വില്‍പ്പന വര്‍ധിപ്പിക്കാന്‍ പുതിയ തന്ത്രവുമായി Tata; Tiago-യുടെ വേരിയന്റുകളില്‍ വീണ്ടും മാറ്റം

ചിലപ്പോള്‍ ടാറ്റ മോട്ടോര്‍സ് ആണെങ്കില്‍ അടുത്ത മാസം ആ സ്ഥാനത്ത് ഹ്യുണ്ടായി ആയിരിക്കും. പിന്നീടുന്ന മാസവും മാറ്റങ്ങള്‍ കാണാന്‍ സാധിക്കും. ഇങ്ങനെ രണ്ടും മൂന്നും സ്ഥാനം ഓരോ മാസത്തിലും മാറിമറിയുന്നത് കാണാന്‍ സാധിക്കും.

വെന്യു പോലെയുള്ള പുതിയ വാഹനങ്ങള്‍ ഹ്യുണ്ടായി നിരയിലേക്ക് വന്നത് വരും മാസങ്ങളിലെ കൊറിയന്‍ ബ്രാന്‍ഡിന്റെ വില്‍പ്പന ഉയര്‍ത്തുമെന്ന് വേണം പറയാന്‍. ഭാവിയില്‍ പോലും, സ്റ്റാര്‍ഗേസര്‍, ക്രെറ്റ N-ലൈന്‍, ക്രെറ്റ ഫെയ്‌സ്‌ലിഫ്റ്റ് തുടങ്ങി ഏതാനും മോഡലുകള്‍ കൂടി വിപണിയില്‍ എത്താനൊരുങ്ങുകയാണ്.

ഇത്തരത്തില്‍ വില്‍പ്പന പിടിച്ച് നിര്‍ത്തുന്നതിനും പുതിയ ഉപഭോക്താക്കളെ തങ്ങളിലേക്ക് അടുപ്പിക്കുന്നതിനും ടാറ്റയും കിണഞ്ഞ് പരിശ്രമിക്കുന്നുവെന്ന് വേണം പറയാന്‍. ഇതിന്റെ ഭാഗമായി നിലവിലുള്ള മോഡലുകളില്‍ പല ഘട്ടങ്ങളിലായി പുതിയ പുതിയ ഫീച്ചറുകള്‍ അവതരിപ്പിക്കുകയും ചില മോഡലുകളില്‍ ചെറിയ ചെറിയ മാറ്റങ്ങള്‍ നടപ്പാക്കുകയും ചെയ്യുന്നു.

ഇത്തരത്തിലൊരു മാറ്റം ടിയാഗോയിലും നടപ്പാക്കിയിരിക്കുകയാണ് കമ്പനി ഇപ്പോള്‍. ടാറ്റയെ സംബന്ധിച്ചിടത്തോളം വിപണിയിലെ ഒരു ജനപ്രീയ മോഡലാണ് ടിയാഗോ. ഇതിന്റെ ഭാഗമായി മോഡലിനെ അടിക്കടി നവീകരിക്കാനും മാറ്റങ്ങള്‍ കൊണ്ടുവരുന്നതിനും ടാറ്റ ശ്രമിക്കുകയും ചെയ്യുന്നു.

ടാറ്റയുടെ കോംപാക്ട് എസ്‌യുവിയായ നെക്‌സോണില്‍ XM+ എന്നൊരു വേരിയന്റ് അടുത്തിടെ കമ്പനി അവതരിപ്പിച്ചിരുന്നു. ഇത്തരത്തില്‍ ടിയാഗോയുടെയും വേരിയന്റില്‍ ചില മാറ്റങ്ങള്‍ നടപ്പാക്കുകയാണ് ടാറ്റ ഇപ്പോള്‍.

XT, XZ+ ട്രിമുകള്‍ കൂടുതല്‍ മൂല്യം നല്‍കിയതിനാല്‍ ടിയാഗോയുടെ XZ, XZA ട്രിമുകള്‍ കമ്പനി പിന്‍വലിച്ചു. ഇപ്പോള്‍, ടിയാഗോയുടെ XT ട്രിമ്മിന് ടാറ്റ കൂടുതല്‍ മൂല്യം വാഗ്ദാനം ചെയ്യുന്നവെന്ന് വേണം പറയാന്‍.

ടിയാഗോ XT വേരിയന്റുകള്‍ക്ക് മുമ്പ് ലഭിച്ചിരുന്നതിനേക്കാള്‍ കൂടുതല്‍ ഫീച്ചറുകള്‍ ടാറ്റ മോട്ടോര്‍സ് നല്‍കിയിട്ടുണ്ട്. പുതിയ 14 ഇഞ്ച് ഹൈപ്പര്‍സ്‌റ്റൈല്‍ വീലുകളും മുമ്പ് ബോഡി കളറായിരുന്ന ബ്ലാക്ഡ് ഔട്ട് B പില്ലറുമാണ് പുറംഭാഗത്തുള്ള ഏറ്റവും ശ്രദ്ധേയമായ കൂട്ടിച്ചേര്‍ക്കലുകള്‍. B-പില്ലറുകളും പുതിയ മിഡ്നൈറ്റ് പ്ലം നിറവും ഇപ്പോള്‍ XT ട്രിമ്മിനെ ടോപ്പ്-സ്‌പെക്ക് XZ+ ട്രിമ്മിനോട് അല്‍പ്പം അടുത്ത് നില്‍ക്കുന്നതാണ്.

ഉള്ളിലേക്ക് വന്നാല്‍, ടിയാഗോ XT ട്രിം ഇപ്പോള്‍ അതിന്റെ ഉപഭോക്താക്കള്‍ക്ക് മികച്ച യാത്ര സുഖം നല്‍കുന്നതിനായി ചില മൂല്യവര്‍ദ്ധിത ഫീച്ചറുകള്‍ ഉപയോഗിച്ച് അപ്‌ഡേറ്റ് ചെയ്തിട്ടുണ്ട്.

അവയില്‍ പ്രധാനമായും ഉയരം ക്രമീകരിക്കാവുന്ന ഡ്രൈവര്‍ സീറ്റാണ്. അതോടൊപ്പം തന്നെ ബൂട്ട് ഏരിയയ്ക്ക് ഇപ്പോള്‍ ഒരു പിന്‍ പാഴ്‌സല്‍ ഷെല്‍ഫും കോ-ഡ്രൈവര്‍ സൈഡ് സണ്‍ ഷെയ്ഡും ഇപ്പോള്‍ ഒരു വാനിറ്റി മിററും ലഭിക്കുന്നുണ്ട്.

അത് മാത്രമല്ല. ടാറ്റ മോട്ടോര്‍സ് ഇപ്പോള്‍ ടിയാഗോ XT-യില്‍ റിഥം പാക്ക് ഓപ്ഷന്‍ വാഗ്ദാനം ചെയ്യുന്നു, അത് ഞങ്ങള്‍ മുമ്പ് ആള്‍ട്രോസില്‍ കണ്ടിരുന്നതിന് സമാനമാണ്.

ഈ റിഥം പായ്ക്ക് ടിയാഗോയുടെ XT ട്രിമ്മില്‍ ഹര്‍മന്റെ 7.0 ഇഞ്ച് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം വാഗ്ദാനം ചെയ്യുന്നു. ഈ പായ്ക്ക് റിയര്‍ പാര്‍ക്കിംഗ് ക്യാമറയും അണ്‍ലോക്ക് ചെയ്യുന്നു, കൂടാതെ XT ട്രിമിന് ഇതിനകം ലഭിക്കുന്ന നാല് സ്പീക്കറുകള്‍ക്ക് പുറമേ നാല് ട്വീറ്ററുകളും ലഭിക്കുന്നു.

ടിയാഗോ NRG-ക്കായി ടാറ്റ പുതിയ വേരിയന്റും ചേര്‍ത്തിട്ടുണ്ട്. നേരത്തെ, ടിയാഗോ NRG ടോപ്പ്-സ്‌പെക്ക് XZ+ ട്രിം അടിസ്ഥാനമാക്കിയുള്ളതായിരുന്നു. ഇപ്പോള്‍, ഉപഭോക്തൃ ആവശ്യങ്ങള്‍ കണക്കിലെടുത്ത്, ടിയാഗോയുടെ പുതിയ XT ട്രിം അടിസ്ഥാനമാക്കി ടാറ്റ ഇപ്പോള്‍ NRG-യുടെ കുറഞ്ഞ വിലയുള്ള വേരിയന്റ് അവതരിപ്പിച്ചു.

ടിയാഗോ XT-ക്ക് മുകളില്‍, NRG XT-ക്ക് 10 mm ഗ്രൗണ്ട് ക്ലിയറന്‍സ്, ബോഡി ക്ലാഡിംഗ്, റൂഫ് റെയിലുകളുള്ള ബ്ലാക്ക്ഡ് ഔട്ട് റൂഫ്, ചാര്‍ക്കോള്‍ ബ്ലാക്ക് ഇന്റീരിയറുകള്‍, ഫ്രണ്ട് ഫോഗ് ലാമ്പുകള്‍, റിയര്‍ ഡിഫോഗര്‍, റിയര്‍ വാഷര്‍, വൈപ്പര്‍ എന്നിവ ലഭിക്കുന്നു.

ടിയാഗോ, ടിയാഗോ NRG എന്നിവയില്‍ 1.2 ലിറ്റര്‍ Revotron എഞ്ചിനാണ് ഇടംപിടിക്കുന്നത്. ഇത് ഏകദേശം 85 bhp കരുത്ത് നല്‍കുന്നു. ഈ എഞ്ചിന് 5-സ്പീഡ് മാനുവല്‍ അല്ലെങ്കില്‍ 5-സ്പീഡ് AMT ലഭിക്കും. ടിയാഗോയ്ക്ക് ഒരു CNG വേരിയന്റും ലഭിക്കുന്നു, അത് NRG നഷ്ടപ്പെടുത്തുന്നു. കൂടാതെ, ഈ പുതിയ XT ട്രിമ്മിലും CNG വേരിയന്റ് ലഭ്യമാണ്.

ടിയാഗോയ്ക്ക് അടുത്തിടെ വില വര്‍ദ്ധന ലഭിച്ചിരുന്നു. ഓഗസ്റ്റ് 3-ന് ടാറ്റ XT വേരിയന്റിനുള്ള വിലകള്‍ പരിഷ്‌കരിക്കും. XT ട്രിമ്മില്‍ കൂടുതല്‍ സവിശേഷതകള്‍ ചേര്‍ക്കുന്നതിലൂടെ, ടാറ്റ മോട്ടോര്‍സ് നേരിട്ട് ലക്ഷ്യമിടുന്നത് മാരുതി സുസുക്കി സ്വിഫ്റ്റ് VXi ട്രിം, ഹ്യുണ്ടായ് ഗ്രാന്‍ഡ് i10 നിയോസ് സ്പോര്‍ട്സ് ട്രിം, മാരുതി സുസുക്കി വാഗണ്‍ആറിന്റെ ടോപ്പ്-സ്‌പെക്ക് ZXi ട്രിം എന്നിവയാണ്.

ഈ ഫീച്ചറുകള്‍ കൂട്ടിച്ചേര്‍ക്കലുകളുടെ വില വര്‍ധന ടാറ്റ മോട്ടോര്‍സ് പ്രഖ്യാപിച്ചിട്ടില്ല. ഇപ്പോള്‍, ടാറ്റ ടിയാഗോ വില ആരംഭിക്കുന്നത് രൂപ മുതലാണ്. 5.39 ലക്ഷം രൂപ എക്‌സ്‌ഷോറൂം വിലയിലാണ്.