2022 മെയ്‌ബാക്ക് S-Class അവതരിപ്പിച്ച് Mercedes; പ്രാരംഭ വില 2.5 കോടി രൂപ

ഏറ്റവും പുതിയ V223 S-ക്ലാസ് അടിസ്ഥാനമാക്കിയുള്ളതാണ് പുതിയ മോഡൽ, ഇതിന് 180 mm നീളമുള്ള വീൽബേസ് ഉണ്ട്, അതേസമയം ഇന്റീരിയർ കൂടുതൽ അപ്പ് മാർക്കറ്റാണ്. സാധാരണ S-ക്ലാസിന്റെ ഡിസൈൻ സ്വഭാവസവിശേഷതകൾ വഹിക്കുമ്പോൾ, ഒരു മെയ്ബാക്ക് ലിമോ ആയി സ്വയം വ്യത്യസ്തമാക്കാൻ ചില യുണീക്ക് ബിറ്റുകൾ ഇതിൽ നിർമ്മാതാക്കൾ ചേർത്തിരിക്കുന്നു.

ക്രോം ബൗണ്ടറിയിൽ പൊതിഞ്ഞ ഒന്നിലധികം വെർട്ടിക്കൽ ക്രോം സ്ലാറ്റുകളുള്ള സിഗ്നേച്ചർ മെയ്‌ബാക്ക് ഫ്രണ്ട് ഗ്രില്ലാണ് ആഢംബര സെഡാന്റെ സവിശേഷത.

C-പില്ലറിലെ മെയ്ബാക്ക് ലോഗോ മറ്റൊരു ഹൈലൈറ്റാണ്, കൂടാതെ ബമ്പറിന്റെ താഴത്തെ ഭാഗത്ത് രണ്ട് അരികുകളിലെയും ഇൻടേക്കുകൾക്ക് ചുറ്റും ക്രോമിന്റെ സമൃദ്ധമായ ഉപയോഗം കാണാം, കൂടാതെ ക്ലാസിക് ആകർഷണം ഉണർത്തുന്ന തരത്തിലാണ് 19 ഇഞ്ച് വീലുകളുടെ രൂപകൽപ്പന.

സംയോജിത ഡേടൈം റണ്ണിംഗ് ലാമ്പുകളോട് കൂടിയ ഷാർപ്പ് എൽഇഡി ഹെഡ്‌ലാമ്പുകൾ, ഒരു പ്രമുഖ ഷോൾഡർ ലൈനോടുകൂടിയ ഏറെ കുറേ ക്ലീൻ സൈഡ് പ്രൊഫൈൽ, വലിയ ഗ്രീൻഹൗസ്, റാപ്പറൗണ്ട് 3D ക്രിസ്റ്റൽ എൽഇഡി ടെയിൽ ലാമ്പുകൾ, സ്റ്റബി ബൂട്ട് ഘടന, ഡ്യുവൽ എക്‌സ്‌ഹോസ്റ്റ് ടിപ്പുകൾ എന്നിവ ആഢംബര ലിമോസിനിന്റെ ദൃശ്യഭംഗി വർധിപ്പിക്കുന്നു.

സ്റ്റാൻഡേർഡ് S-ക്ലാസിന്റെ ഡിസൈനും ഫീച്ചറുകളുടെ പട്ടികയും മുന്നോട്ട് കൊണ്ടുപോകുന്നതിനിടയിൽ ഇന്റീരിയറിൽ മെയ്ബാക്ക് അധിഷ്‌ഠിത അപ്‌ഡേറ്റുകളുണ്ട്.

മെയ്ബാക്ക് GLS 2021 ജൂണിൽ അവതരിപ്പിച്ചതിനാൽ, കഴിഞ്ഞ വർഷത്തിനുള്ളിൽ ഇന്ത്യയിൽ പ്രവേശിക്കുന്ന രണ്ടാമത്തെ മെയ്ബാക്ക് മോഡലാണ് പുതിയ മെർസിഡീസ്-മെയ്ബാക്ക് S-ക്ലാസ്.

ആഢംബര ലിമോ 2020 നവംബറിൽ ആഗോളതലത്തിൽ അരങ്ങേറ്റം കുറിച്ചു, തുടർന്ന് 2021 മെയ് മാസത്തിൽ ജർമ്മനിയിൽ ലോഞ്ച് ചെയ്തു. സ്റ്റാൻഡേർഡ് ബോസ് മോഡ് ഫ്രണ്ട് പാസഞ്ചർ സീറ്റ് സ്ട്രെച്ച് ഔട്ട് ചെയ്യുന്ന പവർഡ് പിൻ സീറ്റുകളും മസാജ് ഫംഗ്ഷനും ചോഫർ പാക്കേജ് വാഗ്ദാനം ചെയ്യുന്നു.

2022 മെർസിഡീസ്-മെയ്ബാക്ക് S-ക്ലാസ്, നാല് സീറ്റർ കോൺഫിഗറേഷൻ പ്രാപ്തമാക്കുന്ന ഒരു ഫ്ലോർ കൺസോൾ കൊണ്ട് വേർതിരിച്ച വ്യക്തിഗത പിൻ സീറ്റുകളും നേടുന്നു. പ്രകടനത്തെ സംബന്ധിച്ചിടത്തോളം, S580 4.0-ലിറ്റർ V8 എഞ്ചിൻ ഉപയോഗിക്കുന്നു, അത് പരമാവധി 503 bhp പവർ ഔട്ട്‌പുട്ടും 700 Nm പീക്ക് torque ഉം നൽകുന്നു, കൂടാതെ 20 bhp വർധിപ്പിക്കാൻ അനുവദിക്കുന്ന ഒരു മൈൽഡ്-ഹൈബ്രിഡ് സാങ്കേതികവിദ്യയും ഇത് അവതരിപ്പിക്കുന്നു.

മറുവശത്ത്, S680 -ൽ 6.0-ലിറ്റർ ബൈ-ടർബോ V12 പവർട്രെയിൻ 612 bhp കരുത്തും 900 Nm torque ഉം പുറപ്പെടുവിക്കുന്നു. 4.5 സെക്കൻഡിൽ 0-100 കിലോമീറ്റർ വേഗതയും പുറപ്പെടുവിക്കുന്നു. രണ്ട് എഞ്ചിനുകളും സ്റ്റാൻഡേർഡായി ഒമ്പത് സ്പീഡ് ഓട്ടോമാറ്റിക് ട്രാൻസ്മിഷനുമായി ബന്ധിപ്പിച്ചിരിക്കുന്നു.

കൂടാതെ റിയർ-വീൽ സ്റ്റിയറിംഗ്, എയർ റൈഡ് സസ്പെൻഷൻ തുടങ്ങിയ സവിശേഷതകൾ സ്റ്റാൻഡേർഡാണ്. 2022-ൽ ആസൂത്രണം ചെയ്ത പത്ത് പുതിയ ലോഞ്ചുകളുടെ ഭാഗമാണ് പുതിയ ലക്ഷ്വറി ലിമോ, കൂടുതൽ ആഢംബ ഇവികൾ പിന്നാലെ വരുന്നു.

2022 മെർസിഡീസ്-മെയ്‌ബാക്ക് S-ക്ലാസ് ഇന്ത്യയിൽ പ്രാദേശികമായി അസംബിൾ ചെയ്‌തിരിക്കുന്നു. നിങ്ങൾ അകത്ത് ഇരിക്കുമ്പോൾ പിൻവശത്തെ ഡോർ ഓട്ടോമാറ്റിക്കായി അടയ്ക്കുന്ന 'റോയൽ വേവ്' എന്ന ഫീച്ചർ വാഹനം പായ്ക്ക് ചെയ്യുന്നു.

30 സ്പീക്കർ ബർമെസ്റ്റർ ഓഡിയോ, നാപ്പ ലെതർ അപ്‌ഹോൾസ്റ്ററി, ഹാപ്‌റ്റിക് ഫീഡ്‌ബാക്കോടുകൂടിയ വലിയ പോർട്രെയ്‌റ്റ് അധിഷ്‌ഠിത ടച്ച്‌സ്‌ക്രീൻ, ഏറ്റവും പുതിയ MBUX ഇന്റർഫേസ്, ലെവൽ 2 ഓട്ടോണമസ് ടെക്, സ്റ്റാൻഡേർഡായി 13 എയർബാഗുകൾ, ഡ്യുവൽ-ടോൺ ഷേഡുകൾ ഉൾപ്പെടെ 10 കളർ സ്കീമുകൾ തുടങ്ങിയവ ഉൾപ്പെടുന്നു.