Click it and Unblock the Notifications
ഇനി വൈകില്ല! Virtus സെഡാന്റെ അവതരണ തീയതി വെളിപ്പെടുത്തി Volkswagen
ജര്മ്മന് ബ്രാന്ഡായ ഫോക്സ്വാഗണില് നിന്നും ഈ വര്ഷം നടക്കാനിരിക്കുന്ന ഏറ്റവും വലിയ അവതരണങ്ങളില് ഒന്നാണ് വിര്ചസ് സെഡാന്. 12 വര്ഷമായി വിപണിയിലുള്ള വെന്റോയ്ക്ക് പകരം എത്തുന്ന ഒരു ഇടത്തരം സെഡാനാണ് വിര്ചസ്.
വാഹനം നേരത്തെ വിപണിയില് എത്തുമെന്ന് പ്രതീക്ഷിച്ചിരുന്നെങ്കിലും, നിലവിലെ കൊവിഡ് സാഹചര്യങ്ങള് കാരണം കാലതാമസമുണ്ടാകുകയായിരുന്നുവെന്ന് കമ്പനി വെളിപ്പെടുത്തി. എന്നാല് വാഹനത്തിന്റെ അരങ്ങേറ്റം ഇനി അധികം നീട്ടികൊണ്ട് പോകില്ലെന്ന് വെളിപ്പെടുത്തിയിരിക്കുകയാണ് കമ്പനി ഇപ്പോള്.
വിര്ചസ് സെഡാന്റെ അരങ്ങേറ്റം സംബന്ധിച്ച് കൂടുതല് വെളിപ്പെടുത്തലുകള് നടത്തിയിരിക്കുകയാണ് ഫോക്സ്വാഗണ് ഇപ്പോള്. തെക്കേ അമേരിക്കയില് ഇതിനകം വില്പ്പനയ്ക്കെത്തിയ കാറിന്റെ മുഖം മിനുക്കിയ മോഡല്, 2022 മാര്ച്ച് 8-ന് ആഗോളതലത്തില് അരങ്ങേറ്റം കുറിക്കും, 2022 മെയ് രണ്ടാം പകുതിയില് ഇത് ഇന്ത്യയില് അവതരിപ്പിക്കുമെന്നും കമ്പനി വെളിപ്പെടുത്തി.
വിര്ചസിന്റെ അരങ്ങേറ്റത്തിന് മുന്നോടിയായി തന്നെ കാര്യങ്ങള് അണിയറയില് സജ്ജമാക്കുകയാണ് ഫോക്സ്വാഗണ്. ഇതിന്റെ പ്രാരംഭ ഘട്ടമായി വെന്റോ നിരയില് നിന്നും ഏതാനും വേരിയന്റുകളെ കമ്പനി അടുത്തിടെ പിന്വലിക്കുകയും ചെയ്തിരുന്നു.
ഫോക്സ്വാഗണ് വിര്ചസ്: ഇന്ത്യന് അരങ്ങേറ്റം
അടുത്തിടെ നടന്ന ഒരു അഭിമുഖത്തില്, ഫോക്സ്വാഗണ് ഇന്ത്യയുടെ ബ്രാന്ഡ് ഡയറക്ടര് ആശിഷ് ഗുപ്ത ഇങ്ങനെ വെളിപ്പെടുത്തിയിരുന്നു, ''ഒരു പുതിയ ഗ്ലോബല് സെഡാന്റെ ആമുഖത്തോടെ തങ്ങള് തങ്ങളുടെ പോര്ട്ട്ഫോളിയോ അവതരിപ്പിക്കുകയും റൗണ്ട് അപ്പ് ചെയ്യുകയും ചെയ്യും, അത് മാര്ച്ച് ആദ്യം അരങ്ങേറ്റവും, തുടര്ന്ന് മൂന്നാം ആഴ്ച മോഡലിന്റെ ഇന്ത്യന് അവതരണവും നടത്തുമെന്ന്.
വിര്ചസ് സെഡാന് 2018 മുതല് പല തെക്കേ അമേരിക്കന് വിപണികളിലും വില്പ്പനയ്ക്കെത്തിയിട്ടുണ്ടെങ്കിലും, ഇത് ഇപ്പോള് ഒരു ഫെയ്സ്ലിഫ്റ്റ് നവീകരണത്തിന് ഒരുങ്ങുകയാണ്. ഈ നവീകരിച്ച പതിപ്പാകും ആഗോളതലത്തിലും ഇന്ത്യയിലും അരങ്ങേറ്റം കുറിക്കുക.
ഇത് ആദ്യം ഇന്ത്യന് ഉപഭോക്താക്കള്ക്കും വില്പ്പനയ്ക്കെത്തും, അതിനുശേഷം തെക്കേ അമേരിക്കയിലും മറ്റ് വിപണികളിലും ലോഞ്ച് ചെയ്യുമെന്നും ആശിഷ് ഗുപ്ത വെളിപ്പെടുത്തി.
വിര്ചസ് ഫെയ്സ്ലിഫ്റ്റിന്റെ എക്സ്റ്റീരിയറില്, സാധാരണ കോസ്മെറ്റിക് മാറ്റങ്ങള് ലഭിക്കുമെന്നാണ് പ്രതീക്ഷിക്കുന്നത്. ഇതില് പുതുക്കിയ ബമ്പറുകള്, ഗ്രില്, ഹെഡ്ലാമ്പുകള്, അലോയ് വീലുകള് എന്നിവയും ഉള്പ്പെടും.
എക്സ്റ്റീരിയര് പോലെ തന്നെ ഇന്റീരിയറിലും പുതിയതും അപ്ഡേറ്റ് ചെയ്തതുമായ ഫീച്ചറുകള് കമ്പനി വാഗ്ദാനം ചെയ്യും. നിലവില് വിപണിയില് ഉള്ള വെന്റോയെക്കാള് വളരെ വലിയ കാറാണ് വിര്ചസ്. അത് ഇന്ത്യയില് വില്പ്പനയ്ക്കെത്തുമ്പോള് ക്ലാസ്-ലീഡിംഗ് അളവുകളും ഇന്റീരിയറും ബൂട്ട് സ്പേസും ഉണ്ടായിരിക്കും.
വാസ്തവത്തില്, ഈ സെഡാനെ ജെറ്റ എന്ന് വിളിക്കാന് കമ്പനിക്കുള്ളില് പദ്ധതിയുണ്ടായിരുന്നതായി നേരത്തെ റിപ്പോര്ട്ടുകള് വന്നിരുന്നു. വിവിധ വില നിലവാരത്തിലുള്ള സെഡാന് സെഗ്മെന്റുകള് വര്ഷങ്ങളായി എസ്യുവികളോടുള്ള ജനപ്രീതി നഷ്ടപ്പെടുകയാണ്, കൂടാതെ വിര്ചസ് വില്പ്പന ടൈഗൂണ് എസ്യുവിയേക്കാള് കവിയുമെന്ന് ഫോക്സ്വാഗണ് തന്നെ പ്രതീക്ഷിക്കുന്നില്ല.
'വ്യക്തിഗത മൊബിലിറ്റിയുടെ ആവശ്യം കാരണം, കുടുംബങ്ങളില് അധിക വാങ്ങലുകള് നടക്കുന്നുവെന്നും ആശിഷ് ഗുപ്ത വ്യക്തമാക്കി. ''നിങ്ങള് ഒരു കാറിന്റെ അധിക വാങ്ങല് നടത്തുമ്പോള്, നിങ്ങളുടെ സ്റ്റേബിളില് നിങ്ങള് സാധാരണയായി ഒന്നോ രണ്ടോ വ്യത്യസ്ത ശരീര ശൈലികള് നോക്കും. പുതിയ ആഗോള സെഡാന് ഉപയോഗിച്ച് ഞങ്ങള് ഉപഭോക്താവിന് ഒരു ഓപ്ഷന് നല്കുന്നുവെന്നും അദ്ദേഹം കൂട്ടിച്ചേര്ത്തു.
ഫോക്സ്വാഗണ് വിര്ചസ്: പ്രതീക്ഷിക്കാവുന്ന മാറ്റങ്ങള്
ഫോക്സ്വാഗണ് ഗ്രൂപ്പിന്റെ 'ഇന്ത്യ 2.0' മോഡലുകള്ക്ക് ഉപയോഗിക്കുന്ന അതേ MQB A0-IN പ്ലാറ്റ്ഫോമാണ് ഇതിനും അടിവരയിടുന്നത്. ടൈഗൂണ്, സ്കോഡ കുഷാക്ക്, സ്കോഡ സ്ലാവിയ എന്നീ മോഡലുകള്ക്കും ഇതേ പ്ലാറ്റ്ഫോം തന്നെയാണ് ഉപയോഗിക്കുന്നത്.
വിര്ചസ് അതിന്റെ പ്ലാറ്റ്ഫോം, പവര്ട്രെയിനുകള്, മെക്കാനിക്കലുകള് എന്നിവ മാത്രമല്ല, അതിന്റെ മിക്ക ബോഡി പാനലുകള്, വിവിധ ഇന്റീരിയര് ഘടകങ്ങള്, സ്വിച്ച് ഗിയര്, അതിന്റെ സീറ്റുകള്, കൂടാതെ ഡാഷ്ബോര്ഡ് എന്നിവയും പങ്കിടും സ്കോഡ സ്ലാവിയായുമായി പങ്കിടും.
ഫോക്സ്വാഗണ് ബ്രാന്ഡ്-നിര്ദ്ദിഷ്ട ഇന്റീരിയര് ഫീച്ചറുകള്, സ്റ്റിയറിംഗ് വീല്, അപ്ഹോള്സ്റ്ററി കളര് എന്നിവയും അതിലേറെയും പോലെയുള്ള കുറച്ച് ഫീച്ചറുകള് അതിന്റെ ചെക്ക് കസിനില് നിന്ന് വേറിട്ടുനില്ക്കാന് വിര്ചസില് ഉണ്ടായിരിക്കുമെന്നും കമ്പനി വെളിപ്പെടുത്തി.
10.0 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, ഡിജിറ്റല് ഇന്സ്ട്രുമെന്റ് ക്ലസ്റ്റര്, വയര്ലെസ് ഫോണ് ചാര്ജിംഗ്, കണക്റ്റഡ് കാര് ടെക്, ലെതറെറ്റ് അപ്ഹോള്സ്റ്ററി, സണ്റൂഫ്, കീലെസ് എന്ട്രി ആന്ഡ് ഗോ എന്നിങ്ങനെയുള്ള ഫീച്ചറുകളും വാഹനത്തില് ഇടംപിടിക്കും.
ഓട്ടോ ഹെഡ്ലാമ്പുകളും വൈപ്പറുകളും, ടയര്-പ്രഷര് മോണിറ്റര്, എല്ഇഡി ഹെഡ്ലൈറ്റുകള്, ഓട്ടോമാറ്റിക് ക്ലൈമറ്റ് കണ്ട്രോള്, ആറ് എയര്ബാഗുകള്, കൂടാതെ ടോപ്പ്-സ്പെക് ഗെയ്സില് അതിലേറെയും സവിശേഷതകളും പ്രതീക്ഷിക്കാം.
ഫോക്സ്വാഗണ് വിര്ചസ്: ഇന്ത്യയില് പ്രതീക്ഷിക്കുന്ന എഞ്ചിന്, ഗിയര്ബോക്സ് ഓപ്ഷനുകള്
ടൈഗൂണ്, കുഷാക്ക്, സ്ലാവിയ എന്നിവ പോലെ, ഫോക്സ്വാഗണ് വിര്ചസ് സെഡാന് രണ്ട് പെട്രോള് എഞ്ചിന് ഓപ്ഷനുകളിലാകും വിപണിയില് എത്തുക. 115 bhp കരുത്ത് നല്കുന്ന 1.0 ലിറ്റര് TSI ത്രീ-സിലിണ്ടര് ടര്ബോ എഞ്ചിനും 150 bhp കരുത്തും 250 Nm പീക്ക് ടോര്ക്കും നല്കുന്ന 1.5 ലിറ്റര് TSI ഫോര് സിലിണ്ടര് ടര്ബോ എഞ്ചിനും വാഹനത്തില് ഇടംപിടിക്കും.
1.0 ലിറ്റര് TSI യൂണിറ്റ് 6-സ്പീഡ് മാനുവല്, 6-സ്പീഡ് ടോര്ക്ക് കണ്വെര്ട്ടര് ഓട്ടോമാറ്റിക് ട്രാന്സ്മിഷന് എന്നിവയ്ക്കൊപ്പം ലഭ്യമാകും, അതേസമയം 1.5 ലിറ്റര് TSI യൂണിറ്റ് 7 സ്പീഡ് DSG ഓട്ടോമാറ്റിക് ഗിയര്ബോക്സും 6 സ്പീഡ് മാനുവല് ഗിയര്ബോക്സുമായും ജോടിയാക്കും.
Continue with Google