സ്‌പോര്‍ട്‌സ് കാര്‍ ശ്രേണി വിപുലീകരിച്ച് Porsche; 718 Boxster GTS 4.0 & 718 Cayman GTS 4.0 അവതരിപ്പിച്ചു

മോഡലുകളുടെ വിലകളെ കുറിച്ച് പറയുകയാണെങ്കില്‍, 718 ബോക്‌സ്റ്റര്‍ GTS 4.0 യുടെ വില 1,49,78,000 (എക്സ്‌ഷോറൂം) വിലയില്‍ ആരംഭിക്കുമ്പോള്‍, 718 കേമാന്‍ GTS 4.0 വില 1,46,50,000 (എക്‌സ്‌ഷോറൂം) വിലയിലാണ് ആരംഭിക്കുന്നത്. രണ്ട് മോഡലുകളുടെയും ബുക്കിംഗ് ആരംഭിച്ചതായും കമ്പനി അറിയിച്ചിട്ടുണ്ട്.

അതേസമയം, അടുത്തിടെ നിര്‍മാതാക്കള്‍ ടെയ്കാന്‍ ശ്രേണി, മക്കാന്‍, പനാമേര പ്ലാറ്റിനം എഡിഷന്‍ എന്നിവ പുറത്തിറക്കിയത്. പോര്‍ഷ 718 കേമാന്‍ രണ്ട് ഡോര്‍ കൂപ്പെ മോഡലാണ്, മറുവശത്ത്, പോര്‍ഷ 718 ബോക്സ്റ്റര്‍ രണ്ട് ഡോര്‍ കാബ്രിയോലെറ്റായി രാജ്യത്ത് എത്തുകയും ചെയ്യും.

ഈ സ്പോര്‍ട്സ് കാറുകളുടെ ഏറ്റവും പുതിയ ആവര്‍ത്തനങ്ങള്‍ എല്‍ഇഡി ഡിആര്‍എല്‍എസ് ഉള്ള ടിന്‍ഡ് എല്‍ഇഡി ഹെഡ്‌ലാമ്പുകള്‍, ജിടിഎസ്-നിര്‍ദ്ദിഷ്ട ഫ്രണ്ട് ഏപ്രോണ്‍, 20 ഇഞ്ച് സാറ്റിന്‍ ബ്ലാക്ക് അലോയ് വീലുകള്‍, ബ്ലാക്ക് എക്സ്റ്റേണല്‍ എയര്‍ബ്ലേഡുകള്‍, വലിയ എയര്‍ ഇന്‍ടേക്കുകള്‍, ബ്ലാക്ക് ഫ്രണ്ട് സ്പോയിലര്‍ എന്നിവ പോലുള്ള ബാഹ്യ ബോഡി സവിശേഷതകളോടെയാണ് വരുന്നത്.

പോര്‍ഷ 718 കേമാന്‍ മുതല്‍, ടു-ഡോര്‍ കൂപ്പെ താല്‍പ്പര്യക്കാര്‍ക്കിടയില്‍ അറിയപ്പെടുന്ന മോഡലാണ്. നിലവിലെ ജെന്‍ ആവര്‍ത്തനത്തില്‍, എല്‍ഇഡി ഹെഡ്‌ലാമ്പുകള്‍, 20 ഇഞ്ച് സാറ്റിന്‍ ബ്ലാക്ക് അലോയ് വീലുകള്‍, മുന്‍വശത്ത് വലിയ എയര്‍ ഇന്‍ടേക്കുകള്‍, വശങ്ങളില്‍ ബ്ലാക്ക് എയര്‍ ബ്ലേഡുകള്‍ എന്നിവയുണ്ട്.

മാത്രമല്ല, ഹെഡ്‌ലാമ്പുകള്‍ക്ക് GTS ഗ്രേഡില്‍ കറുത്ത നിറമുണ്ട്. പിന്നിലെ ഏപ്രോണിന് GTS ട്രിമ്മിനായി വേര്‍തിരിച്ച എക്സ്ഹോസ്റ്റ് മഫ്ളറുകള്‍ ലഭിക്കുന്നു, അതേസമയം ഇതിന് ഒരു ഓട്ടോമാറ്റിക് റിയര്‍ സ്പോയിലറും ലഭിക്കുന്നു.

വേഗത 125 കിലോമീറ്റര്‍ കവിയുമ്പോള്‍ രണ്ടാമത്തേത് പ്രവര്‍ത്തനക്ഷമമാകുമെന്നും കമ്പനി പറയുന്നു. പോര്‍ഷയുടെ 718 ശ്രേണിയിലെ കണ്‍വേര്‍ട്ടിബിള്‍ പതിപ്പായ ബോക്സ്റ്ററിലും സമാനമായ ഒരു തീം തന്നെയാണ് കമ്പനി പിന്തുടരുന്നത്.

ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് യൂണിറ്റിനായി PCM ഇന്റര്‍ഫേസോടെയാണ് GTS മോഡലുകള്‍ വരുന്നത്. കൂടാതെ, GTS ശ്രേണിയില്‍ ഒരു സ്‌പോര്‍ട്‌സ് സ്റ്റിയറിംഗ് വീല്‍ സ്റ്റാന്‍ഡേര്‍ഡ് ഫിറ്റ്‌മെന്റായി വാഗ്ദാനം ചെയ്യുന്നു.

മാത്രമല്ല, 718 കേമാന്‍ GTS 4.0, 718 ബോക്‌സ്റ്റര്‍ GTS 4.0 എന്നിവ സാധാരണ കേമാന്‍, ബോക്സ്റ്റര്‍ മോഡലുകളേക്കാള്‍ 20 മില്ലിമീറ്റര്‍ താഴെയാണ് സീറ്റിംഗ് വരുന്നത്. ഈ സ്പോര്‍ട്സ് കാറുകള്‍ക്ക് കരുത്തേകുന്നത് 394 bhp പീക്ക് പവറും 419 Nm പരമാവധി ടോര്‍ക്കും നല്‍കുന്ന 4.0 ലിറ്റര്‍ നാച്ചുറലി ആസ്പിറേറ്റഡ് ഫ്‌ലാറ്റ് സിക്സ് മോട്ടോറാണ്.

ഈ വാഹനങ്ങളുടെ പരമാവധി വേഗത മണിക്കൂറില്‍ 292 കിലോമീറ്ററാണ്, അതേസമയം ബ്രേക്കിംഗ് പവര്‍ അലുമിനിയം റോട്ടറുകള്‍, മോണോബ്ലോക്ക് ബ്രേക്ക് കാലിപ്പറുകള്‍ എന്നിവയില്‍ നിന്നാണ് സജ്ജീകരിച്ചിരിക്കുന്നത്. GTS ശ്രേണിയില്‍ മുന്‍വശത്ത് 350 mm റോട്ടറുകളും പിന്നില്‍ 330 mm റോട്ടറുകളും ഉള്‍പ്പെടുന്നു.

അതേസമയം പോയ വര്‍ഷമാണ് പോര്‍ഷയുടെ ബോക്‌സ്റ്റര്‍ വിപണിയില്‍ എത്തിയിട്ട് 25 വര്‍ഷം പൂര്‍ത്തിയാത്. ഈ ആഘോഷത്തിന്റെ ഭാഗമായി കാറിന്റെ ഒരു ആനിവേഴ്സറി ലിമിറ്റഡ് എഡിഷന്‍ വേരിയന്റിനെ കമ്പനി അവതരിപ്പിക്കുകയും ചെയ്തിരുന്നു.

സ്‌പെഷ്യല്‍ എഡിഷന്‍ ബോക്സ്റ്ററിന്റെ 1,250 യൂണിറ്റുകള്‍ മാത്രമാകും വിപണിയില്‍ എത്തിക്കുകയെന്ന് കമ്പനി വ്യക്തമാക്കിയിരുന്നു. പുതിയ ബോക്സ്സ്റ്റര്‍ 25 ഇയേഴ്സ് മോഡല്‍ 718 ബോക്സ്റ്റര്‍ GTS 4.0 വേരിയന്റെ അടിസ്ഥാനമാക്കിയാണ് ഒരുക്കിയിരിക്കുന്നത്. റിപ്പോര്‍ട്ടുകളനുസരിച്ച്, നാല് തലമുറകളായി വ്യാപിച്ചു കിടക്കുന്ന പോര്‍ഷ ബോക്സ്റ്ററിന്റെ 357,000 യൂണിറ്റുകള്‍ നാളിതുവരെ കമ്പനി ആഗോളതലത്തില്‍ വിറ്റഴിക്കുകയും ചെയ്തിട്ടുണ്ട്.