Click it and Unblock the Notifications
Nexon EV പ്രൈം അവതരിപ്പിച്ച് Tata; മാറ്റങ്ങളും നവീകരണങ്ങളും ഇങ്ങനെ
ഫോര് വീല് ഇവി രംഗത്ത് ഒരുപടി മുന്നിലാണ് ടാറ്റ മോട്ടോര്സ്. ടാറ്റയുടെ നെക്സോണ് ഇവിയും, ടിഗോര് ഇവിയും മികച്ച വില്പ്പനയാണ് ബ്രാന്ഡിന് സമ്മാനിക്കുന്നതും. ഇതില് നെക്സോണ് ഇവിയാണ് ഒരുപടി മുന്നില് നില്ക്കുന്നതും.
ഈ ജനപ്രീയ മോഡലിനെ ഇപ്പോള് നവീകരിച്ചിരിക്കുകയാണ് കമ്പനി ഇപ്പോള്. അടുത്തിടെയാണ് നെക്സോണ് ഇവിയിലേക്ക് ലോംഗ് റേഞ്ച് പതിപ്പ് വേരിയന്റിനെ അവതരിപ്പിച്ചത്. ഇതിന് പിന്നാലെയാണ് ഇപ്പോള് സാധാരണ പതിപ്പിന്റെ അപ്ഡേറ്റഡ് പതിപ്പുമായി കമ്പനി രംഗത്തെത്തുന്നത്.
നെക്സോണ് ഇവി പ്രൈം എന്ന പേരിലാണ് പുതിയ അപ്ഡേറ്റഡ് പതിപ്പിനെ കമ്പനി അവതരിപ്പിക്കുന്നത്. സ്റ്റാന്ഡേര്ഡ് നെക്സോണ് ഇലക്ട്രിക്കിനെ അപേക്ഷിച്ച് നെക്സോണ് ഇവി മാക്സ് നിരവധി സ്മാര്ട്ട് ഫീച്ചറുകളുമായാണ് എത്തിയിരിക്കുന്നത്.
ആവശ്യമായ വേഗത ക്രമീകരിക്കുന്നതിന് സ്റ്റിയറിംഗ് വീലിലെ ബട്ടണുകളുള്ള ക്രൂയിസ് കണ്ട്രോള് ഇതിന് ലഭിച്ചു. ഇവി മാക്സിന് സെന്ട്രല് കണ്സോളില് രണ്ട് ബട്ടണുകളുടെ രൂപത്തില് ക്രമീകരിക്കാവുന്ന റീജന് മോഡുകളും ലഭിച്ചു, ഇത് റീജനറേറ്റീവ് ബ്രേക്കിംഗിന്റെ അളവ് കൂട്ടുകയോ കുറയ്ക്കുകയോ ചെയ്യുന്നു, ഇത് റേഞ്ച് വര്ദ്ധിപ്പിക്കുകയും സിറ്റിയില് ഒരു പെഡല് പ്രവര്ത്തനത്തിന് ഏറെക്കുറെ അനുവദിക്കുകയും ചെയ്യുന്നു.
നെക്സോണ് ഇവി മാക്സിന് TPMS-വും ലഭിച്ചു, അവിടെ ക്യാബിനിനുള്ളില് നിന്ന് ഒരു ബട്ടണില് ക്ലിക്കുചെയ്യുന്നതിലൂടെയും യാത്രയിലായിരിക്കുമ്പോഴും ടയര് വായു മര്ദ്ദം നിരീക്ഷിക്കാനാകും. ഇതിന് സ്മാര്ട്ട് വാച്ച് കണക്റ്റിവിറ്റിയും ലഭിക്കുന്നു, ഇത് അവരുടെ സ്മാര്ട്ട് വാച്ചില് നിന്ന് നെക്സോണ് ഇവി മാക്സ് ഉപയോഗിച്ച് ഒരു കൂട്ടം കാര്യങ്ങള് ചെയ്യാന് ഉപയോക്താക്കളെ അനുവദിക്കുന്നു.
എന്നാല് തുടക്കകാലത്ത് നെക്സോണ് ഇവി വാങ്ങിയവര്ക്കെല്ലാം ഇത്തരം ഫീച്ചറുകള് നഷ്ടപ്പെടുകയും ചെയ്തു. ഇത് മനസ്സിലാക്കിയ കമ്പനി ഇപ്പോള് സ്റ്റാന്ഡേര്ഡ് നെക്സോണ് ഇലക്ട്രിക്കിന്റെ അപ്ഡേറ്റഡ് പതിപ്പായി നെക്സോണ് ഇവി പ്രൈം എന്നൊരു മോഡലിനെ വിപണിയില് എത്തിച്ചിരിക്കുകയാണ്.
ഈ ഫീച്ചര് അപ്ഗ്രേഡുകള് സൗജന്യമായി ലഭിക്കുന്നതിന് എല്ലാ നെക്സോണ് ഇലക്ട്രിക് ഉടമകള്ക്കും അവരുടെ അടുത്തുള്ള ടാറ്റ ഡീലര്ഷിപ്പ് (ജൂലൈ 25 മുതല്) സന്ദര്ശിക്കാം. ഈ ഫീച്ചറുകള് പ്രവര്ത്തനക്ഷമമാക്കുന്നതിന്, ടാറ്റ മോട്ടോര്സ് ഇത്തരത്തിലുള്ള ആദ്യത്തെ സോഫ്റ്റ്വെയര് അപ്ഡേറ്റ് നടപ്പിലാക്കും.
കൂടാതെ, ഈ ഫീച്ചറുകള് സൗജന്യമായി പ്രവര്ത്തിക്കുന്നതിന് ആവശ്യമായ ഹാര്ഡ്വെയറും ഘടകങ്ങളും കമ്പനി ഇന്സ്റ്റാള് ചെയ്യുമെന്ന് പ്രതീക്ഷിക്കുന്നതായും റിപ്പോര്ട്ടില് പറയുന്നു. ആദ്യ സോഫ്റ്റ്വെയര് അപ്ഡേറ്റ് സൗജന്യമായിരിക്കുമെന്ന് ടാറ്റഅറിയിച്ചു.
സോഫ്റ്റ്വെയര് അപ്ഡേറ്റുകള് വഴി അവര് ഭാവിയില് നിരവധി പുതിയ സവിശേഷതകള് വാഗ്ദാനം ചെയ്യാന് പോകുന്നു എന്നാണ് ഇതിനര്ത്ഥമെന്നും റിപ്പോര്ട്ടില് വ്യക്തമാക്കുന്നു. എന്നാല് ഭാവിയിലെ അപ്ഡേറ്റുകള് സൗജന്യമായിരിക്കില്ല.
നെക്സോണ് EV രാജ്യത്തിന്റെ മുഴുവന് ഭാവനയും കീഴടക്കുകയും അതിന്റെ ലോഞ്ച് മുതല് ഇലക്ട്രിക് വാഹന വിഭാഗത്തില് തുടര്ച്ചയായി നേതൃത്വം നല്കുകയും ചെയ്തുവെന്നാണ് ടാറ്റ പാസഞ്ചര് ഇലക്ട്രിക് മൊബിലിറ്റി ലിമിറ്റഡിന്റെ മാര്ക്കറ്റിംഗ്, സെയില്സ് ആന്ഡ് സര്വീസ് സ്ട്രാറ്റജി ഹെഡ് വിവേക് ശ്രീവത്സവ വ്യക്തമാക്കുന്നത്.
65 ശതമാനത്തിലധികം മാര്ക്കറ്റ് ഷെയറുള്ള ഇവി ഉദ്ദേശിക്കുന്നവര്ക്ക് ഇത് ഡിഫോള്ട്ട് ചോയിസാണ്. നെക്സോണ് ഇവി പ്രൈം ഉപയോഗിച്ച് തങ്ങളുടെ ഉല്പ്പന്ന ഓഫറുകള് എന്നെന്നേക്കുമായി പുതിയതായി നിലനിര്ത്തുന്നതിനുള്ള തങ്ങളുടെ തന്ത്രം കൂടുതല് ശക്തിപ്പെടുത്തുമെന്നാണ് പ്രതീക്ഷിക്കുന്നത്.
നിലവിലെ ഉടമകള്ക്കുള്ള ഈ സോഫ്റ്റ്വെയര് അപ്ഡേറ്റിനൊപ്പം ടാറ്റ ഇവി ഉടമസ്ഥത അനുഭവത്തിന്റെ ഭാഗമായി ഉപഭോക്താക്കള്ക്ക് പ്രതീക്ഷിക്കാവുന്നതിന്റെ പുതിയ മാനദണ്ഡം തങ്ങള് സജ്ജീകരിക്കുമെന്നും വിവേക് ശ്രീവത്സവ അഭിപ്രായപ്പെട്ടു.
Continue with Google