ആകാംഷകൾ വാനോളം ഉയർത്തി Tata Altroz ഇവിയുടെ പുത്തൻ സ്പൈ ചിത്രങ്ങൾ പുറത്ത്

ആൾട്രോസ് DCA ഇതിനോടകം നിർമ്മാതാക്കൾ പുറത്തിറക്കിയിരിക്കുന്നതിനാൽ, ടാറ്റ ആൾട്രോസിന്റെ പൂർണ്ണമായി കവർ ചെയ്തിരിക്കുന്ന ടെസ്റ്റ് മ്യൂൾ ഉപയോഗിച്ച് പരീക്ഷണം നടത്തുന്നത് എന്താണെന്ന് വ്യക്തമല്ല. ഈ ടെസ്റ്റിംഗ് ആൾട്രോസ് ഇവിയുടേതാകാൻ സാധ്യതയുണ്ട്.

ഇലക്ട്രിക് ഹാച്ച്ബാക്ക് NH48 -ലാണ് ക്യാമറയിൽ കുടുങ്ങിയത്. ടിഗോർ ഇവിയിലും നെക്‌സോൺ ഇവിയിലും ടാറ്റ മോട്ടോർസ് ഉപയോഗിക്കുന്ന അതേ സിപ്‌ട്രോൺ സാങ്കേതികവിദ്യയുമായി ഇത് വരുമെന്ന് പ്രതീക്ഷിക്കുന്നു. ഇന്ത്യൻ വിപണിയിൽ ഇലക്ട്രിക് ഹാച്ച്ബാക്കിന് ടാറ്റ മത്സരാധിഷ്ഠിത വില നൽകുമെന്ന് പ്രതീക്ഷിക്കുന്നു.

മുൻ മാധ്യമ റിപ്പോർട്ടുകളിൽ, ആൾട്രോസ് ഇവിക്ക് 500 കിലോമീറ്റർ ഡ്രൈവിംഗ് റേഞ്ച് ബ്രാൻഡ് നൽകുമെന്ന് പ്രതീക്ഷിച്ചിരുന്നു. പ്രീമിയം ഹാച്ച്ബാക്ക് അടിസ്ഥാനമാക്കിയുള്ള അധിക ബാറ്ററി പാക്കും ALFA ആർക്കിടെക്ചറും കാരണം ഈ ഡ്രൈവിംഗ് റേഞ്ച് സാധ്യമാണ്.

എന്നിരുന്നാലും, എസ്‌യുവികളാണ് പുതിയ ട്രെൻഡ് എന്നതിനാൽ, ടാറ്റ മോട്ടോർസ് ആദ്യം പഞ്ച് ഇവി കൊണ്ടുവന്നേക്കാം. ആഭ്യന്തര വാഹന നിർമ്മാതാക്കൾ ഏപ്രിൽ 29 -ന് പുതിയ ഇലക്ട്രിക് വാഹനം അവതരിപ്പിക്കും. ടാറ്റ മോട്ടോർസ് എന്താണ് പ്ലാൻ ചെയ്യുന്നതെന്ന് ഇതുവരെ അറിവായിട്ടില്ല.

ടാറ്റ നിലവിൽ നെക്‌സോൺ ഇവിയുടെ ലോംഗ് റേഞ്ച് പതിപ്പിന്റെ പണിപ്പുരയിലാണ്. നിലവിലെ നെക്സോൺ ഇവിയും ഈ ലോംഗ് റേഞ്ച് നെക്സോണിന് ഒപ്പം ടാറ്റ വിൽക്കും.

അതിനാൽ, മിക്ക ദൈനംദിന യാത്രകൾക്കും ഇലക്ട്രിക് വാഹനം വാങ്ങുന്ന ആളുകൾക്ക് സാധാരണ നിലവിലെ നെക്‌സോൺ ഇവി ലഭിക്കും, അതേസമയം ദീർഘദൂര യാത്രകൾക്ക് വാഹനം ഉപയോഗിക്കാൻ ആഗ്രഹിക്കുന്ന ആളുകൾക്ക് ലോംഗ് റേഞ്ച് മോഡൽ സ്വന്തമാക്കാം. സൗന്ദര്യപരമായി, ഇത് നിലവിലെ നെക്സോൺ ഇവി യിൽ നിന്ന് വളരെ വ്യത്യസ്തമായിരിക്കില്ല. എന്നിരുന്നാലും, മെക്കാനിക്കൽ നവീകരണങ്ങൾ ഉണ്ടാകും.

നിലവിലെ നെക്സോൺ ഇവി 30.2 kWh ബാറ്ററിയുമായി വരുന്നു, എന്നാൽ ലോംഗ് റേഞ്ച് നെക്സോൺ ഇവി 40 kWh ബാറ്ററി പാക്കിലാണ് വരുന്നത്. സിംഗിൾ ചാർജിൽ 312 കിലോമീറ്ററാണ് നെക്‌സോൺ ഇവിയ്ക്ക് ടാറ്റ അവകാശപ്പെടുന്ന ഡ്രൈവിംഗ് റേഞ്ച്.

ലോംഗ് റേഞ്ച് നെക്‌സോൺ ഇവിക്കൊപ്പം ഇത് 400 കിലോമീറ്റർ വരെ ഉയരുമെന്ന് പ്രതീക്ഷിക്കുന്നു. 200 മുതൽ 250 കിലോമീറ്റർ വരെയാണ് നെക്‌സോൺ ഇവിയുടെ യഥാർത്ഥ ഡ്രൈവിംഗ് റേഞ്ച്. ഇത് 300 കിലോമീറ്ററായി ഉയരും, ഇത് ദീർഘദൂര യാത്രകൾ ചെയ്യാൻ ഉപഭോക്താകളെ സഹായിക്കും.

അധിക ബാറ്ററി പാക്ക് കാരണം, ലോംഗ് റേഞ്ച് നെക്സോൺ ഇവിയുടെ വില ഏകദേശം 17 ലക്ഷം മുതൽ രൂപ 18 ലക്ഷം രൂപയായിരിക്കും. നിലവിലെ നെക്സോൺ ഇവി യുടെ വില ആരംഭിക്കുന്നത് 14.54 ലക്ഷം രൂപയ്ക്കാണ്, ഇത് ടോപ്പ് സ്പെക്ക് മോഡലിന് 17.15 ലക്ഷം രൂപ വരെ ഉയരുന്നു.

അധിക ബാറ്ററി പാക്ക് ബൂട്ട് സ്‌പെയ്‌സിൽ സ്റ്റോർ ചെയ്യുമെന്ന് പ്രതീക്ഷിക്കുന്നു, അതിനാൽ ബൂട്ട് സ്പേസ് കുറയും. 350 ലിറ്ററിന്റെ ബൂട്ട് സ്പേസാണ് നെക്‌സോൺ ഇവിക്കുള്ളത്. പുതിയ ആവശ്യകത അനുസരിച്ച് ഫ്ലോർ പ്ലാനിൽ ടാറ്റയും മാറ്റം വരുത്തേണ്ടി വരും.

ഉയർന്ന വിലയെ ന്യായീകരിക്കാൻ ടാറ്റ മോട്ടോർസ് ലോംഗ് റേഞ്ച് നെക്‌സോൺ ഇവിയിലേക്ക് കൂടുതൽ സവിശേഷതകൾ ചേർക്കും. ക്രമീകരിക്കാവുന്ന റീജനറേഷൻ, വെന്റിലേറ്റഡ് സീറ്റുകൾ, ക്രൂയിസ് കൺട്രോൾ, ഇലക്ട്രോണിക് സ്റ്റെബിലിറ്റി പ്രോഗ്രാം, റിയർ ഡിസ്ക് ബ്രേക്കുകൾ എന്നിവയോടെയാണ് ഇത് വരുന്നത്.

ലോംഗ് റേഞ്ച് നെക്സോൺ ഇവി കൂടുതൽ ശക്തമാകുമോ ഇല്ലയോ എന്ന് ഞങ്ങൾക്ക് അറിയില്ല. നിലവിലെ നെക്സോൺ ഇവി പരമാവധി 129 PS പവറും 245 Nm പീക്ക് torque ഉം ഉത്പാദിപ്പിക്കുന്നു. ബാറ്ററി പാക്കിന് ടാറ്റ എട്ട് വർഷത്തെ വാറന്റി വാഗ്ദാനം ചെയ്യുന്നു, കൂടാതെ വെള്ളവും പൊടിയും പ്രതിരോധിക്കുന്ന IP67 യൂണിറ്റുമായി വരുന്നു.

ഇതോടൊപ്പം നിരവധി പുത്തൻ ഇവി മോഡലുകളും പ്രാദേശിക വാഹന ഭീമന്റെ അണിയറയിൽ ഒരുങ്ങുന്നുണ്ട്. ഏപ്രിൽ 29 -ന് ഒരു പുത്തൻ ഇവി വെളിപ്പെടുത്താനുള്ള ഒരുക്കത്തിലാണ് ടാറ്റ മോട്ടോർസ്.

Source: Team BHP