പ്രതിസന്ധികള്‍ക്കിടയിലും 1.64 ലക്ഷം യൂണിറ്റുകള്‍ നിരത്തിലെത്തിച്ച് Maruti Suzuki

ഈ കണക്കില്‍ ആഭ്യന്തര വോളിയം 1,37,607 യൂണിറ്റുകളും മറ്റ് ഒഇഎമ്മുകളിലേക്കുള്ള വില്‍പ്പന 2,428 യൂണിറ്റുകളും, ബ്രാന്‍ഡിന്റെ 24,021 യൂണിറ്റുകളുടെ എക്കാലത്തെയും ഉയര്‍ന്ന പ്രതിമാസ കയറ്റുമതിയും ഉള്‍പ്പെടുന്നു.

പ്രധാനമായും പ്രാദേശിക വിപണിയില്‍ വില്‍ക്കുന്ന വാഹനങ്ങളുടെ ഉല്‍പ്പാദനത്തില്‍ ചിപ്പ് ക്ഷാമം ചെറിയ ആഘാതം സൃഷ്ടിച്ചുവെന്നും അതിന്റെ ആഘാതം ദുര്‍ബലപ്പെടുത്താന്‍ സാധ്യമായ എല്ലാ നടപടികളും സ്വീകരിക്കുന്നുണ്ടെന്നും രാജ്യത്തെ ഏറ്റവും വലിയ കാര്‍ നിര്‍മാതാവ് പറഞ്ഞു. ആള്‍ട്ടോയുടെയും എസ്-പ്രെസോയുടെയും സംയോജിത വില്‍പ്പന കഴിഞ്ഞ മാസം 19,691 യൂണിറ്റായിരുന്നു, 2021 ലെ ഇതേ കാലയളവില്‍ ഇത് 23,959 യൂണിറ്റായിരുന്നു.

ബലെനോ, സെലേറിയോ, ഇഗ്നിസ്, സ്വിഫ്റ്റ്, ഡിസയര്‍, ടൂര്‍ എസ്, വാഗണ്‍ആര്‍ എന്നിവ 80,517 യൂണിറ്റുകളില്‍ നിന്ന് 77,795 യൂണിറ്റുകളുടെ വില്‍പ്പന രേഖപ്പെടുത്തി. സിയാസ് മിഡ്-സൈസ് സെഡാന്‍ 2022 ഫെബ്രുവരിയില്‍ 1,912 യൂണിറ്റുകള്‍ പോസ്റ്റ് ചെയ്തു, 2021 ലെ ഇതേ കാലയളവില്‍ 1,510 യൂണിറ്റുകളായിരുന്നു കമ്പനി വിറ്റത്.

എര്‍ട്ടിഗ, എസ്-ക്രോസ്, വിറ്റാര ബ്രെസ, XL6 എന്നിവ ഉള്‍പ്പെടുന്ന യുവി ശ്രേണി കഴിഞ്ഞ മാസം മൊത്തം 25,360 യൂണിറ്റുകള്‍ കൈകാര്യം ചെയ്തു, 2021 ഫെബ്രുവരിയിലെ 26,884 യൂണിറ്റുകളില്‍ നിന്നും വാര്‍ഷിക വില്‍പ്പനയില്‍ ഒരു ശതമാനം ഇടിവുണ്ടായി.

കഴിഞ്ഞ വര്‍ഷം ഇതേ കാലയളവിലെ 11,891 യൂണിറ്റുകളില്‍ നിന്ന് 9,190 യൂണിറ്റുകള്‍ ഈക്കോ രജിസ്റ്റര്‍ ചെയ്തു, പ്രതിവര്‍ഷം വോളിയം ശതമാനം ഇടിഞ്ഞു, സൂപ്പര്‍ ക്യാരി 3,659 യൂണിറ്റുകളുടെ വില്‍പ്പനയാണ് ബ്രാന്‍ഡിന് സമ്മാനിച്ചത്.

എല്ലാ സെഗ്മെന്റുകളും വര്‍ഷം തോറും വളര്‍ച്ച കുറയ്ക്കുമ്പോള്‍, 11,486 യൂണിറ്റുകളില്‍ നിന്ന് 24,021 യൂണിറ്റുകളുടെ ഏറ്റവും ഉയര്‍ന്ന കയറ്റുമതി കമ്പനി രേഖപ്പെടുത്തി. ബ്രാന്‍ഡ് മൊത്തത്തില്‍ 1,64,056 യൂണിറ്റുകളില്‍ നിന്ന് 1,64,469 യൂണിറ്റുകളായി ഇത് വര്‍ധിച്ചു.

ഇന്തോ-ജാപ്പനീസ് നിര്‍മാതാവ് കഴിഞ്ഞ വര്‍ഷം അവസാനം രണ്ടാം തലമുറ സെലെരിയോ അവതരിപ്പിച്ചു, 2022 ജനുവരിയില്‍ അതിന്റെ സിഎന്‍ജി പതിപ്പും പുറത്തിറങ്ങി. കുറച്ച് ദിവസങ്ങള്‍ക്ക് മുമ്പ്, വന്‍തോതില്‍ അപ്ഡേറ്റ് ചെയ്ത ബലേനോ പ്രീമിയം ഹാച്ച്ബാക്കും, 2022 വാഗണ്‍ആറും കമ്പനി നിരത്തുകളിലെത്തിച്ചു.

ഈ മാസം തന്നെ അപ്ഡേറ്റ് ചെയ്ത എര്‍ട്ടിഗയും വിപണിയില്‍ എത്തിക്കാന്‍ പദ്ധതിയിട്ടിരിക്കുകയാണ് കമ്പനി. അതേസമയം ന്യൂ-ജെന്‍ ബ്രെസ ചെറുതായി അപ്ഡേറ്റുചെയ്ത XL6-ന്റെ വരവിന് മുന്നോടിയായി ഏപ്രിലില്‍ വിപണിയില്‍ എത്തുമെന്നാണ് പ്രതീക്ഷിക്കുന്നത്. ടൊയോട്ടയുമായി സഹകരിച്ച് വികസിപ്പിച്ചെടുത്ത ഒരു പുതിയ മിഡ്-സൈസ് എസ്‌യുവിയും അണിയറയില്‍ ഒരുങ്ങുന്നുവെന്ന് വേണം പറയാന്‍.

അതേസമയം സെലേറിയോയ്ക്ക് പിന്നാലെ ബലേനോയും, വാഗണ്‍ആറും എത്തിയത് വരും മാസങ്ങളില്‍ വില്‍പ്പന ഉയരും എന്ന പ്രതീക്ഷയിലാണ് കമ്പനി. എല്ലാ മോഡലുകളിലും വലിയ മാറ്റങ്ങളുമായിട്ടാണ് കമ്പനി എത്തുന്നത്.

അവതരിപ്പിച്ച മൂന്ന് മോഡലുകളിലെയും ഇന്ധനക്ഷമത ഈ മോഡലുകള്‍ മത്സരത്തിനെത്തുന്ന ശ്രേണികളിലെ മികച്ചതാണ്. ഏറ്റവും ഒടുവിലായി വിപണിയില്‍ എത്തിയ 2022 വാഗണ്‍ആറിന്റെ പ്രാരംഭ പതിപ്പിന് 5.39 ലക്ഷം രൂപയാണ് എക്‌സ്‌ഷോറൂം വില. എന്നാല്‍ ഉയര്‍ന്ന പതിപ്പിനായി 7.10 ലക്ഷം രൂപയും എക്‌സ്‌ഷോറൂം വിലയായി നല്‍കണം.

എക്‌സ്റ്റീരിയറിലും ഇന്റീരിയറും മാറ്റങ്ങള്‍ക്കൊപ്പം AGS ട്രാന്‍സ്മിഷനും കമ്പനി വാഹനത്തില്‍ അവതരിപ്പിക്കുന്നുണ്ട്. അതേസമയം വാഹനത്തിന്റെ ഡിസൈന്റെ കാര്യത്തിലോ, അളവുകളുടെ കാര്യത്തിലോ കമ്പനി മാറ്റങ്ങള്‍ ഒന്നും തന്നെ വരുത്തിയിട്ടില്ല.

ഇതിനര്‍ത്ഥം 2022 മാരുതി സുസുക്കി വാഗണ്‍ആര്‍ അതിന്റെ ബാഹ്യ അളവുകളുടെ കാര്യത്തില്‍ മുന്‍ പതിപ്പിന് സമാനമായിരിക്കും. പുതിയ മാരുതി സുസുക്കി വാഗണ്‍ആറിന്റെ ബാഹ്യ അളവുകള്‍ 3,655 എംഎം നീളവും 1,620 എംഎം വീതിയും 1,675 എംഎം ഉയരവുമാണ്. കൂടാതെ വീല്‍ബേസ് 2,435 എംഎം ആണ്.

2022 വേരിയന്റില്‍, മാരുതി സുസുക്കി വാഗണ്‍ആറിന് രണ്ട് ഡ്യുവല്‍-ടോണ്‍ കളര്‍ ഓപ്ഷനുകള്‍ ലഭിക്കുന്നു- ഗാലന്റ് റെഡ്, മാഗ്മ ഗ്രേ. കൂടാതെ, പുതിയ വാഗണ്‍ആറിന് ബ്ലാക്ക്-ഔട്ട് റൂഫ്, ഒആര്‍വിഎം, പില്ലറുകള്‍ എന്നിവയുണ്ട്. പുതിയ മാരുതി സുസുക്കി വാഗണ്‍ആറിലെ മറ്റ് മാറ്റങ്ങളില്‍ പുതിയ ഡ്യുവല്‍-ടോണ്‍ എക്സ്റ്റീരിയറിനൊപ്പം മികച്ച ഒരു പുതിയ മെലാഞ്ച് ഫാബ്രിക് ഇന്റീരിയര്‍ ഉള്‍പ്പെടുത്തിയിട്ടുണ്ട്.

എഞ്ചിന്‍ സവിശേഷതകളില്‍, പുതിയ മാരുതി സുസുക്കി വാഗണ്‍ആറിന് രണ്ട് വ്യത്യസ്ത എഞ്ചിന്‍ ഓപ്ഷനുകളാണ് ലഭിക്കുന്നത്, ഇവ രണ്ടും ഡ്യുവല്‍ ജെറ്റ്, ഡ്യുവല്‍ VVT, ഐഡില്‍ സ്റ്റാര്‍ട്ട്-സ്റ്റോപ്പ് സാങ്കേതികവിദ്യ എന്നിവയില്‍ സജ്ജീകരിച്ചിരിക്കുന്നു.

66.6 bhp പീക്ക് പവറും 90 Nm പീക്ക് ടോര്‍ക്കും നല്‍കുന്ന 1.0 ലിറ്റര്‍ K10C നാച്ചുറലി ആസ്പിറേറ്റഡ് പെട്രോള്‍ എഞ്ചിനാണ് അടിസ്ഥാന എഞ്ചിന്‍. ഈ എഞ്ചിന്‍ സ്റ്റാന്‍ഡേര്‍ഡായി 5-സ്പീഡ് മാനുവല്‍ ട്രാന്‍സ്മിഷന്‍ കൊണ്ട് സജ്ജീകരിച്ചിരിക്കുന്നു, എന്നിരുന്നാലും, ഈ എഞ്ചിനുള്ള VXI വേരിയന്റും AMT ഗിയര്‍ബോക്സിനൊപ്പം സ്വന്തമാക്കാം.

കൂടാതെ, LXI, VXI ട്രിം ലെവലുകളില്‍ ഫാക്ടറിയില്‍ ഘടിപ്പിച്ച CNG കിറ്റ് ഉപയോഗിച്ച് 1.0-ലിറ്റര്‍ എഞ്ചിന്‍ ലഭിക്കുമെന്നും കമ്പനി അറിയിച്ചിട്ടുണ്ട്.

79.86 bhp പീക്ക് പവറും 113 Nm ടോര്‍ക്കും നല്‍കുന്ന കൂടുതല്‍ ശക്തമായ 1.2 ലിറ്റര്‍ K12N നാച്ചുറലി ആസ്പിറേറ്റഡ് പെട്രോള്‍ എഞ്ചിനാണ് അടുത്ത എഞ്ചിന്‍ ഓപ്ഷന്‍. ഈ എഞ്ചിന്‍ ZXI, ZXI+ എന്നീ രണ്ട് ട്രിമ്മുകളില്‍ ലഭ്യമാണ്, കൂടാതെ AMT ഗിയര്‍ബോക്സ് രണ്ട് വേരിയന്റുകളിലും ലഭിക്കും.