Click it and Unblock the Notifications
Maruti Suzuki-യുടെ ജനപ്രീയ മോഡലാകാന് S-Presso; വില്പ്പനയില് പുതിയ നാഴികക്കല്ല് പിന്നിട്ടു
ആഭ്യന്തര നിര്മാതാക്കളായ മാരുതി സുക്കിയുടെ നിരയിലെ ജനപ്രീയ മോഡലുകളില് ഒന്നാണ് എസ്-പ്രസോ. വില്പ്പനയുടെ കാര്യത്തില് പുതിയൊരു നാഴികക്കല്ല് പിന്നിട്ടിരിക്കുകയാണ് വാഹനം ഇപ്പോള്.
പുറത്തിറക്കിയതിന് ശേഷം എസ്-പ്രസോ ഹാച്ച്ബാക്കിന്റെ 2.26 ലക്ഷം യൂണിറ്റുകള് വരെ റീട്ടെയില് ചെയ്തതായി മാരുതി സുസുക്കി സ്ഥിരീകരിച്ചു. പുതിയ എസ്-പ്രസോ, S-സിഎന്ജി വേരിയന്റിന്റെ ലോഞ്ചിനൊപ്പമാണ് കമ്പനി ഇക്കാര്യം വെളിപ്പെടുത്തിയിരിക്കുന്നത്. അതേസമയം എതാനും മാസങ്ങള്ക്ക് മുന്നെയാണ് 2022 എസ്-പ്രസോ മോഡലിനെ കമ്പനി വിപണിയില് എത്തിക്കുന്നത്.
സ്റ്റാന്ഡേര്ഡ്, LXi, VXi, VXi+, VXi(O) AGS, VXi+(O) AGS എന്നിങ്ങനെ 6 വകഭേദങ്ങളിലാണ് 2022 മാരുതി സുസുക്കി എസ്-പ്രസോ വാഗ്ദാനം ചെയ്യുന്നത്. അടിസ്ഥാന വേരിയന്റിന് 4.25 ലക്ഷം രൂപയില് ആരംഭിക്കുന്ന വില ആരംഭിക്കുന്നു, എസ്-പ്രെസോയുടെ ടോപ്പ്-സ്പെക്ക് പതിപ്പിന് 5.99 ലക്ഷം രൂപ വരെയാണ് എക്സ്ഷോറൂം വില.
മാരുതി സുസുക്കി എസ്-പ്രസോ, K10C എഞ്ചിനിലാണ് വാഗ്ദാനം ചെയ്യുന്നത്. 998 സിസി, ത്രീ സിലിണ്ടര് എഞ്ചിന് ഡ്യുവല് ജെറ്റ്, ഡ്യുവല് VVT ടെക്നോളജി ഫീച്ചറുകള് കൂടാതെ ഐഡല് സ്റ്റാര്ട്ട്-സ്റ്റോപ്പ് സാങ്കേതികവിദ്യയും ഉള്ക്കൊള്ളുന്നു.
ഈ യൂണിറ്റ് 5,500 rpm-ല് 65.7 bhp കരുത്തും 3,500 rpm-ല് 89 Nm പീക്ക് ടോര്ക്കും ഉത്പാദിപ്പിക്കുന്നു. 5 സ്പീഡ് മാനുവല് ട്രാന്സ്മിഷന് അല്ലെങ്കില് 5 സ്പീഡ് AMT (മാരുതി AGS എന്ന് വിളിക്കുന്നു) ഓട്ടോമാറ്റിക് ഗിയര്ബോക്സ്.
2022 മാരുതി സുസുക്കി എസ്-പ്രസോ സ്റ്റാന്ഡേര്ഡ്, LXi രൂപങ്ങളില് 24.12 കിമീ/ലി, VXi, VXi+ വേരിയന്റുകളില് 24.76km/l, AMT ഗിയര്ബോക്സ് (O++VXi) എന്നിവയുമായി ജോടിയാക്കുമ്പോള് 25.30km/l മൈലേജ് നല്കുന്നു.
പുതിയ 2022 മാരുതി സുസുക്കി എസ്-പ്രസോയ്ക്ക് ഹില് ഹോള്ഡ് അസിസ്റ്റിനൊപ്പം ഇലക്ട്രോണിക് സ്റ്റെബിലിറ്റി പ്രോഗ്രാം (ESP) ഉള്പ്പെടെ ഒന്നിലധികം പുതിയ സവിശേഷതകള് ലഭിക്കുന്നു, അവ ഇപ്പോള് AMT ഗിയര്ബോക്സ് ഘടിപ്പിച്ചിരിക്കുന്ന എല്ലാ വേരിയന്റുകളിലും സ്റ്റാന്ഡേര്ഡ് ആണ്.
ഡ്യുവല് എയര്ബാഗുകള്, EBD ഉള്ള എബിഎസ്, മുന് സീറ്റ് ബെല്റ്റ് റിമൈന്ഡറോട് കൂടിയ പ്രീ-ടെന്ഷനര്, ഫോഴ്സ് ലിമിറ്റര് ഫ്രണ്ട് സീറ്റ് ബെല്റ്റുകള്, ഹൈ-സ്പീഡ് അലേര്ട്ട് സിസ്റ്റം, റിവേഴ്സ് പാര്ക്കിംഗ് സെന്സറുകള് എന്നിവയാണ് എല്ലാ വേരിയന്റുകളിലും സ്റ്റാന്ഡേര്ഡ് ആയ മറ്റ് സുരക്ഷാ ഫീച്ചറുകള്.
VXi+, VXi+(O) വേരിയന്റുകള്ക്ക് ഇപ്പോള് ഇലക്ട്രിക്കലി ക്രമീകരിക്കാവുന്ന ഔട്ട്സൈറ്റ് റിയര് വ്യൂ മിററുകള് (ORVMs) സ്റ്റാന്ഡേര്ഡായി ലഭിക്കുന്നു. പുതിയ എസ്-പ്രസോയ്ക്ക് പുതിയ ക്യാബിന് എയര് ഫില്ട്ടറുമാണ് കമ്പനി വാഗ്ദാനം ചെയ്യുന്നത്.
സോളിഡ് വൈറ്റ്, മെറ്റാലിക് ഗ്രാനൈറ്റ് ഗ്രേ, മെറ്റാലിക് സില്ക്കി സില്വര്, പേളി സ്റ്റാറി ബ്ലൂ, സോളിഡ് സിസില് ഓറഞ്ച്, സോളിഡ് ഫയര് റെഡ് എന്നിങ്ങനെ ആറ് കളര് ഓപ്ഷനുകളിലാണ് പുതിയ മാരുതി സുസുക്കി എസ്-പ്രസോ വാഗ്ദാനം ചെയ്യുന്നത്.
കഴിഞ്ഞ ദിവസമാണ് എസ്-പ്രസോയുടെ സിഎന്ജി വേരിയന്റിനെ കമ്പനി വിപണിയില് അവതരിപ്പിക്കുന്നത്. പുതിയ വേരിയന്റിന്റെ വരവ് വില്പ്പന ഇനിയും ഉയര്ത്തുമെന്നാണ് കമ്പനി പ്രതീക്ഷിക്കുന്നത്.
ഈ കാര്യക്ഷമമായ പവര്ട്രെയിനിനൊപ്പം ലഭ്യമാകുന്ന മാരുതി സുസുക്കിയുടെ ലൈനപ്പിലെ ഏറ്റവും പുതിയ എന്ട്രി ലെവല് കാര് കൂടിയാണ് എസ്-പ്രസോ.
ആകെ 10 S-സിഎന്ജി വാഹനങ്ങളാണ് മാരുതി ലൈനപ്പിലുള്ളത്. ആള്ട്ടോ, സെലേറിയോ, വാഗണ്ആര്, ഇക്കോ, എര്ട്ടിഗ, സ്വിഫ്റ്റ്, ഡിസയര്. വാണിജ്യ വിഭാഗത്തില് നിന്നുള്ള ഡിസയര് ടൂറും ഇക്കോ കാര്ഗോയും ഇപ്പോള് എസ്-പ്രസോയും.
എല്ലാ 10 വാഹനങ്ങളിലും ഡ്യുവല് ഇന്റര്ഡിപെന്ഡന്റ് ഇലക്ട്രോണിക് കണ്ട്രോള് യൂണിറ്റുകള് (ECU), ഇന്റലിജന്റ് ഫ്യുവല് ഇഞ്ചക്ഷന് സിസ്റ്റം, സ്റ്റെയിന്ലെസ് സ്റ്റീല് പൈപ്പുകളും ജോയിന്റുകളും, സിഎന്ജിയ്ക്കായുള്ള സംയോജിത ഹാര്നെസ് സിസ്റ്റങ്ങളും ഘടിപ്പിച്ചിരിക്കുന്നു.
സിഎന്ജി മോഡില് 55 bhp കരുത്തും 82.1 Nm പീക്ക് ടോര്ക്കും ഉല്പ്പാദിപ്പിക്കുന്ന അടുത്ത തലമുറ K-സീരീസ് 1.0 ലിറ്റര് ഡ്യുവല് ജെറ്റ്, ഡ്യുവല് VVT എഞ്ചിനാണ് എസ്-പ്രസോയുടെ സിഎന്ജി മോഡലിന് കരുത്തേകുന്നത്.
കമ്പനി അവകാശപ്പെടുന്ന ഇന്ധനക്ഷമത കണക്കുകള് 37.72 കി.മീ/കിലോ ആണ്. 5-സ്പീഡ് മാനുവല് ഗിയര്ബോക്സാണ് ട്രാന്സ്മിഷന് ചുമതലകള് കൈകാര്യം ചെയ്യുന്നത്.
മാരുതി സുസുക്കി എസ്-പ്രസോ സിഎന്ജി വേരിയന്റിന്റെ വില വിവരങ്ങള് പരിശോധിക്കുകയാണെങ്കില് അടിസ്ഥാന LXi വേരിയന്റിനൊപ്പം 5.90 ലക്ഷം രൂപ മുതലാണ് ആരംഭിക്കുന്നത്, ടോപ്പ്-സ്പെക്ക് VXI-സിഎന്ജി പതിപ്പിന് വില 6.10 ലക്ഷം രൂപയാണ്.
Continue with Google