Click it and Unblock the Notifications
ഈ കാറുകള് വാങ്ങാന് പ്ലാന് ഉണ്ടെങ്കില്, ഇപ്പോള് വാങ്ങുക; 6 മാസം കഴിഞ്ഞാല് ചിലപ്പോള് കാണില്ല
2023 ഏപ്രില് മുതല് രാജ്യത്ത് പ്രാബല്യത്തില് വരാന് പോകുന്ന ബിഎസ് 6 മലിനീകരണ നിയന്ത്രണത്തിന്റെ രണ്ടാം ഘട്ടമായ റിയല് ഡ്രൈവിംഗ് എമിഷന് കണ്ട്രോള് വാഹന വിപണിയില് വന് ചലനങ്ങളാണ് സൃഷ്ടിക്കാന് പോകുന്നത്. ഈ എമിഷന് നിയന്ത്രണങ്ങള്ക്ക് യോഗ്യതയില്ലാത്ത ചില ഡീസല് എഞ്ചിന് കാറുകളുടെ ഉല്പ്പാദനത്തിനും വില്പ്പനക്കും അറുതി വരാന് പോകുകയാണ്.
ലോകമെമ്പാടുമുള്ള വാഹന നിര്മ്മാതാക്കള് ഇപ്പോള് നേരിടുന്ന ഏറ്റവും വലിയ വെല്ലുവിളി അവരുടെ മലിനീകരണം നിയന്ത്രണങ്ങള്ക്കനുസൃതമായി വാഹനങ്ങള് നിര്മ്മിക്കുക എന്നതാണ്. നിലവില് ബിഎസ് 6 മലിനീകരണ നിയന്ത്രണ മാനദണ്ഡങ്ങളാണ് ഇന്ത്യയില് നിലവിലുള്ളത്. ഈ നിയന്ത്രണം 2020 ഏപ്രില് മുതല് പ്രാബല്യത്തില് വന്നു. ഇത് നടപ്പാക്കിയപ്പോള് പല കമ്പനികളുടെയും പോര്ട്ട്ഫോളിയോയിലെ കാറുകളുടെ എണ്ണം കുറഞ്ഞു.
പല കമ്പനികളും ഡീസല് എഞ്ചിന് കാറുകളുടെ ഉത്പാദനം പാടെ ഉപേക്ഷിച്ചു. പെട്രോള് എഞ്ചിന് വാഹനങ്ങളില് മാത്രം ശ്രദ്ധ കേരന്ദീകരിക്കാന് തുടങ്ങി. പല കമ്പനികളും പരിവര്ത്തനത്തിനുള്ള മാര്ഗമായി ഒരു ഹൈബ്രിഡ് സംവിധാനത്തിലേക്ക് മാറുകയാണ്
തുടങ്ങി ഈ സാഹചര്യത്തില്, ബിഎസ് 6 മലിനീകരണ നിയന്ത്രണത്തിന്റെ രണ്ടാം ഘട്ടം 2023 ഏപ്രില് മുതല് ഇന്ത്യയില് പ്രാബല്യത്തില് വരും. ഇതനുസരിച്ച് റിയല് ഡ്രൈവിംഗ് എമിഷന് നിയമം നിലവില് വരും.
നിലവില് വിപണിയിലുള്ള ഡീസല് എഞ്ചിന് കാറുകള്ക്ക് ഈ മലിനീകരണ നിയന്ത്രണത്തിന് അര്ഹതയില്ലെന്നാണ് ഈ നിയന്ത്രണം അര്ത്ഥമാക്കുന്നത്. മിക്ക കാര് നിര്മ്മാതാക്കളും ഹൈബ്രിഡ്, ഇലക്ട്രിക് കാറുകളിലേക്ക് ശ്രദ്ധ തിരിയുന്നതിനാല് ഡീസല് എഞ്ചിന് കാറുകള് പതുക്കെ അപ്രത്യക്ഷമായി തുടങ്ങിയതായി നമുക്ക് കാണാം.
റിയല് ഡ്രൈവിംഗ് എമിഷന് പാലിക്കാത്ത നിരവധി ഡീസല് എഞ്ചിന് കാറുകള് 2023-ല് ഘട്ടം ഘട്ടമായി നിര്ത്തലാക്കാന് പോകുകയാണ്. ഹ്യുണ്ടായ് i20 ആണ് ഈ പട്ടികയില് ഒന്നാമത്. 2 പെട്രോള് എഞ്ചിനും ഒരു ഡീസല് എഞ്ചിനിലും ഈ വാഹനം ലഭ്യമാണ്. ഏപ്രിലിനു ശേഷം ഡീസല് എന്ജിന് കാര് വില്പ്പനയ്ക്കെത്തില്ലെന്നാണ് വാര്ത്തകള്
അതിനാല്, ഡീസല് എഞ്ചിന് ഓപ്ഷനുള്ള പ്രീമിയം ഹാച്ച്ബാക്ക് സെഗ്മെന്റില് ടാറ്റ ആള്ട്രാസ് മാത്രമായിരിക്കം അവശേഷിക്കുകയെന്ന് പറയപ്പെടുന്നു. ഡീസല് എഞ്ചിന് മെച്ചപ്പെടുത്താന് ഹ്യുണ്ടായി ഒരു ശ്രമവും നടത്തിയിട്ടില്ല. ഡീസലിനും പെട്രോളിനും ഏതാണ്ട് ഒരേ വിലയായതിനാല് പെട്രോള് എഞ്ചിന് കാറുകളുടെ വില്പ്പന ഡീസലിനേക്കാള് കൂടുതലാണ്. ആളുകള്ക്ക് ഡീസല് കാറുകുളാടിപ്പോള് വലിയ താല്പര്യമില്ലാത്തതിനാല് ഹ്യുണ്ടായി പെട്രോള് എഞ്ചിനില് മാത്രമാണ് ശ്രദ്ധ കേന്ദ്രീകരിക്കുന്നത്.
അടുത്തത് ഹ്യുണ്ടായിയുടെ തന്നെ വെന്യു കാറാണ്. 1.5 ലിറ്റര് ഡീസല് എഞ്ചിന് വേരിയന്റാണ് ഈ കാറിനുള്ളത്. ഈ കാര് ബിഎസ് 6 റിയല് ഡ്രൈവിംഗ് എമിഷന് നിയന്ത്രണത്തിന് കീഴില് വരണമെങ്കില്, അത് കൂടുതല് ചെലവേറിയ കാറ്റാലിക് റിഡക്ഷന് സിസ്റ്റം സ്വീകരിക്കേണ്ടതുണ്ട്. അതിനാല് കാറിന്റെ വില വളരെ കൂടുതലാണ്, അതിനാല് ഈ കാറിലും ഡീസല് എഞ്ചിന് ഓപ്ഷനുണ്ടാകാന് സാധ്യതയുണ്ടെന്ന് പറയപ്പെടുന്നു. ഡീസല് എഞ്ചിന് ഓപ്ഷന് ആണെങ്കിലും വില കൂടുമെന്നതില് സംശയമില്ല.
നിലവിലുള്ള 1.5 ലിറ്റര് IVTech ഡീസല് എഞ്ചിന് ബിഎസ്6 റിയല് ഡ്രൈവിംഗ് എമിഷന് കണ്ട്രോളിലേക്ക് മാറ്റാനുള്ള പ്രക്രിയയിലാണ് ഹോണ്ട. ഹോണ്ട സിറ്റി, ഡബ്ല്യുആര്വി ക്രോസ്ഓവര്, അമേസ്, കമ്പനിയുടെ വരാനിരിക്കുന്ന കോംപാക്റ്റ് എസ്യുവി എന്നിവയിലും ഇത് ഘടിപ്പിക്കുമെന്ന് പ്രതീക്ഷിക്കുന്നു. ഈ പ്രശ്നത്തെ ഹോണ്ട അതിജീവിക്കുമെന്നാണ് സൂചന.
ഈ വിവരങ്ങളെല്ലാം ഔദ്യോഗിക വിവരങ്ങളല്ലെങ്കിലും സാങ്കേതികമായി നിലവിലെ വാര്ത്തകളെ അടിസ്ഥാനമാക്കി പ്രവചിച്ച വിവരങ്ങളാണ്. അതിനാല് ഇതില് ഏതെങ്കിലും കാറുകള് വാങ്ങാന് നിങ്ങള് പദ്ധതിയിടുന്നുണ്ടെങ്കില് അത് 6 മാസത്തിനുള്ളിലായാല് നല്ലത്.
Continue with Google