Hector ഇന്റലിജന്റാണ് അതോടൊപ്പം ഇപ്പോൾ പവർഫുള്ളും; എസ്‌യുവിക്ക് സ്ട്രോംഗ് ഹൈബ്രിഡ് സിസ്റ്റം അവതരിപ്പിച്ച് MG

അത്തരത്തിൽ 2023 വുളിംഗ് അൽമാസ് സ്ട്രോംഗ് ഹൈബ്രിഡ് കൺസെപ്റ്റ് അടുത്തിടെ ജക്കാർത്തയിൽ നടന്ന ഈ വർഷത്തെ ഇന്തോനേഷ്യ ഇലക്ട്രിക് മോട്ടോർ ഷോയിൽ (IEMS) പ്രദർശിപ്പിച്ചിരുന്നു. നിങ്ങൾക്കറിയാവുന്നതുപോലെ, ഇന്ത്യയിൽ എംജി ഹെക്ടർ എന്ന പേരിലാണ് അൽമാസ് വിൽക്കുന്നത്.

സ്ട്രോംഗ് ഹൈബ്രിഡ് പവർട്രെയിനിനൊപ്പം എസ്‌യുവിക്ക് അകത്തും പുറത്തും കുറച്ച് മാറ്റങ്ങളും നിർമ്മാതാക്കൾ വരുത്തിയിട്ടുണ്ട്. രണ്ട് ഇലക്ട്രിക് മോട്ടോറുകളും ലിഥിയം അയൺ ബാറ്ററി പാക്കും ഉള്ള പുതിയ 2.0 ലിറ്റർ പെട്രോൾ എഞ്ചിനാണ് മോഡലിന്റെ സവിശേഷത.

സജ്ജീകരണത്തിന്റെ പവർ കണക്കുകളും ഇലക്‌ട്രിക് റേഞ്ചും ഇപ്പോഴും കമ്പനി വ്യക്തമാക്കിയിട്ടില്ല. റിപ്പോർട്ടുകൾ വിശ്വസിക്കാമെങ്കിൽ, കമ്പനി 2023 ഒക്ടോബറിൽ സാങ്കേതിക സവിശേഷതകൾ വെളിപ്പെടുത്തിയേക്കാം.

അൽമാസ് RS അടിസ്ഥാനമാക്കി, എസ്‌യുവിയുടെ സ്ട്രോംഗ് ഹൈബ്രിഡ് കൺസെപ്‌റ്റ് (2023 എംജി ഹെക്ടർ സ്ട്രോംഗ് ഹൈബ്രിഡ്) ഗ്രില്ലിലെ ബ്ലാക്ക്ഡ്-ഔട്ട് ഘടകങ്ങൾ, പില്ലറുകൾ, വിംഗ് മിററുകൾ, റൂഫ്, RS-നിർദ്ദിഷ്ട ഫ്രണ്ട്, റിയർ ബമ്പറുകൾ, ബ്ലാക്ക്ഡ്-ഔട്ട് ഫോഗ് ലാമ്പ് അസംബ്ലി, ലോവർ എയർ ഡാമുകൾ RS ബാഡ്ജ് എന്നിവ ഉൾക്കൊള്ളുന്നു. 17 ഇഞ്ച് ഡ്യുവൽ-ടോൺ അലോയി വീലുകളോട് കൂടിയ വൂലിംഗ് അൽമാസ് RS-ൽ നിന്ന് വ്യത്യസ്തമായി, സ്ട്രോംഗ് ഹൈബ്രിഡ് മോഡലിന് 18 ഇഞ്ച് യൂണിറ്റുകൾ ലഭിക്കും.

ഫീച്ചറുകളുടെ കാര്യത്തിൽ, വുളിംഗ് അൽമാസ് RS (റെഗുലർ മോഡൽ) ADAS (അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം), കണക്റ്റഡ് കാർ ടെക്, വയർലെസ് സ്മാർട്ട്‌ഫോൺ ചാർജിംഗ്, നവീകരിച്ച ടച്ച്‌സ്‌ക്രീൻ ഇൻഫോടെയിൻമെന്റ് സിസ്റ്റം, പുതിയ സ്റ്റിയറിംഗ് മൗണ്ടഡ് കൺട്രോൾ ബട്ടണുകൾ എന്നിവ വാഗ്ദാനം ചെയ്യുന്നു.

നിലവിൽ, വാഹനത്തിന്റെ ഈ മോഡൽ ഇന്ത്യയിൽ ലോഞ്ച് ചെയ്യുന്നതിനെക്കുറിച്ച് ഔദ്യോഗിക അറിയിപ്പുകളൊന്നുമില്ല. വളരുന്ന ഹൈബ്രിഡ് എസ്‌യുവി വിപണി കണക്കിലെടുക്കുമ്പോൾ, ഇന്ത്യൻ വിപണിയിൽ ഹെക്ടർ സ്ട്രോംഗ് ഹൈബ്രിഡിനെ കമ്പനി കണക്കിലെടുക്കുമെന്ന് ഞങ്ങൾ പ്രതീക്ഷിക്കുന്നു.

ഇനി ഇന്ത്യൻ ലോഞ്ച് ബ്രാൻഡ് പരിഗണിച്ചാലും, അത് അടുത്ത വർഷം നടക്കാനാവും സാധ്യത. നിലവിൽ, എംജി ഹെക്ടർ 1.5 ലിറ്റർ മൈൽഡ് ഹൈബ്രിഡ് പെട്രോൾ, 1.5 ലിറ്റർ ടർബോ പെട്രോൾ, 2.0 ലിറ്റർ ഡീസൽ എന്നിങ്ങനെ മൂന്ന് എഞ്ചിനുകളിൽ ലഭ്യമാണ്.

ചൈനീസ് ഉടമസ്ഥതയിലുള്ള ബ്രിട്ടീഷ് വാഹന നിർമ്മാതാക്കൾ ഉടൻ തന്നെ ഇന്ത്യയിലെ എംജി ഹെക്ടറിന് മിഡ്-ലൈഫ് അപ്‌ഡേറ്റ് നൽകും. എസ്‌യുവിയുടെ ഫെയ്‌സ്‌ലിഫ്റ്റഡ് പതിപ്പിന് 14 ഇഞ്ച് പോർട്രെയ്‌റ്റ് HD ടച്ച്‌സ്‌ക്രീൻ ഇൻഫോടെയിൻമെന്റ് സിസ്റ്റത്തോടുകൂടിയ പുതിയ ഡ്യുവൽ ടോൺ ഇന്റീരിയർ ഉണ്ടായിരിക്കും.

ഇൻഫോ യൂണിറ്റ് നെക്സ്റ്റ്-ജെൻ i-സ്മാർട്ട് സാങ്കേതികവിദ്യയെയും വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റിയെയും പിന്തുണയ്ക്കും. പൂർണ്ണ ഡിജിറ്റൽ 7.0 ഇഞ്ച് കോൺഫിഗർ ചെയ്യാവുന്ന ഇൻസ്ട്രുമെന്റ് കൺസോൾ, ലെതർ റാപ്പ്ഡ് ആംറെസ്റ്റ്, കുറച്ച് പുതിയ സവിശേഷതകൾ എന്നിവയും ഇതിലുണ്ടാകും.

Source: Instagram