YY8 എന്ന് കോഡ് നെമിൽ ഇന്ത്യയ്ക്കായി പുത്തൻ ഇ-എസ്‌യുവി Maruti -യുടെ അണിയറിൽ

എന്നിരുന്നാലും, മാരുതിയുടെ ആദ്യ ഇലക്ട്രിക് വാഹനം ഒരു മാസ് മാർക്കറ്റ് മിനി എസ്‌യുവിയായിരിക്കുമെന്ന് പുതിയ റിപ്പോർട്ടുകൾ സൂചിപ്പിക്കുന്നു. YY8 എന്ന കോഡ് നേമിൽ ഒരു പുതിയ ഇലക്ട്രിക് എസ്‌യുവി പ്രോജക്റ്റിന് മാരുതി ഗ്രീൻ ഫ്ലാഗ് കാട്ടിയിട്ടുണ്ട്.

വരാനിരിക്കുന്ന മാരുതി YY8 (കോഡ്‌ നേം) സംബന്ധിച്ച വിവരങ്ങൾ ഇപ്പോൾ വിരളമാണ്, എന്നാൽ ഇത് കോംപാക്ട് ഫുട്ട്പ്രിന്റുകളുള്ള ഒരു എസ്‌യുവി-ഇഷ് ബോഡി സ്വീകരിക്കും. വളരെ വേഗത്തിൽ വിറ്റഴിക്കപ്പെടുന്ന ടാറ്റ പഞ്ചിന്റെ ഭാവി ഇവി വേരിയന്റുമായി ഇത് മത്സരിക്കുമെന്ന് ഞങ്ങൾ പ്രതീക്ഷിക്കുന്നു.

വാഹനത്തിന്റെ സാങ്കേതിക സവിശേഷതകളെ കുറിച്ചുള്ള വിവരങ്ങളും ഇപ്പോഴും വ്യക്തമല്ലാതിരിക്കുമ്പോൾ, ടൊയോട്ടയുമായുള്ള സുസുക്കിയുടെ പങ്കാളിത്തത്തിൽ നിന്ന് മാരുതി YY8 ഇലക്ട്രിക് ക്രോസ്ഓവർ പ്രയോജനം നേടും എന്നതിൽ തർക്കമില്ല. ഇതിനർത്ഥം, അണിയറയിൽ ഒരുങ്ങുന്ന ഈ വാഹനം ടൊയോട്ട ബ്രാൻഡിംഗിൽ ഇന്ത്യയിലും തെരഞ്ഞെടുത്ത വിദേശ വിപണികളിലും വിൽപ്പനയ്ക്ക് എത്തും എന്നാണ്.

2024 -ൽ ഇത് വിപണിയിൽ എത്തുമെന്ന് പറയപ്പെടുന്നു (ഓട്ടോ എക്‌സ്‌പോയിൽ അരങ്ങേറ്റം സാധ്യമാണ്). മാരുതിയിൽ നിന്നുള്ള ഇലക്ട്രിക് മിനി എസ്‌യുവി സുസുക്കിയുടെ ഗുജറാത്ത് പ്ലാന്റിൽ നിർമ്മിക്കും.

മാരുതിക്കും ടൊയോട്ടയ്ക്കും ഈ വാഹനത്തിനൊപ്പം അഗ്രസ്സീവ് വിൽപ്പന ലക്ഷ്യങ്ങളുണ്ടെന്ന് തോന്നുന്നു, കാരണം പ്രതിവർഷം പ്രതീക്ഷിക്കുന്ന ഇതിന്റെ ഉൽപ്പാദന ലക്ഷ്യം 1.5 ലക്ഷം യൂണിറ്റാണ്.

OEM-കൾ രാജ്യത്ത് ഇവി അഡോപ്ഷൻ ആക്സിലറേറ്റ് ചെയ്യുന്നതിനായി വളരെയധികം പരിശ്രമിക്കുന്നു. സംസ്ഥാന, കേന്ദ്ര ഗവൺമെന്റുകളിൽ നിന്ന് നിലവിലുള്ളതും ഭാവിയിൽ വരാനിരിക്കുന്നതുമായ പ്രോത്സാഹനങ്ങൾ ഇവി അഡോപ്ഷൻ സുഗമമാക്കുന്നു. രാജ്യത്തുടനീളമുള്ള ചാർജിംഗ് ഇൻഫ്രാസ്ട്രക്ചർ വരും വർഷങ്ങളിൽ ശക്തമായ വേഗത്തിൽ വളരുമെന്ന് പ്രതീക്ഷിക്കുന്നു.

സുസുക്കിയുടെ ഭാരം കുറഞ്ഞ HEARTECT ഉം ടൊയോട്ടയുടെ DNGA ഉം ലഭ്യമായതിനാൽ, മാരുതി YY8 ഏത് ആർക്കിടെക്‌ചർ സ്വീകരിക്കുമെന്ന് വ്യക്തമല്ല. രണ്ട് പ്ലാറ്റ്‌ഫോമുകളും ബഹുമുഖവും ഇവി അനുയോജ്യവുമാണ്.

നന്നായി സ്ഥാപിതമായ വിതരണ ശൃംഖല അപ്പാരറ്റസ് ഉപയോഗിച്ച് HEARTECT ഇതിനകം തന്നെ ഇന്ത്യയിൽ വൻതോതിൽ പ്രാദേശികവൽക്കരിച്ചിരിക്കുന്നു, ഇത് മാർക്കറ്റ് ചെയ്യുന്നതിനുള്ള സമയപരിധി കുറയ്ക്കുന്നു.

മറുവശത്ത്, ആഗോള തലത്തിലുള്ള സമ്പദ്‌വ്യവസ്ഥകൾ കാരണം ടൊയോട്ടയുടെ DNGA -യ്ക്ക് മികച്ച നേട്ടമുണ്ട്. ഹ്യുണ്ടായി ക്രെറ്റയ്ക്ക് എതിരാളിയായി വരാനിരിക്കുന്ന ടൊയോട്ട / മാരുതി എസ്‌യുവിയുടെ അടിസ്ഥാനം ഈ ആർക്കിടെക്ച്ചറിൽ ആയിരിക്കാം.

അങ്ങനെയാണെങ്കിൽ, ഇന്ത്യയിലെ വൻതോതിലുള്ള വിപണി വില ലക്ഷ്യങ്ങൾ കൈവരിക്കുന്നതിന് ഈ ആർക്കിടെക്ചറിനെ പ്രാദേശികവൽക്കരിക്കാൻ ടൊയോട്ടയ്ക്ക് ഇതിനകം കഴിഞ്ഞുവെന്ന് ഇത് സൂചിപ്പിക്കുന്നു.

ഇലക്ട്രിക് മിനി എസ്‌യുവിയുടെ വില 10 ലക്ഷം രൂപയിൽ താഴെയായിരിക്കുമെന്ന് ഞങ്ങൾ പ്രതീക്ഷിക്കുന്നു. ഏകദേശം 250-350 കിലോമീറ്റർ ഡ്രൈവ് റേഞ്ച് ഇന്ത്യയിൽ ഒരു എൻട്രി ലെവൽ ഇവിക്ക് ആരംഭിക്കാനുള്ള നല്ലൊരു സ്പെയ്സ് ആയിരിക്കും.

ലിഥിയം-അയോൺ ബാറ്ററി ഗുജറാത്തിൽ സ്ഥിതി ചെയ്യുന്ന തോഷിബ സ്ഥാപനത്തിൽ നിന്ന് പ്രാദേശികമായി കണ്ടെത്താനാണ് സാധ്യത. എല്ലാ പ്രധാന OEM -കളും ഇന്ത്യയ്‌ക്കായുള്ള അതത് മാസ്-മാർക്കറ്റ് ഇലക്ട്രിക് വാഹനങ്ങളിൽ തീവ്രമായി പ്രവർത്തിക്കുന്നു, ഈ ദശകത്തിന്റെ മധ്യഭാഗത്ത് എത്തുമ്പോൾ പുതിയ ലോഞ്ചുകളുടെ ഒരു പെരുമഴ ഞങ്ങൾ പ്രതീക്ഷിക്കുന്നു.