Click it and Unblock the Notifications
ആദ്യ ഇവി അവതരിപ്പിച്ച് Rolls Royce; 520 കി.മീ റേഞ്ചുമായി 'സ്പെക്ടര്' വരുന്നു
ബ്രിട്ടീഷ് ആഡംബര കാര് നിര്മാതാക്കളായ റോള്സ് റോയ്സ് തങ്ങളുടെ ആദ്യ ഇലക്ട്രിക് സെഡാനായ സ്പെക്ടര് ഔദ്യോഗികമായി അവതരിപ്പിച്ചു. സൂപ്പര് ലക്ഷ്വറി കാറുകള്ക്ക് പേരുകേട്ട ഐക്കണിക് ബ്രാന്ഡിന്റെ ചരിത്രത്തിലെ ഒരു നിര്ണായക വഴിത്തിരിവാണ് സ്പെക്ടര്. അടുത്ത വര്ഷം അവസാനത്തോടെയാകും ലോഞ്ച്.
റോള്സ് റോയ്സ് വൈദ്യുതീകരണത്തിന് എത്രത്തോളം അനുയോജ്യമാണെന്ന് സ്പെക്ടര് തെളിയിക്കുന്നതായി കാര് നിര്മ്മാതാക്കള് അവകാശപ്പെട്ടു. ഇത് പൂര്ണ്ണമായും അലുമിനിയം ഘടനയിലാണ് നിര്മ്മിച്ചിരിക്കുന്നത്. ഫാന്റം, കള്ളിനന് എന്നിവയുമായി പ്ലാറ്റ്ഫോം പങ്കിടുന്നു. കൂടാതെ കാര് നിര്മ്മാതാവിന്റെ ഫാന്റം കൂപ്പെയുടെ പിന്ഗാമി കൂടിയാണിത്.
ആഡംബര വിഭാഗത്തിലെ ആത്യന്തിക അഭിലാഷം എന്ന നിലയില് മാത്രമല്ല ശക്തമായ പ്രകടന യോഗ്യതകളുള്ള ഒരു ഇവി എന്ന നിലയിലും കൂടിയാണ് റോള്സ് റോയ്സ് സ്പെക്ടര് അനാവരണം ചെയ്തത്.
കാര് നിര്മ്മാതാവ് സ്പെക്ടറിന് പരമാവധി 577 bhp കരുത്തും 900 Nm പീക്ക് ടോര്ക്കും വാഗ്ദാനം ചെയ്യുന്നു. വെറും 4.5 സെക്കന്ഡില് പൂജ്യത്തില് നിന്ന് 100 കിലോമീറ്റര് വേഗത കൈവരിക്കാന് സ്പെക്ടറിന് കഴിയുമെന്ന് റോള്സ് റോയ്സ് അവകാശപ്പെടുന്നു. റോള്സ് റോയ്സ് ഇതുവരെ ബാറ്ററി പാക്കിനെ കുറിച്ചോ ചാര്ജിംഗ് കഴിവുകളെ കുറിച്ചോ ഒരു വിവരവും പങ്കുവെച്ചിട്ടില്ല. എങ്കിലും ഫുള് ചാര്ജില് ഇവി 520 കിലോമീറ്റര് സഞ്ചരിക്കുമെന്നാണ് റിപ്പോര്ട്ടുകള്.
റോള്സ്-റോയ്സ് മോട്ടോര് കാര്സ് ചീഫ് എക്സിക്യൂട്ടീവ് ഓഫീസര് ടോര്സ്റ്റെന് മുള്ളര്-ഒട്ടോവോസ് ഇന്നലെ നടന്ന ഡിജിറ്റല് ചടങ്ങില് സ്പെക്ടര് ഔദ്യോഗികമായി അവതരിപ്പിച്ചു. 'ഇത് ഞങ്ങളുടെ ബ്രാന്ഡിനും കസ്റ്റമേഴ്സിനും ആഡംബര വ്യവസായത്തിനും ഒരു ധീരമായ പുതിയ അധ്യായത്തിന്റെ തുടക്കമാണ്. ഇക്കാരണത്താല് തന്നെ റോള്സ് റോയ്സ് ഇതുവരെ നിര്മ്മിച്ചതില് വച്ച് ഏറ്റവും മികച്ച ഉല്പ്പന്നമാണ് സ്പെക്ടറെന്ന് ഞാന് വിശ്വസിക്കുന്നു' ടോര്സെറ്റന് മുള്ളര് ഓട്ടോവോസ് പറഞ്ഞു.
ഡിസൈനും ഫീച്ചറുകളും
റോള്സ്-റോയ്സ് സ്പെക്റ്റര് ഒരു ഇവി ആയിരിക്കുമെങ്കിലും ബ്രിട്ടീഷ് ആഡംബര കാര് നിര്മ്മാതാവിന്റെ ഡിസൈന് തത്വശാസ്ത്രവുമായി തികച്ചും യോജിക്കുന്നതാണ് ഇതിന്റെ ഡിസൈന്. ഹോട്ട് കോച്ചര്, മോഡേണിസ്റ്റ് സ്കള്പ്ചര്, നോട്ടിക്കല് ഡിസൈന്, ടൈലറിംഗ്, സമകാലിക കല എന്നിവയില് നിന്ന് പ്രചോദനം ഉള്ക്കൊണ്ടാണ് സ്പെക്ടര് ഫാസ്റ്റ്ബാക്ക് ഡിസൈന് നിര്മ്മിച്ചതെന്ന് റോള്സ് റോയ്സ് അവകാശപ്പെടുന്നു.
സ്പെക്ടറിന്റെ സവിശേഷത വലിയ പാന്തിയോണ് ഗ്രില്ലാണ്. അത് മുമ്പത്തേക്കാള് മെലിഞ്ഞതും വീതിയുള്ളതും രാത്രിയില് പ്രകാശിക്കുന്നതുമാണ്. ഡാര്ക്ക് പാനലുകള്ക്ക് പിന്നിലെ റിസെസ്ഡ് ഹെഡ്ലൈറ്റുകള്ക്ക് മുകളില് മിനുസമാര്ന്ന എല്ഇഡി ഡിആര്എല്ലുകളാണ് ഗ്രില്ലിന് ചുറ്റും. ഐക്കണിക് സ്പിരിറ്റ് ഓഫ് എക്സ്റ്റസി പോലും കഴിയുന്നത്ര എയറോഡൈനാമിക് ആക്കുന്നതിനായി പുനര്നിര്മ്മിച്ചു.
പുതിയ സ്പെക്റ്ററിന്റെ വശങ്ങള് പിന്നില് ഹിംഗഡ് ചെയ്ത കൂറ്റന് ഡോറുകളും 23 ഇഞ്ച് വീലുകളും ആധിപത്യം പുലര്ത്തുന്നു. ഇത് റോള്സ് റോയ്സില് ആദ്യത്തേതാണ്. പിന്ഭാഗത്ത് റൂഫ് ബൂട്ട് ലിഡ് സെക്ഷനിലേക്ക് പതുക്കെ കയറുന്നുണ്ട്. ലംബമായ LED ടെയില്ലൈറ്റുകള് സ്പെക്ടറിന്റെ വളരെ വീതിയുള്ള പിന്ഭാഗത്തിന്റെ ഇരുവശത്തും നല്കിയിരിക്കുന്നു.
അകത്തു കടന്നാല് റോള്സ് റോയ്സ് ഡിഎന്എ പുതിയ സ്പെക്ട്രറില് എല്ലായിടത്തും കാണാനാകും. റൂഫിലും ഡോര് കാര്ഡുകളിലും ഡാഷിലും എല്ലായിടത്തും ലൈറ്റുകള് ഉണ്ട്. ബോര്ഡില് ഒരു കൂട്ടം സാങ്കേതിക വിദ്യകളും ഉണ്ട്, ഇവയെല്ലാം നിയന്ത്രിക്കുന്നത് സ്പെക്ടറിന്റെ സ്പിരിറ്റ് സോഫ്റ്റ്വെയര് ആര്ക്കിടെക്ചറിലൂടെയാണ്. സ്പിരിറ്റ് ബ്രാന്ഡിന്റെ വിസ്പേഴ്സ് ആപ്ലിക്കേഷനുമായി പൂര്ണ്ണമായി സംയോജിപ്പിച്ചിരിക്കുന്നു. ഇത് ക്ലയന്റിന് അവരുടെ കാറുമായി വിദൂരമായി സംവദിക്കാനും ലക്ഷ്വറി ഇന്റലിജന്സ് സ്പെഷ്യലിസ്റ്റുകള് ക്യൂറേറ്റ് ചെയ്യുന്ന തത്സമയ വിവരങ്ങള് സ്വീകരിക്കാനും അനുവദിക്കുന്നു.
റോള്സ് റോയ്സ് സ്പെക്ടര് ബ്രിട്ടീഷ് ലക്ഷ്വറി മാര്ക്സിന്റെ ആദ്യ പ്രൊഡക്ഷന് ഇവിയാണ്. ഇലക്ട്രിക് കാര് ആണെങ്കിലും പുതിയ സ്പെക്ടര് റോള്സ് റോയ്സ് ഫാന്റം കൂപ്പെയുടെ പിന്ഗാമിയായി കാണപ്പെടുന്നു. ബെന്റ്ലിയുടെ വരാനിരിക്കുന്ന ആദ്യ ഇലക്ട്രിക് കാറിനെതിരെയാണ് റോള്സ് റോയ്സ് സ്പെക്ടര് മത്സരിക്കുക.
Continue with Google