Click it and Unblock the Notifications
ഫെബ്രവരിയിൽ തെരഞ്ഞെടുത്ത മോഡലുകൾക്ക് ആകർഷകമായ ഓഫറുകൾ പ്രഖ്യാപിച്ച് Tata
ടാറ്റ മോട്ടോർസ് തങ്ങളുടെ തെരഞ്ഞെടുത്ത മോഡലുകൾക്ക് 2022 ഫെബ്രുവരിയിൽ ആകർഷകമായ കിഴിവുകളും ആനുകൂല്യങ്ങളും വാഗ്ദാനം ചെയ്യുന്നു. ഇതിൽ ടിയാഗോ, ടിഗോർ, നെക്സോൺ, ഹാരിയർ, സഫാരി എന്നിവ ഉൾപ്പെടുന്നു. ഈ മാസം പരമാവധി 65,000 രൂപ വരെ ആനുകൂല്യങ്ങളാണ് പ്രാദേശിക വാഹന നിർമ്മാതാക്കൾ വാഗ്ദാനം ചെയ്യുന്നത്.
2022 ഫെബ്രുവരി 1 മുതൽ ഫെബ്രുവരി 28 വരെയുള്ള കാലയളവിൽ നടത്തുന്ന പർച്ചേസുകൾക്ക് സാധുതയുള്ള ക്യാഷ് ഡിസ്കൗണ്ടുകളും എക്സ്ചേഞ്ച് ബോണസും മറ്റും ഈ ഓഫറുകളിൽ ഉൾപ്പെടുന്നു. മോഡൽ തിരിച്ചുള്ള വിശദാംശങ്ങൾ ഇതാ:
ടാറ്റ ടിയാഗോ
25,000 രൂപ വരെ ആനുകൂല്യങ്ങളോടെയാണ് ടിയാഗോ വാഗ്ദാനം ചെയ്യുന്നത്. നിങ്ങളുടെ പഴയ കാർ ഡീലർക്ക് വിൽക്കുമ്പോൾ 15,000 രൂപ വരെ എക്സ്ചേഞ്ച് ബോണസും, 10,000 രൂപ ക്യാഷ് ഡിസ്കൗണ്ടും ഇതിൽ ഉൾപ്പെടുന്നു. ഈ ഓഫറുകൾ ടിയാഗോയുടെ സ്റ്റാൻഡേർഡ് മോഡലിൽ പരിമിതപ്പെടുത്തിയിരിക്കുന്നു.
വിലക്കിഴിവ് കൂടാതെ സ്റ്റാൻഡേർഡ് ടിയാഗോ നിലവിൽ 5.19 ലക്ഷം രൂപ മുതൽ 7.29 ലക്ഷം രൂപ വരെ എക്സ്-ഷോറൂം വിലയ്ക്ക് റീട്ടെയിൽ ചെയ്യുന്നു. അഞ്ച് സ്പീഡ് മാനുവൽ അല്ലെങ്കിൽ AMT ട്രാൻസ്മിഷനുമായി ജോടിയാക്കിയ ഒരൊറ്റ പെട്രോൾ എഞ്ചിനാണ് ഹാച്ച്ബാക്കിന് കരുത്തേകുന്നത്.
ടാറ്റ ടിഗോർ
ടിഗോറിന് അതിന്റെ ഹാച്ച്ബാക്ക് സഹോദരന് സമാനമായി 25,000 രൂപ വരെ ആനുകൂല്യങ്ങൾ ടാറ്റ വാഗ്ദാനം ചെയ്യുന്നു. ഇതിൽ 10,000 രൂപ ക്യാഷ് ഡിസ്കൗണ്ടും 15,000 രൂപ വരെ എക്സ്ചേഞ്ച് ബോണസും ഉൾപ്പെടുന്നു.
ഡിസ്കൗണ്ടുകൾ കൂടാതെ ടിഗോർ 5.79 ലക്ഷം രൂപ പ്രാരംഭ എക്സ്-ഷോറൂം വിലയ്ക്ക് വിൽപ്പനയ്ക്ക് എത്തുന്നു, ഇത് 8.11 ലക്ഷം രൂപ വരെ ഉയരുന്നു.
ടാറ്റ നെക്സോൺ
ടാറ്റ നെക്സോൺ ഡീസൽ വേരിയന്റുകൾ 15,000 രൂപ എക്സ്ചേഞ്ച് ബോണസുമായി വാഗ്ദാനം ചെയ്യുന്നു. കോംപാക്ട് എസ്യുവിയുടെ പെട്രോൾ വകഭേദങ്ങൾക്ക് ഓഫറുകളൊന്നും നിർമ്മാതാക്കൾ നൽകുന്നില്ല. ഡിസ്കൗണ്ടുകൾക്ക് മുമ്പ് 7.39 ലക്ഷം മുതൽ 13.34 ലക്ഷം രൂപ വരെ എക്സ്-ഷോറൂം വിലയ്ക്കാണ് നെക്സോൺ വരുന്നത്.
ടാറ്റ ഹാരിയർ
60,000 രൂപ വരെ ആനുകൂല്യങ്ങളാണ് ഹാരിയറിന് ടാറ്റ വാഗ്ദാനം ചെയ്യുന്നത്. 2021 -ൽ നിർമ്മിച്ച വാഹനങ്ങൾക്ക് 20,000 രൂപ ക്യാഷ് ഡിസ്കൗണ്ടും 40,000 രൂപ എക്സ്ചേഞ്ച് ബോണസും നൽകുന്നു. എന്നാൽ 2022MY മോഡലുകൾ എക്സ്ചേഞ്ച് ബോണസിനൊപ്പം മാത്രമാണ് വരുന്നത്.
എസ്യുവി ഇപ്പോൾ ബേസ് മോഡലിന് 14.49 ലക്ഷം രൂപ മുതൽ പ്രത്യേക #ഡാർക്ക് എഡിഷൻ മോഡലുകൾക്ക് 21.34 ലക്ഷം രൂപ വരെ എക്സ്-ഷോറൂം വിലയ്ക്ക് റീട്ടെയിൽ ചെയ്യുന്നു.
ടാറ്റ സഫാരി
2021MY, 2022MY എന്നിവയ്ക്കുള്ള ഹാരിയറിന്റെ അതേ ഓഫറുകളും കിഴിവുകളുമാണ് ബ്രാൻഡിന്റെ മുൻനിര മോഡലായ സഫാരി ആകർഷിക്കുന്നത്. ഇതിൽ മുൻ വർഷം നിർമ്മിച്ച മോഡലുകൾക്ക് 20,000 രൂപ ക്യാഷ് ഡിസ്കൗണ്ടും 40,000 രൂപ എക്സ്ചേഞ്ച് ബോണസും ലഭിക്കുമ്പോൾ നിലവിലെ മോഡൽ വർഷത്തിലുള്ള വാഹനങ്ങൾക്ക് എക്സ്ചേഞ്ച് ബോണസ് മാത്രമേ ലഭ്യമാവൂ.
അടിസ്ഥാന വേരിയന്റിന് 14.99 ലക്ഷം മുതൽ എസ്യുവിയുടെ പ്രത്യേക അഡ്വഞ്ചർ പതിപ്പിന് 23.29 ലക്ഷം രൂപ വരെ എക്സ്-ഷോറൂം വിലയ്ക്കാണ് സഫാരി റീട്ടെയിൽ ചെയ്യുന്നത്.
| Tata Motors Discounts | ||
| Model | Cash Discount | Exchange Bonus |
| Tata Tiago (except CNG variants) | Rs. 10,000 | Rs. 15,000 |
| Tata Tiago NRG | 0 | 0 |
| Tata Tigor (except CNG variants) | Rs. 10,000 | Rs. 15,000 |
| Tata Tigor EV | 0 | 0 |
| Tata Punch | 0 | 0 |
| Tata Altroz | 0 | 0 |
| Tata Nexon | 0 | Rs. 15,000 (diesel only) |
| Tata Nexon EV | 0 | 0 |
| Tata Harrier | Rs. 20,000 (MY2021 cars only) | Rs. 40,000 (standard variants)/Rs. 25,000 (Dark Edition) |
| Tata Safari | Rs. 20,000 (MY2021 cars only) | Rs. 40,000 (standard variants)/Rs. 25,000 (Dark Edition) |
മേൽപ്പറഞ്ഞ ആനുകൂല്യങ്ങൾക്ക് പുറമേ, ഉപഭോക്താക്കൾക്ക് യോഗ്യതയനുസരിച്ച് എല്ലാ കാർ പർച്ചേസുകൾക്കും 5,000 രൂപ മുതൽ 25,000 രൂപ വരെ കോർപ്പറേറ്റ് കിഴിവും നിർമ്മാതാക്കൾ വാഗ്ദാനം ചെയ്യും.
Continue with Google