Tiago NRG iCNG-യുടെ ടീസര്‍ ചിത്രവുമായി Tata; ലോഞ്ച് ഉടന്‍

പെട്രോള്‍, ഡീസല്‍ ഇന്ധനങ്ങള്‍ക്ക് അടിക്കടി ഉണ്ടാകുന്ന വില വര്‍ദ്ധനവ് ഉപഭോക്താക്കളെ മറ്റ് ഇതര ഇന്ധനങ്ങളിലേക്ക് മാറി ചിന്തിക്കാന്‍ തുടങ്ങിയതോടെയാണ് CNG വാഹനങ്ങള്‍ക്ക് വിപണിയില്‍ ഡിമാന്‍ഡ് വര്‍ദ്ധിച്ച് തുടങ്ങിയിരിക്കുന്നത്. ഈ അവസരം മുതലാക്കാന്‍ ടാറ്റ പോലുള്ള ബ്രാന്‍ഡുകള്‍ കച്ചകെട്ടി ഇറങ്ങിയിരിക്കുകയാണെന്ന് വേണം പറയാന്‍.

ടിയാഗോ, ടിഗോര്‍ മോഡലുകളുടെ CNG പതിപ്പുകള്‍ അവതരിപ്പിച്ചതിന് പിന്നാലെ, ടിയാഗോ NRG-യുടെ CNG പതിപ്പിനെ അവതരിപ്പിക്കാനൊരുങ്ങുകയാണ് കമ്പനി ഇപ്പോള്‍. ടിയാഗോ NRG iCNG ഹാച്ച്ബാക്കിന്റെ ടീസര്‍ ടാറ്റ മോട്ടോര്‍സ് ഇന്‍സ്റ്റാഗ്രാമില്‍ പങ്കുവെയ്ക്കുകയും ചെയ്തു.

ടാറ്റ മോട്ടോര്‍സ് ടിയാഗോ ഹാച്ച്ബാക്കിന്റെ iCNG പതിപ്പും ടിഗോര്‍ സെഡാനും വര്‍ഷത്തിന്റെ തുടക്കത്തില്‍ അവതരിപ്പിച്ചിരുന്നു. വര്‍ഷാവസാനത്തിന് മുമ്പ് അവര്‍ ടിയാഗോ NRG iCNG യും വിപണിയില്‍ എത്തിക്കാനാണ് കമ്പനിയുടെ പദ്ധതി.

'ഒരു പുതിയ NRG ETIC യുഗത്തിലേക്ക് ചുവടുവെക്കാനുള്ള സമയമാണിത്' എന്ന വാചകത്തോടെയാണ് ടാറ്റ പങ്കുവെച്ച വീഡിയോയില്‍ കാണാന്‍ സാധിക്കുന്നത്. ടിയാഗോ NRG-യുടെ അര്‍ത്ഥം ഇതില്‍ നിന്ന് എളുപ്പത്തില്‍ ഉരുത്തിരിഞ്ഞത്. തുടര്‍ന്ന് ഒരു റാലി കാര്‍ പോലെ പൊടിപടലങ്ങള്‍ അവശേഷിപ്പിച്ച് വരണ്ട ഭൂപ്രദേശത്തിലൂടെ കാറിന്റെ ചിത്രങ്ങളും വീഡിയോയില്‍ കാണാം.

'ഇന്ത്യയിലെ ആദ്യത്തെ 'ടഫ്റോഡര്‍' CNG ഉടന്‍ വരുന്നു' എന്ന് പ്രസ്താവിക്കുന്ന വീഡിയോയില്‍ ഇത് പിന്തുടരുന്നു. ടാറ്റ മോട്ടോര്‍സ് ടിഗാഗോ NRG iCNG ഉടന്‍ അവതരിപ്പിക്കുമെന്ന് ഈ വീഡിയോയുടെ അടിക്കുറിപ്പ് വ്യക്തമാക്കുകയും ചെയ്യുന്നു.

ടിയാഗോ ഹാച്ച്ബാക്കിന്റെ ക്രോസ്ഓവര്‍ പതിപ്പാണ് ടിയാഗോ NRG. രണ്ടും ഇന്ത്യന്‍ വിപണിയില്‍ ടാറ്റ മോട്ടോര്‍സിന്റെ നിലവിലെ ഉല്‍പ്പന്ന നിരയില്‍ ലിസ്റ്റ് ചെയ്തിട്ടുണ്ട്. ഈ വര്‍ഷം ആദ്യം iCNG പതിപ്പിലാണ് ടിയാഗോ അവതരിപ്പിച്ചത്, പെട്രോള്‍ ടിയാഗോയ്ക്കും ടിയാഗോ NRG-ക്കും കരുത്തേകുന്ന അതേ 1.2 ലിറ്റര്‍ 3 സിലിണ്ടര്‍ റെവോട്രോണ്‍ പെട്രോള്‍ എഞ്ചിനാണ് ഇതിന് കരുത്തേകുന്നത്.

പെട്രോള്‍ മോഡില്‍ 84.82 bhp കരുത്തും 113 Nm torque ഉം ഉത്പാദിപ്പിക്കുന്ന അതേ 1.2 ലിറ്റര്‍ റെവോട്രോണ്‍ പെട്രോള്‍ യൂണിറ്റ് തന്നെ ടിയാഗോ NRG iCNG-യും നല്‍കുമെന്നാണ് പ്രതീക്ഷിക്കുന്നത്. ഇത് 72.39 bhp കരുത്തും 95 Nm torque ഉം ഉത്പാദിപ്പിക്കുന്നു. കൂടാതെ ടിയാഗോ NRG iCNG മാനുവല്‍ ട്രാന്‍സ്മിഷന്‍ ഓപ്ഷനില്‍ മാത്രമേ പുറത്തിറക്കൂ.

CNG മോഡിലെ പവര്‍ നഷ്ടം അതിന്റെ ഇന്ധനക്ഷമതയാല്‍ നികത്തപ്പെടുമെന്ന് വേണം കരുതാന്‍. ടിയാഗോ iCNG-ക്ക് 35 ലിറ്റര്‍ ഇന്ധന ടാങ്കും 60 ലിറ്റര്‍ CNG ടാങ്കും ഉണ്ട്, ഇത് ഏകദേശം 10 കിലോഗ്രാം CNG കപ്പാസിറ്റിക്ക് തുല്യമാണ്. ഇതിന് CNG ഇന്ധനക്ഷമത 26.49 km/kg ആണെന്ന് അവകാശപ്പെടുന്നു, കൂടാതെ ടിയാഗോ NRG iCNG ന് സമാനമായ പവര്‍ ഔട്ട്പുട്ടും ഇന്ധനക്ഷമതയും ഉണ്ടാകാന്‍ സാധ്യതയുണ്ടെന്നും റിപ്പോര്‍ട്ടില്‍ പറയുന്നു.

നിലവില്‍ വില സംബന്ധിച്ച് സൂചനകള്‍ ഒന്നും തന്നെ ഇല്ലെങ്കിലും, 7.39 - 7.79 ലക്ഷം രൂപ വില പരിധിയില്‍ ടിയാഗോ NRG iCNG അവതരിപ്പിക്കുമെന്നാണ് പ്രതീക്ഷിക്കുന്നത്. രൂപകല്പനയുടെ കാര്യത്തില്‍, ടാറ്റ ടിയാഗോ NRG-യുടെ വരാനിരിക്കുന്ന CNG വേരിയന്റ് അതിന്റെ പെട്രോള്‍-പവര്‍ കൗണ്ടര്‍പാര്‍ട്ടിന് സമാനമായി കാണപ്പെടാന്‍ സാധ്യതയുണ്ട്.

എന്നിരുന്നാലും, ടാറ്റ ടിയാഗോ CNG-പ്പോലെ, ടാറ്റ ടിയാഗോ NRG-യുടെ സിഎന്‍ജി വകഭേദങ്ങളും സ്റ്റാന്‍ഡേര്‍ഡ് പെട്രോളില്‍ പ്രവര്‍ത്തിക്കുന്ന വേരിയന്റുകളില്‍ നിന്ന് വേര്‍തിരിച്ചറിയാന്‍ കുറച്ച് 'iCNG' ബാഡ്ജുകള്‍ സ്‌പോര്‍ട് ചെയ്യാന്‍ സാധ്യതയുണ്ട്.

ഫീച്ചറുകളുടെ കാര്യത്തില്‍, പ്രൊജക്ടര്‍ ഹെഡ്‌ലാമ്പുകള്‍, എല്‍ഇഡി ഡിആര്‍എല്ലുകള്‍, ഡീഫോഗര്‍ ഉള്ള റിയര്‍ വാഷ് വൈപ്പര്‍, 7 ഇഞ്ച് ആപ്പിള്‍ കാര്‍പ്ലേ, ആന്‍ഡ്രോയിഡ് ഓട്ടോ കണക്റ്റിവിറ്റി എന്നിവയുള്ള ഹര്‍മാന്‍ ഇന്‍ഫോടെയ്ന്‍മെന്റ് സിസ്റ്റം, 8-സ്പീക്കറുകള്‍ എന്നിങ്ങനെയുള്ള സവിശേഷതകളുള്ള ടാറ്റ ടിയാഗോ NRG-യുടെ സ്റ്റാന്‍ഡേര്‍ഡ് വേരിയന്റിന് സമാനമായ സവിശേഷതകളോടെയാണ് ടാറ്റ ടിയാഗോ NRG-യുടെ CNG വേരിയന്റും വിപണയില്‍ എത്തുക.

ഇതിനുപുറമെ, ടാറ്റ ടിയാഗോ NRG-യുടെ CNG വേരിയന്റില്‍ പെട്രോള്‍-പവേര്‍ഡ് കൗണ്ടര്‍പാര്‍ട്ടായി എബിഎസ്, ഡ്യുവല്‍ എയര്‍ബാഗുകള്‍, റിവേഴ്സ് പാര്‍ക്കിംഗ് സെന്‍സറുകള്‍, കോര്‍ണറിംഗ് സ്റ്റെബിലിറ്റി കണ്‍ട്രോള്‍, സ്പീഡ് സെന്‍സിറ്റീവ് ഓട്ടോ ഡോര്‍ ലോക്ക് തുടങ്ങിയ സവിശേഷതകളോടെ സമാനമായ സുരക്ഷാ സംവിധാനങ്ങള്‍ വരാന്‍ സാധ്യതയുണ്ട്.