Click it and Unblock the Notifications
Tata Nexon ഇവിയുടെ ലോംഗ് റേഞ്ച് പതിപ്പിന്റെ അവതരണം ഏപ്രില് മാസത്തോടെ; പ്രതീക്ഷിക്കാവുന്ന വില വിവരങ്ങള്
ടാറ്റ മോട്ടോര്സില് നിന്നും വിപണിയില് എത്തുന്ന ജനപ്രീയ ഇലക്ട്രിക് മോഡലാണ് നെക്സോണ് ഇവി. അവതരിപ്പിച്ചതുമുതല് വലിയ സ്വീകാര്യതയാണ് വാഹനത്തിന് ലഭിക്കുന്നതും.
ഇത് വ്യക്തമാക്കുന്നതാണ് പ്രതിമാസമുള്ള വാഹനത്തിന്റെ വില്പ്പന കണക്കുകളും. എന്നാല് ഏതാനും ആഴ്ചകളായി പുറത്തുവരുന്നൊരു റിപ്പോര്ട്ട് അനുസരിച്ച് ടാറ്റ, നെക്സോണ് ഇവിയുടെ ഒരു ലോംഗ് റേഞ്ച് പതിപ്പ് വികസിപ്പിച്ചുകൊണ്ടിരിക്കുകയാണ്, അത് അടുത്തിടെ നിരത്തുകളില് പരീക്ഷണയോട്ടം നടത്തുന്നതിന്റെ ചിത്രങ്ങളും പുറത്തുവന്നിരുന്നു.
ഇപ്പോള് ലഭിക്കുന്ന പുതിയ വിവരങ്ങള് അനുസരിച്ച്, ഈ വര്ഷം ഏപ്രില് മാസത്തോടെ ലോംഗ് റേഞ്ച് ടാറ്റ നെക്സോണ് ഇവി വിപണിയില് അവതരിപ്പിച്ചേക്കുമെന്നാണ്. പുതുക്കിയ നെക്സോണ് ഇവി വലിയ ബാറ്ററിയും മറ്റ് ചില മെക്കാനിക്കല് അപ്ഗ്രേഡുകളുമായാണ് വരുന്നത്, എന്നിരുന്നാലും പുതിയ മോഡലില് കാര്യമായ കോസ്മെറ്റിക് മാറ്റങ്ങളൊന്നും ഞങ്ങള് പ്രതീക്ഷിക്കുന്നില്ല.
പുതിയ മാറ്റങ്ങള് എന്തൊക്കെ?
നേരത്തെ പുറത്തുവന്ന റിപ്പോര്ട്ടുകള് പ്രകാരം, നെക്സോണ് ഇവിയുടെ ഈ പുതിയ പതിപ്പ് ഒരു വലിയ 40kWh ബാറ്ററി പാക്കോടെയാണ് വരുന്നത്. അത് നിലവിലെ നെക്സോണ് ഇവിയുടെ 30.2kWh ബാറ്ററി പാക്കിനെക്കാള് 30 ശതമാനം വലുതാണെന്ന് വേണം പറയാന്.
നിലവിലെ നെക്സോണ് ഇവിക്ക് ARAI സാക്ഷ്യപ്പെടുത്തിയിരിക്കുന്നത് 312 കിലോമീറ്റര് റേഞ്ചാണ്. എന്നാല് വലിയ ബാറ്ററി പായ്ക്കുമായി വരുന്ന വാഹനത്തിന് ഔദ്യോഗിക ടെസ്റ്റ് സൈക്കിളില് 400 കിലോമീറ്ററിലധികം റേഞ്ച് നല്കാനാകുമെന്നാണ് പറയുന്നത്.
ലോംഗ് റേഞ്ച് നെക്സോണ് ഇവിയുടെ മറ്റൊരു ശ്രദ്ധേയമായ നവീകരണം കൂടുതല് ശക്തമായ ചാര്ജറായിരിക്കാം. സോഷ്യല് മീഡിയയില് ചോര്ന്ന വിവരമനുസരിച്ച്, ലോംഗ് റേഞ്ച് നെക്സോണ് ഇവിക്ക് കൂടുതല് ശക്തമായ 6.6kW എസി ചാര്ജറിനൊപ്പം ലഭ്യമാകും. നിലവിലെ പതിപ്പിനൊപ്പം 3.3kW എസി ചാര്ജറാണ് കമ്പനി ലഭ്യമാക്കിയിരിക്കുന്നത്.
ബാറ്ററി 100 ശതമാനമായി ടോപ്പ് അപ്പ് ചെയ്യാന് ഏകദേശം 10 മണിക്കൂര് എടുക്കും. ഒരു വലിയ ബാറ്ററി തീര്ച്ചയായും ചാര്ജിംഗ് സമയം വര്ധിപ്പിക്കും. ഇതിനെ ചെറുക്കുന്നതിന്, ടാറ്റ ഒരു ഓപ്ഷനായി 6.6kW എസി ചാര്ജര് വാഗ്ദാനം ചെയ്യുന്നു, എന്നിരുന്നാലും നിലവിലെ 3.3kW എസി ചാര്ജറും നിലനിര്ത്തുമെന്നാണ് പ്രതീക്ഷിക്കുന്നത്.
വലിയ ബാറ്ററി പാക്കിന് നെക്സോണ് ഇവിയുടെ ഫ്ലോര് പാനില് ചില മാറ്റങ്ങള് വരുത്തേണ്ടതുണ്ട്. പുതുക്കിയ നെക്സോണ് ഇവിയുടെ നാല് കോണുകളിലും ഡിസ്ക് ബ്രേക്കുകള് ലഭിക്കുമെന്നാണ് പ്രതീക്ഷിക്കുന്നത്. കാരണം വലിയ ബാറ്ററി പാക്ക് കാരണം എസ്യുവിക്ക് ഭാരം കൂടും, അതിനാല് അധിക സ്റ്റോപ്പിംഗ് പവര് ആവശ്യമാണ്.
മറ്റ് അപ്ഡേറ്റുകളില് റീജനറേറ്റീവ് ബ്രേക്കിംഗിന്റെ തീവ്രത മാറ്റുന്ന പുതിയതും തെരഞ്ഞെടുക്കാവുന്നതുമായ റീജന് മോഡുകള്, ഇലക്ട്രോണിക് സ്റ്റെബിലിറ്റി പ്രോഗ്രാം (ESP), അലോയ് വീലുകള്ക്കുള്ള ഒരു പുതിയ ഡിസൈന് എന്നിവ ഉള്പ്പെടാം. എന്നിരുന്നാലും, മറ്റ് കാര്യമായ കോസ്മെറ്റിക് എക്സ്റ്റീരിയര് അല്ലെങ്കില് ഇന്റീരിയര് അപ്ഡേറ്റുകള് ഒന്നും തന്നെ ഞങ്ങള് പ്രതീക്ഷിക്കുന്നില്ല.
ലോംഗ് റേഞ്ച് ടാറ്റ നെക്സോണ് ഇവി നിലവിലെ മോഡലിനൊപ്പം വില്ക്കും
നെക്സോണ് ഇവിയുടെ ലോംഗ് റേഞ്ച് പതിപ്പിന് നിലവിലെ മോഡലിനേക്കാള് 3 ലക്ഷം രൂപ 4 ലക്ഷം രൂപ വരെ വില വര്ധനവ് ഉണ്ടാകുമെന്നാണ് പ്രതീക്ഷിക്കുന്നത്. എന്നിരുന്നാലും, ടാറ്റ മോട്ടോര്സ് ലോംഗ്-റേഞ്ച് പതിപ്പിനൊപ്പം നിലവിലെ മോഡല് വാഗ്ദാനം ചെയ്യുന്നത് തുടരും, വ്യത്യസ്ത വില പൊസിഷനിംഗ് നിലനിര്ത്തുന്നതുവഴി വാങ്ങുന്നയാളുടെ പ്രത്യേക ആവശ്യങ്ങള്ക്ക് അനുയോജ്യമാക്കാനും സാധിക്കും.
നിലവിലെ നെക്സോണ് ഇവിയുടെ ഏറ്റവും വലിയ USP എന്നത് വ്യക്തമായും അതിന്റെ വിലയും ശ്രേണിയും തമ്മിലുള്ള അനുപാതമാണ്, കൂടാതെ വൈദ്യുത വാഹനങ്ങള് നേരത്തെ സ്വീകരിക്കുന്നവരില് ഇത് ഉപഭോക്താക്കൾക്കിടയിൽ ഒരു പ്രത്യേക താല്പര്യവും കണ്ടെത്തി.
നെക്സോണ് ഇവി വിപണിയിലെ മറ്റ് ഇലക്ട്രിക് എസ്യുവികളേക്കാള് താങ്ങാനാവുന്നതും നഗര റണ്എബൗട്ടിന്റെ ആവശ്യങ്ങള് വളരെയധികം നിറവേറ്റുന്നതുമാണ്.
അതേസമയം, ലോംഗ്-റേഞ്ച് പതിപ്പ് കൂടുതല് ചെലവേറിയതായിരിക്കും, എന്നാല് അതിന്റെ ആകര്ഷണവും ഉപയോഗക്ഷമതയും വിശാലമാക്കും, ഇത് ഒരു പുതിയ സെറ്റ് വാങ്ങുന്നവരെ ആകര്ഷിക്കുമെന്നാണ് കമ്പനി പ്രതീക്ഷിക്കുന്നതും.
ലോംഗ് റേഞ്ച് നെക്സോണ് ഇവിയില് പ്രതീക്ഷിക്കുന്ന വിലയും എതിരാളികളും
ലോംഗ് റേഞ്ച് നെക്സോണ് ഇവിയുടെ വില ഏകദേശം 17 ലക്ഷം മുതല് 18 ലക്ഷം രൂപ വരെയായിരിക്കും (എക്സ്ഷോറൂം). ഇറക്കുമതി ചെയ്ത CKD കിറ്റുകള് വഴി ഇന്ത്യയിലേക്ക് കൊണ്ടുവരുന്ന ഹ്യുണ്ടായി കോന ഇലക്ട്രിക്, എംജി ZS ഇവി എന്നിവ പോലുള്ള എതിരാളികളെ അപേക്ഷിച്ച് ഇത് ഇപ്പോഴും വില നേട്ടം നിലനിര്ത്തുന്നുവെന്ന് വേണം പറയാന്.
എംജി ZS ഇവി തന്നെ ഈ മാസം അപ്ഡേറ്റ് ചെയ്യാനുണ്ട്, അത് ഒരു വലിയ ബാറ്ററിയും വാഹനത്തില് കമ്പനി കൊണ്ടുവരും. ഹ്യുണ്ടായി ഈ വര്ഷം കോന ഇലക്ട്രിക് ഫെയ്സ്ലിഫ്റ്റ് ഇന്ത്യയില് അവതരിപ്പിക്കുമെങ്കിലും, ഇത് വലിയ ബാറ്ററിയുമായി വരുമോ ഇല്ലയോ എന്ന് കണ്ടറിയണം.
ഇല്ലെങ്കില്, കോന ഇലക്ട്രിക്, പുതുക്കിയ നെക്സോണ് ഇവി എന്നിവയ്ക്ക് താരതമ്യപ്പെടുത്താവുന്ന സ്പെസിഫിക്കേഷനുകള് ഉണ്ടായിരിക്കും, എന്നാല് നെക്സോണ് ഇവിയ്ക്ക് അതിന്റെ വിലയില് ഒരു മുന്തൂക്കമുണ്ടാകും.
Continue with Google