വില്‍പ്പനയില്‍ 89 ശതമാനം വര്‍ധനവ്; Tata-യുടെ ജനപ്രീയ മോഡലായി Nexon

നാളിതുവരെ വില്‍പ്പനയില്‍ മൂന്നാം സ്ഥാനത്തായിരുന്നെങ്കില്‍, 2021 ഡിസംബര്‍ അവസാനത്തോടെ രണ്ടാം സ്ഥാനത്തുണ്ടായിരുന്ന കൊറിയന്‍ നിര്‍മാതാക്കളായ ഹ്യുണ്ടായിയെ പിന്നിലാക്കാനും ടാറ്റയ്ക്ക് സാധിച്ചു.

വിവിധ വിഭാഗങ്ങളിലായി നിരവധി ജനപ്രീയ മോഡലുകള്‍ ഉണ്ടെങ്കിലും ബ്രാന്‍ഡിന്റെ നിരയില്‍ ഏറ്റവും കൂടുതല്‍ വിറ്റഴിക്കപ്പെടുന്ന മോഡല്‍ നെക്സോണാണ്. 2021 ഡിസംബറില്‍, നിര്‍മാതാവ് മൊത്തം 12,899 യൂണിറ്റ് നെക്സോണുകള്‍ ഇന്ത്യന്‍ വിപണിയില്‍ വിറ്റുവെന്നാണ് അറിയിച്ചിരിക്കുന്നത്.

അത് ആ മാസത്തില്‍ ഏറ്റവും കൂടുതല്‍ വിറ്റഴിഞ്ഞ കോംപാക്ട് എസ്‌യുവിയാക്കി മാറുകയും ചെയ്തു. 2020 വര്‍ഷത്തിലെ ഇതേ മാസത്തെ എസ്‌യുവിയുടെ വില്‍പ്പനയുമായി താരതമ്യപ്പെടുത്തുമ്പോള്‍, വാര്‍ഷിക വില്‍പ്പനയുടെ (YoY) അടിസ്ഥാനത്തില്‍ ഇത് 88.72 ശതമാനം വില്‍പ്പന വളര്‍ച്ചയാണ് കാണിക്കുന്നത്.

2020 ഡിസംബറില്‍ 6,835 യൂണിറ്റുകള്‍ മാത്രമായിരുന്നു വില്‍പ്പന. 2021 നവംബറില്‍ മൊത്തം 10,096 യൂണിറ്റുകള്‍ ടാറ്റ നെക്സോണ്‍ ഇന്ത്യന്‍ വിപണിയില്‍ വിറ്റഴിക്കപ്പെട്ടു, ഇത് 2021 ഡിസംബറിലെ വില്‍പ്പനയുമായി താരതമ്യം ചെയ്യുമ്പോള്‍ 27.76 ശതമാനത്തിന്റെ പ്രതിമാസ വില്‍പ്പന വളര്‍ച്ചയാണ് ഉണ്ടായിരിക്കുന്നതെന്നും കമ്പനി വ്യക്തമാക്കുന്നു.

ടാറ്റ നെക്‌സോണിന് മൂന്ന് പവര്‍ട്രെയിന്‍ ഓപ്ഷനുകളുണ്ട് - പെട്രോള്‍ യൂണിറ്റ്, ഡീസല്‍ യൂണിറ്റ്, ഒരു ഇലക്ട്രിക് യൂണിറ്റ്. പെട്രോള്‍ മോട്ടോര്‍ 1.2-ലിറ്റര്‍, ടര്‍ബോചാര്‍ജ്ഡ്, ഇന്‍ലൈന്‍-3 എഞ്ചിനാണ്.

ഈ യൂണിറ്റ് 120 bhp കരുത്തും 170 Nm torque ഉം സൃഷ്ടിക്കുന്നു. ഡീസല്‍ യൂണിറ്റ് 1.5 ലിറ്റര്‍, ടര്‍ബോചാര്‍ജ്ഡ്, ഇന്‍ലൈന്‍-4 എഞ്ചിന്‍ ആണ്, ഇത് 110 bhp കരുത്തും 260 Nm പീക്ക് ടോര്‍ക്കും പുറപ്പെടുവിക്കുന്നു. രണ്ട് യൂണിറ്റുകളും 6-സ്പീഡ് മാനുവല്‍ ഗിയര്‍ബോക്‌സും 6-സ്പീഡ് AMT ട്രാന്‍സ്മിഷന്‍ ഓപ്ഷനുകളില്‍ ഉള്‍പ്പെടുന്നു.

ഇലക്ട്രിക് പവര്‍ട്രെയിന്‍ ഓപ്ഷനില്‍ 129 bhp കരുത്തും 245 Nm torque ഉം വാഗദാനം ചെയ്യുന്ന ഫ്രണ്ട് ആക്സിലില്‍ ഒരൊറ്റ ഇലക്ട്രിക് മോട്ടോറുമായി ജോടിയാക്കിയ 30.2 kWh ബാറ്ററി ഉള്‍പ്പെടുന്നു. ടാറ്റ മോട്ടോര്‍സ് നെക്സോണ്‍ ഇവിയുടെ ലോംഗ്-റേഞ്ച് പതിപ്പ് ഉടന്‍ പുറത്തിറക്കാന്‍ പദ്ധതിയിട്ടിട്ടുണ്ട്.

അത് 40 kWh ബാറ്ററി പാക്കില്‍ ലഭ്യമാകുമെന്നാണ് സൂചന. ഇലക്ട്രിക് എസ്‌യുവിയുടെ നിലവിലെ (സ്റ്റാന്‍ഡേര്‍ഡ് റേഞ്ച്) പതിപ്പിനൊപ്പം ഈ ലോംഗ് റേഞ്ച് പതിപ്പും വില്‍ക്കും. ഇതോടെ ഇലക്ട്രിക് വിപണിയിലും മികച്ച വില്‍പ്പന നേടിയെടുക്കുകയാണ് കമ്പനിയുടെ ലക്ഷ്യം.

കൂടാതെ, വരും വര്‍ഷങ്ങളില്‍ നെക്സോണിന്റെ കൂപ്പെ പതിപ്പ് അവതരിപ്പിക്കാനും ടാറ്റ മോട്ടോര്‍സ് പദ്ധതിയിടുന്നുണ്ട്. ഈ പുതിയ മോഡലിന് വലിപ്പം കൂടുതലായിരിക്കും, അതിനാല്‍ ഇത് ഹ്യുണ്ടായി ക്രെറ്റ, കിയ സെല്‍റ്റോസ്, സ്‌കോഡ കുഷാഖ് മുതലായവയുടെ നേരിട്ടുള്ള എതിരാളിയായി മാറുകയും ചെയ്യും.

അടുത്തിടെ ഇതിന്റെ ഒരു ഡിജിറ്റല്‍ റെന്‍ഡറിംഗ് ചിത്രം പുറത്തുവന്നിരുന്നു. അതിന്റെ പ്രൊഡക്ഷന്‍ അവതാറില്‍ മോഡല്‍ എങ്ങനെയിരിക്കും എന്നതിനെക്കുറിച്ചുള്ള ഒരു ഏകദേശ ധാരണ ഇത് നല്‍കുന്നു. ബാറ്ററിയില്‍ പ്രവര്‍ത്തിക്കുന്ന കൂപ്പെ എസ്‌യുവി നിലവിലെ നെക്സോണ്‍ ഇവിയെ അപേക്ഷിച്ച് കാര്യമായ സ്റ്റൈലിംഗ് അപ്ഗ്രേഡുകളാണ് കാണിക്കുന്നത്.

ടാറ്റയുടെ സിഗ്‌നേച്ചര്‍ ഹ്യൂമാനിറ്റി ലൈന്‍ ഫോക്സ് ഗ്രില്ലിന്റെ ആധിപത്യം പുലര്‍ത്തുന്ന അടച്ച നോസ് ഉള്ള ഒരു പുതിയ ഫ്രണ്ട് ഫാസിയ ഇതിന് ലഭിക്കുന്നു. നെക്‌സോണ്‍ ഇവിയില്‍ നിന്ന് വ്യത്യസ്തമായി, ഈ റെന്‍ഡറിംഗ് കൂപ്പെ എസ്‌യുവിയില്‍ ഒരു സ്പ്ലിറ്റ് ലൈറ്റിംഗ് സജ്ജീകരണമാണ് കാണിക്കുന്നത്.

മുകളിലെ സെക്ഷനില്‍ ഒരു ജോടി എല്‍ഇഡി ഡിആര്‍എല്ലുകള്‍ ഉണ്ട്, താഴത്തെ ഭാഗത്ത് ബമ്പറില്‍ പുതിയ എല്‍ഇഡി ഹെഡ്‌ലാമ്പുകള്‍ ഘടിപ്പിച്ചിരിക്കുന്നു. ഈ പരിഷ്‌കരിച്ച സജ്ജീകരണം കാരണം, ഫ്രണ്ട് ബമ്പറും വന്‍തോതില്‍ റീപ്രൊഫൈല്‍ ചെയ്യപ്പെട്ടു, മാത്രമല്ല കൂടുതല്‍ ബച്ചും ആക്രമണാത്മകവുമാണെന്ന് തോന്നുന്നു.

കാറിന്റെ മസ്‌കുലര്‍ ആകര്‍ഷണം വര്‍ധിപ്പിക്കുന്ന വലുതും പ്രാധാന്യമുള്ളതുമായ ഒരു ബാഷ് പ്ലേറ്റും ബമ്പറിന്റെ സവിശേഷതയാണ്. ബി-പില്ലറുകള്‍ക്ക് ശേഷം റൂഫ്ലൈന്‍ ആക്രമണാത്മകമായി താഴേക്ക് ചരിഞ്ഞതിന് ശേഷമാണ് പ്രധാന മാറ്റങ്ങള്‍ സംഭവിക്കുന്നത്. റൂഫ്ലൈന്‍ എസ്‌യുവിയുടെ പിന്‍ഭാഗത്തെ അഭിമുഖീകരിക്കുന്നു.

നെക്സോണ്‍ ഇവിയെപ്പോലെ, കൂപ്പെ എസ്‌യുവിക്കും ബ്ലാക്ക്ഡ്-ഔട്ട് പില്ലറുകള്‍ ലഭിക്കുന്നു, അങ്ങനെ വാഹനത്തിന് ഡ്യുവല്‍ ടോണ്‍ ലുക്ക് നല്‍കുന്നു. സൈഡ് പ്രൊഫൈലിലെ മറ്റ് പ്രധാന ഹൈലൈറ്റുകളില്‍ വീല്‍ ആര്‍ച്ചുകളിലും ഡോര്‍ സിലുകളിലും ബ്ലാക്ക് ക്ലാഡിംഗുകള്‍, പിന്നിലേക്ക് ഓഴുകുന്ന രീതിയിലുള്ള ക്യാരക്ടര്‍ ലൈനും പുതിയ സെറ്റ് അലോയ് വീലുകളും ഉള്‍പ്പെടുന്നു. മറ്റൊരു കൂട്ടിച്ചേര്‍ക്കല്‍ അതിന്റെ പ്രീമിയം ആകര്‍ഷണീയത വര്‍ധിപ്പിക്കുന്ന ഫ്‌ലഷ് ഡോര്‍ ഹാന്‍ഡിലുകളാണ്.

ഈ പുതിയ എസ്‌യുവി ആദ്യം ഒരു ഇവി അവതാറിലും പിന്നീട് IC എഞ്ചിന്‍ പതിപ്പുകളിലും (1.5 ലിറ്റര്‍ ടര്‍ബോ പെട്രോള്‍ എഞ്ചിനും 1.5 ലിറ്റര്‍ ടര്‍ബോ-ഡീസല്‍ എഞ്ചിനും) എത്തുമെന്നാണ് പ്രതീക്ഷിക്കുന്നത്.

നിലവില്‍, ടാറ്റ നെക്സോണിന്റെ പെട്രോള്‍ പതിപ്പിന് 7.39 ലക്ഷം രൂപ മുതല്‍ 12.04 ലക്ഷം രൂപ വരെയാണ് എക്‌സ്‌ഷോറൂം വില. ഡീസല്‍ പതിപ്പിന് 9.69 ലക്ഷം രൂപ മുതല്‍ 13.34 ലക്ഷം രൂപ വരെയുമാണ് വില. ഇലക്ട്രിക് പതിപ്പിലേക്ക് വന്നാല്‍ ഇതിന്റെ പ്രാരംഭ പതിപ്പിന് 14.29 ലക്ഷം രൂപയും ഉയര്‍ന്ന പതിപ്പിന് 16.90 ലക്ഷം രൂപയുമാണ് എക്‌സ്‌ഷോറൂം വിലയായി നല്‍കേണ്ടത്.