Virtus 1.5 TSI-ന് മാനുവല്‍ ഓപ്ഷന്‍ ലഭിക്കില്ല; സ്ഥിരീകരിച്ച് Volkswagen

ആഗോള വിപണിക്കായി അവതരിപ്പിച്ച ഫെയ്‌സ്‌ലിഫ്റ്റ് പതിപ്പാണ് ഇപ്പോള്‍ വെന്റോയ്ക്ക് പകരക്കാനായി രാജ്യത്ത് എത്തുന്നത്. ഇന്ത്യ 2.0 സ്ട്രാറ്റജിക്ക് കീഴില്‍ കമ്പനി അവതരിപ്പിക്കുന്ന അതിന്റെ രണ്ടാമത്തെ ഉല്‍പ്പന്നമാണ് വിര്‍ട്ടിസ്. സെഡാന്‍ ശ്രേണിയില്‍ നേരത്തെ ഉണ്ടായിരുന്ന വെന്റോയെക്കാള്‍ പുതുമകളുമായാണ് ഈ വാഹനം എത്തുന്നത്.

വരാനിരിക്കുന്ന സെഡാന്റെ ബുക്കിംഗ് ഇതിനോടകം തന്നെ കമ്പനി ആരംഭിക്കുകയും ചെയ്തിട്ടുണ്ട്. ഡൈനാമിക് ലൈന്‍, GT ലൈന്‍ എന്നീ രണ്ട് വേരിയന്റുകളിലാണ് വാഹനം എത്തുന്നത്. ഈ വാഹനം MQB AO IN പ്ലാറ്റ്ഫോമിനെ അടിസ്ഥാനമാക്കി ഉള്ളതാണെന്നും ഫോക്‌സ്‌വാഗണ്‍ വ്യക്തമാക്കുന്നു.

ഡൈനാമിക് ലൈന്‍ അടിസ്ഥാന 1.0 TSI എഞ്ചിനുമായി വരുന്നു, അതേസമയം പെര്‍ഫോമന്‍സ് ലൈന്‍ കൂടുതല്‍ ശക്തമായ 1.5 TSI എഞ്ചിനിലാണ് വരുന്നത്. വാഹനം സംബന്ധിച്ച് ഏതാനും പുതിയ കാര്യങ്ങള്‍ കൂടി വെളിപ്പെടുത്തിയിരിക്കുകയാണ് കമ്പനി ഇപ്പോള്‍.

ഏറ്റവും പുതിയ റിപ്പോര്‍ട്ട് അനുസരിച്ച്, 1.5 ലിറ്റര്‍ TSI എഞ്ചിന്‍ ഉള്ള ഒരു മാനുവല്‍ ട്രാന്‍സ്മിഷന്‍ സെഡാന് നഷ്ടമാകുമെന്ന് കമ്പനി സ്ഥിരീകരിച്ചു. 150 bhp ടര്‍ബോ-പെട്രോള്‍ എഞ്ചിന് അതിന്റെ സഹോദര മോഡലായ സ്‌കോഡ സ്ലാവിയയില്‍ നിന്ന് വ്യത്യസ്തമായി 7-സ്പീഡ് DSG (ഡ്യുവല്‍ ക്ലച്ച് ഓട്ടോ) ലഭിക്കും.

115 bhp കരുത്തേകുന്ന 1-ലിറ്റര്‍ TSI ടര്‍ബോ-പെട്രോള്‍ യൂണിറ്റാണ് ഫോക്‌സ്‌വാഗണ്‍ വിര്‍ട്ടിസിന്റെ മറ്റൊരു എഞ്ചിന്‍ ഓപ്ഷന്‍. 6-സ്പീഡ് മാനുവല്‍, ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക് ട്രാന്‍സ്മിഷനുകള്‍ക്കൊപ്പം ഇത് വാഗ്ദാനം ചെയ്യും. ക്രൂയിസിംഗ് വേഗതയില്‍ ഇന്ധനക്ഷമത വര്‍ദ്ധിപ്പിക്കാന്‍ സഹായിക്കുന്നതിന് 1.5 TSI ന് ആക്റ്റീവ് സിലിണ്ടര്‍ സാങ്കേതികവിദ്യയും വാഹനത്തിന് ലഭിക്കുന്നു.

വിപണിയില്‍ സ്‌കോഡ സ്ലാവിയ, ഹോണ്ട സിറ്റി, മാരുതി സുസുക്കി സിയാസ്, ഹ്യുണ്ടായി വെര്‍ണ എന്നിവയ്‌ക്കെതിരെയാണ് വെര്‍ട്ടിസ് മത്സരിക്കുന്നത്.

ആറ് വ്യത്യസ്ത കളര്‍ ഓപ്ഷനുകളിലാണ് വിര്‍ട്ടിസ് വാഗ്ദാനം ചെയ്യുന്നത്. റൈസിംഗ് ബ്ലൂ മെറ്റാലിക്, കാര്‍ബണ്‍ സ്റ്റീല്‍ ഗ്രേ, റിഫ്‌ലെക്‌സ് സില്‍വര്‍, വൈല്‍ഡ് ചെറി റെഡ്, കുര്‍ക്കുമ യെല്ലോ എന്നിവയുണ്ട്. കൂടാതെ, ഡ്യുവല്‍-ടോണ്‍ കളര്‍ സ്‌കീമുകളും ഓഫറിലുണ്ടാകും.

ജര്‍മ്മന്‍ വാഹന നിര്‍മ്മാതാക്കളുടെ ചക്കന്‍ പ്ലാന്റില്‍ വിര്‍ട്ടിസ് സെഡാന്‍ നിര്‍മ്മിക്കുമെന്നും 5 ഭൂഖണ്ഡങ്ങളിലായി 25 രാജ്യങ്ങളിലേക്ക് കയറ്റുമതി ചെയ്യുമെന്നും ഫോക്‌സ്‌വാഗണ്‍ അറിയിച്ചിട്ടുണ്ട്. വാഹനത്തിന്റെ രൂപകല്‍പ്പന ലളിതവും എന്നാല്‍ വളരെ ഷാര്‍പ്പാണെന്നും വേണം പറയാന്‍.

ഈ ഡിസൈന്‍ ഫോക്‌സ്‌വാഗണ്‍ വിര്‍ട്ടിസിന് വളരെ നിസ്സാരമായ രൂപം നല്‍കുന്നു. മുന്‍ ബമ്പറിലെ വലിയ ബ്ലാക്ക്ഡ് ഔട്ട് ഭാഗവും ബ്ലാക്ക്ഡ്-ഔട്ട് ടെയില്‍ലാമ്പുകളും സെഡാന് വളരെയധികം സ്‌പോര്‍ടിനസ് നല്‍കുകയും ചെയ്യുന്നു.

ഉള്ളില്‍, കഴിഞ്ഞ വര്‍ഷം പുറത്തിറക്കിയ ഫോക്‌സ്‌വാഗണ്‍ ടൈഗൂണ്‍ എസ്‌യുവിയുമായി വിര്‍ട്ടിസിന് ശക്തമായ സാമ്യമുണ്ട്. മാത്രമല്ല, ലേയേര്‍ഡ് ഡാഷ്ബോര്‍ഡും വലിയ ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് യൂണിറ്റും ഉള്ള ഇന്റീരിയര്‍ വളരെ പ്രീമിയമായി കാണപ്പെടുന്നു. ക്യാബിനിലേക്ക് സ്പോര്‍ടിനസ് സ്പര്‍ശിക്കുന്ന റെഡ് ഡാഷ്ബോര്‍ഡ് സറൗണ്ടുകളുമായാണ് GT വേരിയന്റ് വരുന്നത്.

മാത്രമല്ല, ഫോക്‌സ്‌വാഗണ്‍ വിര്‍ട്ടിസ് സെഡാന് 4,561 mm നീളവും 1,752 mm വീതിയും 1,507 mm ഉയരവുമുണ്ട്. കൂടാതെ, ജര്‍മ്മന്‍ സെഡാന്റെ വീല്‍ബേസ് 2,651 mm ആണ്. ബൂട്ട് സ്പെയ്സ് 521-ലിറ്ററാണ്. ഇത് സെഗ്മെന്റിലെ തന്നെ വലുതെന്നാണ് കമ്പനി അവകാശപ്പെടുന്നത്.

മുമ്പ് പുറത്തിറക്കിയ ടൈഗൂണ്‍, സ്‌കോഡ സ്ലാവിയ, സ്‌കോഡ കുഷാക്ക് എന്നിവയുടെ ഫീച്ചര്‍ ലിസ്റ്റ് തന്നെയാകും പുതിയ വിര്‍ട്ടിസും മുന്നോട്ട് കൊണ്ടുപോവുക. ഇതിനര്‍ത്ഥം പുതിയ മിഡ്‌സൈസ്-സെഡാനില്‍, കണക്റ്റുചെയ്ത കാര്‍ ടെക്നോടുകൂടിയ വലിയ 10.1 ഇഞ്ച് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് യൂണിറ്റ്, വയര്‍ലെസ് ആന്‍ഡ്രോയിഡ് ഓട്ടോ, ആപ്പിള്‍ കാര്‍പ്ലേ എന്നിവയുടെ പിന്തുണയും ലഭിക്കുന്നു.

ഈ ഫീച്ചറുകള്‍ക്ക് പുറമേ, ഓട്ടോമാറ്റിക് ക്ലൈമറ്റ് കണ്‍ട്രോള്‍ സിസ്റ്റം, വയര്‍ലെസ് ചാര്‍ജര്‍, വെന്റിലേറ്റഡ് ഫ്രണ്ട് സീറ്റുകള്‍, ലെതര്‍ അപ്‌ഹോള്‍സ്റ്ററി, റിയര്‍ എസി വെന്റുകള്‍, 8 സ്പീക്കറുകള്‍, ഇലക്ട്രിക് സണ്‍റൂഫ്, കൂള്‍ഡ് ഗ്ലോവ് ബോക്‌സ്, 4-യുഎസ്ബി പോര്‍ട്ടുകള്‍ തുടങ്ങിയ ഫീച്ചറുകളും ഫോര്‍സ്‌വാഗണ്‍ വിര്‍ട്ടിസില്‍ സജ്ജീകരിച്ചിരിക്കുന്നു.

സുരക്ഷയുടെ കാര്യത്തില്‍, കമ്പനി ചെലവ് ചുരുക്കല്‍ നടപടികളൊന്നും സ്വീകരിച്ചിട്ടില്ല, കൂടാതെ മള്‍ട്ടിപ്പിള്‍ എയര്‍ബാഗുകള്‍, ഹില്‍-ഹോള്‍ഡ് കണ്‍ട്രോള്‍, ഇലക്ട്രോണിക് സ്റ്റെബിലിറ്റി കണ്‍ട്രോള്‍ (ESC), മള്‍ട്ടി-കളിഷന്‍ ബ്രേക്കുകള്‍, ഇലക്ട്രോണിക് ഡിഫറന്‍ഷ്യല്‍ സിസ്റ്റം (EDS), ടയര്‍ പ്രഷര്‍ മോണിറ്ററിംഗ് സിസ്റ്റം (TPMS) എന്നിങ്ങനെ നിരവധി സുരക്ഷ ഫീച്ചറുകളും വാഹനത്തില്‍ വാഗ്ദാനം ചെയ്യുന്നുണ്ട്.