Click it and Unblock the Notifications
സിഎന്ജി നിര വിപുലീകരിക്കാന് Maruti Suzuki; 2022 Dzire-ന്റെ അനൗദ്യോഗിക ബുക്കിംഗ് ആരംഭിച്ചു
ഇന്ത്യന് പാസഞ്ചര് വാഹന വിപണിയിലെ സിഎന്ജി വിഭാഗത്തിലെ ഏറ്റവും വലിയ കമ്പനിയാണ് മാരുതി. അരീന ഡീലര്ഷിപ്പുകള്ക്ക് കീഴില് റീട്ടെയില് ചെയ്യുന്ന എല്ലാ മോഡലുകള്ക്കും ഒരു സിഎന്ജി ഓപ്ഷന് നല്കാന് കമ്പനി ഉദ്ദേശിക്കുന്നതായി ഏറ്റവും പുതിയ റിപ്പോര്ട്ടുകള് വെളിപ്പെടുത്തുന്നു.
ഇന്ഡോ-ജാപ്പനീസ് കാര് നിര്മാതാവ് നിലവില് ആള്ട്ടോ, എസ്-പ്രസോ, വാഗണ്ആര്, ഈക്കോ, സെലേറിയോ, എര്ട്ടിഗ തുടങ്ങിയ മോഡലുകളില് ഫാക്ടറിയില് ഘടിപ്പിച്ച സിഎന്ജി കിറ്റുകള് വാഗ്ദാനം ചെയ്യുന്നുണ്ട്. നാളിതുവരെ കൊറിയന് നിര്മാതാക്കളായ ഹ്യുണ്ടായി ആയിരുന്നു മുഖ്യഎതിരാളിയെങ്കിലും, ഇപ്പോള് ടാറ്റയും ഈ വിഭാഗത്തിലേക്ക് എത്തിയിരിക്കുകയാണ്.
ഏതാനും മാസങ്ങള്ക്ക് മുന്നെയാണ് ടാറ്റ, തങ്ങളുടെ ടിയാഗോ, ടിഗോര് മോഡലുകളില് സിഎന്ജി കിറ്റുകള് അവതരിപ്പിച്ച് ഈ രംഗത്തേയ്ക്ക് എത്തുന്നത്. വൈകാതെ തന്നെ നിരവധി മോഡലുകളിലേക്ക് ഇത് എത്തിക്കുമെന്നും കമ്പനി അറിയിച്ചിട്ടുണ്ട്.
ഇതോടെ ഇപ്പോള് ഈ വിഭാഗത്തിലും മാരുതി സുസുക്കിയ്ക്ക് മത്സരം മുറുകുമെന്ന് വേണം പറയാന്. ഇത് മനസ്സില് കണ്ടാണ് ഇപ്പോള് മാരുതിയുടെ പുതിയ നീക്കങ്ങള് അണിയറയില് ഒരുങ്ങുന്നത്.
ഈ സിഎന്ജി ലൈനപ്പിന്റെ അടുത്ത കൂട്ടിച്ചേര്ക്കലാണ് ഡിസയര്, അത് ഉടന് ലോഞ്ച് ചെയ്യുമെന്നാണ് പ്രതീക്ഷിക്കുന്നത്. ഇതിന്റെ മുന്നോടിയായി ഡിസയര് സിഎന്ജിയുടെ ഡീലര് സ്റ്റാഫുകളും മെക്കാനിക് പരിശീലനവും ഇതിനകം ആരംഭിച്ചതായി മോട്ടോര് അരീന ഇന്ത്യ തന്നെ വെളിപ്പെടുത്തുന്നു.
തെരഞ്ഞെടുത്ത ഏതാനും ഡീലര്ഷിപ്പുകള് വാഹനത്തിനായുള്ള അനൗദ്യോഗിക ബുക്കിംഗും ആരംഭിച്ചിട്ടുണ്ട്. ഇതെല്ലാം സിഎന്ജി ഡിസയര് കോംപാക്ട് സെഡാന്റെ ലോഞ്ച് അടുത്തതായിട്ടുള്ള സൂചന നല്കുന്നു.
സിഎന്ജി സജ്ജീകരിച്ച ഡിസയറിന്റെ പരീക്ഷണയോട്ടത്തിന്റെ ചിത്രങ്ങളും ഇതിനോടകം തന്നെ പുറത്തുവന്നിട്ടുണ്ട്. മുമ്പ് നിരവധി തവണ എമിഷന് ടെസ്റ്റിംഗ് ഉപകരണങ്ങള് ഘടിപ്പിച്ച് പരീക്ഷണയോട്ടം നടത്തുന്ന വാഹനത്തിന്റെ ചിത്രങ്ങളും വാര്ത്തകളും പുറത്തുവന്നിരുന്നു.
കാഴ്ചയില്, ഡിസയറിന്റെ സാധാരണ പെട്രോള് പതിപ്പും അതിന്റെ സിഎന്ജി കൗണ്ടര്പാര്ട്ടും തമ്മില് മാറ്റമൊന്നും ഉണ്ടാകില്ലെന്ന് വേണം പറയാന്. രണ്ടാമത്തേതിന് ഒരു സിഎന്ജി പവര് സ്രോതസ്സില് പ്രവര്ത്തിക്കുന്നുവെന്ന് സൂചിപ്പിക്കാന് ഒരു പ്രത്യേക ലോഗോയോ സ്റ്റിക്കര് ബാഡ്ജോ ലഭിച്ചേക്കാം.
2022 മാരുതി ഡിസയര് സിഎന്ജി - സവിശേഷതകള്
ഡിസയറിന്റെ ഫ്ളീറ്റ് ക്യാബ് പതിപ്പായ മാരുതി ടൂര് S-ല് ഫാക്ടറിയില് ഘടിപ്പിച്ച സിഎന്ജി കിറ്റ് ഇതിനകം ലഭ്യമാണ്. നേരത്തെ, ഡിസയര് സിഎന്ജിയുടെ സ്പെസിഫിക്കേഷനുകള് ഓണ്ലൈനില് ചോര്ന്നിരുന്നു.
ഇത് 1.2 ലിറ്റര് K12M VVT പെട്രോള് എഞ്ചിനായിരിക്കുമെന്ന സൂചനയും നല്കിയിട്ടുണ്ട്. അത് അതിന്റെ സ്റ്റാന്ഡേര്ഡ് അവതാറില് 82 bhp കരുത്തും 113 Nm പീക്ക് ടോര്ക്കും പുറപ്പെടുവിക്കും.
എന്നാല് സിഎന്ജി പരിവേഷത്തില്, ഈ മോട്ടോര് 71 bhp കരുത്തും 95 Nm പീക്ക് ടോര്ക്കും നല്കും. ഇത് സ്റ്റാന്ഡേര്ഡായി 5-സ്പീഡ് മാനുവല് ഗിയര്ബോക്സുമായിട്ടാകും ജോടിയാക്കുക.
ഫാക്ടറിയില് ഘടിപ്പിച്ച സിഎന്ജി യൂണിറ്റുകള് വാറന്റി കേടുകൂടാതെയിരിക്കാന് അനുവദിക്കുന്നു, അതേസമയം കുറഞ്ഞ പ്രവര്ത്തനച്ചെലവിന്റെ ആനുകൂല്യങ്ങള് ഉപഭോക്താക്കള്ക്ക് വാഗ്ദാനം ചെയ്യുകയും ചെയ്യുന്നു.
ചോര്ച്ചയോ നാശമോ തടയുന്നതിനായി എല്ലാ പൈപ്പുകളും ജോയിന്റുകളും സ്റ്റെയിന്ലെസ് സ്റ്റീല് ഉള്ളതാണെങ്കിലും, ഒരു സമര്പ്പിത ഇന്ധന ഗേജ് ആയ ഡ്യുവല് ഇന്റര്-ഡിപെന്ഡന്റ് ECU യൂണിറ്റുകളും മാരുതി ഉള്പ്പെടുത്തിയിട്ടുണ്ട്. റീഫില് ചെയ്യുമ്പോള് എഞ്ചിന് കട്ട് ഓഫ് ആകുന്ന തരത്തില് സുരക്ഷാ സ്വിച്ചുകളും സ്ഥാപിച്ചിട്ടുണ്ടെന്ന് കമ്പനി വ്യക്തമാക്കുന്നു.
പ്രതീക്ഷിക്കുന്ന സവിശേഷതകള്, വില
എല്ലാ സാധ്യതയിലും, 2022 മാരുതി ഡിസയര് സിഎന്ജി മിഡ്-സ്പെക്ക് VXi ട്രിമ്മിലാകും വാഗ്ദാനം ചെയ്യുക.
ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, ഓട്ടോമാറ്റിക് ക്ലൈമറ്റ് കണ്ട്രോള്, എഞ്ചിന് സ്റ്റാര്ട്ട്/സ്റ്റോപ്പ് സിസ്റ്റം, മള്ട്ടിഫങ്ഷന് സ്റ്റിയറിംഗ് വീല്, പവര് അഡ്ജസ്റ്റ് ചെയ്യാവുന്ന ORVM എന്നിവ പോലുള്ള ഫീച്ചറുകളോടെ ഈ ട്രിമ്മില് കമ്പനി വാഗ്ദാനം ചെയ്യും.
ഓഫറിലുള്ള സുരക്ഷാ ഫീച്ചറുകളില് ഡ്യുവല് ഫ്രണ്ട് എയര്ബാഗുകള്, ISOFIX ചൈല്ഡ് സീറ്റ് ആങ്കറുകള്, പിന് പാര്ക്കിംഗ് സെന്സറുകള് എന്നിവ സ്റ്റാന്ഡേര്ഡ് ഫിറ്റ്മെന്റുകളായി ഉള്പ്പെടും.
ലോഞ്ച് ചെയ്യുമ്പോള്, ഡിസയര് സിഎന്ജി അതിന്റെ ഏറ്റവും അടുത്ത എതിരാളികളായ ടാറ്റ ടിഗോര്, ഹ്യുണ്ടായി ഓറ എന്നിവയുടെ സിഎന്ജി പവര് വേരിയന്റുകളോട് മത്സരിക്കും.
ഡിസയറിന്റെ സിഎന്ജി വേരിയന്റുകള്ക്ക് അവയുടെ അനുബന്ധ സ്റ്റാന്ഡേര്ഡ് ട്രിമ്മുകളേക്കാള് 70,000 മുതല് 90,000 രൂപ വരെ പ്രീമിയം വില ലഭിക്കുമെന്നാണ് ഞങ്ങള് പ്രതീക്ഷിക്കുന്നത്. 2022 ഡിസയര് കോംപാക്ട് സെഡാന് നിലവില് 6.09 ലക്ഷം മുതല് 9.13 ലക്ഷം രൂപ വരെയാണ് എക്സ്ഷോറൂം വില.
Continue with Google