Click it and Unblock the Notifications
Astor-ന്റെ ഡെലിവറിക്കായി കാത്തിരിക്കുന്നവരെ കൈവിടാതെ MG; 10,000 രൂപയുടെ ആനുകൂല്യങ്ങള് പ്രഖ്യാപിച്ചു
നിലവില് ഇന്ത്യന് വിപണിയില് വാങ്ങാന് കഴിയുന്ന ഏറ്റവും ഫീച്ചര് ലോഡഡ് എസ്യുവികളിലൊന്നാണ് എംജിയുടെ ആസ്റ്റര്. അതിനുപുറമെ, സ്പോര്ട് ലെവല്-2 ഓട്ടോണമസ് ഡ്രൈവിംഗ് പ്രവര്ത്തനക്ഷമതയുള്ള സെഗ്മെന്റിലെ ഏക മോഡലാണ് ആസ്റ്റര് എസ്യുവി.
2022 സെപ്റ്റംബറില് എംജി ആസ്റ്റര് വില്പ്പന 980 യൂണിറ്റായിരുന്നു, ഇത് അതിന്റെ പല എതിരാളികളേക്കാളും കുറവാണ്. എന്നിരുന്നാലും, താരതമ്യേന കുറഞ്ഞ വില്പ്പന കണക്കുകള് ഉണ്ടായിരുന്നിട്ടും, ചിപ്പ് ക്ഷാമം മൂലം എസ്യുവിയുടെ ഉല്പ്പാദനം സാരമായി ബാധിച്ചതിനാല് പല ഉപഭോക്താക്കള്ക്കും എംജി ആസ്റ്ററിന്റെ ഡെലിവറി ഇതുവരെ ലഭിച്ചിട്ടില്ല.
ഇപ്പോള് പുറത്തുവരുന്ന റിപ്പോര്ട്ട് അനുസരിച്ച്, വര്ത്ത് വെയിറ്റിംഗ് ഫോര് 3.0 സ്കീമിന് കീഴില്, മെയ് 31-ന് മുമ്പ് എസ്യുവി ബുക്ക് ചെയ്ത എംജി ആസ്റ്റര് CVT, ആസ്റ്റര് ഓട്ടോമാറ്റിക് ഉപഭോക്താക്കള്ക്ക് നിലവിലുള്ള വര്ത്ത് വെയ്റ്റിംഗ് ഫോര് 2.0 സ്കീമിന് മുകളിലുള്ള അധിക ആനുകൂല്യങ്ങള് ലഭിക്കുമെന്നാണ് അറിയിച്ചിരിക്കുന്നത്.
പുതിയ വര്ത്ത് വെയിറ്റിംഗ് ഫോര് 3.0 സ്കീമിന് കീഴില്, ആസ്റ്റര് CVT, ആസ്റ്റര് ഓട്ടോമാറ്റിക് ഉപഭോക്താക്കള്ക്ക് 3 വ്യത്യസ്ത ഓപ്ഷനുകളുടെ രൂപത്തില് ആനുകൂല്യങ്ങള് ലഭിക്കുമെന്നും റിപ്പോര്ട്ടില് പറയുന്നു.
ആദ്യത്തെ ഓപ്ഷനെ 'ക്രോം കിറ്റ്' എന്ന് വിളിക്കുന്നു, ഈ ഓപ്ഷനില് ഒരു ക്രോം ടെയില്ഗേറ്റ്, ക്രോം ടെയില് ലാമ്പുകള്, ക്രോം OEVM-കള്, ക്രോം ഡോര് ഹാന്ഡിലുകള്, താഴ്ന്ന ഫ്രണ്ട് ക്രോം സറൗണ്ട് എന്നിവയാണ് ലഭിക്കുന്നത്.
അടുത്ത ഓപ്ഷന് ബമ്പര് കോര്ണര് പ്രൊട്ടക്ഷന്, ഡോര് പ്രൊട്ടക്ടര്, റിയര് ബുള് ബാര്, ഡിസൈനര് മാറ്റുകള് തുടങ്ങിയ ഭാഗങ്ങള് ഉള്ക്കൊള്ളുന്ന 'പ്രൊട്ടക്ഷന് കിറ്റ്' ആണ്, അതേസമയം അന്തിമ ഓപ്ഷന് ഉപഭോക്താവിന് AMC/എക്സ്റ്റെന്ഡഡ് വാറന്റി/മര്ച്ചന്ഡൈസ്/ എന്നിവയില് നിന്ന് ഏത് ഇനവും തിരഞ്ഞെടുക്കാനുള്ള ഓപ്ഷന് നല്കുന്നു. 10,000 രൂപ വരെ വിലയുള്ള ആക്സസറിയും.
നേരത്തെ, എംജി മോട്ടോര് ആസ്റ്റര് എസ്യുവിയുടെ പുതിയ വേരിയന്റുകള് നിലവിലുള്ള വേരിയന്റ് ലൈനപ്പിന് 'EX' സഫിക്സോടെ അവതരിപ്പിച്ചിരുന്നു. ഈ പുതിയ വേരിയന്റുകളില് സ്റ്റൈല് EX, സൂപ്പര് EX, സ്മാര്ട്ട് EX, ഷാര്പ്പ് EX എന്നിവ ഉള്പ്പെടുന്നു.
ഈ പുതിയ വേരിയന്റുകളുടെ വിശദാംശങ്ങളിലേക്ക് നോക്കുമ്പോള്, ഇലക്ട്രോണിക് സ്റ്റെബിലിറ്റി കണ്ട്രോള് (ESC), ട്രാക്ഷന് കണ്ട്രോള് (TC), ബ്ലൈന്ഡ് സ്പോട്ട് ഡിറ്റക്ഷന്, ഹില് ഹോള്ഡ്/ഡിസന്റ് കണ്ട്രോള്, റിയര് ക്രോസ്-ട്രാഫിക് അലേര്ട്ട്, ലെയ്ന്-കീപ്പ് അസിസ്റ്റന്സ് തുടങ്ങിയ ഫീച്ചറുകള് എംജി മോട്ടോര് വെട്ടിക്കുറച്ചിട്ടുണ്ട്. ചിപ്പ് ക്ഷാമം മറികടക്കുന്നതിനും മൊത്തത്തിലുള്ള വില കുറയ്ക്കുന്നതിനുമായിട്ടാണ് പുതിയ 'EX' വേരിയന്റുകള് അവതരിപ്പിച്ചിരിക്കുന്നത്.
എംജി ആസ്റ്ററിനെ കുറിച്ച് പറയുമ്പോള്, സി-സെഗ്മെന്റ് എസ്യുവിയില് ADAS സജ്ജീകരിച്ചിരിക്കുന്നു, അത് ഓട്ടോമാറ്റിക് എമര്ജന്സി ബ്രേക്കിംഗ്, ലെയ്ന് കീപ്പിംഗ് അസിസ്റ്റ്, ലെയ്ന് ഡിപ്പാര്ച്ചര് വാര്ണിംഗ്, കൊളീഷന് വാര്ണിംഗ്, ഡ്രൈവര് അലേര്ട്ട്, ബ്ലൈന്ഡ്-സ്പോട്ട് ഡിറ്റക്ഷന്, റിയര് ക്രോസ്-ട്രാഫിക് അലേര്ട്ട്, അഡാപ്റ്റീവ് ക്രൂയിസ് കണ്ട്രോള് തുടങ്ങിയ സജീവ സുരക്ഷാ സവിശേഷതകളോടെയാണ് വരുന്നത്.
കൂടാതെ, എംജി ആസ്റ്റര് എസ്യുവിയുടെ സ്റ്റാന്ഡേര്ഡ് വേരിയന്റുകളില് 6 എയര്ബാഗുകള്, എമര്ജന്സി സ്റ്റോപ്പ് സിഗ്നല് (ESS), നാല് ടയറുകളിലും ഡിസ്ക് ബ്രേക്കുകള്, ഇലക്ട്രോണിക് സ്റ്റെബിലിറ്റി കണ്ട്രോള് (ESC), എബിഎസ്, ഹില് ഹോള്ഡ് കണ്ട്രോള് (HHC), ഹില് ഡിസന്റ് കണ്ട്രോള് (HDC), പാര്ക്കിംഗ് സെന്സറുകള്, സ്പീഡ് സെന്സിംഗ് ഡോര് ലോക്കുകള്, സെക്യൂരിറ്റി അലാറം, ISOFIX ചൈല്ഡ് സീറ്റുകള്, ഇംപാക്ട് സെന്സിംഗ് ഓട്ടോ ഡോര് അണ്ലോക്ക്, എഞ്ചിന് ഇമ്മൊബിലൈസര്, തുടങ്ങിയ സുരക്ഷാ സവിശേഷതകളുണ്ട്.
വലിയ 10.1 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സ്ക്രീന്, 360 ഡിഗ്രി സറൗണ്ട് വ്യൂ ക്യാമറ, 6-വേ പവര് അഡ്ജസ്റ്റബിള് ഡ്രൈവര് സീറ്റ്, ഇലക്ട്രോണിക് പാര്ക്കിംഗ് ബ്രേക്ക്, AI പേഴ്സണല് അസിസ്റ്റന്റ്, പനോരമിക് സണ്റൂഫ്, 7 ഇഞ്ച് ഡിജിറ്റല് ഇന്സ്ട്രുമെന്റ് ക്ലസ്റ്റര്, 3 സ്റ്റിയറിംഗ് മോഡുകള്, ടില്റ്റ് ക്രമീകരിക്കാവുന്ന സ്റ്റിയറിംഗ്, ബ്ലൈന്ഡ് സ്പോട്ട് മോണിറ്റര്, പിന് എസി വെന്റുകള്, PM 2.5 ഫില്ട്ടറുള്ള എയര് പ്യൂരിഫയര് എന്നിവയും എംജി ആസ്റ്റര് എസ്യുവിയിലെ മറ്റ് ശ്രദ്ധേയമായ സവിശേഷതകളില് ഉള്പ്പെടുന്നു.
ഇന്ത്യയില്, എംജി ആസ്റ്റര് എസ്യുവി രണ്ട് എഞ്ചിനുകളുടെ തിരഞ്ഞെടുപ്പുമായി വരുന്നു. അടിസ്ഥാന 1.5 ലിറ്റര് നാച്ചുറലി ആസ്പിറേറ്റഡ് പെട്രോള് എഞ്ചിന് 108.5 bhp പവര് പുറപ്പെടുവിക്കുന്നു, അതേസമയം കൂടുതല് ശക്തമായ ടര്ബോചാര്ജ്ഡ് 1.3 ലിറ്റര് പെട്രോള് എഞ്ചിന് 138 bhp പീക്ക് പവര് പുറപ്പെടുവിക്കുന്നു.
സമീപകാലത്തായെ സെമികണ്ടക്ടര് ചിപ്പിന്റെ ക്ഷാമം എംജി ആസ്റ്റര് എസ്യുവിയുടെ ഉല്പാദനത്തെ കാര്യമായി ബാധിച്ചുവെന്ന് വേണം പറയാന്. മോഡലിനായുള്ള കാത്തിരിപ്പ് കാലയളവ് വര്ദ്ധിച്ചതിനാല്, കുറച്ച് ഓഫറുകള് നല്കി ഉപഭോക്താക്കളെ പിടിച്ച് നിര്ത്താനാണ് കമ്പനി ശ്രമിക്കുന്നത്.
Continue with Google