ഇനി വരാനിരിക്കുന്നത് പ്രീ-ഓൺഡ് കാറുകളുടെ കാലമെന്ന് മെർസിഡീസ്

ആഡംബര കാർ നിർമ്മാതാക്കളായ മെർസിഡീസ് ബെൻസ് ഈ വർഷത്തെ മൊത്തം വിൽപ്പനയുടെ 20 ശതമാനവും പ്രീ-ഓൺഡ് കാർ വിഭാഗത്തിൽ നിന്ന് ലഭിക്കുമെന്നാണ് പ്രതീക്ഷിക്കുന്നത്. കഴിഞ്ഞ വർഷം 3000 പ്രീ-ഓൺഡ് കാറുകളാണ് കമ്പനി വിറ്റത്. പ്രീ ഓൺഡ് കാറുകൾക്ക് വലിയ രീതിയിൽ ഡിമാൻ്റ് വർധിച്ചുകൊണ്ടിരിക്കുകയാണ്. മൊത്തം കാർ വിൽപ്പനയുടെ 18 മുതൽ 20 ശതമാനം വരെയാണ് പ്രീ ഓൺഡ് കാറുകളുടെ വിൽപ്പന.

എല്ലാ ഡീലർമാരുടെ സ്ഥലങ്ങളിലും സ്ഥിതി ചെയ്യുന്നതും സജീവമായി വിൽക്കുകയും വ്യാപാരം നടത്തുകയും ചെയ്യുന്ന "Mercedes-Benz Certified" എന്ന പ്രീ-ഓൺഡ് കാർ ചാനലിലൂടെയാണ് മെർസിഡീസ് തങ്ങളുടെ യൂസ്ഡ് കാറുകൾ വിൽക്കുന്നത്. ഉപയോഗിച്ച കാർ ബിസിനസ്സ് 20 ശതമാനം വളർച്ചയോടെ സ്ഥിരമായ ട്രാക്ഷൻ നേടിക്കൊണ്ടിരിക്കുകയാണ്.

കാര്യങ്ങൾ ഇങ്ങനെയൊക്കെയാണെങ്കിലും വാഹനങ്ങളുടെ ലഭ്യത കാരണം മൊത്തം വിൽപ്പനയിൽ ഉപയോഗിച്ച കാറുകളുടെ വിഹിതം 20 ശതമാനത്തിനപ്പുറം വർധിക്കുന്നതും വളരെ വെല്ലുവിളി നിറഞ്ഞതാണ്. പുത്തൻ കാറുകൾക്ക് വേണ്ടി 4 മുതൽ 6 മാസം വരെ കാത്തിരിക്കുമ്പോൾ യൂസ്ഡ് കാറുകൾക്ക് അത്രയും കാത്തിരിപ്പ് കാലാവധിയില്ല എന്നത് ഒരു പ്ലസ് പോയിൻ്റാണ്.

പക്ഷേ അത് പുതിയ വാഹനങ്ങൾ വിൽക്കുമ്പോൾ വലിയ വെല്ലുവിളിയാണ് നേരിടുന്നത്. അത് മാത്രമല്ല പ്രീ-ഓൺഡ് കാറുകൾ വാങ്ങുമ്പോൾ ശ്രദ്ധിക്കേമ്ട ഒരുപാട് കാര്യങ്ങളുണ്ട്. ചതിവ് പറ്റാതെ സൂക്ഷിക്കുക. പുതിയ ഒന്നിനെ കൂടെക്കൂട്ടുന്നതുപോലെയല്ല സെക്കൻഡ് ഹാൻഡ് മോഡലുകളുടേത്. ഇതൊരൽപം റിസ്ക്ക് പിടിച്ച തീരുമാനമാണ്.

നോക്കിയും കണ്ടുമെല്ലാം വാങ്ങിയില്ലെങ്കിൽ പണിവരുന്ന വഴിയറിയില്ല. വലിയ അപകടങ്ങളിലെല്ലാം പെട്ടവണ്ടികളെല്ലാം പണിതെടുത്ത് ഉയർന്ന വിലക്ക് വിൽക്കുന്നതു പോലെയെല്ലാമുള്ള തട്ടിപ്പുകൾ യൂസ്‌ഡ് കാർ വിപണിയിലെ സ്ഥിരം കാഴ്ച്ചകളാണ്. ഈ തട്ടിപ്പിനെ മറികടക്കാനായി കാറിന്റെ ആക്‌സിഡന്റ് ഹിസ്റ്ററി പരിശോധിക്കുന്നതാണ് ഇത്തരം സംഗതികളെ മറികടക്കാനുള്ള ഏറ്റവും നല്ല മാർഗം. പക്ഷേ ഇതിലും വലിയ തട്ടിപ്പുകൾ ഇന്ന് നടക്കുന്നുണ്ടെന്ന കാര്യം വിസ്‌മരിക്കുന്നില്ല.

പക്ഷേ ഒരുപരിധി വരെ അപടകം പറ്റിയ കാറുകളെ തിരിച്ചറിയാൻ ആക്‌സിഡന്റ് ഹിസ്റ്ററി പല ഘട്ടങ്ങളിലും ഏറെ സഹായിക്കാറുണ്ട്. യൂസ്ഡ് വാഹനം വാങ്ങുന്നതിനു മുന്നോടിയായി ഇക്കാര്യം പരിശോധിക്കാൻ എന്തെല്ലാം ചെയ്യേണമെന്ന് പറഞ്ഞുതരാം. അതിനു മുമ്പ് ആക്സിഡന്റ് കാറുകൾ എന്നതുകൊണ്ട് ഉദ്ദേശിക്കുന്നത് എന്തെന്ന് കൃത്യമായി ഒന്നു വിശദീകരിക്കാം. ചെറിയ തട്ടലും മുട്ടലുമൊന്നുമില്ലാതെ വണ്ടി കൊണ്ടുനടക്കുക എന്നത് വളരെ ബുദ്ധിമുട്ടുള്ള കാര്യമാണ്. ആയതിനാൽ ഇത്തരം വാഹനങ്ങളെയല്ല പൊതുവേ ആക്‌സിഡന്റ് കാറുകൾ എന്ന് വിശേഷിപ്പിക്കുന്നത്.

ഒന്നോ അതിലധികമോ അപകടങ്ങളിൽ ഏർപ്പെട്ടിരിക്കുന്ന ഏതൊരു വാഹനത്തെയും അതിന്റെ മൊത്തത്തിലുള്ള ഘടനയിലോ ഫ്രെയിമിലോ എന്തെങ്കിലും കേടുപാടുകൾ സംഭവിക്കാൻ കാരണമാവും. ഇത്തരം മോഡലുകളെയാണ് ആക്‌സിഡന്റൽ വാഹനം എന്ന് വിളിക്കാവുന്നവ. കാറിന് ഇൻഷുറൻസുണ്ടെങ്കിൽ ക്ലെയിം ചെയ്‌ത് നന്നാക്കുകയാണ് ഏവരുടേയും പതിവ്. ഈ സാഹചര്യങ്ങളിലെല്ലാം, ഇൻഷുറൻസ് കമ്പനി നാശനഷ്ടം വിലയിരുത്തുന്നു. ശരിയായ പരിശോധനയ്ക്ക് ശേഷം വാഹനം റിപ്പയർ ചെയ്യാനാവുമോ അല്ലെങ്കിൽ ടൊട്ടൽ ലോസാണോ എന്ന കാര്യവും ഇതിൽ പരിശോധിക്കും.

അറ്റകുറ്റപ്പണിയുടെ ചെലവ് വാഹനത്തിന്റെ മൂല്യത്തേക്കാൾ കൂടുതലാണെങ്കിലാണ് അത് ടൊട്ടൽ ലോസായി വിലയിരുത്തുന്നത്. അത്തരം സന്ദർഭങ്ങളിൽ, ഇൻഷുറൻസ് കമ്പനി വാഹനത്തിന്റെ ന്യായമായ മാർക്കറ്റ് മൂല്യം ഉടമയ്ക്ക് നൽകുകയും വണ്ടി കൈവശപ്പെടുത്തുകയും ചെയ്യും. തുടർന്ന് ഇത്തരം കാറുകൾ സ്ക്രാപ്‌യാർഡുകൾക്ക് വിൽക്കുകയും ചെയ്യും. തുടർന്ന് കാർ പുതുക്കിപ്പണിയണോ അതോ പണത്തിനായി സ്ക്രാപ്പ് കച്ചവടം ചെയ്യണോ എന്ന് സ്ക്രാപ്‌യാർഡാണ് തീരുമാനിക്കുന്നത്.