Click it and Unblock the Notifications
Nexon-ന്റെ ഉത്പാദനം 3 ലക്ഷം യൂണിറ്റ് പിന്നിട്ടു; ആഘോഷങ്ങള് മാറ്റ് കൂട്ടി പുതിയ വേരിയന്റുമായി Tata
നെക്സോണ് എസ്യുവിയുടെ ഉല്പ്പാദനം 3 ലക്ഷം യൂണിറ്റ് നാഴികക്കല്ല് പിന്നിട്ടതായി വ്യക്തമാക്കി നിര്മാതാക്കളായ ടാറ്റ മോട്ടോര്സ്. വിപണിയില് എത്തിയ കാലം മുതല് ടാറ്റയുടെ ജനപ്രീയ മോഡലായി മുന്നേറുന്ന മോഡലാണ് നെക്സോണ്.
2021 ജൂണില് 2 ലക്ഷം ഉല്പ്പാദന നാഴികക്കല്ല് വാഹനം പിന്നിട്ടിരുന്നു, അതിനുശേഷം, ഇന്ത്യന് വിപണിയില് അതിന്റെ ജനപ്രീതി ഗണ്യമായി വര്ധിപ്പിക്കാന് ചെറിയ ക്രോസ്ഓവറിന് കഴിഞ്ഞു. വാസ്തവത്തില്, കഴിഞ്ഞ വര്ഷം ഇന്ത്യയില് ഏറ്റവുമധികം വിറ്റഴിക്കപ്പെട്ട നാലാമത്തെ എസ്യുവിയായിരുന്നു നെക്സോണ്.
പുതിയ നാഴികക്കല്ല് പിന്നിട്ടതിന്റെ ഭാഗമായി, ബ്രാന്ഡ് എസ്യുവിക്കായി പുതിയ വകഭേദങ്ങളും ടാറ്റ പുറത്തിറക്കി. ടാറ്റ നെക്സോണിന് ഇപ്പോള് ഇനിപ്പറയുന്ന അധിക ട്രിമ്മുകളാണ് ലഭിക്കുന്നത് - XZ+ (P)/XZA+ (P), XZ+ (HS)/XZA+ (HS) - പെട്രോള്, ഡീസല് രൂപത്തില് ഇത് ലഭ്യമാണെന്നും കമ്പനി അറിയിച്ചിരിക്കുന്നത്.
ഈ പുതിയ വേരിയന്റുകള് ഡാര്ക്ക് എഡിഷന് പതിപ്പിലും ലഭ്യമാകും. കൂടാതെ പുതിയ റോയല് ബ്ലൂ പെയിന്റ് സ്കീമും കമ്പനി അവതരിപ്പിച്ചിട്ടുണ്ട്. XZ+(P), XZA+(P) വേരിയന്റുകള്ക്ക് പ്രീമിയം ബെനെക്കെ കലിക്കോ ലെതറെറ്റ് അപ്ഹോള്സ്റ്ററിക്കൊപ്പം വെന്റിലേറ്റഡ് സീറ്റുകള്, എയര് പ്യൂരിഫയര്, ഓട്ടോ-ഡിമ്മിംഗ് ഐആര്വിഎം എന്നിവ പോലുള്ള അധിക ഫീച്ചറുകള് ലഭിക്കും.
XZ+(HS), XZA+(HS) വേരിയന്റുകളെ സംബന്ധിച്ചിടത്തോളം, ഇവിടെ ലഭ്യമായ അധിക ഫീച്ചറുകളില് എയര് പ്യൂരിഫയര് ഉള്പ്പെടുന്നു. ഈ പുതിയ ഫീച്ചറുകള് എസ്യുവിയുടെ കാസിരംഗ എഡിഷനിലും അടുത്തിടെ അവതരിപ്പിച്ചിരുന്നു.
ഇതോടെ, ടാറ്റ നെക്സോണിന് ഇപ്പോള് മൊത്തം 22 പെട്രോള് വേരിയന്റുകളും 18 ഡീസല് വേരിയന്റുകളുമുണ്ട്, വിശാലമായ വില ശ്രേണിയില് എത്തുന്നതോടെ ഉപഭോക്താക്കള്ക്കുള്ള തെരഞ്ഞെടുപ്പം വിശാലമാകുമെന്ന് വേണം പറയാന്.
മാത്രമല്ല, എസ്യുവി ഒരു ഓള്-ഇലക്ട്രിക് പതിപ്പിലും ലഭ്യമാണ് - നെക്സോണ് ഇവി - നിലവില് ഇന്ത്യന് വിപണിയില് ഏറ്റവുമധികം വിറ്റഴിക്കപ്പെടുന്ന ഇലക്ട്രിക് കാറാണ്, നിര്മ്മാതാവിന്റെ ഔദ്യോഗിക പ്രസ്താവന പ്രകാരം ഇന്നുവരെ 13,500 യൂണിറ്റുകള് വിറ്റഴിക്കാനും ബ്രാന്ഡിന് സാധിച്ചിട്ടുണ്ട്.
'3,00,000-ാമത്തെ ടാറ്റയുടെ റോളിന് സാക്ഷ്യം വഹിക്കുന്നത് തീര്ച്ചയായും അഭിമാനത്തിന്റെ നിമിഷമാണെന്ന് ടാറ്റ മോട്ടോര്സ് പാസഞ്ചര് വെഹിക്കിള്സ് ലിമിറ്റഡിന്റെയും ടാറ്റ പാസഞ്ചര് ഇലക്ട്രിക് മൊബിലിറ്റി ലിമിറ്റഡിന്റെയും മാനേജിംഗ് ഡയറക്ടര് ശ്രീ ശൈലേഷ് ചന്ദ്ര തദവസരത്തില് പറഞ്ഞു.
നെക്സോണ്, ടാറ്റ മോട്ടോര്സ് പാസഞ്ചര് വെഹിക്കിള്സിന്റെ വഴിത്തിരിവിലെ ഒരു പ്രധാന ഉല്പ്പന്നമാണ്. ന്യൂ ഫോറെവര് ശ്രേണിയുടെ അവിഭാജ്യ ഘടകമായതിനാല്, 2017-ല് ലോഞ്ച് ചെയ്തതിനുശേഷം കോംപാക്ട് എസ്യുവി സെഗ്മെന്റില് നെക്സോണ് അതിന്റെ ജനപ്രീതി വിജയകരമായി സ്ഥാപിക്കുകയും നിരവധി കുടുംബങ്ങളുടെ ഭാഗമായി മാറുകയും ചെയ്തു.
'ICE വേരിയന്റിന്റെ ജനപ്രീതി കൂട്ടിച്ചേര്ത്ത്, നെക്സോണ് ഇവിയും സ്വന്തമായി ഒരു ഇടം സൃഷ്ടിക്കുകയും ഉപഭോക്താക്കളില് നിന്ന് വലിയ അംഗീകാരം നേടുകയും ചെയ്തു.
Continue with Google