700 കി.മീ റേഞ്ചുമായി ഇന്ത്യ പിടിക്കാന്‍ BYD Seal; ഓട്ടോ എക്‌സ്‌പോയില്‍ അരങ്ങേറും

വാഹനപ്രേമികള്‍ ആകാംക്ഷയോടെ കാത്തിരിക്കുന്ന ഓട്ടോ എക്‌സ്‌പോ 2023 ഇങ്ങ് അടുത്തെത്തിയിരിക്കുകയാണ്. ഇലക്ട്രിക് വാഹനം വാങ്ങാന്‍ താല്‍പര്യപ്പെടുന്നവര്‍ വളരെ ആവേശത്തോടെയാണ് രണ്ട് വര്‍ഷത്തിലൊരിക്കല്‍ നടക്കുന്ന ഓട്ടോ എക്‌സ്‌പോക്കായി കാത്തിരിക്കുന്നത്. ചൈനയില്‍ നിന്നുള്ള ഇലക്ട്രിക് വാഹന ബ്രാന്‍ഡായ BYD അല്ലെങ്കില്‍ ബില്‍ഡ് യുവര്‍ ഡ്രീംസ് ഇന്ത്യയില്‍ ആദ്യമായി ഓട്ടോ എക്സ്പോയില്‍ പുതിയ സീല്‍ സെഡാന്‍ പ്രദര്‍ശിപ്പിക്കും.

യൂറോപ്പ്, ചൈന തുടങ്ങിയ വിപണികളില്‍ ടെസ്‌ലയുടെ ജനപ്രിയ മോഡല്‍ 3-ന് എതിരെയുള്ള BYD യുടെ ആയുധമാണ് ഈ ബോണ്‍ ഇലക്ട്രിക് സെഡാന്‍. സീലിന് 4,800 എംഎം നീളവും 1875 എംഎം വീതിയും 1460 എംഎം ഉയരവും ഉണ്ട്. ഇത് മോഡല്‍ 3 നേക്കാള്‍ 106 എംഎം നീളവും 58 എംഎം ഇടുങ്ങിയതും 17 എംഎം ഉയരവുമുള്ളതാണ്. സീലിന് 2920 എംഎം വീല്‍ബേസാണുള്ളത്.

അതേസമയം ടെസ്ലയുടെ വീല്‍ബേസിന് 2875 എംഎം അളവ് വരുന്നു. ഇത് സീലിനേക്കാള്‍ 45 എംഎം കുറവാണ്.രൂപകല്‍പ്പനയുടെ കാര്യത്തില്‍ സീല്‍ 2021 മുതല്‍ ഓഷ്യന്‍ എക്‌സ് ആശയത്തില്‍ നിന്നുള്ള സൂചനകള്‍ അവകാശമാക്കുകയും BYD യുടെ 'ഓഷ്യന്‍ ഏസ്‌തെറ്റിക്‌സ്' ഡിസൈന്‍ ഭാഷ പിന്തുടരുകയും ചെയ്യുന്നു. ഡോള്‍ഫിന്‍ പോലെ BYD യുടെ ഇവി ശ്രേണിയിലെ ഓഷ്യന്‍-തീം നാമകരണവും ഇത് തുടരുന്നു.

കൂപ്പെ പോലെയുള്ള ഓള്‍-ഗ്ലാസ് റൂഫ്, ഫ്‌ലഷ്-ഫിറ്റിംഗ് ഡോര്‍ ഹാന്‍ഡിലുകള്‍, നാല് ബൂമറാംഗ് ആകൃതിയിലുള്ള എല്‍ഇഡി ഡേടൈം റണ്ണിംഗ് ലൈറ്റുകള്‍ (ഡിആര്‍എല്ലുകള്‍), സ്പ്ലിറ്റ് ഹെഡ്ലാമ്പ് ഡിസൈന്‍, പിന്‍ഭാഗത്ത് പൂര്‍ണ്ണ വീതിയുള്ള എല്‍ഇഡി ലൈറ്റ് ബാര്‍ തുടങ്ങിയ കാര്യങ്ങള്‍ സീലിന്റെ പ്രധാന സവിശേഷതകളില്‍ ഉള്‍പെടുന്നു. Atto 3, e6 എന്നിവ പോലെ, BYD സീലിനും സെന്റര്‍ കണ്‍സോളില്‍ കറങ്ങുന്ന 15.6 ഇഞ്ച് ഇന്‍ഫോടെയ്ന്‍മെന്റ് ഡിസ്പ്ലേ ലഭിക്കുന്നു. ഡ്രൈവര്‍ക്ക് 10.25 ഇഞ്ച് ഡിജിറ്റല്‍ ഇന്‍സ്ട്രുമെന്റ് ക്ലസ്റ്ററും ഹെഡ്-അപ്പ് ഡിസ്പ്ലേയും ലഭിക്കുന്നു.

ഫ്‌ലോട്ടിംഗ് ടച്ച്സ്‌ക്രീന്‍ സെന്‍ട്രല്‍ എസി വെന്റുകളാല്‍ ചുറ്റപ്പെട്ടിരിക്കുന്നു. അതിന് താഴെയുള്ള വിവിധ ഡ്രൈവ് മോഡുകള്‍ തിരഞ്ഞെടുക്കാന്‍ ഡ്രൈവ് സെലക്ടറും ഒരു സ്‌ക്രോള്‍ വീലും ഉണ്ട്. ഹീറ്റഡ് വിന്‍ഡ്സ്‌ക്രീന്‍, ഓഡിയോ സിസ്റ്റത്തിനായുള്ള വോളിയം കണ്‍ട്രോള്‍, കൂടാതെ രണ്ട് വയര്‍ലെസ് ചാര്‍ജിംഗ് പാഡുകള്‍ തുടങ്ങിയ ഫംഗ്ഷനുകള്‍ക്കായുള്ള ബേസിക് കണ്‍ട്രോളുകളും സെന്റര്‍ കണ്‍സോളില്‍ ഉണ്ട്. സീല്‍ BYD-യുടെ ബ്ലേഡ് ബാറ്ററി സാങ്കേതികവിദ്യ ഉപയോഗിക്കുന്നു. ഇത് ഇന്ത്യയിലെ മാരുതി സുസുക്കിയിലും ടൊയോട്ടയിലും വിദേശത്തെ കൂടുതല്‍ ഇവികളിലും കാണാനാകും.

BYD-യുടെ ഇ-പ്ലാറ്റ്‌ഫോം 3.0 അടിസ്ഥാനമാക്കിയുള്ളതാണ് സീല്‍. 61.4kWh, 82.5kWh രണ്ട് ബാറ്ററി പായ്ക്കുകളിലാണ് സീല്‍ വരുന്നത്. ചൈന ലൈറ്റ്-ഡ്യൂട്ടി വെഹിക്കിള്‍ ടെസ്റ്റ് സൈക്കിളില്‍ (CLTC-സൈക്കിളില്‍) ആദ്യത്തേതിന് 550 കിലോമീറ്റര്‍ റേഞ്ചുണ്ട്. രണ്ടാമത്തേതിന് 700 കിലോമീറ്റര്‍ റേഞ്ചാണ് വാഗ്ദാനം. ചെറിയ ബാറ്ററിക്ക് 110kW വരെ ചാര്‍ജ് ചെയ്യാന്‍ കഴിയും. രണ്ടാമത്തേതിന് 150kW വരെ വേഗത കൈവരിക്കാന്‍ കഴിയും. സിംഗിള്‍-മോട്ടോര്‍, ഡ്യുവല്‍-മോട്ടോര്‍ പവര്‍ട്രെയിനുകള്‍ തിരഞ്ഞെടുക്കാനുള്ള ഓപ്ഷനും സെഡാനില്‍ ലഭ്യമാണ്.

കൂടാതെ സിംഗിള്‍ മോട്ടോര്‍ രണ്ട് ബാറ്ററികളിലേക്കും ജോടിയാക്കാന്‍ കഴിയുമെങ്കിലും ഡബിള്‍ മോട്ടര്‍ വലിയ ബാറ്ററിയില്‍ മാത്രമേ ലഭിക്കൂ. റിയര്‍-വീല്‍ ഡ്രൈവ്, സിംഗിള്‍-മോട്ടോര്‍ സജ്ജീകരിച്ച സീല്‍ 204 bhp പവര്‍ ഉത്പാദിപ്പിക്കുന്നു. ചെറിയ ബാറ്ററി ഉപയോഗിച്ച് ഇത് 0-100 കിലോമീറ്റര്‍ വേഗത 5.7 സെക്കന്‍ഡില്‍ (ക്ലെയിം ചെയ്തിരിക്കുന്നു) കൈവരിക്കും. വലിയ ബാറ്ററിയുള്ള സജ്ജീകരണം 312 bhp പവര്‍ ഉത്പാദിപ്പിക്കുന്നു. കൂടാതെ 5.9 സെക്കന്‍ഡ് (ക്ലെയിം ചെയ്യപ്പെട്ടു) സമയം കൊണ്ട് പൂജ്യത്തില്‍ നിന്ന് മണിക്കൂറില്‍ 100 കിലോമീറ്റര്‍ വേഗത കൈവരിക്കാന്‍ കഴിയും.

ഡ്യുവല്‍-മോട്ടോര്‍ വേരിയന്റിന് ഓള്‍-വീല്‍ ഡ്രൈവ് സെറ്റ്-അപ്പ് ലഭിക്കുന്നു. അവിടെ മുന്‍വശത്ത് ഘടിപ്പിച്ച മോട്ടോര്‍ 218 bhp-യും പിന്നില്‍ 312 bhp-യും ഉത്പാദിപ്പിക്കുന്നു. സംയോജിതമായി, അവര്‍ 530 bhp പവര്‍ ഉല്‍പ്പാദിപ്പിക്കും. വെറും 3.8സെക്കന്റ് കൊണ്ട് പൂജ്യത്തില്‍ നിന്ന് 100 കിലോമീറ്റര്‍ വേഗതയല്‍ എത്തും. ഈ സജ്ജീകരണമുള്ള 82.5kWh ബാറ്ററിക്ക് 650 കിലോമീറ്റര്‍ (CLTC സൈക്കിള്‍) റേഞ്ച് വാഗ്ദാനം ചെയ്യുന്നു. സീലിന് പുറമേ, BYD ഇന്ത്യയില്‍ 33.99 ലക്ഷം രൂപ (എക്സ്-ഷോറൂം, ഇന്ത്യ) മുതല്‍ വിലയുള്ള അറ്റോ 3 ഓട്ടോ എക്‌സ്‌പോ 2023-ല്‍ പ്രദര്‍ശിപ്പിക്കും. ഒപ്പം തന്നെ 29.15 ലക്ഷം രൂപ (എക്സ്-ഷോറൂം, ഇന്ത്യ) മുതല്‍ വിലയുള്ള e6 എംപിവിയും ഓട്ടോ എക്‌സ്‌പോയില്‍ കാണാം.