ഇന്ത്യയിലെ ആദ്യത്തെ സബ്-കോംപാക്ട് CNG എസ്‌യുവിയാകാന്‍ Brezza; ശ്രേണിയില്‍ കച്ചമുറുക്കി Maruti

ബ്രെസ കോംപാക്ട് എസ്‌യുവിയുടെ CNG പതിപ്പ് ഇന്ത്യയില്‍ അവതരിപ്പിച്ചുകൊണ്ട് അതിന്റെ S-CNG പോര്‍ട്ട്ഫോളിയോ വിപുലീകരിക്കാന്‍ ഒരുങ്ങുകയാണ് നിര്‍മാതാക്കളായ മാരുതി സുസുക്കി. ഇത് ഇപ്പോള്‍ ഗ്രേറ്റര്‍ നോയിഡയില്‍ നടക്കുന്ന 2023 ഓട്ടോ എക്സ്പോയില്‍ പ്രദര്‍ശിപ്പിച്ചിരിക്കുകയാണ്. വാഹനം പ്രദര്‍ശിപ്പിച്ചു എന്നതൊഴിച്ചാല്‍ വില സംബന്ധിച്ച കാര്യങ്ങള്‍ ഒന്നും തന്നെ വെളിപ്പെടുത്തിയിട്ടില്ല.

വാഹനം ഉടന്‍ തന്നെ വിപണിയില്‍ എത്തുമെന്നാണ് പ്രതീക്ഷിക്കുന്നത്. ഇതിനകം തന്നെ ബ്രാന്‍ഡ് നിരയില്‍ 14 CNG മോഡലുകളാണുള്ളത്. പുതിയ ബ്രെസ് കൂടി എത്തുന്നതോടെ ലൈനപ്പ് കൂടുതല്‍ ശക്തമാക്കാനാണ് കമ്പനി ലക്ഷ്യമിടുന്നത്. പുതുക്കിയ ബലേനോ, XL6, എര്‍ട്ടിഗ എന്നിവയും പുതിയ ഗ്രാന്‍ഡ് വിറ്റാര, പുതുതലമുറ ആള്‍ട്ടോ K10, രണ്ടാം തലമുറ ബ്രെസ എന്നിവയുള്‍പ്പെടെ നിരവധി പുതിയ മോഡലുകള്‍ കാര്‍ നിര്‍മാതാവ് കഴിഞ്ഞ വര്‍ഷം അവതരിപ്പിച്ചു.

കൂടാതെ, S-CNG ശ്രേണിയും കഴിഞ്ഞ വര്‍ഷം വലിയ വിപുലീകരണം കണ്ടു, 2023-ലും ഈ തന്ത്രം തുടരുമെന്ന് പ്രഖ്യാപിച്ചിരിക്കുകയാണ് നിര്‍മാതാക്കള്‍ ഇപ്പോള്‍. മാരുതി സുസുക്കി ബ്രെസ CNG-യുടെ വില ഏകദേശം പെട്രോള്‍ മാത്രമുള്ള വേരിയന്റിനേക്കാള്‍ 70,000 രൂപ കൂടുതലാകുമെന്നാണ് പ്രതീക്ഷിക്കുന്നത്. പ്രരംഭ പതിപ്പിന് ഏകദേശം 8.7 ലക്ഷം രൂപ വരെയാണ് എക്‌സ്‌ഷോറൂം വില പ്രതീക്ഷിക്കുന്നത്. അതേസമയം ബ്രെസ CNG-യുടെ ടോപ്പ്-സ്‌പെക്ക് വേരിയന്റിന് 13 ലക്ഷം എകസ്‌ഷോറൂം വിലയും പ്രതീക്ഷിക്കാം.

അധികം വൈകാതെ വാഹനം വില്‍പ്പനയ്ക്ക് എത്തിക്കാനാണ് കമ്പനി ലക്ഷ്യമിടുന്നത്. സബ്-ഫോര്‍-മീറ്റര്‍ എസ് യുവിനിലവിലുള്ള 1.5-ലിറ്റര്‍ ഫോര്‍-സിലിണ്ടര്‍ പെട്രോള്‍ K15C എഞ്ചിനില്‍ നിന്ന് തന്നെയാണ് കരുത്ത് സൃഷ്ടിക്കുന്നത്. ഏകദേശം 87 bhp കരുത്തും 121 Nm ടോര്‍ക്കും ഉത്പാദിപ്പിക്കാന്‍ ഇതിന് കഴിയും. അതേസമയം സ്റ്റാന്‍ഡേര്‍ഡ് പതിപ്പില്‍ ഈ യൂണിറ്റ് 102 bhp കരുത്തും 137 Nm ടോര്‍ക്കും സൃഷ്ടിക്കുന്നു. കൂടാതെ ബ്രെസയുടെ CNG മോഡല്‍ LXi, VXi, ZXi, ZXi പ്ലസ് എന്നിങ്ങനെ നാല് ട്രിമ്മുകളില്‍ ലഭ്യമാകും.

മികച്ച ഇന്ധനക്ഷമതയ്ക്കായി ചില വിട്ടുവീഴ്ചകള്‍ ചെയ്യുന്നതിനാല്‍ ബൂട്ടിലെ CNG ടാങ്കിന്റെ സാന്നിധ്യം സ്റ്റോറേജ് സ്‌പെയ്‌സിനെ ബാധിച്ചേക്കാം. അതിലും പ്രധാനമായി, അഞ്ച് സ്പീഡ് മാനുവല്‍ സ്റ്റാന്‍ഡേര്‍ഡായി ഇത് വാഗ്ദാനം ചെയ്യും, എന്നാല്‍ ആറ് സ്പീഡ് ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക്കിനൊപ്പം ബ്രെസ CNG-യും മാരുതി വാഗ്ദാനം ചെയ്യാനുള്ള ഉയര്‍ന്ന സാധ്യതയുണ്ട്.

അങ്ങനെ സംഭവിക്കുകയാണെങ്കില്‍, CNG-ഓട്ടോമാറ്റിക് കോണ്‍ഫിഗറേഷനില്‍ വാഗ്ദാനം ചെയ്യുന്ന ആദ്യത്തെ കാറായി ബ്രെസ CNG മാറും. സ്റ്റാന്‍ഡേര്‍ഡ് ബ്രെസയുടെ വലിയ ബൂട്ട് സ്‌പേസ് കണക്കിലെടുക്കുമ്പോള്‍, CNG ടാങ്ക് പ്ലെയ്സ്മെന്റ് ഇപ്പോഴും കുറച്ച് ഇടം നല്‍കും. XL6 CNG പതിപ്പില്‍, CNG ടാങ്കിന് 60 ലിറ്റര്‍ ആണ്, കൂടാതെ 26.32km/kg മൈലേജുമുണ്ട്. കുറച്ച് ദിവസങ്ങള്‍ക്ക് മുമ്പാണ്, ഗ്രാന്‍ഡ് വിറ്റാര മിഡ്-സൈസ് എസ്‌യുവിയുടെ CNG വേരിയന്റ് മാരുതി സുസുക്കി പുറത്തിറക്കുന്നത്.

ഇപ്പോള്‍ മൈല്‍ഡ്-ഹൈബ്രിഡ്, സ്‌ട്രോംഗ് ഹൈബ്രിഡ്, CNG പവര്‍ട്രെയിന്‍ എന്നിവ ഫീച്ചര്‍ ചെയ്യുന്ന സെഗ്മെന്റിലെ ഏക മോഡലാണിത്. ലോഞ്ച് ചെയ്യുമ്പോള്‍, മാരുതി സുസുക്കി ബ്രെസ CNG, CNG പവര്‍ട്രെയിന്‍ ഘടിപ്പിച്ച ആദ്യത്തെ ശരിയായ കോംപാക്ട് എസ്‌യുവിയായി മാറും. XL6, ബലേനോ എന്നിവയ്ക്ക് സമാനമായി ബ്രെസ CNG, സ്റ്റാന്‍ഡേര്‍ഡ് പതിപ്പിനേക്കാള്‍ വലിയ വില പ്രീമിയം വഹിക്കുമെന്ന് ഞങ്ങള്‍ പ്രതീക്ഷിക്കുന്നു. ബ്രെസ CNG-യുടെ ലോഞ്ച് തീയതി ഉടന്‍ പ്രഖ്യാപിക്കുമെന്നാണ് പ്രതീക്ഷിക്കുന്നത്.

അതേസമയം വാഹനത്തിന്റെ ഫീച്ചറുകളിലോ, സവിശേഷതകളിലോ മാറ്റങ്ങള്‍ ഒന്നും തന്നെ ഉണ്ടായിരിക്കില്ല. സ്റ്റാന്‍ഡേര്‍ഡ് പതിപ്പില്‍ കണ്ടതിന് സമാനമായിരിക്കുമെന്ന് വേണം പറയാന്‍. പോയ വര്‍ഷത്തിന്റെ മധ്യത്തിലാണ് അടിമുടി മാറ്റങ്ങളോടെ നവീകരിച്ച ബ്രെസയെ നിര്‍മാതാക്കള്‍ അവതരിപ്പിക്കുന്നത്. നിലവില്‍ സെഗ്മെന്റില്‍ ഏറ്റവും കൂടുതല്‍ വില്‍പ്പനയുള്ള മോഡല്‍ കൂടിയാണിത്. CNG പതിപ്പിന്റെ വരവ് വില്‍പ്പന ഇനിയും ഉയര്‍ത്തുമെന്ന പ്രതീക്ഷയിലാണ് നിര്‍മാതാക്കള്‍.

പുതിയ മാരുതി സുസുക്കി ബ്രെസയ്ക്ക് സമഗ്രമായി അപ്ഡേറ്റാണ് എക്സ്റ്റീരിയറിലും, ഇന്റീരിയറിലും അവതരിപ്പിക്കുന്നത്. ഇന്റീരിയറില്‍ കൂടുതല്‍ വിപുലമായ ഫീച്ചറുകളും സാങ്കേതികവിദ്യകളും സമൂലമായ മാറ്റങ്ങള്‍ക്കാണ് വിധേയമായിരിക്കുന്നത്. ആപ്പിള്‍ കാര്‍പ്ലേ, ആന്‍ഡ്രോയിഡ് ഓട്ടോ കണക്റ്റിവിറ്റിയുള്ള 9.0 ഇഞ്ച് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, ഓട്ടോമാറ്റിക് ക്ലൈമറ്റ് കണ്‍ട്രോള്‍, 360 ഡിഗ്രി ക്യാമറ സിസ്റ്റം, കണക്റ്റ് ചെയ്ത സവിശേഷതകള്‍, ഹെഡ്സ്-അപ്പ് ഡിസ്പ്ലേ, ക്രൂയിസ് കണ്‍ട്രോള്‍, എഞ്ചിന്‍ സ്റ്റാര്‍ട്ട്/സ്റ്റോപ്പ് ബട്ടണ്‍, ആറ് എയര്‍ബാഗുകള്‍ എന്നിവയാണ് പ്രധാന ഹൈലൈറ്റുകളില്‍ ചിലത്.