡ്ലാമ്പ് ക്ലസ്റ്റര്, മുന്നിലും പിന്നിലും ബമ്പര്, ഫോഗ് ലാമ്പ് ഹൗസിംഗ്, പിന് ടെയില്ലൈറ്റുകള് എന്നിവ ലഭിക്കാന് സാധ്യതയുണ്ട്. എല്ഇഡി ഡീആര്എല്ലുകളും ഓഫറിലുണ്ടാകും.
അകത്ത്, അപ്ഡേറ്റുകളില് പുതിയ സെമി-ഡിജിറ്റല് ഇന്സ്ട്രുമെന്റ് ക്ലസ്റ്ററും ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റവും ഉള്പ്പെട്ടേക്കാം. ഡാഷ്ബോര്ഡും അപ്ഹോള്സ്റ്ററിയും അപ്ഡേറ്റ് ചെയ്യാവുന്നതാണ്. സുഖസൗകര്യങ്ങളുടെ കാര്യത്തില്, പുതിയ ആള്ട്ടോയില് എല്ലാ യാത്രക്കാര്ക്കും കൂടുതല് സ്പെയ്സും വാഗ്ദാനം ചെയ്യും.
6,000 rpm-ല് 47 bhp പരമാവധി കരുത്തും 3,500 rpm-ല് 69 Nm പീക്ക് ടോര്ക്കും പുറപ്പെടുവിക്കുന്ന 796 സിസി മോട്ടോറാണ് നിലവിലെ ആള്ട്ടോയുടെ കരുത്ത്. ഇത് 5-സ്പീഡ് മാനുവല് ട്രാന്സ്മിഷനുമായി ഘടിപ്പിച്ചിരിക്കുന്നു. ഈ യൂണിറ്റ് പുതിയ തലമുറ ആള്ട്ടോയിലും തുടരാനാണ് സാധ്യത.
ആള്ട്ടോയുടെ സിഎന്ജി വേരിയന്റ് 40 bhp കരുത്തും 60 Nm torque ഉം സൃഷ്ടിക്കുന്നു. ഇന്ധനക്ഷമത പെട്രോളിന് 22.05 kmpl ഉം സിഎന്ജിക്ക് 31.59 km/kg ഉം ആണ്. പുതിയ 1.0 ലിറ്റര് K10C നാച്ചുറലി ആസ്പിറേറ്റഡ് മോട്ടോര് ഘടിപ്പിച്ച അടുത്ത തലമുറ ആള്ട്ടോയുടെ ഒരു ടോപ്പ്-സ്പെക്ക് വേരിയന്റ് മാരുതി അവതരിപ്പിക്കാന് സാധ്യതയുണ്ടെന്നും ചില റിപ്പോര്ട്ടുകള് വ്യക്തമാക്കുന്നു.
ഏറ്റവും പുതിയ സെലേറിയോയ്ക്കൊപ്പമാണ് ഈ യൂണിറ്റ് കമ്പനി അവതരിപ്പിച്ചിരിക്കുന്നത്. ഇത് 66 bhp കരുത്തും 89 Nm പീക്ക് ടോര്ക്കും ഉത്പാദിപ്പിക്കുന്നു. ട്രാന്സ്മിഷന് ഓപ്ഷനുകളില് 5-സ്പീഡ് മാനുവല്, ഓട്ടോ ഗിയര് ഷിഫ്റ്റ് (AGS) എന്നിവയും ഉള്പ്പെടുന്നു. പുതിയ 2022 ആള്ട്ടോയുടെ വിലകള് നിലവിലെ ആള്ട്ടോയുടെ സമാന ശ്രേണിയിലായിരിക്കുമെന്നാണ് പ്രതീക്ഷിക്കുന്നത്.
സുസുക്കിയുടെ Heartect പ്ലാറ്റ്ഫോമിനെ അടിസ്ഥാനമാക്കിയായിരിക്കും പുതിയ ആള്ട്ടോയും ഒരുങ്ങുന്നത്. ഡിസയര്, വാഗണ്ആര്, എസ്-പ്രസോ, സ്വിഫ്റ്റ് തുടങ്ങിയ മറ്റ് കാറുകളും Heartect പ്ലാറ്റ്ഫോമിനെ അടിസ്ഥാനമാക്കിയുള്ളതാണ്.
ഭാരം കുറഞ്ഞതും എന്നാല് ദൃഢവുമായതിനാല്, Heartect പ്ലാറ്റ്ഫോം പുതിയ ആള്ട്ടോയ്ക്ക് കൂടുതല് ചടുലമായ കൈകാര്യം ചെയ്യലും മെച്ചപ്പെട്ട സുരക്ഷയും ഉറപ്പാക്കുമെന്നും റിപ്പോര്ട്ടില് പറയുന്നു. ഇത് 2022 ആള്ട്ടോയുടെ ഇന്ധനക്ഷമത വര്ധിപ്പിച്ചേക്കാമെന്നും സൂചനയുണ്ട്.
Heartect-ന്റെ ഏറ്റവും പുതിയ പതിപ്പാണ് പുതിയ സെലേറിയോയ്ക്ക് ഉപയോഗിച്ചിരിക്കുന്നത്. ഇത് 55 mm വീതിയും 10 mm വീല്ബേസും പഴയ പതിപ്പിനെക്കാള് കൂടുതല് വാഗ്ദാനം ചെയ്യുന്നുവെന്നും കമ്പനി പറയുന്നു. പുതിയ തലമുറ ആള്ട്ടോയ്ക്കും സമാനമായ മെച്ചപ്പെടുത്തലുകള് ലഭ്യമാകും.
പുതിയ ആള്ട്ടോയിലെ സുരക്ഷാ ഫീച്ചറുകള് നിലവിലെ മോഡലിന് സമാനമായിരിക്കും. ആള്ട്ടോ സുരക്ഷാ കിറ്റില് ഡ്യുവല് എയര്ബാഗുകള്, EBD ഉള്ള എബിഎസ്, റിവേഴ്സ് പാര്ക്കിംഗ് സെന്സര്, ഇമോബിലൈസര്, സ്പീഡ് അലര്ട്ട് സിസ്റ്റം, സീറ്റ് ബെല്റ്റ് റിമൈന്ഡര് എന്നിവയും ഉള്പ്പെടുന്നു.
Continue with Google