Grand Vitara-യുടെ പരസ്യ വീഡിയോയുമായി Maruti; വീഡിയോ കാണാം

നേരത്തെ വിപണിയില്‍ ഉണ്ടായിരുന്ന എസ്-ക്രോസിനെ വിപണിയില്‍ നിന്നും പിന്‍വലിച്ച് ആ ലൈനപ്പിലേക്കാണ് ഗ്രാന്‍ഡ് വിറ്റാര എന്ന് പേരിട്ടിരിക്കുന്ന ഈ മോഡലിനെ അവതരിപ്പിക്കുന്നത്. പ്രീമിയം മോഡലായതുകൊണ്ട് തന്നെ ബ്രാന്‍ഡിന്റെ പ്രീമിയം ഡീലര്‍ഷിപ്പായ നെക്‌സ ഔട്ട്‌ലെറ്റ് വഴിയാണ് വാഹനത്തിന്റെ വില്‍പ്പന നടക്കുക.

ഗ്രാന്‍ഡ് വിറ്റാര എന്ന മിഡ്-സൈസ് എസ്‌യുവിയെ വില്‍പ്പനയ്ക്ക് എത്തിക്കുന്നതിന് മുമ്പ് കൂടുതല്‍ ആളുകളിലേക്ക് എത്തിക്കുന്നതിന്റെ ഭാഗമായി വാഹനത്തിനായി ഒരു പരസ്യ വീഡിയോ പങ്കുവെച്ചിരിക്കുകയാണ് മാരുതി. ഏകദേശം 30 സെക്കന്‍ഡ് ദൈര്‍ഘ്യമുള്ള വീഡിയോയാണ് കമ്പനി സോഷ്യല്‍ മീഡിയ പ്ലറ്റ്‌ഫോമുകളില്‍ പങ്കുവെച്ചിരിക്കുന്നത്.

മാത്രമല്ല, ഗ്രാന്‍ഡ് വിറ്റാരയുടെ പ്രീ-ബുക്കിംഗ് ഇപ്പോള്‍ ഇന്ത്യയിലുടനീളം നിര്‍മാതാക്കള്‍ ആരംഭിക്കുകയും ചെയ്തിട്ടുണ്ട്. മാരുതി സുസുക്കിയുടെ നെക്‌സ ഡീലര്‍ഷിപ്പുകള്‍ വഴിയാണ് ഗ്രാന്‍ഡ് വിറ്റാര വില്‍ക്കുന്നത്, അവിടെ അത് എസ്-ക്രോസിന് പകരമാകുമെന്നും കമ്പനി വ്യക്തമാക്കുന്നു.

പുതിയ എസ്‌യുവിയുടെ നിര്‍മ്മാണം അടുത്ത മാസം ബെംഗ്ലൂരുവില്‍ ടൊയോട്ടയുടെ ബിദാദി ഫാക്ടറിയില്‍ ആരംഭിക്കും. ടൊയോട്ട ഗ്രാന്‍ഡ് വിറ്റാരയെ ഹൈറൈഡറിനൊപ്പം നിര്‍മ്മിച്ച് മാരുതി സുസുക്കിക്ക് കൈമാറും. ഹൈറൈഡറും ഗ്രാന്‍ഡ് വിറ്റാരയും എക്സ്റ്റീരിയര്‍ സ്റ്റൈലിങ്ങിനും വിതരണ ശൃംഖലയ്ക്കുമായി ഒഴികെയുള്ള മിക്കവാറും എല്ലാം പങ്കിടുന്നതും ശ്രദ്ധേയമാണ്.

മാരുതി ഗ്രാന്‍ഡ് വിറ്റാരയുടെ വിലകള്‍ ലോഞ്ച് ചെയ്യുന്ന ദിവസം വെളിപ്പെടുത്തും, അത് അടുത്ത മാസം അവസാനത്തോടെ പ്രതീക്ഷിക്കാമെന്നും റിപ്പോര്‍ട്ടില്‍ പറയുന്നു. പുതിയ വാഹനത്തിന്റെ വരവ് വാഹന വിപണിയെയും ഞെട്ടിച്ചിരിക്കുകയാണ്.

നേരത്തെ പുറത്തുവന്ന വിവരങ്ങള്‍ സൂചിപ്പിക്കുന്നത് മാരുതി ഗ്രാന്‍ഡ് വിറ്റാരയുടെ വില വളരെ മത്സരാധിഷ്ഠിതമായിരിക്കും, അടിസ്ഥാന ട്രിമ്മിന്റെ പ്രാരംഭ വില 9.6 ലക്ഷം രൂപയില്‍ ആരംഭിച്ചേക്കും.

ഗ്രാന്‍ഡ് വിറ്റാരയുടെ ഏറ്റവും വലിയ എതിരാളികളായ ഹ്യുണ്ടായി ക്രെറ്റയും കിയ സെല്‍റ്റോസും വില്‍ക്കുന്നതിനേക്കാള്‍ ഒരു ലക്ഷം രൂപയുടെ കുറവാണ് വിലയില്‍ കാണാന്‍ സാധിക്കുന്നത്.

മാരുതി സുസുക്കിക്ക് ഈ വിലയ്ക്ക് പുതിയ എസ്‌യുവി വില്‍ക്കാന്‍ കഴിയുമെങ്കില്‍, മികച്ച വില്‍പ്പനയും നീണ്ട കാത്തിരിപ്പും പ്രതീക്ഷിക്കാം. ഏകദേശം ഗ്രാന്‍ഡ് വിറ്റാരയുടെ സ്‌ട്രോങ്ങ് ഹൈബ്രിഡ് വേരിയന്റുകള്‍ക്ക് 20 ലക്ഷം (ഓണ്‍-റോഡ്) രൂപയും, ഏകദേശം 28 Kmpl മൈലേജും വാഹനത്തിന് മികച്ച ഡിമാന്‍ഡാകും വാഗ്ദാനം ചെയ്യുക.

സ്‌ട്രോങ്ങ് ഹൈബ്രിഡ് പവര്‍ട്രെയിന്‍ പായ്ക്ക് ചെയ്യുന്ന ആദ്യത്തെ മാരുതി സുസുക്കി കാറായിരിക്കും ഗ്രാന്‍ഡ് വിറ്റാര. ടൊയോട്ടയില്‍ നിന്ന് കടമെടുത്ത, സ്‌ട്രോങ്ങ് ഹൈബ്രിഡ് പവര്‍ട്രെയിനില്‍ 1.5 ലിറ്റര്‍ പെട്രോള്‍ എഞ്ചിന്‍ (91 bhp, 122 Nm) 78 bhp കരുത്തും, 144 Nm torque ഉം ഉത്പാദിപ്പിക്കുന്ന ഇലക്ട്രിക് മോട്ടോറുമായി ജോടിയാക്കിയ അറ്റ്കിന്‍സന്റെ സൈക്കിളില്‍ പ്രവര്‍ത്തിക്കുന്നതാണ്.

സംയോജിത ഔട്ട്പുട്ട് 115 bhp-യാണ്, ഗ്രാന്‍ഡ് വിറ്റാരയെ പൂര്‍ണ്ണ-ഇലക്ട്രിക് മോഡില്‍ പോലും ഓടിക്കാന്‍ കഴിയുമെന്നാണ് കമ്പനി അറിയിച്ചിരിക്കുന്നത്. എസ്‌യുവി ബാറ്ററി പവറില്‍ ഏകദേശം 25 കിലോമീറ്റര്‍ സഞ്ചരിക്കും, ഇത് സിറ്റി യാത്രകളെ തടസ്സരഹിതവും വളരെ ലാഭകരവുമാക്കും.

സിറ്റി യാത്രകളെ കുറിച്ച് പറയുകയാണെങ്കില്‍, ഗ്രാന്‍ഡ് വിറ്റാരയുടെ സ്‌ട്രോങ്ങ് ഹൈബ്രിഡ് വേരിയന്റുകളില്‍ 5 സ്റ്റെപ്പ് ഷിഫ്റ്റുകളുള്ള CVT ഓട്ടോമാറ്റിക് ഗിയര്‍ബോക്സ് ഉപയോഗിക്കും. എസ്‌യുവിയുടെ സ്‌ട്രോങ്ങ് ഹൈബ്രിഡ് വകഭേദങ്ങള്‍ ഫ്രണ്ട് വീല്‍ ഡ്രൈവ് ആയിരിക്കും.

ഗ്രാന്‍ഡ് വിറ്റാരയില്‍ ഓള്‍ വീല്‍ ഡ്രൈവ് ലേഔട്ടും മാരുതി സുസുക്കി വാഗ്ദാനം ചെയ്യുന്നു. ഇതിനായി, 5 സ്പീഡ് മാനുവല്‍ ഗിയര്‍ബോക്‌സുള്ള ഗ്രാന്‍ഡ് വിറ്റാരയുടെ മൈല്‍ഡ് ഹൈബ്രിഡ് പെട്രോള്‍ എഞ്ചിന്‍ പതിപ്പ് വാങ്ങേണ്ടതുണ്ട്.

ഗ്രാന്‍ഡ് വിറ്റാര 1.5 ലിറ്റര്‍-4 സിലിണ്ടര്‍ K15C പെട്രോള്‍ എഞ്ചിനിലും ലഭിക്കും. ഈ യൂണിറ്റ് 102 bhp കരുത്തും 135 Nm പീക്ക് ടോര്‍ക്കും വാഗ്ദാനം ചെയ്യും.

ഈ എഞ്ചിന് 5 സ്പീഡ് മാനുവല്‍, 6 സ്പീഡ് ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക് ഗിയര്‍ബോക്‌സുകള്‍ ലഭിക്കും. ഓള്‍ വീല്‍ ഡ്രൈവ് മാനുവല്‍ ഗിയര്‍ബോക്സിനൊപ്പം മാത്രമേ നല്‍കൂ, അതേസമയം ഓട്ടോമാറ്റിക് ട്രിമ്മുകള്‍ എസ്‌യുവിയുടെ മുന്‍ ചക്രങ്ങളെ നയിക്കും.

6 എയര്‍ബാഗുകള്‍, ESP, ഹില്‍ ഹോള്‍ഡ് അസിസ്റ്റ്, ഓള്‍ വീല്‍ ഡിസ്‌ക് ബ്രേക്കുകള്‍, ഹില്‍ ഡിസന്റ് കണ്‍ട്രോള്‍, TPMS എന്നിങ്ങനെ നിരവധി സുരക്ഷാ ഫീച്ചറുകളോടെയാണ് പുതിയ മാരുതി സുസുക്കി ഗ്രാന്‍ഡ് വിറ്റാര എത്തുന്നത്.

മാരുതി സുസുക്കി ഗ്രാന്‍ഡ് വിറ്റാര 6 മോണോടോണിലും 3 ഡ്യുവല്‍ ടോണ്‍ കളര്‍ ഓപ്ഷനുകളിലാണ് വാഗ്ദാനം ചെയ്യുമെന്നാണ് അറിയിച്ചിരിക്കുന്നത്.

ഇന്ത്യയിലെ ഏറ്റവും വലിയ കാര്‍ നിര്‍മാതാക്കളായ മാരുതി സുസുക്കി ഗ്രാന്‍ഡ് വിറ്റാര വീണ്ടും മിഡ്-സൈസ് എസ്‌യുവി സെഗ്മെന്റിലേക്ക് കടക്കുകയാണ്. സെഗ്മെന്റിലെ ഹ്യുണ്ടായി ക്രെറ്റയുടെ ആധിപത്യം തകര്‍ക്കാന്‍ സഹായിക്കുമെന്ന് മാരുതി സുസുക്കി പ്രതീക്ഷിക്കുന്ന നിരവധി സവിശേഷതകളും ഇന്ധനക്ഷമതയുള്ള പവര്‍ട്രെയിന്‍ ഓപ്ഷനുകളും നിറഞ്ഞതാണ് ഗ്രാന്‍ഡ് വിറ്റാര.