Click it and Unblock the Notifications
വില്പ്പന ഗ്രാമീണ മേഖലയിലേക്കും; CSC കൈകോര്ത്ത് 300 ബുക്കിംഗ് സെന്ററുകള് തുറന്ന് Renault
വില്പ്പന ഗ്രാമീണ മേഖലകളിലേക്കും, ഗ്രാമീണ ഉപഭോക്താക്കളിലേക്ക് എത്തിച്ചേരാനുള്ള ശ്രമത്തില്, CSC (കോമണ് സര്വീസ് സെന്റര്) ഗ്രാമീണ് ഇ-സ്റ്റോറുകളുമായി സഹകരിച്ച് രാജ്യത്തുടനീളം 300 ബുക്കിംഗ് സെന്ററുകള് തുറക്കുമെന്ന് പ്രഖ്യാപിച്ച് നിര്മാതാക്കളായ റെനോ ഇന്ത്യ.
താല്പ്പര്യമുള്ള ഉപഭോക്താക്കള്ക്ക് ഇപ്പോള് റെനോ ബുക്കിംഗ് സെന്ററില് QR കോഡ് സ്കാന് ചെയ്ത് ഏറ്റവും കുറഞ്ഞ ഡോക്യുമെന്റേഷന് ഔപചാരികതകളോടെ ഒരു റെനോ വാഹനം ബുക്ക് ചെയ്യാനും സാധിക്കും.
കൂടാതെ, പുതിയ റെനോ ബുക്കിംഗ് സെന്ററുകള് ഉല്പ്പന്നങ്ങള്, ഫീച്ചറുകള്, വിലകള്, സാമ്പത്തിക പദ്ധതികള്, ബാധകമായ ഓഫറുകള് എന്നിവയുമായി ബന്ധപ്പെട്ട വിവരങ്ങളും ഇതുവഴി ലഭിക്കുകയും ചെയ്യും.
ബുക്കിംഗ് സെന്ററുകളില് വില്ലേജ് ലെവല് എന്റര്പ്രണര്മാരെ (VLEs) സജ്ജീകരിച്ചിരിക്കുന്നുവെന്നും, ഗ്രാമീണ മേഖലയിലെ ഉപഭോക്താക്കള്ക്ക് വില്പന സാധ്യമാക്കുന്നതിന് സാമ്പത്തിക, ഉല്പ്പന്നങ്ങളുമായി ബന്ധപ്പെട്ട എല്ലാ സംശയങ്ങളും നിറവേറ്റുന്നുണ്ടെന്നും ഫ്രഞ്ച് വാഹന നിര്മ്മാതാവ് അവകാശപ്പെടുന്നു.
CSC സ്കീമിന്റെ നടത്തിപ്പിന് മേല്നോട്ടം വഹിക്കുന്നതിനായി 1956-ലെ കമ്പനീസ് ആക്ട് പ്രകാരം ഇലക്ട്രോണിക്സ് & ഐടി മന്ത്രാലയം CSC ഇ-ഗവേണന്സ് സര്വീസസ് ഇന്ത്യ, സ്പെഷ്യല് പര്പ്പസ് വെഹിക്കിള് സ്ഥാപിച്ചു.
കമ്പനി പ്രസ്താവിച്ചതുപോലെ, CSC SPV, CSC വഴി പൗരന്മാര്ക്ക് സേവനങ്ങള് എത്തിക്കുന്നതിന് ഒരു കേന്ദ്രീകൃത സഹകരണ ചട്ടക്കൂട് നല്കുന്നു, കൂടാതെ പദ്ധതിയുടെ വ്യവസ്ഥാപരമായ പ്രവര്ത്തനക്ഷമതയും സുസ്ഥിരതയും ഉറപ്പാക്കുകയും ചെയ്യുന്നു.
ഗ്രാമപ്രദേശങ്ങളില് അതിന്റെ വ്യാപ്തി വര്ദ്ധിപ്പിക്കുന്നതിനും വിദൂര പ്രദേശങ്ങളിലെ സാധ്യതയുള്ള ഉപഭോക്താക്കളുമായി കൂടുതല് അടുക്കുന്നതിനുമായി കമ്പനി കഴിഞ്ഞ വര്ഷം CSC ഗ്രാമീണ് ഇസ്റ്റോറുമായി സഹകരിച്ചിരുന്നു.
അടുത്തിടെ, ആറ് കോടി ഗ്രാമീണ പൗരന്മാര്ക്ക് ഡിജിറ്റല് സാക്ഷരത നല്കാന് ലക്ഷ്യമിടുന്ന ഇന്ത്യന് ഗവണ്മെന്റിന്റെ പ്രധാന പരിപാടിയായ പ്രധാനമന്ത്രി ഗ്രാമീണ ഡിജിറ്റല് സാക്ഷാത് അഭിയാന് (PMGDISHA) പിന്തുണയ്ക്കാന് CSC ഇ-ഗവേണന്സ് സേവനങ്ങളുമായി റെനോ കൈകോര്ത്തിരുന്നു.
അതേസമയം മറ്റ് ഇടങ്ങളില് വില്പ്പന വര്ധിപ്പിക്കുന്നതിനുള്ള പദ്ധതികളും കമ്പനി ഒരുക്കുന്നുണ്ട്. ഇതിന്റെ ഭാഗമായി നിലവില് ബ്രാന്ഡ് നിരയില് ഉള്ള ക്വിഡ്, കൈഗര്, ട്രൈബര് എന്നീ മോഡലുകള്ക്ക് കുറ്ച്ച് അപഡേറ്റുകളും കമ്പനി നല്കിയിരുന്നു.
ഈ നവീകരണങ്ങള് അതാത് സെഗ്മെന്റില് മോഡലുകളുടെ വില്പ്പന വര്ധിപ്പിക്കുന്നതിന് സഹായിക്കുമെന്നാണ് കമ്പനിയുടെ പ്രതീക്ഷ.
നേരത്തെ കമ്പനി പോര്ട്ട്ഫോളിയോയില് നിന്നും ഡസ്റ്റര് നീക്കം ചെയ്തിരുന്നു. 2022 ജനുവരി മുതല് വാഹനത്തിന്റെ പ്രൊഡക്ഷന് അവസാനിപ്പിച്ചതായും നിലവിലുള്ള സ്റ്റോക്ക് വിറ്റഴിക്കുന്നതുവരെ മാത്രമാകും ഡസ്റ്ററിന്റെ വില്പ്പനയെന്നും കമ്പനി അറിയിച്ചിട്ടുണ്ട്.
അവസാനമായി കൈഗര് കോംപാക്ട് എസ്യുവിയാണ് റെനോ നവീകരണങ്ങളോടെ വിപണിയില് അവതരിപ്പിച്ചിരിക്കുന്നത്. നവീകരണങ്ങളോടെ എത്തുന്ന മോഡലിന് 5.48 ലക്ഷം രൂപയാണ് പ്രാരംഭ എക്സ്ഷോറൂം വില. പഴയ പതിപ്പില് നിന്ന് 5,000 രൂപയുടെ വര്ധനവാണ് പുതിയ മോഡലില് ഉണ്ടായിരിക്കുന്നത്.
വില വര്ധനവിന് അനുസൃതമായി പുതിയ ഫീച്ചറുകളും കോസ്മെറ്റിക് നവീകരണങ്ങളും കമ്പനി വാഹനത്തില് ഉള്പ്പെടുത്തിയിട്ടുണ്ട്. പുതിയ മോഡല് വരും മാസങ്ങളില് വില്പ്പന ഉയര്ത്തുമെന്ന പ്രതീക്ഷയിലാണ് റെനോ.
എന്നാല് നവീകരിച്ച പതിപ്പിന്റെ എഞ്ചിന് മാറ്റമില്ലാതെ തുടരുകയും ചെയ്യുന്നു. പുതിയ പതിപ്പിന് മുന് ബമ്പറിന് പുതിയ സില്വര് സ്കിഡ് പ്ലേറ്റും ടെയില് ഗേറ്റിന് പുതിയ ക്രോം ഗാര്ണിഷും ലഭിക്കും. ടര്ബോ-പെട്രോള് വേരിയന്റുകള്ക്ക് ഡോര് ക്ലാഡിംഗുകള്ക്ക് മുകളില് ഒരു പുതിയ 'ടര്ബോ' ഡെക്കലും ലഭിക്കുന്നു, കൂടാതെ 16 ഇഞ്ച് അലോയ്കള്ക്ക് പുതിയ റെഡ് ആക്സന്റുകള് ലഭിക്കും. ബ്ലാക്ക് റൂഫ് കളര് ഓപ്ഷനോടു കൂടിയ പുതിയ ഫങ്കി ഡ്യുവല്-ടോണ് മസ്റ്റാര്ഡ് യെല്ലോയും കൈഗറിന് ലഭിക്കുന്നു. ട്രൈബര് എംപിവിയിലും ഈ നിറം ലഭ്യമാണ്.
ഫീച്ചറുകളുടെ കാര്യത്തില്, കൈഗറിന് ഇപ്പോള് ക്രൂയിസ് കണ്ട്രോളും വയര്ലെസ് ഫോണ് ചാര്ജിംഗും ലഭിക്കുന്നു, എന്നിരുന്നാലും ഏത് വേരിയന്റില് നിന്നാണ് ഇത് വാഗ്ദാനം ചെയ്യുന്നതെന്ന് റെനോ വ്യക്തമാക്കിയിട്ടില്ല. ഇതുവരെ, സ്മാര്ട്ട്+ പാക്കിനൊപ്പം വയര്ലെസ് ചാര്ജിംഗ് ഓപ്ഷണല് എക്സ്ട്രാ ആയി മാത്രമേ ലഭ്യമായിരുന്നുള്ളൂ, അതേസമയം ക്രൂയിസ് കണ്ട്രോള് പൂര്ണ്ണമായും നഷ്ടമായിരുന്നു. കൈഗറിന്റെ എതിരാളികളായ ഹ്യുണ്ടായി വെന്യു, കിയ സോനെറ്റ്, മാരുതി വിറ്റാര ബ്രെസ എന്നിവയും രണ്ടോ അതിലധികമോ ഫീച്ചറുകളോടെ ഇതിനകം ലഭ്യമായിരുന്നു.
ഇന്റീരിയറിന് ഡാഷ്ബോര്ഡില് റെഡ് ആക്സന്റും റെഡ് കോണ്ട്രാസ്റ്റ് സ്റ്റിച്ചിംഗോടുകൂടിയ സീറ്റുകള്ക്ക് പുതിയ ക്വില്റ്റഡ് പാറ്റേണും ലഭിക്കുന്നു. കൂടാതെ, റെനോ PM2.5 എയര് ഫില്ട്ടര് ശ്രേണിയില് സ്റ്റാന്ഡേര്ഡ് ആക്കിയിട്ടുണ്ട്.
അതോടൊപ്പം തന്നെ 2010-ല് ഉല്പ്പാദനം ആരംഭിച്ചതിനു ശേഷം ചെന്നൈയിലെ ഒറഗഡത്തുള്ള റെനോ-നിസാന്റെ സഖ്യ നിര്മാണ പ്ലാന്റ് 35 ലക്ഷം പവര്ട്രെയിന് യൂണിറ്റുകള് ഉല്പ്പാദിപ്പിച്ചതായും ഇരുവരും വ്യക്തമാക്കി.
കണക്കുകള് പരിശോധിച്ചാല്, റെനോ-നിസാന് നിര്മ്മാണ പ്ലാന്റില് 23 ലക്ഷം യൂണിറ്റ് എഞ്ചിനുകളും 12 ലക്ഷം യൂണിറ്റ് ഗിയര്ബോക്സുകളും നിര്മ്മിച്ചു.
നിലവിലെ സാഹചര്യത്തില്, റെനോ-നിസാന്റെ നിര്മ്മാണ പ്ലാന്റിന് 6 എഞ്ചിന് വേരിയന്റുകളും 4 തരം ഗിയര്ബോക്സുകളും ഉത്പാദിപ്പിക്കാനുള്ള ശേഷിയുണ്ട്. കൂടാതെ, ഈ നിര്മ്മാണ പ്ലാന്റ് ആഭ്യന്തര, അന്തര്ദേശീയ വിപണികള്ക്കായി പവര്ട്രെയിനുകള് ഉത്പാദിപ്പിക്കുകയും ചെയ്യുന്നു.
Continue with Google