7 സീരീസ്, i7 മോഡലുകള്‍ വിപണിയില്‍ എത്തിച്ച് BMW; വില, എഞ്ചിന്‍, ഫീച്ചറുകൾ അറിയാം

ആഡംബര ലിമോസിന്‍ ഇപ്പോള്‍ X7 ഫെയ്സ്ലിഫ്റ്റില്‍ ആദ്യമായി അവതരിപ്പിച്ച ബ്രാന്‍ഡിന്റെ പുതിയ ഡിസൈന്‍ ഭാഷയിലാണ് അണിഞ്ഞൊരുങ്ങിയിരിക്കുന്നത്. പിന്‍സീറ്റിലെ യാത്രക്കാരുടെ സുഖ സൗകര്യങ്ങളില്‍ ശ്രദ്ധ കേന്ദ്രീകരിക്കുന്ന നിരവധി സാങ്കേതിക നവീകരണങ്ങളുള്ള പരിഷ്‌കരിച്ച ക്യാബിനും ഇതില്‍ ഉള്‍ക്കൊള്ളുന്നു.

ആദ്യം നമുക്ക് പുതിയ ബിഎംഡബ്ല്യു 7 സീരീസിന്റെ എക്സ്റ്റീരിയര്‍, ഇന്റീരിയര്‍, ഫീച്ചറുകള്‍ എന്നിവ നോക്കാം. സ്പ്ലിറ്റ്-എല്‍ഇഡി ഹെഡ്ലൈറ്റ് സജ്ജീകരണവും വലിയ കിഡ്നി ഗ്രില്ലിനെ ചുറ്റിപ്പറ്റിയുള്ള ഒരു ഇല്ലുമിനേറ്റ് ലൈറ്റിംഗ് ഘടകവും ഉള്‍പ്പെടുന്ന പൂര്‍ണ്ണമായും പരിഷ്‌ക്കരിച്ച മുന്‍ഭാഗമാണ് 7 സീരീസിന് ലഭിക്കുന്നത്. ഈ പുതിയ ഡിസൈന്‍ ഫിലോസഫി അതിന്റെ ഇലക്ട്രിക് കൗണ്ടര്‍പാര്‍ട്ടായ i7-ലും നടപ്പിലാക്കിയിട്ടുണ്ട്. സൈഡുകളില്‍ ലക്ഷ്വറി ലിമോസിന്‍ ഇപ്പോള്‍ പരമ്പരാഗത ഹാന്‍ഡിലുകള്‍ക്ക് പകരമായി ഇന്‍േറണല്‍ ടച്ച്പാഡും ഇലക്ട്രോണിക് മെക്കാനിസവും ഉള്ള ഫ്‌ലഷ് ഡോര്‍ ഹാന്‍ഡിലുകള്‍ അവതരിപ്പിക്കുന്നു.

19 ഇഞ്ച് വീലുകള്‍ സ്റ്റാന്‍ഡേര്‍ഡ് ആയി നല്‍കിയിട്ടുണ്ട്. മാത്രമല്ല, ഇത് 22 ഇഞ്ചിലേക്ക് അപ്ഗ്രേഡ് ചെയ്യാനുള്ള ഓപ്ഷനും ഉണ്ട്. 7 സീരീസിന്റെ പിന്‍ഭാഗത്തും സമാന്തരമായി എല്‍ഇഡി ടെയില്‍ ലൈറ്റുകളുടെയും റീപ്രൊഫൈല്‍ ചെയ്ത ബമ്പറിന്റെയും രൂപത്തിലും ചില മാറ്റങ്ങള്‍ വരുത്തിയിട്ടുണ്ട്. അകത്തേക്ക് കടന്നാല്‍ പുതിയ 7 സീരീസ് ഇപ്പോള്‍ ഒരു നവീകരിച്ച ക്യാബിന്‍ ഉള്‍ക്കൊള്ളുന്നു.

സമീപകാല കാലത്തിറങ്ങിയ ബിഎംഡബ്ല്യു മോഡലുകളായ iX, i4 എന്നിവയ്ക്ക് സമാനമായി ഏറ്റവും പുതിയ കര്‍വ്ഡ് ഇന്‍ഫോടെയ്ന്‍മെന്റ് സ്‌ക്രീന്‍ ഇതില്‍ ഉള്‍പ്പെടുന്നു. ഇതില്‍ 12.3 ഇഞ്ച് ഡിജിറ്റല്‍ ഇന്‍സ്ട്രുമെന്റ് ക്ലസ്റ്ററും ഏറ്റവും പുതിയ iഡ്രൈവ് 8 സോഫ്റ്റ്വെയര്‍ പ്രവര്‍ത്തിക്കുന്ന 14.9 ഇഞ്ച് ടച്ച്സ്‌ക്രീനും ഉള്‍പ്പെടുന്നു. മുന്‍ സീറ്റുകള്‍ക്കിടയില്‍ ഒരു ഗിയര്‍ സെലക്ടര്‍, ഒരു പരമ്പരാഗത റോട്ടറി ഐഡ്രൈവ് കണ്‍ട്രോളര്‍, മറ്റ് ടച്ച് സെന്‍സിറ്റീവ് കണ്‍ട്രോളുകള്‍ എന്നിവയുള്ള ഒരു കണ്‍ട്രോള്‍ പാനലും കാണാം.

ബിഎംഡബ്ല്യു വലിയ മാറ്റങ്ങള്‍ ഉള്‍പ്പെടുത്തിയിരിക്കുന്നത് പിന്‍ഭാഗത്താണ്. ആമസോണ്‍ ഫയര്‍ ടിവി വഴി വീഡിയോ സ്ട്രീമിംഗ് വാഗ്ദാനം ചെയ്യുന്നതിനായി 7 സീരീസിന് ഇപ്പോള്‍ 31.3 ഇഞ്ച്, 8K 'സിനിമാ' സ്‌ക്രീന്‍ ലഭിക്കുന്നു. റൂഫില്‍ ഘടിപ്പിച്ച് ഈ സ്‌ക്രീനില്‍ 16:9, 32:9, 21:9 ഫോര്‍മാറ്റുകളില്‍ വീഡിയോ സ്ട്രീം ചെയ്യാം. റിയര്‍ ഡോര്‍ പാഡുകളിലെ 5.5 ഇഞ്ച് ടച്ച്സ്‌ക്രീനുകള്‍, സോഫ്റ്റ് ക്ലോസിംഗ് ഡോറുകള്‍, എല്‍ഇഡി ലൈറ്റിംഗ് ഘടകങ്ങളുള്ള പനോരമിക് സണ്‍റൂഫ്, ആംബിയന്റ് ലൈറ്റിംഗ് എന്നിവയാണ് മറ്റ് ഫീച്ചര്‍ ഹൈലൈറ്റുകള്‍.

ആഗോളതലത്തില്‍, മൈല്‍ഡ്-ഹൈബ്രിഡ് പെട്രോള്‍, ഡീസല്‍ എഞ്ചിനുകള്‍, കൂടാതെ ഒരു പ്ലഗ്-ഇന്‍ ഹൈബ്രിഡ് പെട്രോള്‍ ഉള്‍പ്പെടെയുള്ള പവര്‍ട്രെയിന്‍ ഓപ്ഷനുകള്‍ 7 സീരീസിന് ലഭിക്കുന്നു. എങ്കിലും ബിഎംഡബ്ല്യു ഇന്ത്യയില്‍ ഒരു എഞ്ചിന്‍ ഓപ്ഷന്‍ മാത്രമാണ് വാഗ്ദാനം ചെയ്യുന്നത്. 380 bhp 3.0 ലിറ്റര്‍, ഇന്‍ലൈന്‍ 6 സിലിണ്ടര്‍ പെട്രോള്‍ (740i) എഞ്ചിന്‍ ആണത്. ഈ എഞ്ചിന് മൈല്‍ഡ്-ഹൈബ്രിഡ് സാങ്കേതികവിദ്യ നല്‍കുകയും 8-സ്പീഡ് ഓട്ടോമാറ്റിക് ട്രാന്‍സ്മിഷനുമായി ജോടിയാക്കുകയും ചെയ്തു.

കാര്‍ 5.4 സെക്കന്‍ഡിനുള്ളില്‍ പൂജ്യത്തില്‍ നിന്ന് മണിക്കൂറില്‍ 100 കിലോമീറ്റര്‍ വേഗത കൈവരിക്കും. മണിക്കൂറില്‍ 250 കിലോമീറ്റര്‍ ആണ് ടോപ്‌സ്പീഡ്. 7 സീരീസിന് അഡാപ്റ്റീവ് എയര്‍ സസ്പെന്‍ഷനും ഇലക്ട്രോണിക്കലി കണ്‍ട്രോള്‍ഡ് ഡാംപറുകളും സ്റ്റാന്‍ഡേര്‍ഡായി ലഭിക്കുന്നു. പുതിയ 7 സീരീസ് ബിഎംഡബ്ല്യുവിന്റെ CLAR പ്ലാറ്റ്ഫോമിന്റെ വളരെയധികം പരിഷ്‌ക്കരിച്ച പതിപ്പാണ് അടിവരയിടുന്നത്. മുന്‍ തലമുറ മോഡലില്‍ നിന്ന് വ്യത്യസ്തമായി, അധിക സ്ഥലത്തിനും സൗകര്യത്തിനുമായി ഇത് ലോംഗ് വീല്‍ബേസില്‍ മാത്രമേ ലഭ്യമാകൂ.

കാറിന് ബിഎംഡബ്ല്യുവിന്റെ ഇന്റഗ്രല്‍ ആക്റ്റീവ് സ്റ്റിയറിങ്ങിന്റെ ഏറ്റവും പുതിയ പതിപ്പും ലഭിക്കുന്നു. ഇത് പിന്‍ ചക്രങ്ങള്‍ക്ക് 3.5 ഡിഗ്രി വരെ സ്റ്റിയറിംഗ് ആംഗിള്‍ നല്‍കുന്നു. മെര്‍സിഡീസ് ബെന്‍സ് S-ക്ലാസ്, ലെക്സസ് LS500H, ഫെയ്സ്ലിഫ്റ്റഡ് ഔഡി A8 L എന്നിവയാണ് എതിരാളികള്‍.

1.95 കോടി രൂപ എക്‌സ്-ഷോറൂം വിലയിലാണ് ബിഎംഡബ്ല്യു പുതിയ i7 സെഡാന്‍ ഇന്ത്യയില്‍ അവതരിപ്പിച്ചത്. ഇത് അടിസ്ഥാനപരമായി പുതിയ 7 സീരീസിന്റെ ഓള്‍-ഇലക്ട്രിക് പതിപ്പാണ്. xഡ്രൈവ് 60 എന്ന ഒറ്റ വേരിയന്റിലാണ് ഇത് വാഗ്ദാനം ചെയ്യുന്നത്. ഇത് പൂര്‍ണ്ണമായും നിര്‍മ്മിച്ച് ഇറക്കുമതിയായാണ് ഇന്ത്യയില്‍ എത്തിക്കുന്നത്.

7 സീരീസിനെ അടിസ്ഥാനമാക്കി ഒരുക്കിയതിനാല്‍ ചുറ്റുമുള്ള നീല ആക്സന്റുകള്‍, പുതിയ അലോയ് വീലുകള്‍, ഫ്രണ്ട് ഗ്രില്ലിലെ 'i' ബാഡ്ജുകള്‍ എന്നിവയിലാണ് പ്രധാന വ്യത്യാസങ്ങള്‍ കാണാനാകുക. i7-ന് അതേ സ്പ്ലിറ്റ് ഹെഡ്ലാമ്പ് ഡിസൈനും ബിഎംഡബ്ല്യു iX-ലും 7 സീരീസിലും കാണുന്ന സമാനമായ ഡോര്‍ ഹാന്‍ഡിലുകളും നീളമുള്ള ക്ലീന്‍ വീല്‍ബേസ് ഡിസൈനും ഈ ഇലക്ട്രിക് കാറിനുണ്ട്. i7 ബാഡ്ജുകള്‍ ഒഴികെ ഇതിന്റെ പിന്‍ഭാഗം പോലും ബിഎംഡബ്ല്യു 7 സീരീസുമായി ഏതാണ്ട് സമാനമാണ്.

7 സീരീസിന്റെ അതേ ഇന്റീരിയര്‍ ഡിസൈനാണ് i7-നുള്ളത്. ഇന്‍ഫോടെയ്ന്‍മെന്റിനും ഇന്‍സ്ട്രുമെന്റ് ക്ലസ്റ്ററിനും വേണ്ടി കര്‍വ്ഡ് ഡിസ്പ്ലേയും, ആദ്യത്തേതിന് 14.9 ഇഞ്ച് യൂണിറ്റും രണ്ടാമത്തേതിന് 12.3 ഇഞ്ച് യൂണിറ്റും ലഭിക്കുന്നുവെന്ന് മാത്രം. ബിഎംഡബ്ല്യുവിന്റെ ഏറ്റവും പുതിയ iഡ്രൈവ് 8 ഓപ്പറേറ്റിംഗ് സിസ്റ്റം പ്രവര്‍ത്തിപ്പിക്കുന്നു.

കൂടാതെ, ആമസോണ്‍ ഫയര്‍ ടിവി വഴി വീഡിയോ സ്ട്രീമിംഗ് വാഗ്ദാനം ചെയ്യുന്നതിനായി റൂഫില്‍ ഘടിപ്പിച്ച് മടക്കുന്ന 31.3 ഇഞ്ച്, 8K 'സിനിമ' സ്‌ക്രീനും i7-ല്‍ അവതരിപ്പിക്കുന്നു. ഇന്‍ഫോടെയ്ന്‍മെന്റ് സിസ്റ്റം മാത്രമല്ല, ക്ലൈമറ്റ് കണ്‍ട്രോള്‍, സീറ്റുകള്‍ എന്നിവ നിയന്ത്രിക്കുന്ന 5.5 ഇഞ്ച് ടച്ച്സ്‌ക്രീന്‍ പിന്‍ ഡോറുകളില്‍ ഘടിപ്പിച്ചിരിക്കുന്നു.

i7 x ഡ്രൈവ് 60 വേരിയന്റ് അതിന്റെ ഓരോ ആക്‌സിലിലും ഘടിപ്പിച്ച രണ്ട് ഇലക്ട്രിക് മോട്ടോറുകളില്‍ നിന്ന് 544 bhp പവറും 745 Nm ടോര്‍ക്കും ഉത്പാദിപ്പിക്കുന്നു. WLTP സൈക്കിളില്‍ 591 മുതല്‍ 625 കിലോമീറ്റര്‍ വരെ റേഞ്ചുള്ള 101.7kWh ലിഥിയം-അയണ്‍ ബാറ്ററിയാണ് ഇത് പായ്ക്ക് ചെയ്യുന്നത്. i7 വെറും 4.7 സെക്കന്‍ഡ് സമയം കൊണ്ട് പൂജ്യത്തില്‍ നിന്ന് മണിക്കൂറില്‍ 100 കിലോമീറ്റര്‍ വേഗതയില്‍ എത്തുമെന്നാണ് ബിഎംഡബ്ല്യു അവകാശപ്പെടുന്നത്. മണിക്കൂറില്‍ 239 കിലോമീറ്റര്‍ ആണ് ടോപ് സ്പീഡ്.

i7 AC സിസ്റ്റത്തില്‍ 11 kW വരെയും DC സിസ്റ്റത്തില്‍ 195 kW വരെയും ചാര്‍ജ് ചെയ്യാം. രണ്ടാമത്തേതിന് 34 മിനിറ്റിനുള്ളില്‍ i7-ന്റെ ബാറ്ററികള്‍ 10 മുതല്‍ 80 ശതമാനം വരെ ചാര്‍ജ് ചെയ്യാന്‍ കഴിയും. മെര്‍സിഡീസ് ബെന്‍സ് EQS 580 ആണ് ബിഎംഡബ്ല്യു i7-ന്റെ നേരിട്ടുള്ള എതിരാളി. പോര്‍ഷെ ടെയ്കാന്‍, ഔഡി e-ട്രോണ്‍ GT എന്നിവയുമായും i7 മത്സരിക്കും.