Slavia -യുടെ ഡെലിവറികൾ ആരംഭിച്ച് Skoda; പ്രീമിയം സെഡാൻ സെഗ്മെന്റിലെ മോഡലുകളുടെ വിലകൾ ഇങ്ങനെ

ഇത് പ്രീമിയം സെഡാൻ സെഗ്‌മെന്റിലേക്ക് പുതിയ മാനദണ്ഡങ്ങൾ കൊണ്ടുവരുന്നു, അത് തീർച്ചയായും ഉപഭോക്താക്കളുടെ ശ്രദ്ധ ആകർഷിക്കും.

പുതിയ സ്ലാവിയയുടെ ഡെലിവറി ഇതിനോടകം നിർമ്മാതാക്കൾ ആരംഭിച്ചു കഴിഞ്ഞു. എതിരാളികൾക്കെതിരെ ഇത് എങ്ങനെ പ്രവർത്തിക്കുമെന്ന് മനസിലാക്കാൻ, സ്‌കോഡ സ്ലാവിയയും ഹോണ്ട സിറ്റിയും ഹ്യുണ്ടായി വെർണയും മാരുതി സുസുക്കി സിയാസും തമ്മിലുള്ള ഒരു ക്വിക്ക് താരതമ്യം ഇതാ.

വിപണിയിലെ മറ്റൊരു സെഡാൻ മാത്രമായി സ്ലാവിയ ഒതുക്കാൻ സ്കോഡയ്ക്ക് മനസ്സുണ്ടായിരുന്നില്ല. എതിരാളികൾക്കെതിരെ നിലകൊള്ളുന്നത് ഇതിന് കാര്യമായ മികവുകളും അപ്പ്ഡേറ്റുകളും ചെക്ക് വാഹന നിർമ്മാതാക്കൾ നൽകിയിരിക്കുന്നു.

സെഡാന് മിനുസമാർന്ന കർവുകളും രൂപരേഖകളും ഷാർപ്പ് ലൈനുകളും ഉൾക്കൊള്ളുന്ന ആകർഷകമായ രൂപകൽപ്പനയോടെയാണ് സ്ലാവിയ വരുന്നത്. ഇത് പുതുമയുള്ളതായി തോന്നുന്നതിനാൽ, ആദ്യ മാസങ്ങളിലെങ്കിലും ശക്തമായ വിൽപ്പന നമ്പറുകൾ രജിസ്റ്റർ ചെയ്യുമെന്ന് പ്രതീക്ഷിക്കുന്നു.

സ്റ്റൈലിംഗിന്റെ കാര്യത്തിൽ, എതിരാളികളായ സിറ്റി, വെർണ, സിയാസ് എന്നിവർക്ക് അവരുടേതായ ചാരുതയും ആകർഷകത്വവുമുണ്ട്. പ്രീമിയം, ക്ലാസ്, എലഗൻസ്, മച്യൂരിറ്റി എന്നിവയുടെ സെൻസ് ഈ സെഗ്‌മെന്റിലെ എല്ലാ സെഡാനുകളിലും കാണാൻ കഴിയും.

എല്ലാ പ്രീമിയം സെഡാനുകൾക്കും സുഗമമായ, സ്കൾപ്പ്റ്റഡ് പ്രൊഫൈൽ ഉണ്ട്. ഈ വിഭാഗത്തിൽ ഒരു തെരഞ്ഞെടുക്കൽ അല്ലെങ്കിൽ ചോയ്സ് ആത്യന്തികമായി വ്യക്തിഗത അഭിരുചികളെയും മുൻഗണനകളെയും ആശ്രയിച്ചിരിക്കും.

1752 mm വലിപ്പമുള്ള സ്കോഡ സ്ലാവിയ സെഗ്‌മെന്റിലെ ഏറ്റവും വീതിയുള്ള സെഡാനാണ്. 2651 mm നീളമുള്ള വീൽബേസിനൊപ്പം ശക്തമായ സ്ട്രീറ്റ് സാന്നിധ്യവും ഇത് ഉണ്ടാക്കുന്നു. 2650 mm വീൽബേസുമായി സിയാസ് സ്ലാവിയയുടെ വളരെ അടുത്താണ്. 521 ലിറ്റർ ക്ലാസ് ലീഡിംഗ് ബൂട്ട് സ്പേസിലും 179 mm ഗ്രൗണ്ട് ക്ലിയറൻസിലും സ്ലാവിയയ്ക്ക് ലഭിക്കുന്നു.

4549 mm ആയി ഈ സെഗ്‌മെന്റിലെ ഏറ്റവും നീളം കൂടിയ സെഡാൻ ഹോണ്ട സിറ്റിയാണ്. 4541 mm നീളമുള്ള സ്ലാവിയയാണ് രണ്ടാമത്. 4440 mm നീളവുമായി വെർണയാണ് ഏറ്റവും ഒതുക്കമുള്ളത്. ഉയരത്തിന്റെ കാര്യത്തിൽ, എല്ലാ സെഡാനുകളും ഏതാണ്ട് തുല്യമായി സ്ഥാപിച്ചിരിക്കുന്നു.

സ്കോഡ സ്ലാവിയയ്ക്ക് 1.0 ലിറ്റർ TSI, 1.5 ലിറ്റർ TSI പെട്രോൾ എഞ്ചിൻ ഓപ്ഷനുകൾ ലഭിക്കുന്നു. പവർ ഔട്ട്പുട്ട് യഥാക്രമം 113 bhp / 178 Nm ഉം 148 bhp / 250 Nm ഉം ആണ്. ട്രാൻസ്മിഷൻ ഓപ്ഷനുകളിൽ 1.0 ലിറ്റർ മോട്ടോറിന് ആറ് സ്പീഡ് MT / AT, 1.5 ലിറ്റർ എഞ്ചിന് ആറ് സ്പീഡ് MT / ഏഴ് സ്പീഡ് DSG എന്നിവ ഉൾപ്പെടുന്നു.

119 bhp പവറും 145 Nm torque ഉം ഉത്പാദിപ്പിക്കുന്ന 1.5 ലിറ്റർ NA യൂണിറ്റാണ് ഹോണ്ട സിറ്റി പെട്രോൾ എഞ്ചിൻ. ഇത് ആറ് സ്പീഡ് മാനുവൽ അല്ലെങ്കിൽ CVT ട്രാൻസ്മിഷനുമായി ഇണചേർന്നിരിക്കുന്നു. 1.5 ലിറ്റർ NA പെട്രോളും 1.0 ലിറ്റർ ടർബോ പെട്രോൾ മോട്ടോറുമാണ് വെർണയ്ക്കുള്ളത്. ഇവയുടെ ഔട്ട്പുട്ട് 113 bhp / 144 Nm ഉം, 118 bhp / 171 Nm ഉം ആണ്. ട്രാൻസ്മിഷൻ ഓപ്ഷനുകളിൽ യഥാക്രമം ആറ് സ്പീഡ് MT / CVT, ഏഴ് സ്പീഡ് DCT എന്നിവ ഉൾപ്പെടുന്നു.

1.5 ലിറ്റർ NA പെട്രോൾ മോട്ടോർ മാത്രമാണ് മാരുതി സിയാസ് വാഗ്ദാനം ചെയ്യുന്നത്. ഇത് 103 bhp കരുത്തും 138 Nm torque ഉം നൽകുന്നു. എഞ്ചിൻ അഞ്ച് സ്പീഡ് മാനുവൽ അല്ലെങ്കിൽ നാല് സ്പീഡ് ഓട്ടോമാറ്റിക് യൂണിറ്റുമായി കണക്ട് ചെയ്തിരിക്കുന്നു.

ലോഞ്ച് സമയത്ത്, സ്ലാവിയ 1.0 ലിറ്റർ വേരിയന്റുകളുടെ വില മാത്രമാണ് സ്കോഡ വെളിപ്പെടുത്തിയത്. 10.69 ലക്ഷം മുതൽ 15.39 ലക്ഷം രൂപ വരെ എക്സ്-ഷോറൂം വിലയ്ക്ക് ഇവ ലഭ്യമാണ്. ഏറ്റവും താങ്ങാനാവുന്ന പ്രീമിയം സെഡാൻ 8.87 ലക്ഷം മുതൽ 11.86 ലക്ഷം രൂപ വരെ വിലയ്ക്ക് വരുന്ന സിയാസ് ആയി തുടരുന്നു.

Image Courtesy: Shubham Gandhi